📢 Сярод магчымых канкурэнтаў The Sims папаўненьне — inZOI

Кампанія Krafton (вядомая па PUBG: Battlegrounds) анансавала сваю новую гульню inZOI — новы рэалістычны сіммулятар жыцьця.

Гульцам прапануюць прымераць на сябе любыя ролі й жыць у віртуальным сучасным сьвеце. Можна будзе наведваць розныя ўстановы, працаваць, абедаць у кавярнях і займацца іншымі паўсядзённымі рэчамі. У хаце можна гатаваць, граць на музычных інструмэнтах і мець зносіны зь іншымі жыхарамі віртуальнага сьвету.

Таксама гульцоў чакае прапрацаваны рэдактар пэрсанажаў з дэталёвай настройкай: ад узросту да мускулатуры й макіяжу. Сваё жыльлё праектуецца ў прапрацаваным рэдактары, дзе можна зьмяняць амаль кожны элемэнт.

Распрацоўка inZOI вядзецца каля году, але плятформы не раскрываюцца. Мяркуючы па фінансавых справаздачах, рэліз можа адбыцца ў 2024 годзе.

Вялікі ролік з ґеймплэем можна паглядзець тут.

📰 Сямнаццацігадовая стратэгія Star Wars Empire at War атрымала сьвежы патч

Студыя Petroglyph абʼявіла аб выхадзе сьвежага патча да фантастычнай стратэгіі ў рэальным часе Star Wars: Empire at War, рэліз якой адбыўся ў далёкім 2006-м!

Самай важнай зьменай стане пераход з 32-бітнай у 64-бітную сыстэму, гэта ўхіляе памылкі, зьвязаныя зь недахопам памяці й збоямі. Акрамя гэтага, распрацоўшчыкі ліквідавалі праблемы з рассынхранізацыяй мультыплэера й дадалі шматлікія праўкі гульнявога працэсу, у тым ліку скарэктавалі няправільныя паводзіны юнітаў.

📢 Аўтары Totally Accurate Battle Simulator анансавалі ранэр Haste Broken Worlds

Швэдзкая студыя Landfall Games, вядомая па пацешным сімулятары Totally Accurate Battle, анансавала свой новы праект — ранэр Haste: Broken Worlds:

Бяжыце хутка, скачыце ў паветра й удасканальвайце свае прызямленьні, спрабуючы зноў і зноў прабіцца празь бясконцую колькасьць сусьветаў, якія развальваюцца ззаду вас!

Дата рэлізу гульні не называецца.

📰 Наступная гульня Call of Duty можа насіць назоў Black Ops Gulf War

Партал Windows Central, спасылаючыся на свае крыніцы, апублікаваў сьвежы матэрыял аб новай частцы Call of Duty (рэліз якой заплянаваны на 2024 год), згоднае яму, новая гульня франшызы будзе насіць назоў Black Ops: Gulf War (гэтую ж інфармацыю пацьвярджае інсайдэр Том Хендэрсан).

Паводле наяўнай інфармацыі дзеяньне гульні будзе адбывацца падчас вайны ў Пэрсыдзкім заліве ў пачатку 90-х гадоў, а фокусам сюжэту стане ЦРУ ЗША й іх танныя апэрацыі.

🎁 Цяпер Ubisoft бясплатна аддае Assassin’s Creed: Syndicate

Assassin’s Creed: Syndicate — 1868 год, Лёндан. У разгары індустрыяльная рэвалюцыя. Кіруйце ўласнай вулічнай бандай і накіруйце ўсе сілы на тое, каб аніхто не адважваўся дзеяць злачынствы, прыкрываючыся імкненьнем да прагрэсу

❗️Забраць гульню можна да 6 сьнежня.
‼️Недаступна на тэрыторыі Беларусі.

​​📰 На The Game Awards 2023 будуць прэмʼеры новых праектаў

Вядучы The Game Awards 2023 Джэф Кілі правёў стрым з адказамі на пытаньні адносна выставы, падзяліўшыся сьвежымі падрабязнасьцямі будучага мерапрыемства.

Кілі заявіў, што ў рамках цырымоніі ўзнагароджаньня варта чакаць ня толькі гучныя анонсы па знаёмых франшызах і плянах на будучыню індустрыі, але й паказы цалкам новых IP (у тым ліку ад незалежных студыяў).
Асобна Вядучы расказаў, што на цырымоніі павысяць меры бясьпекі, каб выпадковыя наведвальнікі не "ўрываліся" на сцэну без запрашэньня, як гэта было летась.

Прэмʼера цырымоніі адбудзецца 8 сьнежня, а 3:30 па Менску.
Дарэчы, прама зараз, на сайце The Game Awards, пачалося галасаваньне на прэмію "Выбар гульцоў".

📢 Dragon's Dogma 2 выйдзе ў рэліз у сакавіку 2024

У Steam зьявілася інфармацыя аб даце рэлізу ролевага экшэна — ён выходзіць 22 сакавіка 2024 году. Дадзеная дата раней фігуравала на сайце эўрапейскага рэйтынгавага аґенцтва PEGI (верагодна, афіцыйна, дату рэлізу назавуць хуткім часам).

Разам з гэтым, у краме Valve сталі агульнадаступныя й сыстэмныя патрабаваньні гульні:

▫️МІНІМАЛЬНЫЯ:
Працэсар: Intel Core i5 10600 / AMD Ryzen 5 3600
Апэратыўная памяць: 16 GB АЗП
Відэакарта: NVIDIA GeForce GTX 1070/AMD Radeon RX 5500 XT with 8GB VRAM. Для падтрымкі трасіроўкі прамянёў патрабуецца NVIDIA GeForce RTX 2080 Ti або AMD Radeon RX 6800.

▫️РЭКАМЭНДАВАНЫЯ:
Працэсар: Intel Core i7-10700 / AMD Ryzen 5 3600X
Апэратыўная памяць: 16 GB АЗП
Відэакарта: NVIDIA GeForce RTX 2080 / AMD Radeon RX 6700. Для падтрымкі трасіроўкі прамянёў патрабуецца NVIDIA GeForce RTX 2080 Ti або AMD Radeon RX 6800.

📰 Новы рэмэйк Resident Evil не варта чакаць у 2024 годзе

Вядомы інсайдэр Dusk Golem заявіў, што Capcom не плянуе выпускаць у 2024 годзе яшчэ адзін рэмэйк Resident Evil.

Інсайдэр упэўнены, што на будучы год Capcom мае іншыя пляны, якія пераважна зьвязаныя з новымі праектамі.
Так да прыкладу, дакладна вядома, што на 2024 год заплянаваны рэліз Dragonʼs Dogma 2, гэтак жа Dusk Golem запэўнівае, што распрацоўшчыкі даўно працуюць над новым, неанансаваным праектам (дакладнай інфармацыі няма, але карыстачы ўжо мяркуюць што гэта можа быць новая Monster Hunter або й зусім Dino Crisis).

📰 Распрацоўнік The Vanishing of Ethan Carter абвясьціў аб заходзе эпохі сімулятараў хады

Кіраўнік польскай студыі The Astronauts Адрыян Хмеляж у інтэрвію Gamingbolt заявіў, што часы сімулятараў хады ўжо мінулі. Гэты жанр дазваляе расказваць выдатныя гісторыі, але тэрмін «прыдатнасьці» праектаў такога тыпу невялікі, а самі яны занадта простыя й ім не хапае разнастайнасьці.
Менавіта прадчуваньне немінучага канца стала прычынай таго, што наступнай гульнёй студыі стаў магічны шутэр Witchfire.

Нажаль словы Хмеляжа пацьвярджае нядаўні фінансавы правал гульні The Invincible (заснаванай на рамане Станіслава Лема), якая дагэтуль не змагла акупіць свой бюджэт, распрацоўнікі гульні ўжо заявілі, што іх наступны праект будзе зусім у іншым жанры.
Сюды ж можна аднесьці й правал Fort Solis, якую не выратаваў нават удзел галівудзкіх зорак.

📢 Адбыўся рэліз стратэгіі Last Train Home

Першая Сусьветная скончылася, але бой працягваецца. Вам будзе неабходна кіраваць эшалонам чэхаславацкіх салдат, што спрабуюць вярнуцца дадому праз Сыбір, у разгар Грамадзянскай вайны.

Крытыкі пахвалілі цікавае спалучэньне ґеймплэйных мэханік, шматлікія дэталі, атмасфэру й пэрсанажаў.
Для некаторых мінусам можа стаць павольны тэмп гульні й дастаткова высокая складанасць.

Кошт гульні — $19.99 (зараз гульню можна набыць са зьніжкай ў 15%).

📢 Распрацоўнікі The Thaumaturge паказалі вялікі ґеймплэйны ролік праекту

Распрацоўнікі з польскай студыі Foolʼs Theory, апублікавалі праходжаньне пралёгу сваёй містычнай гульні, дзеяньне якога адбываецца ў невялікай вёсцы, куды галоўны гэрой скірооўваецца з мэтай адшукаць Рыгора Распуціна.
У роліку можна ацаніць асноўныя элемэнты ґеймплэя навінкі, уключаючы варыятыўныя дыялёгі, катсцэны й баі

Нагадаем, The Thaumaturge — гэта сюжэтная ролевая гульня з маральна неадназначнымі выбарамі, дзеяньне якой адбываецца ў культурна разнастайным сьвеце Варшавы пачатку 20-га стагодзьдзя, сьвеце, напоўненым таямнічымі сіламі й дзіўнымі этэрнымі істотамі, якія называюцца салютарамі.

Рэліз гульні адбудзецца 20 лютага 2024, пакуль, што толькі на PC.

📢 Capcom адкрыла папярэднія заказы Dragonʼs Dogma 2

Capcom афіцыйна адкрыла перадзаказы Dragonʼs Dogma 2.
Любы жадаючы ўжо можа набыць, за $70 стандартнае выданьне й $80 Deluxe Edition гульні (дарэчы, гэта першая гульня кампаніі з падвышаным коштам).
Сьпіс бонусаў за папярэдні заказ можна паглядзець тут.

Гэтак жа, кампанія правяла прэзентацыю-паказ гульні, на якім пацьвердзіла дату рэлізу — 22 сакавіка 2024 году на PS5, Xbox Series і PC, а гэтак жа прадэманстравала ґеймплэйны ролік, у якім гэрой змагаецца з дрэйкам і дулаханам.

📢 Поўнае выданьне Gothic II выйшла на Nintendo Switch

THQ Nordic выпусьціла на Nintendo Switch яшчэ адну клясычную Ґотыку .
Першая гульня серыі выйшла на плятформе ў канцы верасьня, зараз чарга дабралася й да другой гульні!

Карыстальнікі Switch ужо могуць набыць поўнае выданьне Gothic II за 30 даляраў, куды акрамя самой гульні гэтак жа ўваходзіць дапаўненьне «Ноч Крумкачоў, у якім гульцоў чакае працяг гісторыі Безназоўнага гэроя на востраве Харыніс (а гэта 100+ квэстаў).