📰 Інсайдэр расказаў аб скасаванай гульні пра мандалорца

Том Хендэрсан раскрыў некаторыя падрабязнасьці скасаванай гульні пра мандалорца ад студыі Respawn (стваральнікі Star Wars Jedi).

Аб гульні вядома наступнае:

▫️гулец браў на сябе ролю мандалорца й адпраўляўся ў падарожжа як паляўнічы за галовамі (герой гульні не зьяўляецца героем аднайменнага сэрыяла);
▫️гульня пачыналася ў "логаве", своеасаблівым хабе, дзе можна было паляпшаць зброю, і браць новыя заданьні;
▫️у гульні не было адкрытага сьвету, але было некалькі буйных вобласьцяў, даступных для дасьледаваньня;
▫️бітвы апісваюцца як "вельмі дынамічныя" дзякуючы рэактыўнаму ранцу, які дазваляў зьдзяйсьняць вэртыкальныя рыўкі й паскарацца пры гарызантальным руху. Акрамя таго, згадваюцца прыёмы для расправы з супернікамі ў духу Doom (але не такія крывавыя);
▫️гульня была далёкая ад рэлізу, але ў руках стваральнікаў былi пэўныя напрацоўкі, узроўні й заданьні.

📢 Winter Survival атрымала новы ґеймплэйны трэйлер

Акунуцца ў неверагодны досьвед зімовага выжываньня й праверце, ці зможаце пратрымацца дастаткова доўга, каб прыбыла дапамога!

Распрацоўнікі заяўляюць, што гульцам трэба будзе праверыць свае навыкі й кемлівасьць у барацьбе за выжываньне ў зімовым асяродзьдзі. Пачатковец-турыст адправіўся ў даліну, але ўсё пайшло ня па пляне!

Па заяве стваральнікаў, акрамя крафту й будаўніцтва, іх гульня можа пахваліцца ўнікальнай сыстэмай розуму.

Гульня выйдзе ў раньні доступ 6 сакавіка (ране плянаваўся рэліз на 28 лютага).
У Steam даступная дэма-вэрсія праекту.

📢 Да саракагодзьдзя фільма "Тэрмінатар" Nacon прадставіла гульню Terminator Survivors

Гуляйце за выжыўшага й дасьледуйце адкрыты сьвет, які застаўся пасьля Суднага дня, у адзіночку ці зь сябрамі. Зьбірайце рэсурсы, каб пабудаваць базу для чалавецтва. Але памятайце: вы тут не адны. За вамі палююць машыны Skynet і варожыя фракцыі!

Гульня выйдзе ў раньні доступ Steam 24 кастрычніка (у дзень выхаду першага фільма). Пазьней павінны адбыцца рэлізы на PlayStation 5 і Xbox Series.

📢 Greedfall 2 выйдзе ў раньні доступ гэтым летам

Зноў акуніцеся ва ўнікальны свет GreedFall ў яшчэ больш глыбокай ролевай гульні. Пакінуўшы востраў, на якім вы нарадзіліся, здабудзеце волю, даследуйце стары кантынент і стварыце свой лёс пасродкам саюзаў, інтрыг і бітваў!

Распрацоўнікі са студыі Spiders дадаткова расказалі, што Greedfall 2 The Dying World будзе апавядаць пра падзеі, якія разгортваліся за тры гады да дзеяньня першай часткі, а галоўным героем стане ўраджэнец выспы Цір-Фрады, якога сілком прывезьлі на кантынэнт Гакан, дзе лютуе чума й вайна!

📢 Распрацоўнікі SlavicPunk анансавалі апакаліптычны баявік Sancticide

Паспрабуйце сябе ў ролі Езекііля, мытніка на службе Горы, які бадзяецца сярод руін нашага сьвету ў Судныя дні. Настаў час самага сапраўднага Апакаліпсісу і яго мэта — выкараніць грэх на славу Творцы. Даведайцеся, ці здольны чалавек вынесьці такі лёс!

Паводле словаў распрацоўшчыкаў, у гульні будзе ўнікальная асаблівасьць у выглядзе кашруту (сыстэма рытуальных правілаў, якія вызначаюць адпаведнасьць чаго-небудзь патрабаваньням Галахі — габрэйскага закона) — гульцам трэба будзе ўлічваць адабрэньне нябёсаў пры выбары амуніцыі, узаемаадносінах зь іншымі пэрсанажамі й нават пры наведваньні пэўных месцаў.

Sancticide выйдзе на РС, дакладнай даты няма, але, верагодна, гэта будзе 2025 год.

📢 Адбыўся рэліз ролевай гульні The Thaumaturge

The Thaumaturge — гэта сюжэтная ролевая гульня з маральна неадназначнымі выбарамі, дзеяньне якой адбываецца ў культурна разнастайным сьвеце Варшавы пачатку 20-га стагодзьдзя, сьвеце, напоўненым таямнічымі сіламі й дзіўнымі этэрнымі істотамі, якія называюцца салютарамі.

Крытыкі ацанілі гульню дастаткова стрымана ( 75 балаў на Metacritic).
Гульню хваляць за разнастайныя цікавыя й незвычайныя мэханікі, якія, на жаль, у большасьці сваёй дастаткова сырыя. Захапляльны сюжэт псуюць драўляныя пэрсанажы, якія не выклікаюць да сябе асаблівых сымпатыяў, а вось да баявой сыстэмы прэтэнзіяў у журналістаў няма.

Кошт гульні — $18.99.

📢 Для Crusader Kings 3 выйшла дапаўненьне Legends of the Dead

Што толку ў вялікіх зьдзяйсьненьнях і гераічных учынках, калі ніхто ня стане сьпяваць пра іх? Каралеўская кроў патрэбна толькі для таго, каб забясьпечыць легітымнасьць тым, хто прыйдзе пасьля вас. Жывіце ў памяці падданых і супернікаў у Legends of the Dead, ключавым DLC для Crusader Kings III!

У Legends of the Dead гульцы могуць разьвіваць рэпутацыю з дапамогай рэальных подзьвігаў ці выдуманай прапаганды, услаўляючы дынастыю й падвышаючы сваю легітымнасьць у вачах падданых.
Гэтак жа гэта DLC дадае эпідэміі й пахавальныя цырымоніі!

Кошт DLC — $13.49.

📢 MMO Dune Awakening атрымала ґеймплейны трэйлер

У трэйлеры пад назовам Survive Arrakis паказалі ґеймплэй гульні й розныя элемэнты накшталт транспартных сродкаў, будаўніцтва й, вядомых пяшчаных чарвякоў.

У Dune: Awakening гульцоў чакае сапраўднае выжываньне з пошукам вады, крафтам, бітвамі й палітычнымі інтрыгамі.
Што да навыкаў героя, то першапачаткова іх будзе вызначаць адзін абраны настаўнік. Па меры праходжаньня гульцы змогуць знаходзіць іншых настаўнікаў, выконваць для іх заданьні й навучацца новым уменьням.

Dune: Awakening ствараецца для PC, Xbox Series і PS5. Дату выхаду пакуль не называлі.

​​📰 Аўтары эмулятара Yuzu выплацяць Nintendo больш за 2 мільёны даляраў

На мінулым тыдні Nintendo падала пазоў супраць стваральнікаў Yuzu, эмулятара Switch, аднак канфлікт атрымалася ўрэгуляваць дастаткова хутка й без суда. Каманда Tropic Haze прызнала правасьць Nintendo of America і пагадзілася выплаціць грашовую кампэнсацыю ў памеры 2 мільёны 400 тысяч даляраў. Гэта сума названа па выніках аналізу магчымых судовых расходаў, ганарараў адвакатаў і верагоднай суме кампэнсацыі пасьля судовага разбору.

Апроч грашовага штрафу, стваральнікі эмулятара павінны будуць спыніць распрацоўку Yuzu, зачыніць прысьвечаны эмулятару сайт і ўсе злучаныя зь ім інтэрнэт-сэрвісы. Ім забаронена любое распаўсюджваньне Yuzu, у тым ліку ў выглядзе зборкі ці зыходнага кода.

Nintendo заўсёды была вядомая сваім заўзятым стаўленьнем да сваёй інтэлектуальнай уласнасьці (і не любоўю да фанацкай творчасьці), аднак у дадзеным выпадкі прычыны крыюцца ня толькі ў гэтым. Yuzu была адной з галоўных праґрам, якая дазваляе запускаць пірацкія гульні для Switch (у прыватнасьці, эмулятар выкарыстоўвалі падчас уцечкі The Legend of Zelda: Tears of the Kingdom).

📰 Цяпер у Steam можна хаваць свае пакупкі ад староньніх вачэй

Valve абвясьціла, што абнаўленьне з абʼяднаным кошыкам і прыватнымі пакупкамі выйшла з бэты і стала даступна для ўсіх карыстальнікаў Steam!

Абнаўленьне прынесла наступныя навіны:

🔹Абʼяднаныя падарункі, якія можна набываць для сяброў у адной замове. Да таго ж паведамленьні цяпер можна прымацоўваць да пакупак больш зручным спосабам.
🔹Агульны кошык для ўсіх прылад — тавары ў ім будуць сынхранізаваныя на розных пляцоўках (уключаючы мабільнае прыкладаньне й Steam Deck).
🔹Прыватныя пакупкі, якія можна вылучыць з дапамогай спэцыяльнай пазнакі яшчэ да непасрэднага набыцьця тавару (перад афармленьнем замовы).
🔹Прыватныя гульні, якія можна схаваць ад іншых карыстальнікаў і сяброў. Акрамя таго, функцыя дазваляе схаваць інфармацыю аб асобных гульнях.

📰 Warner Bros засяродзіцца на гульнях-сэрвісах

Кіраўнік гульнявога аддзела Warner Bros Discovery Джэй Бі Пэррэт расказаў аб будучай стратэгіі кампаніі.

Паводле яго заявы, правал Suicide Squad: Kill The Justice League і адначасовы посьпех Hogwarts Legacy прымусіў кіраўніцтва задумацца аб зьмене вэктара разьвіцьця. Па словах Пэрретта, падобны посьпех (як у Hogwarts Legacy) ніколі не ґарантаваны на «нестабільным» рынку й каб зьнізіць рызыкі, выдавецтва плянуе засяродзіцца на асноўных франшызах і вывесьці хаця б некаторыя зь іх на рынак мабільных і ўмоўна-бясплатных гульняў. Гэтак жа кампанія працягне інвэставаць у гульні з жывым сэрвісам, якія прыносяць даход на працягу доўгага пэрыяду часу.

У гэтым годзе Warner Bros зьбіраецца выпусьціць некалькі новых мабільных гульняў. Па словах Пэрретта, кампанія займае ўнікальнае становішча, паколькі валодае папулярнымі брэндамі, у прыватнасьці, Mortal Kombat, Game of Thrones, Harry Potter і DC.

📰 Epic Games аніхто ня ўзломваў

Нядаўняя навіна аб узломе й уцечцы дадзеных Epic Games атрымала нечаканае працяг, як аказалася хакеры ўсіх проста падманулі.

Раней групоўка Mogilevich паведаміла аб узломе, падчас якога нібыта ўдалося скрасьці каля 189 ГБ дадзеных з важнай інфармацыяй аб супрацоўніках і таму падобнымі дэталямі.

Зламысьнікі прызначылі Epic Games тэрмін да 4 сакавіка, каб тыя выкупілі зьніклыя дадзеныя — пры гэтым ніякіх доказаў хакеры не падалі. Сама Epic у мінулым таксама адзначала, што ніякіх доказаў узлому выяўлена не было.

Як аказалася, гэта было ня выпадкова — 4 сакавіка група хакераў прызналася, што іх патрабаваньне было падманам.
Яны проста хацелі паспрабаваць "разьвесьці на грошы" сапраўдных хакераў, якія маглі паверыць, што Mogilevich распрацавала інструмэнты для ўзлому фірмаў ўзроўню Epic Games.

📢 Frostpunk 2 атрымала новы трэйлер і дату рэлізу на PC

Дзеяньне гульні адбываецца праз 30 гадоў пасьля апакаліптычнай завеі, якая закранула сьвет Frostpunk. Зямля ўсё яшчэ пакутуе ад бясконцых маразоў і суровага ледзянога клімату. Вам трэба будзе згуляць за лідэра мегаполіса, якому патрэбныя рэсурсы, а ўнутраныя канфлікты становяцца часткай непазьбежнай рэальнасьці. Вас чакаюць рашэньні аб будучыні вашага Горада, а гэтак жа іх наступствы.

Рэліз на PC адбудзецца 25 ліпеня.

📢 11 bit studios (стваральнікі This War of Mine) прадставілі ґеймплэй The Alters

Ян Дольскі (галоўны гэрой), просты працоўны, зьдзейсьніў аварыйную пасадку на далёкай плянэце, дзе ён вымушаны змагацца за сваё жыцьцё ў поўнай адзіноце. Гэрой выкарыстоўвае Рапідыюм, каб ствараць альтэрнатыўныя вэрсіі самога сябе, якія будуць шукаць розныя шляхі для ўцёкаў.

Рэліз адбудзецца сёлета на PC, PlayStation 5 і Xbox Series.

🎁 Цяпер у Epic Games Store можна бясплатна забраць: Astro Duel 2

Astro Duel 2 — гэта фантастычны экшэн, які спалучае касмічныя баі з выглядам зверху і платформенныя секцыі. Гуляйце разам з сябрамі або супраць іх — і змагайцеся адначасова ў космасе і на зямлі!
Распрацоўнік — Wild Rooster (ЗША).

❗️Забраць гульню можна да 14 сакавіка.