📰 Супрацоўнікі Remedy паспрабавалі растлумачыць высокія патрабаванні Alan Wake 2

Нядаўна Alan Wake 2 (якая яшчэ толькі выходзіць 27 кастрычніка) захліснула хваля нэґатыву ад ґеймераў, чыньнік таму — высокія сыстэмныя патрабаваньні.

Адна з супрацоўніц кампаніі паспрабавала даць тлумачэньне гэтаму, як аказалася, Remedy на ўсю моц працуюць над укараненьнем самых сучасных тэхналогій у сваю гульню, адна зь іх — Mesh Shaders (сеткавыя шэйдары, адна зь пераваг DirectX 12 Ultimate), якія ня падтрымліваюцца відэакартамі Nvidia 10-й і AMD 5000 серый, з-за чаго патрабаваньні й сталі такімі высокімі.

Нажаль, такі адказ не задаволіў патэнцыйных гульцоў і ў дадзены момант паведамлена выдалена з-за наплыву гнеўных камэнтатараў.

📰 Аўтар Assassins Creed падзяліўся выявай з магчымай гэраіняй Assassins Creed Red

Аўтар гульняў серыі Assassinʼs Creed апублікаваў на сваёй старонцы LinkedIn малюнак, які адносіцца да Assassinʼs Creed Red, дзеяньне якой адбываюцца ў фэадальнай Японіі.
Паводле інсайдэраў, у гульні будзе два гэроі — афрыканскі бежанец-самурай і жанчына-сінобі (меркавана яе выяву й прадставіў распрацоўшчык).

Па чутках, гульня павінна выйсьці восеньню 2024 году, але яе могуць перанесьці й на 2025 год, а ґеймплэй будзе будавацца амаль цалкам на стэлсе.

📰 Ґеймераў чакаюць «вельмі сумныя навіны аб PlayStation»

Пра гэта расказаў стваральнік арыґінальнай God of War (2005) Дэвід Джафэ.
Паводле яго словаў, заўтра могуць зьявіцца "сумныя, і патэнцыйна супэр непаважлівыя" навіны, зьвязаныя з PlayStation. Ён спаслаўся на надзейныя крыніцы ўнутры кампаніі.

Калі гэтыя навіны сапраўды выйдуць у сьвет, то яны стануць урокам для тых, хто купляецца на ідэю аб тым, што "праца — гэта твая сямʼя, а кампанія — гэта тваё жыцьцё". Гэтак жа распрацоўшчык заявіў, што старой Sony, якую ўсё даўно ведаюць ужо няма.

Дакладна невядома, што мае на ўвазе Джафэ, але ґеймеры мяркуюць, што гэта неяк зьвязана са сьвежай навіной аб рэструктурызацыі ўнутры PlayStation, якая затрунула многія студыі (на жаль дакладных лічбаў па скарачэньням у дадзены момант няма).

📢 Game Informer апублікавалі вялікі ролік першага зборніка Metal Gear Solid для PS5.

Гэта першы ў серыі METAL GEAR 3D-праект. Гульня адкрыла ўсяму сьвету новы стэлс-ґеймплэй з элемэнтамі лайв-экшн, нутрагульнявымі відэа й інавацыйнымі прыёмамі.

Metal Gear Solid: Master Collection Vol. 1 — абʼядноўвае 5 гульняў серыі Metal Gear, невялікія дэманстрацыі кожнай можна знайсьці ў сьвежым роліку.
Дарэчы, вэрсіі як для PlayStation, так і для Xbox будуць працаваць у 60 FPS!

Кошт — $59,99.
Рэліз адбудзецца 24 кастрычніка.

📰 Прэмʼера сэрыяла Fallout адбудзецца ў красавіку 2024 году.

Amazon Prime афіцыйна абвясьцілі, што сэрыял Fallout выйдзе 12 красавіка 2024 гады.
Мяркуючы па ўсім, здымачны працэс завяршыўся ў лютым, а ў ліпені ў сетцы зьявіліся фатаграфіі са здымак сэрыяла.
Сюжэт будучага шоў павінен расказаць зусім новую гісторыю ў сусьвеце Fallout. Паводле словаў Тода Говарда, сэрыял будзе поўнасьцю адпавядаць лору й правілам сусьвету.

Нагадаем, што галоўную ролю выканае Ўолтан Гогінс («Агідная васьмёрка»), таксама сярод актораў значацца Эла Пернэл («Аркейн») і Кайл Маклахлен («Тўін Пікс»).

📰 Па просьбах фанатаў стваральнікі Vampire the Masquerade Bloodlines 2 выпусьцілі трэк Midnight

Дадзены трэк упершыню можна было пачуць у нядаўнім трэйлеры гульні, дзе ён запаў у душу, шматлікім фанатам, якія літаральна завалілі The Chinese Room просьбамі выпусьціць поўную вэрсію!

Midnight створаны ў суаўтарстве Мішэль Зітрон, Паўліны Палмгрэн і Jarly, неўзабаве зьявіцца на розных музычных плятформах.

Дарэчы, нельга не адзначыць, што саўндтрэк гульні (у параўнаньні зь першай часткай) стаў куды больш змрочным, нават не гледзячы на ўдзел кампазытара арыґінала Рыка Шафера (ва ўсякім разе яго ўдзел пацьвярджалі ў 2019 годзе).

Рэліз Vampire: The Masquerade – Bloodlines 2 заплянаваны на восень 2024, для PC, PS5 і Xbox Series.

📢 Дылёгія Hotline Miami стала даступная на PlayStation 5 і Xbox Series

Выдавецтва Devolver Digital абвясьціла, што ўладальнікі кансоляў PlayStation 5 і Xbox Series ужо зараз могуць купіць зборнік са знакамітых Hotline Miami і Hotline Miami 2: Wrong Number, якія выйшлі ў рэліз на кансолях новага пакаленьня!

Hotline Miami выйшла ў 2012 годзе, а Hotline Miami 2: Wrong Number у 2015 і да гэтага часу яны былі даступныя на PC, PlayStation 3, PlayStation 4, PlayStation Vita, Xbox One і Nintendo Switch.

​​📰 The Elder Scrolls VI анансавалі з-за страху перад фанатамі

Пра гэта расказаў былы дызайнэр Bethesda Game Studios Брус Несьміт у інтэрвію каналу MinnMax.

Паводле яго словаў, каманда Тода Говарда лічыць, што раньнія анонсы толькі шкодзяць распрацоўшчыкам, таму аб сваіх праектах яны пачынаюць расказваць прыкладна за паўгода да іх рэлізу.

З анонсам The Elder Scrolls VI у 2018 (распрацоўка якой на той момант нават не пачалася) усё інакш, у той час у кампаніі проста спалохаліся фанатаў, якія хадзілі вакол «зь віламі й паходнямі», таму Говард здаўся й пацьвердзіў распрацоўку гульні (што, дарэчы, сам ён да гэтага часу лічыць памылкай).

Несьміт сумняваецца, што Bethesda будзе актыўна дзяліцца дэталямі TES VI у бліжэйшыя гады, аднак ён запэўнівае, што каманда ўжо даўно вызначылася з рэгіёнам гульні.
Гэтак жа ён упэўнены, што ў новай частцы захаваюць некаторыя напрацоўкі Skyrim (да прыкладу сыстэму магіі).

Рэліз гульні па-ранейшаму застаецца загадкай, аднак раней было абвешчана, што гульня выйшла са стадыі прэпрадакшэну!

📢 Адбыўся рэліз горадабудаўнічага сімулятара Cities Skylines 2

Выбудуйце з нуля квітнеючы мегаполіс у рэалістычным сімулятары з жывой эканомікай і неверагодна глыбокай прапрацоўкай сьвету!

Гульня выйшла на РС і атрымала ў Steam у асноўным адмоўныя водгукі, чыньнік таму стала (як ужо было вядома да рэлізу) вельмі дрэнная аптымізацыя, у некаторых гульня лагае нават у галоўным мэню.

Аднак шматлікія карыстачы (нават з нэґатыўнымі аглядамі) сьцьвярджаюць, што гульня зрабіла значны крок наперад, у параўнаньні зь першай часткай і пасьля ўхіленьня ўсіх праблем, стане выдатнай заменай арыґіналу!

Кошты: Звычайнае выданьне — $33.49;
Ultimate Edition — $60.49.

📰 Некаторыя стваральнікі LittleBigPlanet і Dreams могуць страціць працу

Пра гэта паведамляе шэраг гульнявых выданьняў са спасылкай на прадстаўнікоў кампаніі.
Паводле дадзеных, скараціць плянуюць 15-20% (каля 20 чалавек са 135 супрацоўнікаў фірмы), і гэта, паводле розных крыніц, далёка не першая хваля звальненьняў у Sony.

Нядаўна аўтар God of War (2005) Дэвід Джафэ (які раней заяўляў аб дрэнных навінах для фанатаў Sony), расказаў, што кампанію нібыта пакінула кіраўнік аддзела вытворчасьці PlayStation Коні Бут, якая працавала ў студыі 34 гады.
Прычын Джафэ не ведае, але яго крыніца запэўнівае, што яе звольнілі, а разам зь ёй сышла й уся яе каманда.

Афіцыйна PlayStation пакуль не пацьвярджала дадзеную інфармацыю.

📢 Адбыўся рэліз выжывалкі The Lord of the Rings Return to Moria

У гульні The Lord of the Rings: Return to Moria гномы адпраўляюцца ў новае падарожжа, каб вярнуць сабе сваю леґендарную радзіму — Морыю ў Імглістых гарах. Каб выжыць, гульцам давядзецца абʼядноўваць сілы, каваць амуніцыю, будаваць і дасьледаваць знакамітыя бяздонныя шахты. Адважных вандроўцаў чакаюць таямнічыя пагрозы, і ім запатрабуецца ўся іх адвага!

Гульцы цёпла прынялі новую гульню, адзначаючы яе цікавасьць і месцамі складанасьць, якая прымушае плянаваць свае вылазкі ў далёкія залы Морыі куды больш старанна!
Дадае плюсаў гульні й наяўнасьць каапэратыва.

Кошт гульні — $39.99 (на PC толькі ў EGS).
Вэрсіі для актуальных кансолей выйдуць пазьней.

📢 Аўтары The Talos Principle 2 расказалі пра новыя асаблівасьці галаваломкі

Devolver Digital падзялілася сьвежым ролікам з дэталямі аб The Talos Principle 2 — працягу культавай галаваломкі студыі Croteam.

У новым відэа аўтары расказваюць, што падзеі будуць адбывацца на Зямлі будучыні, праз стагодзьдзі пасьля выміраньня людзей. Гуляць трэба будзе за нядаўна абуджанага андроіда — аднаго з прадстаўнікоў новай сучаснай расы.
Асноўныя падзеі будуць прыходзіць у горадзе Новы Ерусалім, аднак наведаць можна будзе ня толькі яго.

Дадаткова, распрацоўшчыкі расказалі аб сваёй працы над настройкамі й тым, як можна прапускаць складаныя галаваломкі.

Рэліз гульні адбудзецца 2 лістапада на PC, PlayStation 5 і Xbox Series.

📢 Konami паказала трэйлер рэмэйку Metal Gear Solid 3

Konami прадставіла сьвежы трэйлер Metal Gear Solid Delta: Snake Eater (рэмэйка арыґінальнай Metal Gear Solid 3: Snake Eater).
Ролік створаны на рухавіку Unreal Engine 5 у рэальным часе. Ён дэманструе нутрагульнявое асяродзьдзе, анімацыі, гук і ґеймплей.

Рэмэйк ствараецца для PC, PS5 і Xbox Series і пакуль ня мае даты рэлізу.

📰 Стваральнікі Payday 3 ізноў просяць прабачэньня

Starbreeze Studios ізноў папрасілі прабачэньня перад гульцамі Payday 3, на гэты раз чыньнікам стала доўгая нястача патча й маўчаньне распрацоўнікаў.
Распрацоўнікі запэўніваюць, што патч ужо адпраўлены на тэставаньне, а такую доўгую працу зьвязалі з выпраўленьнем крытычных памылак, якія маглі прывесьці да выдаленьня прагрэсу гульцоў.

Пасьля рашэньня ўсіх праблем Starbreeze возьмецца за выпуск новага кантэнту для Payday 3.
Распрацоўнікі абяцаюць зьнізіць залежнасьць гульні ад сеткавага падлучэньня, а таксама абяцаюць падтрымліваць гульню мінімум 18 месяцаў (ужо анансавана чатыры DLC).

Дарэчы аб Payday 3, на дадзены момант у яе ўсё дрэнна, яе рэліз адбыўся зусім нядаўна (21 верасьня), але пікавы онлайн працягвае падаць! Па апошніх зводках статыстыкі ў Payday 2 ён у тры разы большы (43 тысячы. супраць 14 тысяч чалавек).

📢 Для Victoria 3 рыхтуецца дапаўненьне Colossus of the South

Стратэгіі Victoria 3 споўніўся год і ў гонар гэтага, распрацоўшчыкі анансавалі новае DLC Colossus of the South і буйны патч 1.5 с, якія выйдуць 14 лістапада!

Colossus of the South прысьвечана рэгіёну Амазонас у Паўднёвай Амэрыцы. Яго можна атрымаць бясплатна пры наяўнасьці Grand Edition ці Expansion Pass, альбо набыць за $6. Дапаўненьне аднесьлі да новага тыпу Region Packs, якія будуць уносіць зьмены ў канкрэтныя рэгіёны, паводле іх рэальнай (ці альтэрнатыўнай) гісторыі.

У бясплатным патчы 1.5 абяцаюць дадаць новыя нацыі, каляніяльныя адміністрацыі й некаторыя іншыя мэханікі.

📰 Новая PS5 патрабуе падлучэньні да інтэрнэту пры ўсталёўцы дыскавода

Толькі 10 лістапада афіцыйна стартуюць продажы новай PS5 са здымным дыскаводам, аднак навінка ўжо паступае ў крамы, адкуль і стала вядома, што новая кансоль патрабуе падлучэньня да інтэрнету пры ўсталёўцы здымнага дыскавода.

Падлучэньне запатрабуецца для сувязі дыскавода з кансольлю пры першым запуску (меркавана, у далейшым, гэта ўжо не запатрабуецца), верагодна такім чынам Sony жадае выключыць падлучэньне да PS5 іншых дыскаводаў.

Кошт новай вэрсіі PS5 будзе складаць 500 даляраў (450 без дыскавода). Сам дыскавод абыдзецца жадаючым у 80 даляраў.
Падрабязьней пра навіку можна пачытаць тут.

📢 Адбыўся рэліз доўгачаканага хорару Alan Wake 2

Папулярны пісьменьнік зь Нью-Ёрка Алан Ўэйк зьнік безь вестак у 2010 годзе. Адправіўшыся разам з жонкай, Эліс у адпачынак на Ціхаакіянскі Паўночны-Захад, ён сутыкнуўся са звышнатуральнай цёмнай сілай, якая ўвасобіла напісаны Ўэйкам трылер у жыцьцё!
Алан Ўэйк ня мёртвы, хоць ён і марыць аб сьмерці. 13 гадоў ён прабыў у палоне Цёмнага прыстанку, дзе апісаныя ім жахі, кашмары й страхі ўвасобіліся ў рэальнасьць. 13 гадоў ён спрабуе дапісаць сваю гісторыю й зьбегчы з гэтага на волю!

Журналісты засталіся задаволеныя гульнёй, адзначаючы захапляльную гісторыю, музычнае афармленьне й іншыя мастацкія асаблівасьці, якія многім падаліся бездакорнымі!
Мінусам назвалі багі, якія хоць і не часта, але сустракаюцца.

Гульня даступна на PC (EGS), PlayStation 5 і Xbox Series.
❗️ Недаступна на тэрыторыі Беларусі.

🎃 У Steam праходзіць тэматычны фэст «Жахі ў Steam: Адплата»

У гонар Хэлоўіна, у краме Steam пачаўся тэматычны фэстываль, у рамках якога многія гульні (як правіла з паметкай хорар) атрымалі зьніжкі!
Прапануем азнаёміцца зь некаторымі цікавымі варыянтамі:

🔸Project Zomboid — $7.02 (-33%);
🔸Sons Of The Forest — $11.59 (-20%);
🔸Cult of the Lamb — $10.79 (-40%);
🔸The Outlast Trials — $11.59 (-20%);
🔸The Walking Dead: The Telltale Definitive Series — $5.74 (-75%);
🔸Little Nightmares I & II — $11.85 (-78%);
🔸Aliens: Dark Descent — $23.44 (-33%) і іншыя ня менш цікавыя.

Таксама, у пэрыяд распродажу, на яе старонцы можна штодня забіраць бясплатныя стыкеры.
Фэст скончыцца 2 лістапада!

📢 Адбыўся рэліз плятформавага баявіка Ghostrunner 2

Кроў пральецца ў Ghostrunner 2 — ня простым слэшары ад першай асобы, дзеяньне якога адбываецца ў кібэрпанкавым сьвеце. Станьце неверагодным кібэрніндзя й прыгатуйцеся да сутычак з босамі, інтэрактыўнай гісторыі, новым рэжымам і сінтвэйв-саўндтрэкам!

Гульню цёпла прынялі як крытыкі так і ґеймеры, якія хваляць тое, што распрацоўнікі палепшылі практычна ўсе элемэнты арыґінала, і дадалі нешта сапраўды новае, а не проста перанесьлі гульню на новыя рэйкі.
Зь мінусаў адзначаюць слабы сюжэт і месцамі аптымізацыю.

Кошты:
Звычайнае выданьне — $39.99;
Deluxe Edition — $49.99.
Акрамя PC, Ghostrunner 2 даступна на Xbox Series і PlayStation 5.