📢 Анансавана Deep Rock Galactic: Rogue Core — роглайк-вэрсія вядомага шутара

DEEP ROCK GALACTIC: ROGUE CORE — гэта каапэратыўны шутaр ад першай асобы для 1-4 гульцоў са 100% разбуральным асяродзьдзем і працэдурна ґенэраванымі пячорамі. Далучайцеся да каманды гномаў, якім даручана аднавіць кантроль над страчанымі здабычай карысных выкапняў на Хоксэс IV.

Дата рэлізу не называецца.

​​📰 Адам Кічыньскі пакіне пасаду ґенэральнага дырэктара CD Projekt

Адам Кічыньскі пакіне сваю пасаду з 1 студзеня 2024 году. Пасьля гэтага ён пяройдзе на пасаду дырэктара па стратэгіі, а затым далучыцца да Назіральнай рады ў 2025 годзе. Такое рашэньне ён прыняў пасьля размовы з інвэстарамі.
Яго месца зоймуць крэатыўны дырэктар Адам Бадоўскі й камэрцыйны дырэктар Міхал Навакоўскі.

Дарэчы аб інвэстарах, нягледзячы на аптымізм які ў апошні час выпраменьвае кампанія, мяркуючы па ўсім, справаздачы не выглядаюць пераканаўчымі для інвэстараў, бо вынікам сустрэчы стала падзеньне акцыяў кампаніі на 9.39%.

Паводле публічных дадзеных дапаўненьне Phantom Liberty разышлося тыражом звыш за 3 млн копіяў, і да канца году паказчык можа павялічыцца да 4 млн, аднак студыя чакала прыбытку ў 5 млн.

Акрамя таго, па словах аднаго з аналітыкаў, бюджэт на DLC і дапрацоўку Cyberpunk 2077 апынуўся на 40% вышэй чаканага, што "павінна пацягнуць зьніжэньне будучага прыбытку" (па апошніх дадзеных на "выратаваньне" гульні было выдаткавана каля 120 млн).

📰 X (Twitter) можа стаць канкурэнтам стрымінгавых плятформ

Ва ўсякім разе такія заявы робіць уладальнік былога Twitter (цяпер проста Х) бізнэсовец Ілан Маск, які ўжо ва ўсю эксьперыментуе з новай функцыяй.

Маск ужо правёў у сваім профілі Х некалькі стрымаў па Diablo IV (якія, дарэчы глядзела 915 тыс. гледачоў).
Ён павіншаваў каманду распрацоўшчыкаў X за хуткае рашэньне тэхнічных цяжкасьцяў, якія ўзьніклі падчас трансьляцыі, і пацьвердзіў пляны па даданьні на плятформу функцыі стрымінгу для PS5 і Xbox. Па словах бізнесоўца, X можа стаць лепшай унівэрсальнай плятформай для стрымаў і ўзаемадзеяньня зь людзьмі па ўсім сьвеце!

📢 Пясочніца My Time at Sandrock атрымала аглядны ґеймплэйны трэйлер

Адпраўляйцеся ў пустыннае селішча Сандрок і вазьміце на сябе роля пачаткоўца-будаўніка. Выкарыстоўвайце свой надзейны набор інструмэнтаў, каб зьбіраць рэсурсы, будаваць машыны й ператварыць сваю старую майстэрню ў добра адладжаную вытворчасьць, якая зможа выратаваць горад ад эканамічнага краху!

Гульня прапануе шырокі выбар кастамізацыі пэрсанажа, а гэтак жа захапляльны пяшчаны сьвет поўны таямніц, загадак і рэсурсаў!
Аматары сацыяльнага ўзаемадзеяньня знойдуць у гульні горад з разнастайнымі жыхарамі й міні-гульнямі.

Паўнавартасны рэліз гульні адбудзецца 2 лістапада на PC, PlayStation 5, Xbox і Nintendo Switch, а ў будучыні зьявіцца вэрсія для PS4.

​​📰 Каардынатарка інтымных сцэн распавяла аб працы над Baldurs Gate 3

Партал The Gamer узяў інтэрвію ў каардынатаркі інтымных сцэн Baldurʼs Gate III Ашы Джэнінгс-Грант, якая працавала з Джэніфер Інгліш (Шэдаўхарт) і Дэварай Ўайлд (Лаэзель).

Па словах Ашы, Larian запрасіла каардынатараў інтымных сцэн на пазьнейшым этапе распрацоўкі Baldurʼs Gate 3 і дадзенае запрашэньне моцна яе зьдзівіла, паколькі відэагульнявыя студыі практычна ніколі не зьвяртаюцца да іх паслуг (у адрозьненьні ад стваральнікаў кіно).
Праца ў дадзенай індустрыі стала для яе новым досьведам (сама яна не зьяўляецца ґеймерам), які, яна спадзяецца, яшчэ спатрэбіцца ёй у будучыні.

Што да саміх сцэн, то ў яе працы шмат залежыць ад актораў яна звычайна пакідае за імі свабоду дзеяньня, застаючыся побач для дапамогі, парад і пэўнага кантролю (не даючы пераступіць рысу), але даючы ім раскрыцца ў поўнай меры.
Акрамя гэтага, яе праца заключаецца ў тым, каб сцэны былі зразумелымі, не "расплывістымі" і ў той жа час не вульгарнымі, а для гэтага даводзіцца шмат працаваць разам са сцэнарыстамі й рэжысэрамі.

📰 На фоне скандалаў сваю пасаду пакінуў прэзыдэнт Unity

Unity паведамілі аб сыходзе Джона Рычытэла з пасады прэзыдэнта. Ён таксама зьняў зь сябе паўнамоцтвы CEO і старшыні рады дырэктараў кампаніі.
На яго пасаду часова прызначалі Джэймза Ўайтхерста, у мінулым прэзыдэнта IBM.

Афіцыйныя прычыны сыходу Рычытэла (які кіраваў Unity з 2014 году), не называюцца, многія мяркуюць, што гэта зьвязана з апошнімі скандаламі вакол рухавіка.

📢 У новым трэйлеры The Thaumaturge паказалі пакрокавыя баі й дыялёгі

Студыя Foolʼs Theory і выдавецтва 11 bit studios выпусьцілі афіцыйны трэйлер будучай ролевай гульні The Thaumaturge. У ім гульцам прадэманстравалі сыстэму дыялогаў, баі (пакрокавыя, картачныя) й дасьледаваньне навакольнага сьвету.

Нагадаем, The Thaumaturge — гэта сюжэтная ролевая гульня з маральна неадназначнымі выбарамі, дзеяньне якой адбываецца ў культурна разнастайным сьвеце Варшавы пачатку 20-га стагодзьдзя, сьвеце, напоўненым таямнічымі сіламі й дзіўнымі этэрнымі істотамі, якія называюцца салютарамі.

Рэліз гульні адбудзецца 5 сьнежня, пакуль, што толькі на PC.
У рамках фэстывалю дэмавэрсій у Steam, можна ацаніць дэма й дадзенай гульні.

​​📰 Counter Strike 2 не атрымае вэрсіі для MacOS і DirectX 9

У канцы верасьня адбыўся рэліз Counter-Strike 2, разам зь якім ґеймеры страцілі доступ да CS:GO (прынамсі вэрсіі з абнаўленьнямі), але галоўная праблема напаткала карыстачоў сыстэм пад кіраваньнем macOS, а гэтак жа тых, хто дагэтуль застаецца на DirectX 9 і 32-разрадных апэрацыйных сыстэмах — да іх навінка не дабярэцца!
Паводле статыстыкі, колькасьць такіх гульцоў (маецца на ўвазе CS) не дасягае й 1-го адсотка.

Тыя карыстачы, якія ў сувязі з гэтым страцяць доступ да гульні, могуць вярнуць сродкі за Prime-статус да 1 сьнежня 2023.
Для карыстальнікаў DirectX 9 і 32-разрадных АС наступныя патрабаваньні: набыцьцё было зьдзейсьнена ў Steam у пэрыяд паміж 22 сакавіка 2023 і 27 верасьня 2023.

Што да гульцоў з MacOS, то большасьць гадзін якія яны нагулялі павінна была быць на гэтай сыстэме, а карыстач павінен быў зайсьці ў CS:GO у пэрыяд з тэставаньня CS2 да рэлізу шутэра (вышэй згаданыя даты).

Дадаткова для ўсіх, Valve пакіне доступ да спампоўкі Counter-Strike: Global Offensive (вэрсія Legacy), але з 1 студзеня 2024 году некаторыя функцыі могуць стаць недаступнымі або пачаць выклікаць памылкі.

​​📰 Зьявіліся першыя рэцэнзіі на Meta Quest 3

У сеціве пачалі зьяўляцца першыя рэцэнзіі на новы шлем віртуальнай рэальнасьці ад кампаніі Meta — Quest 3.
Карыстальнікі засталіся задаволеныя навінкай, але не яе коштам!

Менавіта кошт стаў галоўнай праблемай — адзначаецца, што на старце Quest 2 можна было набыць за меншы кошт. Новая VR-гарнітура ,будзе каштаваць 500 даляраў за вэрсію на 128 ГБ (Quest 2 у гэтай камплектацыі можна было набыць за 300), кошт Quest 3 на 512 ГБ дасягае 650 даляраў.
У дадатак да цаны, мінусам называюць невялікую колькасьць новых гульняў, адсутнасьць трэкера для вачэй і слабы акумулятар.

Адным з галоўных плюсаў новага шлема стала палепшаная, графіка й прадукцыйнасьць — у гэтым дапамог чыпсэт Snapdragon XR2 Gen 2 і падвышаны абʼём апэратыўнай памяці (8ГБ супраць 6ГБ у Quest Pro 2). Зьявілася й падтрымка 120 Гц.
Сваю ролю гэтак жа згуляў новыя ВК-дысплеі (2064x2208 супраць 1832x 1900 на Quest Pro 2) і новыя лінзы, якія павялічылі поле зроку да 120 ґрадусаў (90 у Quest Pro 2).

Відэа з рэцэнзіямі:
▫️Відэа №1
▫️Відэа №2
▫️Відэа №3

​​📰 Disney жадае ўварвацца ў індустрыю відэагульняў

Такой інфармацыяй падзялілася выданьне Bloomberg.
Паводле заявы ґенэральнага дырэктара Disney Боба Айґера, ідэю заваёвы рынку відэагульняў сурʼёзна прасоўвае вышэйшае кіраўніцтва кампаніі, якое хацела б ствараць гульні, а не выдаваць на іх ліцэнзіі. Паводле ідэі, для ажыцьцяўленьня дадзенага пляна ім неабходна набыць буйнога выдаўца накшталт Electronic Arts.

На далейшыя роспыты Айґер стаў адказваць унікліва, аднак варта адзначыць, што менавіта пры ім, Disney зрабіла свае найбуйнейшыя набыцьці (Pixar, Marvel Entertainment, Lucasfilm і 21st Century Fox).

Што ж тычыцца самой Electronic Arts, то ў мінулым ужо хадзілі чуткі аб жаданьні кіраўніцтва кампаніі пайсьці на зьліцьцё з карпарацыямі накшталт Disney, Apple або Amazon (праўда ўсё гэта так і засталося на ўзроўні чутак).
Асобнага згадваньня заслугоўвае й тое, што ў дадзены момант ЕА працуе над мноствам гульняў менавіта па ліцэнзіях Disney (гульні па сусьвеце Marvel, а гэтак жа нядаўняя Star Wars Jedi: Survivor).

📢 Адбыўся рэліз стратэгіі Total War: PHARAOH

Total War: Pharaoh перанясе гульцоў у пэрыяд Новага царства, калі вялікая дзяржава эгіпцян знаходзілася ў зеніце сваёй магутнасьці!

Крытыкі сустрэлі гульню дастаткова "стрымана". Opencritic — 78 балаў; Metacritic — 76 балаў.
Журналісты адзначылі ўнікальнасьць фракцыяў Эгіпта й несамавітасьць астатніх дзяржаў, некаторыя зь якіх проста загнаны ў кут.
Баі пакінулі зьмешаныя ўражаньні, яны ня дрэнныя, але з-за таго, што войскі ў асноўным блізкабойныя, то салдаты гэта проста сьмяротныя "згусткі" якія цяжка кантраляваць.

Кошты:
Standard Edition — $59.99;
Deluxe Edition — $72.87 (Саўндтрэк + DLC з новай фракцыяй);
Dynasty Edition — $91.46 (Саўндтрэк + 3 DLC з новай фракцыяй + DLC з новай кампаніяй).
❗️Недаступна на тэрыторыі Беларусі.

📰 У 2023 годзе ў індустрыі прайшлі скарачэнні якія закранулі 6000 чалавек

Выданьне GamesBeat зьвярнула ўвагу на дадзеныя тэхнічнага мастака Фархана Нура з Riot Games, які з пачатку 2023 году вядзе падлік скарачэньняў у гульнявой індустрыі й паводле яго інфармацыі за няпоўны год было звольнена 6131 чалавек (і гэта толькі паводле інфармацыі з адкрытых крыніц)!

Самыя буйныя скарачэньні прайшлі ў Unity (900 чалавек), Epic Games (830 чалавек) і Amazon. Але калі лічыць даччыныя кампаніі, то рэкардсмэнам стала Embracer Group: яе рэструктурызацыя закранула Crystal Dynamics, Beamdog, Rainbow Studios, Volition, Gearbox Publishing і Campfire Cabal.

Акрамя скарачэньняў, у гэтым годзе цалкам былі зачыненыя 11 студыяў, у тым ліку Dang, Volition Games, Mimimi Games, CyberConnect2 Montreal, Antimatter Games, Kiloo Games і іншыя.