📰 Starbreeze паспрабуе ўваскрэсіць правальную Payday 3

Starbreeze зноў прызнала, што бягучы стан Payday 3 іх засмучае, але кідаць гульню ніхто не зьбіраецца. Студыя вывучала водгукі аўдыторыі па ўсім інтэрнэце й гатова падзяліцца плянамі на будучыню.

Даводзіць крымінальны шутэр да розуму будзе каманда дасьведчаных разпрацоўнікаў з розных аддзелаў Starbreeze. Цяпер яны працуюць над канкрэтным плянам дзеяньняў, які дапаможа Payday 3 у доўгатэрміновай пэрспэктыве. Падрабязнасьцямі абавязкова падзеляцца ў лютым.
У Starbreeze таксама падкрэсьлілі, што не жадаюць проста дадаваць у гульню любыя магчымыя паляпшэньні. Каманда старанна вывучае ўсе варыянты й выбірае па-сапраўднаму годнае.

Payday 3 даступная на PC, PlayStation 5 і Xbox Series зь верасьня 2023 году.
Праз праблемы на рэлізе шутэр паказаў нізкія фінансавыя вынікі. Пікавы онлайн у Steam за апошнія суткі не дасягнуў і тысячы чалавек. Цяпер у яе гуляе каля 300 чалавек.

​​📰 СМІ: студыя стваральнікаў арыгінальнай Gothic больш не існуе

Выданьне GameStar падзялілася інфармацыяй, паводле якой студыя Piranha Bytes (стваральнікі Gothic і Elex) зараз існуе толькі юрыдычна.

Крыніца выданьня паведамляе, што Embracer Group (якая валодае студыяй) спрабавала прадаць кампанію, аднак пакупнік так і не знайшоўся, што ў выніку прывяло да "ціхага" зачыненьні студыі ў рамках рэструктурызацыі самой Embracer.
Працэс звальненьняў нібыта пачалі яшчэ ў мінулым сьнежні, калі студыя перастала "выходзіць на сувязь". Пры гэтым скарачэньні супрацоўнікаў усё яшчэ працягваюцца.

Усе крыніцы сыходзяцца ў адным — Piranha Bytes працягвае сваё існаваньне толькі фармальна, а праца над новай гульнёй спынілася (гэта быў трыквел Elex).

СМІ мяркуюць, што Embracer ня стала афіцыйна абʼяўляць аб закрыцьці студыі, каб працягваць карыстацца яе брэндам (ці прадаць яго ў будучыні з правамі на франшызы). Рашэньне можа быць зьвязанна й з тым, што ў Нямеччыне (дзе разьмяшчаецца студыя) сам працэс звальненьня праходзіць складаней, чым у іншых краінах.

Што ж тычыцца Gothic Remake, то дадзеныя падзеі не павінны ніяк на ім адбіцца, бо Piranha Bytes ня мае да яго ніякага дачыненьня.

📢 Blizzard выпусьціла ролік Diablo 4 прысьвечаны «Сэзону Канструкта»

Blizzard апублікавала сьвежы ролік Diablo IV, прысьвечаны будучаму трэцяму сэзону пад назовам "Сэзон Канструкта" (які стартуе 23 студзеня).

У відэа распрацоўнікі нагадалі пра галоўныя будучыя новаўвядзеньні, сярод якіх асобна вылучаюцца:

▫️робат-кампаньён сенешаль, якога можна ўзмацняць з дапамогай камянёў кантролю й адладкі;
▫️новы тып падзямельляў-сховішчаў, у якіх шмат небясьпечных пастак і ня менш небясьпечных канструктаў, узмоцненых рознымі стыхіямі;
▫️пастаянны пякельны націск;
▫️дадатковыя ґеймплейныя паляпшэньні накшталт камфортнага перасоўваньня з дапамогай клявіш W, A, S, D, яшчэ адной укладкі схованкі, удасканаленага працэсу пераразьмеркаваньня ачкоў уменьняў і гэтак далей.

📢 EA абвясьцілі аб абмежаваным запуску Plants vs. Zombies 3: Welcome to Zomburbia

EA і PopCap Games абвясьцілі аб абмежаваным запуску Plants vs. Zombies 3: Welcome to Zomburbia. У дадзены момант гэта ўмоўна-бясплатная мабільная гульня, якая даступна жыхарам Вялікабрытаніі, Нідэрляндаў, Аўстраліі, Ірляндыі й Філіпін.

У гонар анонсу распрацоўшчыкі апублікавалі ґеймплэйны трэйлер.
Асобна ЕА адзначае, што Plants vs. Zombies 3 будзе сюжэтнай эпізадычнай гульнёй.

Паўнавартасны запуск чакаецца да канца 2024-га.
Упершыню пра існаваньне праекта стала вядома яшчэ ў 2021-м, з тых часоў гульня знаходзілася на этапе тэставаньня.

🎁 Цяпер у Epic Games Store можна бясплатна забраць: LOVE

LOVE — гэта спрошчаны плятформер з рэтра-эстэтыкай і ўпорам на складанасьць! Ён мае ўласную сыстэму адраджэньня, 16 узроўняў, саўндтрэк з 12 трэкаў, спаборніцкі падлік ачкоў і простую ў выкарыстаньні функцыю стварэньня новых узроўняў.
Распрацоўшчык — Fred Wood (ЗША).

❗️Забраць гульню можна да 25 студзеня.

📰 Усё што паказалі на Developer Direct 2024

Сёньня ўначы завяршыўся паказ Developer Direct 2024, на якім паказалі ня шмат праектаў, але ўсе яны вельмі цікавыя.

Сярод іх:

Avowed — новая экшэн RPG ад Obsidian, у сьвеце Pillars of Eternity;
Senuaʼs Saga: Hellblade II – працяг інавацыйнай й захапляльнай прыгоды ў сьвеце вікінгаў;
Indiana Jones and the Great Circle — першая за многія гады гульня пра Індыяну, створаная MachineGames і Bethesda (роля знакамітага прафэсара, дарэчы, дасталася Трою Бэйкеру, які выканаў ролю Джоэла ў гульнях The Last of Us).

Пра гэта й ня толькі чытайце ў нашым невялікім артыкуле!

📢 Распрацоўнікі The Elder Scrolls Online анансавалі новы разьдзел — Gold Road

Забытая ўладарка даэдра вяртаецца, несучы хаос у Заходні вельд! Дасьледуйце новую вобласьць і абароніце Скінград ад даэдрапаклоньнікаў і джунгляў Валенвуда. Выкарыстоўвайце новую сыстэму чарапісу, каб гнутка наладжваць свае навыкі.

У склад новага разьдзела ўваходзіць:

🔸новая вобласьць Заходні вельд — рэгіён Імпэрыі, знаёмы фанатам яшчэ з The Elder Scrolls 4: Oblivion. Гульцы змогуць абараніць калавіянскую сталіцу Скінград, дасьледаваць Расьсьветны лес, а таксама вывучыць айлейдзкія руіны й скалы Калавіянскага нагорʼя;
🔸унікальная сыстэма чарапіс — зь яе дапамогай можна ствараць уласны стыль гульні, зьбіраючы асаблівыя навыкі й зьмяняючы іх эфэкты на свой ґуст;
🔸"Прамяністая крэпасьць" — новае выпрабаваньне для 12 гульцоў;
🔸яшчэ больш небясьпечных падзеяў, бітваў з босамі, лякацый для дасьледаваньня, унікальных узнагарод і шмат іншага.

Рэліз адбудзецца ўлетку — 3 чэрвеня на PC і 18 чэрвеня на кансолях PlayStation і Xbox.

🎁 Цяпер Sega бясплатна раздае Endless Legend

Endless Legend — гэта пакрокавая фэнтэзійная стратэгічная гульня ад стваральнікаў Endless Space і Dungeon of the Endless. Кантралюйце кожны аспэкт сваёй цывілізацыі, спрабуючы выратаваць свой родны сьвет — Аўрыгу. Стварыце сваю ўласную леґенду!
Распрацоўшчык — Amplitude Studios (Францыя).

❗️Каб атрымаць гульню неабходна зарэгістравацца на сайце Amplifiers і прывязаць да акканта свой профіль Steam. Пасьля гэтага гульню можна забіраць адсюль, разам зь іншымі бонусамі: коміксамі, наборамі шпалер, аватаркамі й іншымі лічбавымі прызамі, якія прымеркаваны да 13-годзьдзя студыі Amplitude.

​​📰 Larian ня будзе дадаваць свае гульні ў падпісачныя сэрвісы

Свэн Вінке, кіраўнік студыі Larian пракамэнтаваў словы кіраўніка Ubisoft аб тым, што карыстальнікам варта прывыкаць да падпісак.

Свэн лічыць, што якой бы ні была будучыня распаўсюджваньня відэагульняў, ключавым аспэктам застанецца якасны кантэнт. А ў падпісках атрымліваць яго стане больш складана, бо вырашаць, якія гульні трапяць у падборку, будзе абмежаванае кола людзей.

Кіраўнік Larian назваў падпісачную мадэль практыкаваньнем па аналізе выдаткаў і патэнцыйнай выгады. Пры гэтым праекты энтузіястаў, якія падаюць надзеі, будуць праходзіць міма ўвагі дырэктараў карпарацыяў.
Вінке прызнае, што для некаторых распрацоўшчыкаў падпіскі сталі шанцам стварыць сваю гульню. Аднак у Свэна з гэтым няма праблем, таму ён жадае пераканацца, што прэміяльная мадэль распаўсюджваньня, калі пакупнік набывае гульню ў сваё карыстаньне, нікуды не сыдзе.

Па гэтай прычыне карыстачам не варта чакаць зьяўленьні гульняў студыі ў падпісачных сэрвісах, бо тыя хто яе набываюць у калекцыю, плацяць справядлівую цану й Larian такі варыянт цалкам задавальняе.

📰 Take-Two і Remedy Entertainment урэгулявалі свой канфлікт

Як аказалася, усё гэта было «простай фармальнасьцю».
Па словах прадстаўніка Remedy, канфліт сапраўды быў, аднак распрацоўшчыкі мірна вырашылі яго яшчэ ў канцы мінулага году. Зьмяняць свой лягатып кампанія не зьбіраецца й пры гэтым працягвае супрацу з Take-Two.

Свой новы лягатып Remedy прадставіла яшчэ ў красавіку 2023 году.
Ва ўрэгуляваным судовым пазове гаварылася, што выява можа ўвесьці гульцоў у зман — нібы літара «R» занадта нагадвае лягатып Rockstar.

📰 Масавыя звальненьні ў гульнявой індустрыі працягваюцца й у 2024 годзе

Па дадзеных Kotaku, масавыя звальненьні ў гульнявой індустрыі працягваюцца й у 2024 годзе — партал падлічыў, што за студзень працу страціла звыш 3000 супрацоўнікаў розных кампаніяў.

Так за гэты месяц стала вядома што: у Unity працу страцяць каля 1800 чалавек;
Twitch абʼявіў аб скарачэньні 500 сваіх работнікаў;
Behaviour Interactive звольніла 45 чалавек;
Выдавец мабільных гульняў Playtika звольніў прыкладна 400 чалавек;
Discord страціць каля 170 чалавек;
Lost Boys Interactive пазбавілася 125 супрацоўнікаў;

Таксама, сярод кампаніяў, якіх закранулі звальненьні, яшчэ згадваюць Netspeak Games (25 чалавек), Wimo Games (35 чалавек), Bossa Studios (19 чалавек), Thunderful Group (100 чалавек) і шэраг іншых фірмаў, і верагодна, гэта шчэ не канец.

📰 Кейсы ў Counter-Strike прынесьлі Valve амаль мільярд даляраў за 2023 год

Паводле дадзеных партала CS 2 Case Tracker, за 2023 год Valve зарабіла на продажах кейсаў у Counter-Strike: Global Offensive і Counter-Strike 2 980 млн. даляраў.

Як многія ведаюць, кейсы ўтрымліваюць розныя нутрагульнявыя прадметы накшталт скіноў і таму падобнага. Пры гэтым у агульнай складанасьці за год карыстальнікі «адкрылі» звыш 400 млн. кейсаў — у працэсе для гэтага было выкарыстана амаль 360 млн. ключоў.

Асобна ў справаздачы партала згадваецца рост коштаў на кейсы, які склаў уражлівыя 178%. Больш за ўсё кошт вырас на кейсы Danger Zone, гаворка ідзе аб росьце ў 492%.

📰 Аўтары Prison Architect 2 растлумачылі пераход да 3D

Нядаўна студыя Double11 і Paradox Interactive анансавалі працяг знакамітага сімулятара турмы, які ўжо зь першых кадраў паказаў сваё радыкальнае адрозьненьне ад арыґінала, як інімум гэта пераход да 3D.

Дырэктар гульні Гарэт Райт растлумачыў, што пераход да 3D адкрывае дадатковыя магчымасьці гульнявога працэсу. Гэта перш за ўсё шматпавярховасьць, дзякуючы якой гульцы змогуць ствараць турмы, падобныя на Алькатрас. Распрацоўнікі абяцаюць раскрыць сапраўдны патэнцыял гульні праз будаўніцтва, аўтаматызацыю й лагістыку.

Не абышлося й без пэўных абмежаваньняў, бо пераход у трохмерную прастору запатрабаваў істотных зьмен маштабу. Насельніцтва турмаў стане меншым, а іх памеры павялічацца ў параўнаньні зь першай гульнёй.

Асобна распрацоўшчыкі запэўнілі, што прыклалі ўсе намаганьні да таго, каб захаваць арыґінальны стыль папулярнай гульні. Бо дзякуючы ўмоўным і карыкатурным фігуркам гульцы лёгка ўспрымаюць тэму, якая насамрэч даволі цяжкая й нават трагічная.

📰 Piranha Bytes пацьвердзілі сваё цяжкае становішча

Распрацоўнікі аргнальнай Gothic, ELEX і Risen пацьвердзілі, што студыя сапраўды знаходзіцца ў цяжкім становішчы.

Piranha Bytes на дадзены момант рэальна знаходзіцца на мяжы закрыцьця, аднак "сьпісваць з рахункаў" яе яшчэ рана, распрацоўнікі робяць усё магчымае, каб захаваць студыю. Piranha Bytes перакананыя, што змогуць выправіць сытуацыю, тым больш, што недахопу новых ідэяў у іх няма.

Распрацоўнікі паабяцалі, што як толькі ў іх будуць навіны, яны абавязкова падзеляцца імі з фанатамі.

📰 Аўтарам хітовага Palworld пагражаюць фізычнай расправай фанаты пакемонаў

Выжывалка Palworld выклікала шмат шуму й ужо прадалася тыражом звыш пяці мільёнаў копіяў, абагнаўшы ў сьвежым чарце Steam нават Dota 2. Гэтаму шмат у чым паспрыяла падабенства мясцовых істот з пакемонамі. Аднак як аказалася, такое падабенства можа быць ня толькі на карысьць.

Як расказаў мэнэджар па працы з супольнасьцю студыі Pocketpair, ён "ліхаманкава" праглядае кожны ліст, які прыходзіць на электронную пошту. Аднак у апошні час ён адмовіўся ад гэтай задумы, бо ў адрас распрацоўшчыкаў (асабліва мастакоў) пачалі прыходзіць пагрозы расправай ад незадаволеных фанатаў пакемонаў.

На аналягічныя пагрозы паскардзіўся й кіраўнік Pocketpair, які папрасіў фанатаў супакоіцца й перастаць тэрарызаваць супрацоўнікаў студыі. Ён заявіў, што кампанія прайшла юрыдычныя праверкі якія не выявілі дастатковага для судовага пазоваў падабенства гульні з франшызай Pokemon.