📰 Коратка аб выніках адкрыцьця BlizzCon 2023

Blizzard правяла адкрыцьцё сваёй традыцыйнай прэзентацыі BlizzCon 2023, на якой паказаіа розныя новаўвядзеньні й DLC для сваіх праектаў.

Кароткі выклад:

🔹Раней за дату рэліза кампанія выпусьціла ўмоўна-бясплатную мабільную стратэгію Warcraft Rumble.
Гульцам прапануюць калекцыянаваць мініятуры пэрсанажаў сусьвету (65 гэрояў), адпраўляючы іх у бітвы на шматлікіх мапах, дзе патрабуецца захопліваць стратэгічныя абʼекты.
Гульня даступная на iOS і Android (не ў Беларусі)
🔹Распрацоўнікі Overwatch 2 прадставілі новага танка — Маўга (што на мове самоа азначае "Гара"). Гэрой абсталяваны двума кулямётамі, адзін накладе эфэкт пэрыядычнага ўрону, а другі наносіць крытычныя пашкоджаньні ворагам, у якіх мала здароўя.
🔹Для Diablo 4 анансавалі пашырэньне Vessel of Hatred. Яно выйдзе ў канцы 2024 году й пра яго анічога невядома (акрамя таго, што «сьвятло не прынясе збаўленьня»).
🔹Анансавана тры DLC (пад агульнаым назовам Worldsoul Saga) для World of Warcraft, якія павінны дазволіць гульні разьвівацца наступныя 20 гадоў.
— World of Warcraft: The War Within выходзіць у 2024 годзе й будзе зьвязана зь мячом Сарґераса, які тырчыць у плянэце з часоў дапаўненьня "Легіён";
— Midnight верне гульцоў у стары сьвет, ажывіўшы знаёмыя лякацыі;
— The Last Titan адправіць ґеймераў на абшары Нордзкола.
🔹Клясычную вэрсію World of Warcraft чакае вяртаньне Сьмертакрыла! распрацоўшчыкі зьбіраюцца зрабіць вялікі ўпор на катастрафічныя зьмены ў гульнявым сьвеце, тым самым ствараючы новую эпоху на сэрверах (якая наступіць у першай палове 2024 году).

📢 Starbreeze Entertainment анансавала мульцяшны шутар GodsTV

Starbreeze Entertainment (выдавец Payday) анансаваў мульцяшны шматкарыстальніцкі шутэр ад распрацоўшчыкаў з Melbot Studios пад назовам GodsTV:

«Сустрэча з камандай Melbot падобная на аплявуху ад чыстага творчага парыву, і GodsTV — гэта тое месца, дзе іх панк-стыль і амбіцыі сапраўды выяўляюцца. GodsTV — адна з наймацнейшых ідэяў, якія я калі-небудзь бачыў, і мне не церпіцца падзяліцца гэтай гульнёй з усім сьветам — яна будзе ўзрушаючай», — заявіў кіраўнік выдавецкага падразьдзяленьня Starbreeze.

Іншаплянэтныя карпарацыі, якія выдаюць сябе за «Багоў», прапануюць гульцам унікальныя здольнасьці й магутныя прадметы для барацьбы за абсалютную славу. Змагацца можна будзе як аднаму так і ў камандзе.
Адзначаецца, што на вынік матчу могуць паўплываць рэальныя онлайн-назіральнікі.

Рэліз заплянаваны на 2026 год.

📰 Capcom ня бачыць розьніцы паміж модамі й чытамі

Падчас канфэрэнцыі Capcomʼs Open, кампанія растлумачыла сваю пазыцыю ў дачыненьні да карыстацкіх мадыфікацыяў.
Прадстаўнік Capcom заявіў, што творы супольнасьці нічым не адрозьніваюцца ад чытоў, калі толькі яны не ўключаны ў гульню афіцыйна.

Нягледзячы на тое, што моды карыстаюцца вялікай папулярнасьцю, яны так ці інакш дадаюць альбо зьмяняюць гульнявыя функцыі, а таму павінны блакавацца антычытамі й антыпірацкімі праґрамамі, паколькі іх рэалізацыя аднолькавая.

Хаця Capcom і прызнае, што большасьць модаў аказвае станоўчы ўплыў на гульню, кампанія сьцьвярджае, што некаторыя мадыфікацыі могуць нанесьці ёй шкоду як з пункту гледжаньня рэпутацыі, так і з пункту гледжаньня абʼёму працы, не кажучы аб тым, што некаторыя зь іх

зьневажаюць грамадзкі парадак і мараль

📰 YouTube узмацняе барацьбу з блякавальнікамі рэклямы

YouTube абвясьціў аб узмацненьні барацьбы з блякавальнікамі рэклямы па ўсім сьвеце, змушаючы гледачоў адключаць падобныя праґрамы й набываць Premium.

YouTube будзе блякаваць прагляд відэа ў тым выпадку, калі выявіць у карыстальніка адпаведныя актываваныя праграмы або пашырэньні, патрабуючы іх адключэньня й прапаноўваючы набыць Premium, у якім няма рэклямы.
Мэнэджэр па сувязях з грамадзкасьцю Крыстафер Лоўтан заўважыў, што выкарыстаньне блякавальнікаў рэклямы парушае правілы YouTube — таму барацьба зь імі наўрад ці будзе спынена.

Такую стараннасьць кампаніі, верагодна, можна зьвязаць зь нядаўнім патрабаваньнем прадстаўнікоў рэклямнай індустрыі пакрыць шкоду ад утойваньня карыстальнікамі абʼяваў.

📰 Фанаты WoW незадаволены наяўнасьцю раньняга доступу да DLC The War Within

3 лістапада Blizzard прадставіла адразу тры DLC для World of Warcraft, якія ўвойдуць у серыю Worldsoul Saga. Першае зь іх — The War Within, выйдзе ў 2024 годзе, і перадзаказы адона ўжо адкрыты.
The War Within атрымала тры выданьні (за 50, 70 і 90 даляраў), самае дарагое зь якіх уключае ў сябе трохдзённы раньні доступ!

Гульцам такое рашэньне не спадабалася, яны лічаць, што для ММО гэта глупства, бо такія гульцы прамацуюцца значна хутчэй.
Ґеймеры пачалі масава скардзіцца на гэта Blizzard у надзеі на зьмены, аднак пакуль распрацоўшчык ніяк не адрэагаваў.

​​📰 2023 год — год самых высокаацэненых гульняў

Аналітычны сайт Axios, адзначыў, што 2023 год можна назваць «годам шэдэўраў», паколькі менавіта ў гэтым годзе, выйшла самая вялікая колькасьць высокаацэненых гульняў за апошняе дзесяцігодзьдзе!

На сёньняшні дзень зьявілася 25 гульняў і DLC зь сярэднім рэйтынгам 90/100 і вышэй!

Да такіх рэлізаў можна аднесьці:

▫️The Legend of Zelda: Tears of the Kingdom ( 96 балаў);
▫️Baldurʼs Gate III ( 96 балаў);
▫️Resident Evil 4 ( 93 балы);
▫️Cyberpunk 2077: Phantom Liberty ( 90 балаў) і інш.

Асобна праўда можна адзначыць, што правалаў (прычым сярод высокабюджэтных гульняў) было ня менш (як прыклад — Immortals of Aveum).
Гэтак жа ў гэтым годзе прайшлі адны з самых масавых хваль скарачэньняў (са значнай часткай супрацоўнікаў прыйшлося разьвітацца PlayStation, Telltale Games, Team17, Epic Games, Striking Distance, CD Projekt Red, Niantic, Firaxis, Crystal Dynamics, Bungie і іншым).
Некаторыя студыі (такія як Volition) і зусім былі зачыненыя.

❔А якую гульню ВЫ назавеце найлепшай у гэтым годзе?

📢 Выйшла гульня The Invincible, натхнёная раманам «Непераможны» Станіслава Лема

Задумайцеся аб перавазе людзей у The Invincible – філясоўскім сюжэтным вандраваньні па фантастычным атампанкавым сьвеце Лема. Дасьледуйце плянэту Рэгіс III у пошуках свайго экіпажа, спраўляйцеся зь небясьпекамі й прымайце важныя рашэньні!

Водгукі аб гульні вельмі разнастайныя, у васноўным The Invincible хваляць за атмасфэру й філясоўскі сюжэт, а гэтак жа прыгажосьці плянэты Рэгіс ІІІ, лаюць жа за сумны ґеймплэй.

Акрамя PC гульня даступна на Xbox Series і PlayStation 5.
Кошт — $14.99.

📢 Telltale Games назвалі дату выхаду «The Expanse A Telltale Series» у Steam

20 лістапада прыгода The Expanse: A Telltale Series перастане быць эксклюзівам Epic Games Store на PC і зьявіцца ў Steam!

Каміна Драмер чалавек, які не нарадзіўся ні на адной са знаёмых нам плянэтаў, яна зьяўляецца старэйшым афіцэрам касьмічнага карабля, на ўскраіне пояса «Артэміда».
На караблі пачынаецца крывавы мяцеж, Каміне давядзецца рабіць няпросты выбар, за якім будзе стаяць лёс карабля й экіпажа ў цэлым!

(Гульня заснавана на папулярнай навукова-фантастычнай серыі «The Expanse»).

📢 Europa Universalis 4 атрымала дапаўненьне King of Kings

Лепшыя часы вялікіх народаў Усходу засталіся ў мінулым. Канстанцінопаль больш не цэнтар магутнай імпэрыі. У Каіры мамлюкі аддаюць усе сілы, каб не адстаць ад узыходзячай дзяржавы на поўначы. А на раўнінах і ў гарах Пэрсіі іранскі народ падзелены, апынуўшыся пад уладай мноства дробных кіраўнікоў.

Новы Immersion Pack цалкам прысьвечаны падзеям альтэрнатыўнай гісторыі Пэрсіі, Мамлюцкага султанату, Бізантыйскай імпэрыі й многіх іншых, больш малых дзяржаў!

Разам з King of Kings, Europa Universalis 4 атрымала й абнаўленьне 1.36 "Бізантыя", якое ўключае ў сябе розныя зьмены й новаўвядзеньні (новыя падзеі, рэформы й падобнае).

Кошт DLC — $10.49.

📰 Для Baldurʼs Gate 3 могуць рыхтаваць рэжым «Гэраізм»

Карыстальнікі GOG зьвярнулі ўвагу, што разам з чацьвёртым патчам, у гульні зьявілася дасягненьне "Foehammer", якое выдаецца за праходжаньне гульні ў рэжыме «Гэраізм» (аналягічны такому ў Divinity: Original Sin 2 - Definitive Edition).
У дадзеным рэжыме гулец атрымлівае толькі адзін слот захаваньняў, які выдаляецца пры сьмерці групы.

Афіцыйнай інфармацыі няма, але судзячы па ўсім, хуткім часам, аматары складанасьцяў, змогуць ізноў вярнуцца ў сьвет Забытых каралеўстваў!

📰 Epic Games Store да гэтага часу не прыносіць прыбытку

У рамках судовага разбору паміж Epic і Google (прычынай якога стала нежаданьне Epic выплoчваць камісыю за выкарыстаньне плацежнай сыстэмы ад Google (падобныя праблемы ў кампаніі раней былі з Apple)) стала вядома, што Epic Games Store да гэтага часу не прыносіць кампаніі прыбытку.

Пра гэта згадаў генэральны мэнэджар Epic Games Store Стыў Элісан — пры гэтым ён дадаў, што фірма ўсё яшчэ нацэлена на далейшы рост, які (калі верыць аналітыкам усё той жа Epic) здарыцца не раней чым у 2027 годзе!

Нядаўна, дарэчы, прадстаўнікі EGS заявілі, што працягнуць раздаваць гульні й у наступным годзе, з мэтай прыцягненьня новых карыстачоў у краму.

📢 У рэліз выйшла Stronghold Definitive Edition (праз 22 гады пасьля выхаду арыґінала)

Вітаем вас, сір! Ваша крэпасьць чакае вас. Разьвівайце свае землі й абложвайце замкі калярытных супернікаў у «сімулятары замка», які заклаў асновы жанру. Гуляйце ў клясычную RTS з новай ґрафікай, палепшаным гульнявым працэсам і Steam-мультыплэерам у абноўленай Stronghold: Definitive Edition!

Гульцы засталіся задаволеныя перавыданьнем знакамітай гульні, і дзякуюць распрацоўшчыкам за магчымасьць вернуцца ў дзяцінства!
У Definitive Edition, каманда Firefly перапрацавала кіраваньне, абнавіла ґрафіку, дадала новую кампанію, перазапісала саўндтрэк і дадала новыя рэплікі з акторамі, якія агучвалі арыґінальную Stronghold.

Кошт гульні — $11.99 (зараз гульню можна набыць са зьніжкай у 10%).

📰 Першапачаткова пратаганіст Starfield ня быў «нямым»

Пра гэта расказаў актор Элайас Туфексіс, які вядомы шматлікім, па агучваньні Адама Джэнсэна ў Deus Ex.
Актор заявіў, што некалькі месяцаў адказваў за агучку мужчыны-пратаганіста (жанчыну-пратаганіста агучвала Сісі Джонс, якая раней падарыла свой голас Вользе з Half-Life: Alyx), аднак пазьней Bethesda вырашыла зрабіць галоўнага гэроя гульні "нямым".

Туфекіс адзначыў, што падобнага ў гульнявой індустрыі звычайна не адбываецца й калі актора зьмяняюць або прыбіраюць, то на гэтым яго супрацоўніцтва з камандай распрацоўшчыкаў заканчваецца, аднак у дадзеным выпадкі, яму й Сісі прапанавалі агучыць гэрояў Сэма Коў і Андрэю (у якіх, дарэчы, калі прыслухацца ідэнтычныя з галоўным гэроем ўздыхі пры скачках).

📢 Беларуская студыя Weappy анансавала свой новы праект — Hollywood Animal

Распрацоўнікі This is the Police зь Менскай студыі Weappy анансавалі сваю новую гульню — стратэгічную Hollywood Animal, падзеі якой разгортваюцца ў кінаіндустрыі 1920-х гадоў.

Увасоб свае мары — або разбуры чужыя!
Узначальце галівудзкую студыю на пачатку эры гукавога кіно й правядзіце яе празь дзесяцігодзьдзі творчых дасягненьняў, гламура, распусты, паламаных лёсаў і ўгодаў з сумленьнем!

Рэліз заплянаваны на 2024 год.
✅Заяўлены афіцыйны пераклад на беларускую мову!

📰 Першы трэйлер GTA 6 зьявіцца ўжо ў сьнежні

Аб гэтым паведаміў сузаснавальнік кампаніі Сэм Хаўзэр, які нагадаў, што ў сьнежні студыі споўніцца 25 гадоў і ў гонгар гэтага гульцам варта чакаць першы трэйлер новай часткі GTA!

Гульцам падзякавалі за неверагодную падтрымку, якая дала магчымасьць ствараць тыя гульні, якімі Rockstar па-сапраўднаму захоплена. Таксама ў студыі спадзяюцца, што яны змогуць дзеліцца сваімі творамі з карыстальнікамі яшчэ на працягу многіх гадоў.

📰 Blizzard закрые Overwatch League

У сьвежым звароце да СМІ Blizzard афіцыйна заявіла, што закрые кібэрспартыўную Overwatch League.
Кампанія не зьбіраецца цалкам адмаўляцца ад дадзенага сегмента, аднак разьвіваць яго вырашана ў нейкім іншым напрамку.

Свае сумневы ў будучых посьпехах спартовых ліг па Overwatch і Call of Duty кампанія заўляла яшчэ ў траўні ў рамках чарговай квартальнай справаздачы. Галоўнай праблемай быў высокі кошт слотаў для каманд (каля 20 млн. даляраў) і малы ўзровень прыбытку (Overwatch League прыносіла кампаніі менш за 1% ад агульнай выручкі).

📰 Cities Skylines 2 не атрымае платныя DLC пакуль распрацоўшчыкі не палепшаць прадукцыйнасьць

Распрацоўнікі Cities Skylines 2 абвясьцілі, што гульня не атрымае платныя DLC да таго моманту, як прадукцыйнасьць ня стане адпавядаць стандартам якасьці Colossal Order.
Ґенэральная дырэктарка студыі Марына Халікайнен заклікала гульцоў да канструктыўнай крытыкі й запэўніла, што распрацоўшчыкі актыўна працуюць над паляпшэньнем гульні.

Нагадаем, што горадабудаўнічы сімулятар выйшаў у рэліз, у дрэнным стане, у гульні мноства багаў, а мэтавыя 30 FPS атрымоўваецца дасягнуць і падтрымліваць далёка ня ўсім сыстэмам, аднак у цэлым, гульня аказалася годным працяг арыґінала.

🎁 Цяпер у Epic Games Store, можна бясплатна забраць: Golden Light

Golden Light — сардэчна запрашаем у Мясную Зону! Golden Light гэта шалёны хорар рагалік, у якім падпаленая куча мяса можа зьбіваць кучу кніг, якія закахаліся ў цябе, пакуль ты даядаў свой атручаны трохствольны рэвальвер!
Распрацоўшчык — Mr.Pink (Расея).

❗️Забраць гульню можна да 16 лістапада.