📰 Для Payday 3 прадставілі дарожную мапу падтрымкі гульні

Starbreeze прадставіла дарожную мапу першага году падтрымкі будучага шутэра Payday 3 з інфармацыяй аб будучых дапаўненьнях і іншым кантэнце (назвы і даты могуць зьмяніцца):

▫️Syntax Error — рэліз зімой 2023 году;
▫️Boys in Blue — рэліз вясной 2024 году;
▫️The Land of the Free — рэліз летам 2024 году;
▫️Fear and Greed — рэліз восеньню 2024 году.

Акрамя гэтага, пасьля рэлізу (які адбудзецца 21 верасьня на PC, PlayStation 5 і Xbox Series), гульню чакаюць сэзонныя падзеі, новыя пэрсанажы, ворагі, зброі, касмэтычныя прадметы й пераход на Unreal Engine 5.

📢 Выданьне IGN падзялілася сьвежым ролікам souls-like экшэна Lies of P

Новы ролік ад распрацоўшчыкаў з Round 8 Studio і журналістаў IGN цалкам прысьвечаны разнастайным гульнявым босам і бітвам зь імі!

Нагадаем, Lies of P — гэта гульня-экшн (soulslike), дзеяньне якой адбываецца ў змрочнай Францыі 19-га стагодьдзя. Гульцам прапануюць узяць пад кантроль Пінокія ў яго няўмольным шляху да таго, каб стаць чалавекам!

Рэліз гульні адбудзецца 19 верасня на PC, PlayStation і Xbox.

📰 Embracer можа прадаць студыю распрацоўшчыкаў Borderlands

Па дадзеных Reuters, Embracer разглядае магчымасьць продажу Gearbox Entertainment, аўтараў серыі Borderlands (судзячы па інфармацыі крыніцы на студыю ўжо ёсьць пакупнікі).
Дадзенае дзеяньне заклікана ўмацаваць фінансавае становішча Embracer Group на рынку.

Embracer адзначыла, што ня будзе камэнтаваць статус студыяў, якіх закранула рэструктурызацыя, адзначыўшы, што некаторыя (стратныя) студыі можа чакаць закрыцьцё (так выйшла з распрацоўшчыкамі Saints Row).

Выданьне Bloomberg у сваю чаргу апублікавала электронны ліст, які дырэктар па сувязях з грамадзкасьцю Gearbox Дэн Хʼюіт разаслаў супрацоўнікам.
У ім сказана, што лёс Gearbox Entertainment яшчэ ня вырашаны.

📰 Мастачка пэрсанажаў Dragon Age растлумачыла жудасныя ўсьмешкі NPC у Starfield

Мастачка Дэлейні Кінг (якая працавала над Dragon Age, God of War, Civilization IV і Stellaris) растлумачыла чаму твары NPC у Starfield выглядаюць жудасна.

Паводле яе словаў, падобныя праблемы ўзьніклі з-за таго, што ў пэрсанажаў не скарачаецца патрэбная для натуральнай усьмешкі мышца твару, выклікаючы пачуцьцё фальшы, як быццам пэрсанаж супрацівіцца ўсьмешцы.
Акрамя таго, пэрсанажы актыўна круцяць вачыма без удзелу ў працэсе верхняга павека, што таксама стварае жудасны эфэкт.

Яна прызналася, што не знаёмая з унутранымі інструмэнтамі студыі, але ў дадзеным выпадку ўсё выглядае так, як быццам бы ўсю анімацыю твара за распрацоўшчыкаў зрабіў кампутар.

📢 Steam споўнілася 20 гадоў

Дваццаць гадоў таму, 12 верасьня 2003 году Valve выпусьціла прыкладаньне Steam, якое было створана для запуску Counter Strike 1.6 і абароны гульні ад пірацтва й толькі праз час, у ім сталі зьяўляцца гульні іншых распрацоўшчыкаў!

Valve сьвяткуе дваццацігодзьдзе сваёй крамы падрабязным расказам пра яе гісторыю, а гэтак жа невялікімі прыемнымі падарункамі, якія можна забраць на старонцы тавараў за ачкі.
Таксама быў прадстаўлены адмысловы значок, які атрымалі карыстачы, якія стварылі свой акаўнт 20 гадоў назад (усяго такіх акаўнтаў 100).

📢 Адбыўся рэліз незвычайнага сімулятара спатканьняў Eternights

Гэта экшэн-сімулятар спатканьняў, дзеяньне якога адбываецца падчас Апакаліпсісу. Панядзелак: спатканьне Аўторак: зачыстка падзямельля Пятніца: жах! Часу мала!

Над гульнёй 3 гады працаваў адзін чалавек, а сваю папулярнасьць яна набыла пасьля фэсту дэма-вэрсіяў у Steam.

Ґеймеры хваляць атмасфэру гульні й яе сюжэт, які нягледзячы на пэўную жартаўлівасьць не баіцца ісьці ў сурʼёзныя тэмы.
Зь мінусаў — некаторыя гульцы адзначаюць малаважныя прасадкі FPS.

Кошты:
▫️Звычайнае выданьне гульні — $23.99;
▫️Deluxe Edition — $29.99.
Гульня таксама даступна на PlayStation 4 і PlayStation 5.

📢 Creative Assembly абʼявіла дату рэлізу Total War Pharaoh

Total War: Pharaoh перанясе гульцоў у пэрыяд Новага царства, калі вялікая дзяржава эгіпцян знаходзілася ў зеніце сваёй магутнасьці!

Гульня выходзіць 11 кастрычніка, толькі на PC.

Ґеймплэй новай гульні можна паглядзець тут, а падрабязьней даведацца аб асноўных кіраўніках тут.

Кошты:
Standard Edition — $59.99;
Deluxe Edition — $72.87 (Саўндтрэк + DLC з новай фракцыяй);
Dynasty Edition — $91.46 (Саўндтрэк + 3 DLC з новай фракцыяй + DLC з новай кампаніяй).
❗️Недаступна на тэрыторыі Беларусі.

📢 Mortal Kombat 1 атрымала перадрэлізны трэйлер

Адкрыйце адроджаны сусьвет Mortal Kombat, які стварыў Бог агню Лю Кан. Mortal Kombat 1 абвяшчае новую эру культавай франшызы з новай баявой сыстэмай, гульнявымі рэжымамі й фаталіці!

Рэліз адбудзецца 19 верасьня, на PC, Xbox Series, PlayStation 5, Nintendo Switch.

Кошты:
▫️Звычайнае выданьне — $69.99;
▫️Premium Edition — $109.99.
❗️ Недаступна на тэрыторыі Беларусі.

📰 Новая частка The Sims будзе бясплатнай (з адным нюансам)

Падчас традыцыйнай трансьляцыі Behind The Sims, Electronic Arts раскрыла невялікую колькасьць падрабязнасьцяў аб Project Rene, новай частцы культавай серыі The Sims.

Распрацоўнікі заявілі, што гульня будзе цалкам бясплатнай, аднак як і для папярэдніх гульняў, яны будуць выпускаць розныя дапаўненьні й кантэнт-пакі (падтрымліваць абяцаюць гэтак жа й The Sims 4, нават пасьля выхаду новай гульні).

У ходзе трансьляцыі ЕА заявілі, што яны зьбіраюцца зьнізіць барʼеры й даць усім гульцам доступ да агульных гульнявых сыстэм, напрыклад сэзоны й надворʼе больш ня будуць асобным DLC, а будуць уключаны ў базавую гульню (аднак сэзонныя актыўнасьці, накшталт танцаў на лёдзе й падобнага, давядзецца купляць асобна).

Аб рэлізе гульні па-ранейшаму нічога невядома.

​​📰 Новыя правілы выкарыстаньня Unity выклікалі гнеў распрацоўшчыкаў

Па новых правілах, распрацоўшчыкам з 1 студзеня трэба будзе плаціць камісію Unity Runtime Fee, якая будзе актуальная для ўсіх праектаў, створаных на рухавіку. Камісія зьявіцца пасьля таго, як аўтары атрымаюць пэўную суму й перавысяць канкрэтную колькасьць усталёвак (пасьля гэтага, трэба будзе плаціць камісію за кожную ўсталёўку або пераўсталёўку (пра гэта ў правілах ужо не згадваюць) гульні).

Памер камісіі будзе залежаць ад тарыфнага пляна, які абраў той ці іншы распрацоўшчык. Уся гэтая праґрама нібы накіравана на разьвіцьцё Unity.

Дадзеныя зьмены выклікалі буру абурэньня сярод незалежных кампаніяў, паколькі такія зьмены могуць зрабіць невялікую студыю банкрутам за некалькі дзён (новая сыстэма, дарэчы, не ўлічвае зьніжкі, бясплатныя выходныя або даданьне гульні ў Game Pass).

Прадстаўнікі Unity паспрабавалі растлумачыць, што новыя ўмовы не закрануць 90% распрацоўшчыкаў, паколькі ня ўсе гульні могуць зарабіць на "парог камісіі", але гэта ўсё не дапамагло.

Сярод пратэстуючых значацца распрацоўшчыкі Slay the Spire, Among Us, Cult of the Lamb і інш.

📢 Killing Floor 3 абзавялася новым ролікам аб жудасных монстрах

2091 год. Мега-карпарацыя Horzine стварыла ідэальнае войска: паслухмянае ім полчышча біяінжынэрных пачвар, званых zed. Толькі паўстанцкая група Nightfall стаіць паміж гэтымі пякельнымі стварэньнямі й будучыняй чалавецтва!

У новым роліку распрацоўшчыкі распавядаюць гісторыю біямэханічных монстраў, якія не проста павінны стаць машынай для забойстваў, але й выклікаць у гульца агіду, не даючы падстаў для шкадаваньня.

Дата рэлізу невядомая, сам праект, нагадаем, быў анансаваны на gamescom 2023.

🎁 Зараз у Epic Games Store, можна бясплатна забраць: 911 Operator

911 Operator — гэта гульня, у якой вы маеце ролю апэратара службы экстранай дапамогі й вырашаеце складаныя задачы, даючы інструкцыі й кіруючы падразьдзяленьнямі. Гуляйце на мапе любога горада сьвету!
Распрацоўшчык — Jutsu Games (Польшча)

❗️Забраць гульню можна да 21 верасьня.

📢 У раньні доступ выйшла Pathfinder: Gallowspire Survivors

Pathfinder: Gallowspire Survivors — новая гульня ў жанры roguelite, дзеяньне якой адбываецца ва ўлюбёным фэнтэзійным сьвеце Pathfinder. Увайдзіце ў Галоўспайр — легендарную вежу цемры, разам са сваім бясстрашным кампаньёнам. Зьнішчайце полчышчы ворагаў, паляпшайце свой арсэнал і перамагайце босаў, каб запячатаць старажытнага караля нежыці!

Гульня атрымала зьмешаныя водгукі карыстальнікаў, якія хваляць сэтынг (і сам сусьвет Pathfinder), але адзначаюць сумныя мапы, ґеймплэй і своеасаблівую, штучна-ўскладненую сыстэму навыкаў.

Кошт гульні на дадзены момант — $4.69 (да 21 верасьня дзейнічае зьніжка ў 20% — $3.75).

📢 CD Projekt Red выпусьцілі кінэматаґрафічны трэйлер Cyberpunk 2077 Phantom Liberty

Phantom Liberty — новае дапаўненьне для Cyberpunk 2077 у жанры шпіёнскага трылера, якое прапануе вам выратаваць прэзыдэнта Новых Злучаных Штатаў Амэрыкі!

Phantom Liberty выходзіць 26 верасьня, на PC, Xbox Series, PlayStation 5.
Кошт DLC — $30.
❗️ Недаступна на тэрыторыі Беларусі.

📢 Для Resident Evil 4 афіцыйна анансавана DLC Separate Ways

Дапаўненьне прапануе гульцам прайсьці шляхам загадкавай Ады Вонг, якая выконвае сваё таямнічае заданьне й адначасна дапамагае Лявону выжыць у глухой гішпанскай вёсцы.

Распрацоўнікі таксама паведамілі, што рэліз VR-рэжыму для асноўнай кампаніі хорару адбудзецца ўзімку. Дакладная дата пакуль што невядомая.

DLC ж выйдзе ўжо 21 верасьня.

📢 Insomniac прадставіла новы ґеймплэйны ролік Marvelʼs Spider-Man 2

У рамках мерапрыемства State of Play студыя Insomniac прадставіла новы ґеймплэйны ролік Marvelʼs Spider-Man 2.

У відэа творчы кіраўнік студыі Браян Інціхар расказаў пра новаўвядзеньні гульні й яе адрозьненьні ад першай часткі.
Калі коратка, то зараз ґеймерам будзе неабходна гуляць адразу за двух павукоў — Піцера Паркера й Майлза Маралеса (з вольным пераключэньнем паміж імі). Колькасьць заданьняў, як і памер мапы павялічыліся амаль у два разы, стала больш і касьцюмаў для гэрояў (зараз іх прыкладна 65).

Дадаткова быў прадстаўлены трэйлер Digital Deluxe выданьня.

Нягледзячы на тое, што рэліз новага Чалавека-Павука адбудзецца 20 кастрычніка, журналісты GameSpot, IGN, Eurogamer ды іншых выданьняў ужо пачалі дзяліцца сваімі ўражаньнямі ад гульні (паўнавартасныя агляды пачнуць зьяўляцца пасьля 15 кастрычніка).
На думку тых, хто гуляў, гульня ў дадзены момант зьяўляецца кульмінацыяй усяго, што мы бачылі да гэтага часу. Сьвет стаў яшчэ больш насычаным, баі відовішчнымі, а ґрафіка больш падрабязнай. Многія адзначаюць цікавую сыстэму навыкаў і займальныя квэсты.

📢 Ubisoft прадставілі сюжэтны трэйлер Avatar Frontiers of Pandora

Станьце Наʼві й дасьледуйце Заходнюю мяжу ў «Avatar: Frontiers of Pandora». Вы будзеце гуляць за дзіця двух сьветаў, народжанае Наʼві, але выхаванае RDA (Resources Development Administration). Празь пятнаццаць гадоў пасьля выкраданьня вы вольныя й павінны ўзьяднацца са сваёй страчанай спадчынай. Пазнаёмцеся з новымі кланамі, вывучыце іх звычаі й далучыцеся да іх, каб абараніць Пандору ад RDA!

Рэліз гульні заплянаваны на 7 сьнежня для PC, PS5 і Xbox Series.

📢 Адбыўся рэліз псыхалягічнага трылера Ad Infinitum

Вы змагаецеся за сваю разважнасьць і выжываньне ў акопах Вялікай вайны й сьценах свайго радавога дома. Гуляйце за нямецкага салдата, якога перасьледуюць жахі Першай сусьветнай вайны. Жудасныя істоты, сьмяротныя пасткі й вар’яцкія таямніцы адзначаюць ваш шлях на поле бою.

Нягледзячы на вытворчыя пекла (гульню ствараюць з 2015 году), нешматлікія водгукі ў Steam у асноўным станоўчыя, гульцы адзначаюць велізарнае падабенства Ad Infinitum з сэрыяй гульняў Amnesia, хваля праект за цікавую атмасфэру, а лаюць за аднастайнасьць ґеймплэя.

Кошты:
▫️Звычайнае выданьне — $24.99
▫️Supporter Edition — $29.99
Акрамя PC, гульня выйшла на Xbox Series і PlayStation 5.

📢 Ghostrunner 2 атрымала новы трэйлер і дэмавэрсію

Кроў пральецца ў Ghostrunner 2 – гардкорным слэшары ад першай асобы, дзеяньне якога адбываецца ў кібэрпанкавым сьвеце. Станьце неверагодным кібэрніндзя й прыгатуйцеся да сутычак з босамі, інтэрактыўнай гісторыі, новым рэжымам і сінтвэйв-саўндтрэкам.

Рэліз гульні адбудзецца 26 кастрычніка на PS5, Xbox Series і PC. Уладальнікі Brutal Edition змогуць пачаць гуляць на 2 дні раней.
Жадаючыя азнаёміцца з гульнёй, могуць усталяваць сьвежую дэма.

📰 Правал Immortals of Aveum прывёў да звальненьня паловы супрацоўнікаў Ascendant

У мінулым месяцы адбыўся рэліз магічнага шутэра Immortals of Aveum, які ня здолеў дасягнуць хоць якіх-небудзь вышынь (у першыя гадзіны рэлізу ў яго не гуляла нават 1000 чалавек).
Як стала вядома зараз, гучны правал прывёў да звальненьня амаль паловы супрацоўнікаў Ascendant Studios.

Кіраўнік Ascendant Брэт Роббінс пацьвердзіў, што яму прыйшлося прыняць цяжкае рашэньне й звольніць каля 45% супрацоўнікаў. Ён падзякаваў усім за неацэнны ўклад у гульню й паабяцаў падтрымліваць былых распрацоўшчыкаў усімі магчымымі спосабамі, уключаючы рэкамэндацыі іншым студыям.

📢 У раньні доступ выйшаў рэмэйк Wizardry Proving Grounds of the Mad Overlord

Незалежная студыя Digital Eclipse выпусьціла ў раньні доступ гульню Wizardry: Proving Grounds of the Mad Overlord — рэмэйк леґендарнай ролевай серыі Wizardry, якая ўпершыню зьявілася ў 1981 годзе, на Apple II.

З пункту гледжаньня гісторыі, Wizardry лічыцца адной з найважнейшых RPG-гульняў, бо на момант рэлізу яна валодала шматлікімі рэвалюцыйнымі мэханікамі (у прыватнасьці, менавіта яна ўвяла паняцьце "партыйная RPG"), і натхніла распрацоўшчыкаў на стварэньне такіх гульняў як Final Fantasy і Dragon Quest.

У раньнім доступе гульня прабудзе да 2024 году.
Яе кошт — $14.49.