​​📰 Сцэнарыст Dragon Age паразважаў аб праблемах сучаснага «злога» ГГ

Дэвід Ґейдэр, былы вядучы сцэнарыст серыі Dragon Age, вырашыў паразважаць на тэму праблематычнага стварэньня злога галоўнага гэроя ў ролевых гульнях.

Звычайна злая лінія мае на ўвазе атрыманьне ўлады, маніпуляваньне іншымі людзьмі й падобныя мэты, але ў кароткатэрміновай пэрспэктыве дзеяньні гульцоў могуць быць неадрозныя ад "добрага" шляху.
Па ідэі, сцэнарыст абавязаны даць знак ґеймеру, што пэўнае дзеяньне «падрыхтуе глебу» для далейшай выгады злога пэрсанажа, аднак такі варыянт аказаўся занадта «недарэчным». Таму імгненныя злыя рашэньні маюць на ўвазе толькі хлусьню, вымагальніцтва, штуршок шчанюка й падобнае.

Ґейдэр лічыць, што большасьць гульцоў выбірае шлях дабра, бо ня бачыць карысьці ў альтэрнатыўным праходжаньні й баіцца страціць частку кантэнту (што як правіла й адбываецца). Распрацоўнік лічыць, што зладзейскі шлях патрабуе значна больш абдумваньня з боку сцэнарыстаў і такі шлях не павінен упірацца ў садызм і распусту, што ў сваю чаргу робіць працу шчэ складаней.

❓ А што вы думаеце? Ці цікавая вам гуляць за злога пэрсанажа?

❄️🎁 Цяпер у Epic Games Store, можна бясплатна забраць: Cursed to Golf

Cursed to Golf — гэта гульня ў гольф з прыгодніцкім сюжэтам. Вам трэба будзе выбрацца з Гальфачысьцішча й стаць Леґендай гольфа. Шалёныя перашкоды, тагасьветныя ўзмацняльнікі й маса прычын гуляць зноў і зноў.
Распрацоўшчык — Chuhai Labs (Японія).

❗️Забраць гульню можна да 19:00 па Менску.

​​📰 Ґеймдырэктар Dragonʼs Dogma 2 папрасіў прабачэньня ў фанатаў серыі

Ґеймдырэктар Dragonʼs Dogma 2 Хідэакі Іцуна з Capcom, папрасіў прабачэньня ва ўсіх фанатаў франшызы за тое, што сіквел прымусіў сябе так доўга чакаць. Ён падзякаваў аўдыторыі за падтрымку й дадаў, што менавіта дзякуючы ёй праект у выніку змог зьявіцца на сьвет!

Распрацоўнік заявіў, што другая частка абапіраецца на галоўныя элемэнты сваёй папярэдніцы, але пры гэтым зможа падарыць ґеймерам больш ґрандыёзную прыгоду ў сьвеце, які ў два разы большы за арыґінал.
Дарэчы, гэта й стала адной з галоўных прычын такога працяглага тэрміну распрацоўкі.

Іцуно прызнаўся, што займацца мазґавым штурмам часам даводзілася да позьняй ночы, але менавіта ў гэты час у галовы распрацоўшчыкам прыходзілі самыя цікавыя ідэі, якія яны рэалізавалі ў гульні, у як мага большай колькасьці, адкінуўшы ў бок пытаньне «А ці можам мы сапраўды дадаць у гульню нешта настолькі дурное?».

Рэліз Dragonʼs Dogma 2 адбудзецца 22 сакавіка 2024 году на PC, PS5 і Xbox Series.

​​📰 Японскія распрацоўнікі раскрылі некаторыя пляны на 2024 год

Японскі гульнявы партал 4gamer.net апублікаваў інтэрвію зь японскімі распрацоўнікамі, якія падзяліліся сваімі плянамі на будучы 2024 год.

Коратка аб галоўным:

▫️Idea Factory у 2024 годзе афіцыйна пачне распрацоўку новай нумарной гульні серыі Neptunia;
▫️SNK абяцае больш навін па ўжо анансаванай Fatal Fury: City of the Wolves. У распрацоўцы таксама знаходзіцца неанансаваны ААА-праект;
▫️Atlus працуе над неанансаваным праектам;
▫️Grasshopper Manufacture працуе над рэмайстрам Shadows of the Damned і новым неанансаваным праектам;
▫️Koei Tecmo Games плянуе некалькі анонсаў, у тым ліку па серыі Dynasty Warriors;
▫️GPTRACK50 (якую заснаваў прадусар Resident Evil 4 і Devil May Cry 4 Хіроюкі Кобаясі) працуе над новай RPG;
▫️Square Enix абяцае хуткія анонсы ад стваральніка серыі Nier;
▫️Too Kyo Games абяцае анансаваць "варʼяцкую гульню, якая ўвойдзе ў гісторыю";
▫️Dragami Games рыхтуе рэліз Lollipop Chainsaw RePOP і распрацоўвае новую гульню за межамі серыі (але пакажуць яе хутчэй за ўсё ў 2025 годзе);
▫️Nihon Falcom адсьвяткуе 20-годзьдзе серыі Trails і рыхтуецца выпусьціць новую Kai no Kiseki;
▫️Bandai Namco працуе над Sand Land і новым праектам, які не зьвязаны з франшызай Tekken;
▫️Bokeh Game Studio працягвае распрацоўку Slitterhead.

❄️🎁 Цяпер у Epic Games Store, можна бясплатна забраць: Cat Quest

Cat Quest — замурррчальная RPG, чыё дзеяньне адбываецца ў сьвеце, населеным коцікамі! Адпраўляйцеся ў прррыгоду па Фелінгардзе, каб знайсьці выкрадзеную сястру. Дасьледуйце вялізны сьвет, поўны прррыгод і заводзьце новых сяброў!
Распрацоўшчык — The Gentlebros (Сінгапур).

❗️Забраць гульню можна да 19:00 па Менску.
❕Магчыма зараз у краме адбылася нейкая хіба, бо гульня даступна на тэрыторыі Беларусі, але забраць яе бясплатна нельга.

​​📰 Super Mario Odyssey здольная дапамагчы лячыць дэпрэсію

Да такой высновы прыйшлі нямецкія дасьледнікі, якія раскрылі карысьць гульні ў лячэньні дэпрэсіі.

Прыгода пра Марыё ў рамках дадзенага дасьледаваньня аказалася больш эфэктыўна ў зьніжэньні сымптомаў дэпрэсіі, чым спэцыяльная кампутарная праґрама CogPack або традыцыйныя (мэдыкамэнтозныя) мэтады лячэньня.

У дасьледаваньні ўдзельнічала 46 чалавек з сымптомамі дэпрэсіі, якіх падзялілі па трох групах — адны гулялі ў Super Mario Odyssey, другія выкарыстоўвалі CogPack, а трэція зьвярнуліся да дапамогі мэдыкамэнтаў

Дасьледаваньне займала шэсьць тыдняў, а ў яго пачатку й фінале ўдзельнікі прайшлі адпаведнае апытаньне. Высьветлілася, што ў групе, якая гуляла ў Odyssey, нэґатыўныя тэндэнцыі дэпрэсіі зьнізіліся амаль удвая (што асабліва вылучыла такі падыход да лячэньня на фоне двух іншых, дзе вынікі куды менш уражлівыя)!
Дадаткова, дасьледчыкі адзначылі, што Odyssey аказалася здольна павышаць матывацыю карыстальнікаў!

У выніку аўтары прыйшлі да таго, што мэтад «лячэньня» падобнымі гульнямі (не толькі пра Марыё) можа быць эфэктыўным і даступным для пацыентаў, і яго можна ўжываць разам з традыцыйнай псыхатэрапіяй.

​​📰 Бобі Коцік афіцыйна пакінуў Activision Blizzard

Скандальна вядомы кіраўнік Activision Blizzard Бобі Коцік афіцыйна пакінуў сваю пасаду.

За Коцікам доўгія гады цягнулася не самая пахвальная рэпутацыя, у выніку чаго, шматлікія ґеймеры сустрэлі дадзеную навіну з радасьцю, не забыўшыся ўзгадаць кіраўніку кіраўніку ягоныя грахі.

Так да прыкладу карыстальнікі ўспомнілі замоўчваньне шматлікіх праблем Blizzard, празьмерную пагоню за прыбыткам (у шкоду якасьці), стварэньне канкурэнтнай (таксічнай) атмасфэры ў калектыве, супрацьстаяньне з прафзьвязамі, страту кітайскага рынка (што часткова можа апынуцца праўдай, бо кампанія здолела ізноў наладзіць адносіны з партнэрамі, з Паднябеснай, менавіта пасьля весткі аб сыходзе Бобі Коціка) і многае іншае.
Хтосьці з былых супрацоўнікаў кампаніі нават ўспомніў пагрозы фізычнай расправы з боку Коціка ў адрас свайго калеґі.

Зрэшты, нягледзячы на свой сыход, наўрад ці Коцік будзе бедаваць пасьля страты пасады ў Activision Blizzard (дзе ён прапрацаваў больш за 30 гадоў), яго «выходная дапамога» ацэньваецца ў 400 млн. даляраў!

❄️🎁 Цяпер у Epic Games Store можна бясплатна забраць: Saints Row (2022)

Saints Row (2022) — сардэчна запрашаем у Санта-Ілеса, выдуманы ажыўлены горад на паўднёвым захадзе Амэрыкі. У сьвеце, дзе пануе беззаконьне й банды змагаюцца за ўладу, юныя сябры становяцца злачынцамі, каб стварыць сваю будучыню!
Распрацоўшчык — Volition (ЗША).

❗️Забраць гульню можна да 19:00 па Менску.
‼️Недаступнa на тэрыторыі Беларусі.

​​🎄 Вітаю спадарства! 🎄
Вось і падыходзіць да свайго лягічнага завяршэньня чарговы год, у сувязі з чым мы зноў падводзім яго вынікі!

Сёлета канал амаль дабраўся да адзнакі ў 1 000 чалавек (крыху не хапіла, але не бяда), а мая графаманія насачыняла ўжо больш за 2 500 навін, якія вы па-ранейшаму чытаеце, адпраўляеце сваім сябрам (і нават суполкам) і камэнтуеце, за што я вам неверагодна ўдзячны!

Асобна дзякую ўсім, хто адпраўляў нашаму боту цікавыя навіны, а гэтак жа адэкватна ўказваў на памылкі (ну куды бязь іх), дзякую сваім мадэратарам у Discord за іх пільнасьць і ўдзел у жыцьці супольнасьці, сваім рэдактарам (нават тым, хто не ведае, што яго ўжо запісаў у свой працоўны калектыў 😅), якія хай і не часта, але пішуць цікавыя допісы, падкідаюць новыя ідэі й заўсёды гатовы прыйсьці на дапамогу ў складаных сытуацыях!

Для мяне гэты год быў адным з найскладанейшых і найзмрачнейшых у жыцьці, і хай не заўсёды хапала часу, але прыходзіць сюды, пісаць допісы ды артыкулы, чыць вашыя камэнтары й чуць словы падтрымкі было той аддушынай, якая дапамагала мне трымацца!

Дзякуй вам усім за гэта! ❤️
Жадаю каб гэты Новы год, стаў для нас усіх па-сапраўднаму й па добраму незабыўным і шчасьлівым!

Да сустрэчы ў 2024-м!

❄️🎁 Цяпер у Epic Games Store можна бясплатна забраць: Ghostrunner

Ghostrunner — кіберпанк-слэшер, які сабраў 81 бал на Metacritic.
Падзеі гульні адбываюцца вакол футурыстычнай канструкцыі — вежы Дхарма, апошняе сховішча людзей пасьля сусьветнай катастрофы.
Вам трэба будзе расьсякаць ворагаў монамалекулярнай катанай, ухіляцца ад куль і шмат паркурыць!

Распрацоўшчык — One More Level (Польшча).

❗️Забраць гульню можна да 19:00 па Менску.

❄️🎁 Цяпер у Epic Games Store можна бясплатна забраць: Escape Academy

Escape Academy — сардэчна запрашаем у Акадэмію ўцёкаў! Рыхтуйцеся стаць лепшым майстрам па ўцёках з пакояў. Вырашайце галаваломкі. Узломвайце сэрвэры. Пазнаёмцеся з факультэтам. Прыгатуйце ідэальны кубак гарбаты!
Распрацоўшчык — Coin Crew Games (ЗША).

❗️Забраць гульню можна да 19:00 па Менску.

📢 Анансавана прыгожая гульня пра старажытны Кітай — The Busting World

Незалежныя распрацоўшчыкі з FireWo Games паказалі The Busting World — ролевую гульню зь вялікім сьветам. Гэта будзе й стратэгія, і горадабудаўнічы сімулятар, і цікавая прыгода.
Ґеймерам абяцаюць поўную свабоду дзеяньняў, кіраваньне горадам і нават краінай!

У Старажытным Кітаі можна жыць мірным жыцьцём: працаваць, займацца бізнэсам, заводзіць сямʼю й будаваць карʼеру. Або гуляць у азартныя гульні, рабаваць, забіваць і ствараць банды.

На дадзены момант гульня знаходзіцца на раньняй стадыі распрацоўкі, на якую не хапае 80 тысяч даляраў (стваральнікі запусьцілі кампанію па збору сродкаў на Кickstarter).

❄️🎁 Цяпер у Epic Games Store можна бясплатна забраць: 20 Minutes Till Dawn

20 Minutes Till Dawn — адстрэльвайся ад натоўпу Лаўкраўтаўскіх монстраў. Разблакуйце новых пэрсанажаў з унікальнымі здольнасьцямі, новую зброю, каб зрабіць свайго ўнікальнага ваяра, які зможа перажыць гэтую ноч!
Распрацоўшчык — Flanne (ЗША).

❗️Забраць гульню можна да 19:00 па Менску.

P.S.
Допісы ў звыклай колькасьці пачнуць выходзіць на наступным тыдні!

❄️🎁 Цяпер у Epic Games Store можна бясплатна забраць: A Plague Tale Innocence

A Plague Tale Innocence — адпраўляйцеся ў падарожжа разам з Аміцыяй і яе малодшым братам Гуга. Перасьледуемыя Інквізіцыяй і ордамі пацукоў, дзеці спрабуюць знайсьці сваё месца ў жорсткім сьвеце сярэднявечнай Францыі!
Распрацоўшчык — Asobo Studio (Францыя).

❗️Забраць гульню можна да 19:00 па Менску.

🎁 Цяпер у Epic Games Store можна бясплатна забраць: Marvel's Guardians of the Galaxy

Marvel's Guardians of the Galaxy — адпраўляйцеся баразьніць космас разам з Вартавымі Галяктыкі Marvel! У гэтым прыгодніцкім баявіку вы возьміце на сябе ролю Зорнага Лорда — узначаліце мудраґелістую каманду, ад якой залежыць лёс Галяктыкі! Вы справіцеся. Напэўна.
Распрацоўшчык — Eidos-Montréal (Канада).

❗️Забраць гульню можна да 11 студзеня.
‼️Недаступнa на тэрыторыі Беларусі.

📢 У гэтым годзе выйдуць рэмэйкі Metal Gear Solid 3 і Silent Hill 2

Sony нагадала пра новыя праекты на PS5, рэліз якіх заплянаваны на 2024-ы. Сярод іх асобна можна вылучыць: Metal Gear Solid Delta — рэмейк арыґінальнай гісторыі Соліда, дзе гульцам абяцаюць «найлепшую ґрафіку й гук».
Выйдзе гульня акрамя PlayStation 5 на Windows і Xbox Series X.

Рэмэйк Silent Hill 2, пра які вядома менш, аднак ґеймерам таксама абяцаюць захапляльныя прыгоды ў знаёмым сэтынгу.
Гульня будзе часовым эксклюзівам для PlayStation 5.

Акрамя Metal Gear і Silent Hill, Sony гэтак жа прыгатавала іншыя цікавыя рэлізы (напрыклад Dragon's Dogma 2, Tekken 8 і інш.) пра якія можна даведацца з дадзенага трэйлера (або застаючыся падпісантам нашага каналу)!

📢 Dragonʼs Dogma 2 атрымала ґеймплейны ролік

Выданьне IGN падзялілася сьвежым ґеймплэйным ролікам Dragonʼs Dogma 2. У ім на працягу 18 хвілін паказваюць гульнявы працэс за розныя клясы: баец, злодзей, воін і цудадзей.

Кожны гульнявы кляс унікальны й валодае ўласным баявым стылем (які аднак, прадказальны). Так да прыкладу Цудадзей спадзяецца на загаворы й магутны посах, але імкнецца не ўступаць у блізкі бой. Баец жа падбіраецца да ворагаў і атакуе мячом, абараняючыся шчытом і г.д.

Акрамя гэтага, у гульні надалі шмат увагі ўзаемадзеяньню з асяродзьдзем, да прыкладу бочкай з выбухоўкай можна зладзіць прарыў загароды адкуль пацячэ вада й змые перашкоды на шляху гэроя.

Рэліз Dragon’s Dogma 2 адбудзецца 22 сакавіка на PC, PlayStation 5 і Xbox Series.

📢 Netflix паказаў першыя кадры другога сэзона мультсэрыяла «Аркейн»

Netflix апублікаваў першы тызер-трэйлер будучага другога сэзона мультсэрыяла "Аркейн". У ім паказаны альхімік Сінджэд, стваральнік таямнічага наркотыку Мігаценьне, які заняты пераліваньнем крыві паміж сабой і велізарным монстрам!

Нагадаем, што прэмʼера першага сэзона «Аркейна» (заснаванага на сусьвеце League of Legends) аказалася сапраўдным посьпехам, мультсэрыял узначаліў топ-10 англамоўных шоў Netflix у 87 краінах. Ён заваяваў прэмію "Эмі" і цэлы шэраг іншых узнагарод!

​​📰 Больш за 13 тысяч гульняў атрымалі падтрымку Steam Deck

Сайт SteamDB заявіў, што на дадзены момант Steam Deck падтрымлівае практычна 14 000 гульняў (поўная падтрымка ёсьць у 4355, яшчэ для 13 106 можа спатрэбіцца дадатковая настройка).

У рэальнасьці колькасьць падтрымліваемых Steam Deck гульняў можа быць значна большым, бо адпаведная адзнака зьяўляецца ў краме толькі пасьля таго, як гульню пратэстуюць супрацоўнікі Valve.

Не падтрымліваецца Steam Deck у цяперашні час 3720 гульняў, у асноўным з-за выкарыстаньні анты-чыт праґрамнага забесьпячэньня й функцыяў, зь якімі не працуе Steam Play Proton (якая неабходная для запуску гульняў на Linux).