📢 MMO Dune Awakening атрымала ґеймплейны трэйлер

У трэйлеры пад назовам Survive Arrakis паказалі ґеймплэй гульні й розныя элемэнты накшталт транспартных сродкаў, будаўніцтва й, вядомых пяшчаных чарвякоў.

У Dune: Awakening гульцоў чакае сапраўднае выжываньне з пошукам вады, крафтам, бітвамі й палітычнымі інтрыгамі.
Што да навыкаў героя, то першапачаткова іх будзе вызначаць адзін абраны настаўнік. Па меры праходжаньня гульцы змогуць знаходзіць іншых настаўнікаў, выконваць для іх заданьні й навучацца новым уменьням.

Dune: Awakening ствараецца для PC, Xbox Series і PS5. Дату выхаду пакуль не называлі.

​​📰 Аўтары эмулятара Yuzu выплацяць Nintendo больш за 2 мільёны даляраў

На мінулым тыдні Nintendo падала пазоў супраць стваральнікаў Yuzu, эмулятара Switch, аднак канфлікт атрымалася ўрэгуляваць дастаткова хутка й без суда. Каманда Tropic Haze прызнала правасьць Nintendo of America і пагадзілася выплаціць грашовую кампэнсацыю ў памеры 2 мільёны 400 тысяч даляраў. Гэта сума названа па выніках аналізу магчымых судовых расходаў, ганарараў адвакатаў і верагоднай суме кампэнсацыі пасьля судовага разбору.

Апроч грашовага штрафу, стваральнікі эмулятара павінны будуць спыніць распрацоўку Yuzu, зачыніць прысьвечаны эмулятару сайт і ўсе злучаныя зь ім інтэрнэт-сэрвісы. Ім забаронена любое распаўсюджваньне Yuzu, у тым ліку ў выглядзе зборкі ці зыходнага кода.

Nintendo заўсёды была вядомая сваім заўзятым стаўленьнем да сваёй інтэлектуальнай уласнасьці (і не любоўю да фанацкай творчасьці), аднак у дадзеным выпадкі прычыны крыюцца ня толькі ў гэтым. Yuzu была адной з галоўных праґрам, якая дазваляе запускаць пірацкія гульні для Switch (у прыватнасьці, эмулятар выкарыстоўвалі падчас уцечкі The Legend of Zelda: Tears of the Kingdom).

📰 Цяпер у Steam можна хаваць свае пакупкі ад староньніх вачэй

Valve абвясьціла, што абнаўленьне з абʼяднаным кошыкам і прыватнымі пакупкамі выйшла з бэты і стала даступна для ўсіх карыстальнікаў Steam!

Абнаўленьне прынесла наступныя навіны:

🔹Абʼяднаныя падарункі, якія можна набываць для сяброў у адной замове. Да таго ж паведамленьні цяпер можна прымацоўваць да пакупак больш зручным спосабам.
🔹Агульны кошык для ўсіх прылад — тавары ў ім будуць сынхранізаваныя на розных пляцоўках (уключаючы мабільнае прыкладаньне й Steam Deck).
🔹Прыватныя пакупкі, якія можна вылучыць з дапамогай спэцыяльнай пазнакі яшчэ да непасрэднага набыцьця тавару (перад афармленьнем замовы).
🔹Прыватныя гульні, якія можна схаваць ад іншых карыстальнікаў і сяброў. Акрамя таго, функцыя дазваляе схаваць інфармацыю аб асобных гульнях.

📰 Warner Bros засяродзіцца на гульнях-сэрвісах

Кіраўнік гульнявога аддзела Warner Bros Discovery Джэй Бі Пэррэт расказаў аб будучай стратэгіі кампаніі.

Паводле яго заявы, правал Suicide Squad: Kill The Justice League і адначасовы посьпех Hogwarts Legacy прымусіў кіраўніцтва задумацца аб зьмене вэктара разьвіцьця. Па словах Пэрретта, падобны посьпех (як у Hogwarts Legacy) ніколі не ґарантаваны на «нестабільным» рынку й каб зьнізіць рызыкі, выдавецтва плянуе засяродзіцца на асноўных франшызах і вывесьці хаця б некаторыя зь іх на рынак мабільных і ўмоўна-бясплатных гульняў. Гэтак жа кампанія працягне інвэставаць у гульні з жывым сэрвісам, якія прыносяць даход на працягу доўгага пэрыяду часу.

У гэтым годзе Warner Bros зьбіраецца выпусьціць некалькі новых мабільных гульняў. Па словах Пэрретта, кампанія займае ўнікальнае становішча, паколькі валодае папулярнымі брэндамі, у прыватнасьці, Mortal Kombat, Game of Thrones, Harry Potter і DC.

📰 Epic Games аніхто ня ўзломваў

Нядаўняя навіна аб узломе й уцечцы дадзеных Epic Games атрымала нечаканае працяг, як аказалася хакеры ўсіх проста падманулі.

Раней групоўка Mogilevich паведаміла аб узломе, падчас якога нібыта ўдалося скрасьці каля 189 ГБ дадзеных з важнай інфармацыяй аб супрацоўніках і таму падобнымі дэталямі.

Зламысьнікі прызначылі Epic Games тэрмін да 4 сакавіка, каб тыя выкупілі зьніклыя дадзеныя — пры гэтым ніякіх доказаў хакеры не падалі. Сама Epic у мінулым таксама адзначала, што ніякіх доказаў узлому выяўлена не было.

Як аказалася, гэта было ня выпадкова — 4 сакавіка група хакераў прызналася, што іх патрабаваньне было падманам.
Яны проста хацелі паспрабаваць "разьвесьці на грошы" сапраўдных хакераў, якія маглі паверыць, што Mogilevich распрацавала інструмэнты для ўзлому фірмаў ўзроўню Epic Games.

📢 Frostpunk 2 атрымала новы трэйлер і дату рэлізу на PC

Дзеяньне гульні адбываецца праз 30 гадоў пасьля апакаліптычнай завеі, якая закранула сьвет Frostpunk. Зямля ўсё яшчэ пакутуе ад бясконцых маразоў і суровага ледзянога клімату. Вам трэба будзе згуляць за лідэра мегаполіса, якому патрэбныя рэсурсы, а ўнутраныя канфлікты становяцца часткай непазьбежнай рэальнасьці. Вас чакаюць рашэньні аб будучыні вашага Горада, а гэтак жа іх наступствы.

Рэліз на PC адбудзецца 25 ліпеня.

📢 11 bit studios (стваральнікі This War of Mine) прадставілі ґеймплэй The Alters

Ян Дольскі (галоўны гэрой), просты працоўны, зьдзейсьніў аварыйную пасадку на далёкай плянэце, дзе ён вымушаны змагацца за сваё жыцьцё ў поўнай адзіноце. Гэрой выкарыстоўвае Рапідыюм, каб ствараць альтэрнатыўныя вэрсіі самога сябе, якія будуць шукаць розныя шляхі для ўцёкаў.

Рэліз адбудзецца сёлета на PC, PlayStation 5 і Xbox Series.

🎁 Цяпер у Epic Games Store можна бясплатна забраць: Astro Duel 2

Astro Duel 2 — гэта фантастычны экшэн, які спалучае касмічныя баі з выглядам зверху і платформенныя секцыі. Гуляйце разам з сябрамі або супраць іх — і змагайцеся адначасова ў космасе і на зямлі!
Распрацоўнік — Wild Rooster (ЗША).

❗️Забраць гульню можна да 14 сакавіка.

📢 Сэрыял Fallout атрымаў доўгачаканы трэйлер

Amazon апублікаваў доўгачаканы трэйлер сэрыяла Fallout. Ролік доўжыцца крыху больш за тры хвіліны й дэманструе ключавых пэрсанажаў, а таксама прапрацаваны антураж постапакаліптычнага сьвету.

Нагадаем, што галоўныя ролі выканалі Эла Пэрнэл («Шэршні»), Аарон Мотэн («Аднойчы ноччу») і Ўолтан Гогінс («Агідная васьмёрка»).
Што да сюжэту, то гісторыя зьяўляецца кананічным для гульнявога сусьвету Fallout — пра гэта расказваў асабіста Тод Говард з Bethesda (праўда фанаты ўжо пасьпелі выявіць нестыкоўкі з часам дзеяньня шоў).

Прэмʼера сэрыяла Fallout адбудзецца 11 красавіка толькі на Amazon Prime Video.

⚡️ The Long Dark атрымала неафіцыйны беларускі пераклад

Дастаткова знакамітая гульня пра выжываньне ў суровых зімовых умовах атрымала неафіцыйны беларускі пераклад!
Усталяваць яго можна прама з майстэрні Steam!

Згодна з заявай перакладчыкаў на дадзены момант пераведзены ўвесь кантэнт да якога магчыма атрымаць доступ (гульня ўсё яшчэ ў распрацоўцы й некаторыя элемэнты схаваныя ад рэдагаваньня), па меры разьвіцьця гульні (паўнавартасная распрацоўка якой неўзабаве павінна завершыцца) аўтары абяцаюць дапрацоўваць і пераклад!

Аб усіх памылках можна паведамляць на старонку перакладу ў Х ці на пошту longdarkbel@gmail.com.

📢 Victoria 3 атрымае новае дапаўненьне Sphere of Influence

Paradox прадставілі новае DLC для стратэгіі Victoria 3, яно атрымала назоў Sphere of Influence ("Сфэры ўплыву") і стане даступна 6 траўня.

Галоўныя асаблівасьці дапаўненьня:

🔹Упор на канкурэнцыю паміж краінамі з дапамогай дыпляматычных магчымасьцяў (пагадненьняў, гандлю й іншае);
🔹Настройка й стварэньне блока дзяржаў — іх прынцыпаў, ідэнтычнасьці й ідэалёгіі (накшталт Камінтэрна або Ґерманскага мытнага саюза). Можна будзе наладзіць колеры й эмблемы блока;
🔹"Вялікая гульня" — новыя падзеі й рашэньні, якія натхнёныя рэальным гістарычным кантэкстам мінулага. Можна гуляць за любую дзяржаву, якая стала важнай у гэтым канфлікце — уключаючы Персію й Аўганістан. Акрамя таго, аўтары перарабілі мапу, каб падкрэсьліць канкурэнцыю на межах дзяржаў;
(заўв. Вялікая гульня — ґеапалітычнае суперніцтва паміж Брытанскай і Расейскай імпэрыямі за панаваньне ў Цэнтральнай Азіі ў XIX — пачатку XX стагодзьдзя)
🔹Замежныя інвэстыцыі — можна атрымліваць прыбытак ад краін, якія знаходзяцца за межамі прамога ўплыву гульца;
🔹Нацыяналізацыя — дазваляе захапіць замежныя актывы ў краіне й утрымаць багацьці на сваёй тэрыторыі;
🔹Узаемадзеяньне субʼектаў — магчымасьць рэгуляваць выплаты сатэлітаў з пратэктаратамі й умешвацца ў іх унутраную палітыку;
🔹Лабіраваньне групавых інтарэсаў — канцэпцыя паўплывае на адносіны паміж краінамі (прыязныя або варожыя);
🔹Манумэнты блокаў дзяржаў — магчымасьць будаваць манумэнты на сусьветнай арэне;
🔹Новы гістарычны калярыт — адзеньне, ґрафічны кантэнт падзеяў і іншае.

Акрамя таго, для гульні ўжо выйшаў сьвежы бясплатны набор кантэнту пад назовам Trains Bonus Content Pack — ён уключае дзесяць новых мадэляў цягнікоў.

📰 Wizards of the Coast заявілі аб жаданні працягваць супрацоўніцтва з Larian

Старэйшы віцэ-прэзыдэнт Hasbro (якая валодае правамі на DnD), заявіў, што ў кампаніі вельмі жадаюць працягнуць супрацоўніцтва з Larian, якая стварыла Baldurʼs Gate III. Вядома, усё гэта дзякуючы фінансавым посьпехам праекта.

Па заяве прадстаўніка кампаніі, у дадзены мэнт у распрацоўцы знаходзіцца каля 40 гульняў, якія выкарыстоўваюць у сваёй аснове сусьвет ад Wizards of the Coast. Прычым, гэта як праекты ўнутраных студыяў, так і гульні, якія ствараюцца партнэрамі, сярод якіх уладальнікі франшызы зноў жадаюць убачыць Larian.

Што да самой Larian, то распрацоўнікі паабяцалі "пашырыць межы" у сваёй наступнай гульні, але падрабязнасьці аб ёй невядомыя. А пакуль у студыі працягваюць актыўна абнаўляць Baldurʼs Gate 3.