📰 Гульнявая індустрыя на крок бліжэй да забастоўкі актораў

Прафзьвяз SAG-AFTRA (які абʼядноўвае кінаактораў і артыстаў тэлебачаньня й радыё), прагаласаваў за магчымасьць правядзеньня забастоўкі для тых, хто працуе ў індустрыі відэагульняў.

Наступны крок пасьля адабрэньня большасьці членаў арґанізацыі — гэта аднаўленьне перамоваў з буйнымі кампаніямі (EA, Activision, Epic Games, WB Games і інш). SAG-AFTRA патрабуе ўвядзеньня рэгуляцыі на выкарыстаньне ШІ, павышэньне заработнай платы, павелічэньне мераў бясьпекі на пляцоўках і іншыя ўмовы для камфортнай працы.

📢 Адбыўся рэліз мілага сімулятара Paleo Pines

Сардэчна запрашаем у гульню Paleo Pines, на чароўную выспу з таямнічым мінулым, населены добрымі дыназаўрамі й дзівакаватымі людзьмі. Разам са спадарожніцай Лакі адкрыйце таямніцы выспы й папрасіце дыназаўраў дапамагчы ўладкаваць утульнае ранча!

Кошт гульні — $29.99 (зараз яе можна набыць са зьніжкай у 10%).
Акрамя PC, гульня даступна на Xbox One, Xbox Series, PlayStation 4, PlayStation 5, Nintendo Switch.

📢 The Talos Principle 2 выйдзе ў пачатку лістапада

The Talos Principle 2 — Галаваломка ад першай асобы, якая ня раз прымусіць вас задумацца. Яна шмат у чым разьвівае філязофскія тэмы першай гульні й прапануе вам нямала цудоўных узроўняў зь вельмі няпростымі загадкамі!

У The Talos Principle 2 гулец возьме на сябе ролю робата 1K і адправіцца дасьледаваць 12 зон, кожная зь якіх прапануе ўнікальныя выпрабаваньні з займальнымі галаваломкамі й рознымі мэханікамі!

Гульня выйдзе 2 лістапада на PC, PlayStation 5 і Xbox Series.
Кошт — $14.49 (да рэлізу яе можна набыць са зьніжкай у 10%).

📰 Прэзыдэнт Capcom лічыць, што кошты на гульні занадта нізкія

У сьвежым інтэрвію прэзыдэнт Capcom Харухіра Цудзімота распавёў, што, на яго думку, цяперашнія кошты на гульні «занадта нізкія». Ён абґрунтаваў сваё меркаваньне тым, што кошт распрацоўкі вырасла ў сто разоў з часоў эпохі Famicom (NES), аднак кошты тайтлаў для спажыўцоў амаль не зьмяніліся.
Акрамя выдаткаў на самі гульні, павялічваюцца заработныя платы супрацоўнікам (у мінулым годзе тая ж Capcom абʼяўляла аб павышэньні заробкаў супрацоўнікам на 30%).

Цудзімота лічыць, што ўздым коштаў на гульні вельмі неабходны для далейшага разьвіцьця індустрыі, гэтак жа ён упэўнены, што якасныя гульні будуць добра прадавацца заўсёды, у не залежнасьці ад кошту.

📢 Адбыўся рэліз Counter-Strike 2

Больш за два дзесяцігодзьдзі Counter-Strike служыць прыкладам першакляснай спаборніцкай гульні, шлях разьвіцьця якой вызначаюць мільёны гульцоў з усяго сьвету. Але прыйшоў час новага этапа: Counter-Strike 2!

Counter-Strike 2 даступная ўсім абсалютна бясплатна.
Гульня замяніла сабой Counter-Strike: Global Offensive, сэрвэры якой былі адключаныя ўвечары 27 верасьня, прама ў разгар матч ESL паміж Monte і Complexity у рамках Pro League Season 18!

На момант напісаньня допіса, онлайн гульні ўжо складаў 1,19 млн. гульцоў.

📰 Інсайдэр раскрыў падрабязнасьці сюжэту Far Cry 7

Вядомы інсайдэр Том Хэндэрсан раскрыў некаторыя падрабязнасьці новай Far Cry 7 (якая хаваецца пад кодавым назовам Project Blackbird).

Паводле яго словаў, сюжэт нелінейны і будзе будавацца вакол выратаваньня багатай сямʼі галоўнага гэроя, якіх выкрала нейкая група змоўшчыкаў (зараз яны носяць назоў "Сыны праўды"). Хэндэрсан сьцьвярджае, што на выратаваньне гульцам будзе адведзена 72 (ці 24) гадзіны рэальнага часу, якія будзе адлічваць таймэр у гульні.

Новай мэханікай павінна будзе стаць сыстэма допыту палонных, якія могуць як дапамагчы так і пусьціць гэроя па ілжывым сьледзе, марнуючы тым самым ваш час!

Рэліз гульні павінен адбыцца прыкладна ў 2025 годзе.

📢 Поўнае выданьне Horizon Forbidden West выйдзе на PC

Стваральнікі Horizon Forbidden West анансавалі поўнае выданне гульні і пацвердзілі чуткі аб яго рэлізе на PS5 і PC!

Вэрсія для PS5 стане даступная 6 кастрычніка (кошт выданьня складзе 60 даляраў), а вось вэрсія для кампутараў выйдзе не раней за 2024 год (пераносіць гульню на PC дапамагае студыя Nixxes Software (Legacy of Kain, Deus Ex, Thief і інш.))

Horizon Forbidden West Complete Edition будзе складацца з базавай вэрсіі гульні, і дапаўненьня Burning Shores, разам з рознымі лічбавымі бонусамі накшталт саўндтрэку й падобнага.

📢 Cities Skylines 2 атрымала новыя сыстэмныя патрабаваньні й дату рэлізу на кансолях

Paradox Interactive абвясьціла, што горадабудаўнічы сімулятар Cities Skylines 2 выйдзе на PlayStation 5 і Xbox Series толькі ўвесну 2024 году!
Перанос зьвязаны з жаданьнем распрацоўшчыкаў засяродзіць больш часу на якасьці й прадукцыйнасьці кансольных вэрсіяў.

Вэрсія для PC па-ранейшаму выйдзе ў рэліз 24 кастрычніка, аднак з ужо новымі (значна ўзрослымі) сыстэмнымі патрабаваньнямі:

▫️Мінімальныя:
Відэакарта — Nvidia GeForce GTX 970;
Працэсар — Intel Core i7-6700K або AMD Ryzen 5 2600X;
Апэратыўная памяць — 8 ГБ.

▫️Рэкамэндаваныя:
Відэакарта — Nvidia GeForce RTX 3080;
Працэсар — Intel Core i5-12600K або AMD Ryzen 7 5800X;
Апэратыўная памяць — 16 ГБ.

📰 Stardew Valley атрымае абнаўленьне 1.6 з новым кантэнтам

Эрык "ConcernedApe" Барон падзяліўся ў сацсетках невялікім тызерам абнаўленьня 1.6 для знакамітай Stardew Valley.
У ім гульцоў чакае:

🔸новы вялікі фэстываль і два міні-фэстывалю;
🔸новы кантэнт для гульні на позьняй стадыі са зьменамі ў сыстэме навыкаў;
🔸новыя прадметы й рэцэпты для крафта;
🔸альтэрнатывы з Джоджа для некаторых фінальных квэстаў;
🔸больш за 100 новых радкоў дыялёгу;
🔸зімовыя ўборы для жыхароў вёскі;
🔸новы тып узнагароджаньня за выкананьне заданьняў з дошкі абʼяваў;
🔸падтрымка мультыплэернай гульні да 8 чалавек на PC;
🔸новы тып фэрмы;
🔸мноства дробных выпраўленьняў і кантэнту;
🔸новыя сакрэты й іншае.

Асобна рзаработчык абяцае "палегчыць жыцьцё" стваральнікам модаў.

Апдэйт яшчэ знаходзіцца ў распрацоўцы, і даты выхаду ў яго пакуль няма.

📰 Стартавала галасаваньне прэміі Golden Joystick Awards 2023

Афіцыйна стартавала галасаваньне прэміі Golden Joystick Awards 2023, у 17 намінацыях якога прагаласаваць за любімыя гульні можа любы ґеймер!

Вынікі падвядуць 10 лістапада, а галасаваць можна да 20 кастрычніка.
Лідэрамі па колькасьці намінацыяў сталі Baldurʼs Gate 3 і The Legend of Zelda: Tears of the Kingdom, яны прэтэндуюць ажно на 4 узнагароды! Акрамя іх свае ўзнагароды могуць атрымаць Starfield, Hi-Fi RUSH, Diablo IV, Final Fantasy XVI і іншыя, а гэтак жа, у катэгорыі "Самая чаканая гульня" можна сустрэць Death Stranding 2, Star Wars Outlaws, S.T.A.L.K.E.R. 2: Heart of Chornobyl, Hollow Knight: Silksong, Fable і Hades II.

🎁 Зараз у GOG можна бясплатна забраць: Truberbrook

Truberbrook — гэта незвычайныя вакацыі ў 60-х гадах у паралельным сусьвеце! Навукова-фантастычная, прыгодніцкая гульня са створанымі ўручную дэкарацыямі!
Распрацоўшчык — Bildundtonfabrik (Нямеччына).

❗️Забраць гульню можна да 2 кастрычніка.