📢 Выйшаў геймплэйны трэйлер Assassin's Creed Jade

Ubisoft прадставіла трэйлер Assassinʼs Creed Jade з дэманстрацыяй гульнявога працэсу.

Assassinʼs Creed Jad — гэта прыгодніцкі экшэн для мабільных прылад пад кіраваньнем iOS і Android. Падзеі тайтла разгорнуцца ў сярэднявечным Кітаі, а яго гульнявы працэс будзе нагадваць Assassinʼs Creed Origins і Odyssey.

Дата рэлізу не называецца.

📰 Фанаты Baldurʼs Gate 3 склалі сьпіс выразанага кантэнту

Карыстальнік Reddit пад нікам Vasgorath сабраў сьпіс кантэнту Baldurʼs Gate 3, які па розных прычынах не ўвайшоў у рэлізуную вэрсію (дарэчы кантэнт верагодна пачалі выдаляць прыкладна перад рэлізам, аб чым сьведчыць наяўнасьць паўнавартаснай агучкі выразаных момантаў):

Шмат спойлераў!

🔹Быў выдалены Верхні горад, аб якім казалі за некалькі тыдняў да рэлізу;
🔹Магчымасьць абраць пакланеньне Шар з унікальнымі дыялогамі (асабліва ў дыялёгу з Шэдаўхарт);
🔹Канцоўка Карлах: датамайнеры знайшлі пацьверджаньне таго, што для гэраіні рыхтавалася канцоўка з поўным рамонтам яе пякельнага рухавіка, але для яе атрыманьня патрабаваўся кантэнт зь Верхняга горада, які быў выразаны;
🔹Для Мінтары рыхтавалася глыбейшая гісторыя, у якую ўваходзіла яе цяжарнасьць. Тое ж з Хальсінам;
🔹Рафал мог ня толькі быць адным з варыянтаў выдаленьня чарвяка, але й гандляром магутнымі артэфактамі за манэты душы;
🔹Мы маглі патрапіць у Аверна й дасьледаваць падземнае царства, адшукаўшы там рэдкія матэрыялы й даведаўшыся больш пра Карлах;
🔹У другім акце войскі Баала пад правадырствам Орын нападалі б на гіцьянак, і мы маглі выбраць адзін з бакоў або атакаваць абодва;
🔹Пасьля сустрэчы зь цёткай Этэль мы маглі б увязацца ў паўнавартасную гісторыю з удзелам шабаша ведзьмаў;
🔹Канцоўкі былі моцна зьменены й паменшаны;
🔹Касадор мог бы стаць патэнцыйным хаўрусьнікам у фінальнай бітве з Абсалют;
🔹Мінска можна было завэрбаваць у канцы першага акта, а з Джахейрай завесьці раман;
🔹Меркавалася, што мы атрымаем поўны доступ да стварэньня й зачараваньня прадметаў. Гэтыя сыстэмы былі выразаныя, але ад іх у гульні засталіся такія прадметы, як зьліткі мэталу, камяні, драўніна й іншае;
🔹З гульні былі выразаны паясы.

📢 Ubisoft прадставіла сьвежы ролік Avatar: Frontiers of Pandora

Новы ролік Avatar: Frontiers of Pandora цалкам прысьвечаны PC-вэрсіі гульні.
Распрацоўнікі запэўніваюць ґеймераў, што Frontiers of Pandora аптымізавана для PC як зь нізкімі, так і з высокімі характарыстыкамі. Будзе мноства налад і функцыяў, што забясьпечыць "плыўнае падарожжа са стабільным FPS і нізкай затрымкай на любых экранах".

Нагадаем, рэліз гульні адбудзецца 7 сьнежня, на PC, PlayStation 5 і Xbox Series.

📰 Коратка аб тым што паказалі на REDstreams

Студыя CD Projekt Red правяла прамую трансьляцыю, падчас якой распавяла масу падрабязнасьцяў аб будучым дапаўненьні Phantom Liberty для Cyberpunk 2077.

Вось кароткі пераказ усяго самага цікавага:

🔸Базавая гульня атрымае масу новаўвядзеньняў у вялікім патчы 2.0;
🔸Пачаць місіі Phantom Liberty можна будзе пасьля завяршэньня сюжэтнай лініі з вудуістамі або абраўшы DLC у галоўным мэню;
🔸Кампанію будзе пачынаць дзяўчына-нэтранэр Сойка, яна абяцае дапамагчы з чыпам узамен на выратаваньне прэзыдэнта;
🔸У гульню будзе дададзена дрэва прапампоўкі імплянтаў Relic (толькі для ўладальнікаў Phantom Liberty), акрамя гэтага будуць перагледжаны шматлікія стандартныя навыкі;
🔸Сыстэма паліцыі будзе перапрацавана й стане нагадваць GTA, з зоркамі вышуку (чым багацей раён, тым больш шанцаў прыцягнуць увагу паліцыі);
🔸Важную частку ў сюжэце будзе гуляць Джоні Сільверхэнд;
🔸Для пакупкі стане даступная новая кватэра.

Cyberpunk 2077 Phantom Liberty выходзіць 26 верасьня.

📢 Stronghold Definitive Edition атрымала трэйлер новай кампаніі

Firefly Studios апублікавалі трэйлер перавыданьня Stronghold, прысьвяціўшы яго новай сюжэтнай кампаніі.

Гісторыя прапануе нам адправіцца «на руіны» сярэднявечнай Анґліі, у пошуках сваякоў сэра Лонґарма, уступіўшы ў супрацьборства з ужо знаёмымі ворагамі, у асобе Пацука, Кабана, Ваўка й іншых!

Па запэўненьні распрацоўшчыкаў, над кампаніяй (якая будзе складацца з 14 місіяў), як у старыя часы, працуюць сузаснавальнікі студыі Firefly.

Рэліз Stronghold: Definitive Edition адбудзецца 7 лістапада, на PC.

📢 Студыя Digital Extremes (стваральнікі Warframe) апублікавалі 30 хвілін ґеймплэя новай MMO Soulframe

Soulframe — гэта бясплатная прыгодніцкая гульня з адкрытым сьветам, на якую моцна паўплывалі працы Хаяо Міядзакі й іншыя праекты студыі Ghibli.

Сьвежы ролік гульнявога працэсу Soulframe доўжыцца каля 30 хвілін і прапануе паглядзець на некалькі атмасфэрных лякацый, кастамізацыю, баявую сыстэму, пэрсанажаў і ўрыўкі гісторыі сьвету.

Дата рэліза не называецца.

📢 Распрацоўнікі Path of Exile 2 паказалі новы ґеймплэйны ролік

У рамках gamescom, Grinding Gear Games прадставілі новы ґеймплэйны ролік Path of Exile 2, надаўшы ў ім шмат увагі некаторым клясам (напрыклад друіду, зь яго магчымасьцю ператварацца ў моцнага мядзьведзя).

Асобна быў апублікаваны ролік гульні за Ваяра й Паляўнічага.

Рэліз Path of Exile 2 заплянаваны на 2024 год, гульня будзе ўмоўна-бясплатнай і выйдзе на PS5, Xbox Series і PC.

📰 У Starfield ня будзе поўнай свабоды дасьледаваньня плянэт

Такой інфармацыяй падзяліўся інсайдэр Том Хендэрсан.

Шматлікія гульцы чытаючы пра Starfield, уяўляюць велізарныя адчыненыя прасторы тысяч плянэт, якія ім будзе неабходна дасьледаваць, аднак у рэальнасьці гэта ня так!
Плянэты ў Starfield маюць розную колькасьць кропак прызямленьня, кожная зь якіх адкрывае доступ да асобных рэгіёнаў для дасьледаваньня, выходзіць за які будзе забаронена.
Па словах інсайдэра, асобныя плянэты можна абысьці за 30 хвілін.

Цікава, што Bethesda згадвала кропкі прызямленьня але пра абмежаваньні інфармацыі ніколі не давала (Сам Хендэрсан думае, што ўся справа ў «кансольных войнах»).

Starfield выходзіць 6 верасьня на PC і Xbox Series (1 верасьня для ўладальнікаў пашыраных выданьняў).

📉 У Steam стартаваў «Фэст стратэгіяў»

Да 4 верасьня карыстальнікі Steam могуць прыняць удзел у сьвяце стратэгічных гульняў, купляючы цікавыя праекты па зьніжаных коштах!

Вось некаторыя цікавыя варыянты, на якія (на нашу думку) варта зьвярнуць увагу:

🔹Crusader Kings III — $20.99 (-30%);
🔹Victoria 3 — $23.44 (-30%);
🔹Stellaris — $8.09 (-70%);
🔹Age of Wonders 4 — $26.79 (-20%);
🔹Wartales — $20.79 (-20%);
🔹Timberborn — $9.99 (-20%);
🔹Pillars of Eternity II: Deadfire - Obsidian Edition — $11.39 (-75%);
🔹Battle Brothers — $8.99 (-50%).

📢 Беларуская гульня Tales Of Meadows абзавялася новым трэйлерам

Tales Of Meadows прывядзе вас у Тураў, адзін з найстаражытнейшых і найважнейшых гарадоў Беларусі, дзе вы будзеце адчуваць змрочную й захапляльную атмасфэру, бачыць рэалістычную баявую сыстэму, знаёміцца з героямі й падзеямі з гісторыі Беларусі, а таксама насоладжвацца прыгожым і дэталёвым ґрафічным афармленьнем!

Рэліз заплянаваны на канец 2023 году.

P.S.
Tales Of Meadows — гэта іншая гульня, якая не зьвязана з LOSTED (іншай гульнёй ад беларусаў пра Беларусь, якая павінна ўсё яшчэ быць у распрацоўцы).

🎁 Зараз у GOG можна бясплатна забраць Hero of the Kingdom 2.

Hero of the Kingdom 2 — нарэшце, вы разам са сваёй сястрой знайшлі укрыцьцё ў маленькім рыбацкім пасёлку. Неўзабаве зьявіліся новыя клопаты. Няўлоўныя піраты пагражаюць цэламу каралеўству. Тваю сястру скралі. Ты павінен зладзіць паход на канец сьвету й вызваліць яе!

❗️Забраць гульню можна да 31 жніўня.
‼️Калі не адчыняецца старонка гульні, аўтарызуйцеся на сайце GOG, клікніце на спасылку, а затым правярайце гульню ў бібліятэцы.

📢 Адбыўся рэліз пакрокавай RPG Sea of Stars

Sea of Stars — пакрокавая ролевая гульня, натхнёная клясычнымі гульнямі. У ёй распавядаецца гісторыя двух Дзяцей Сонцастаяньня, якія абʼяднаюць сілы сонца й месяца, каб выкарыстоўваць Магію Зацьменьня, адзіную сілу, здольную адбіць жахлівыя тварэньні злога альхіміка!

Кошт гульні ў Steam — $16.49 (зараз дзейнічае зьніжка ў 10%).
Sea of Stars выйшла на PC, Xbox One, Xbox Series, PlayStation 4, PlayStation 5 і Nintendo Switch.

📢 Калі вы (як і мы) прапусьцілі, вось ґеймплэй Warhammer 40k: Space Marine 2

Warhammer 40k: Space Marine 2 — Чалавецтва ў небяспэцы. Імпэрыюму патрэбны ВЫ. Адчуйце ў сабе звышнатуральныя здольнасьці й жорсткасьць касмадэсантніка, аднаго з найвялікшых ваяроў Імпэратара!

У новай гульні, гульцы кіруюць ня ўсёй арміяй, а адным касьмічным марпехам, які адпраўляецца зьнішчаць арды Тыранідаў.

Space Marine 2 створана на рухавіку Sabre Swarm Engine, дзякуючы чаму на экране адначасова можа зьявіцца вялікая колькасьць ворагаў (Той жа рухавік выкарыстоўваўся ў Wold War Z, але з тых часоў быў палепшаны).

Warhammer 40,000: Space Marine 2 выйдзе ў рэліз гэтай зімой, на PC, PS5 і Xbox Series X/S.

📢 Анансавана CRPG у стылістыцы стымпанк — New Arc Line

Дзеяньне New Arc Line разгортваецца ў выдуманым сьвеце ў век тэхналогій з налётам магіі. Гульцу трэба ўзяць на сябе ролю імігранта ў шумным горадзе Нью-Арк, які апынуўся ўцягнуты ў барацьбу за будучыню ўсяго сьвету!

Распрацоўнікі з Dreamate абяцаюць глыбокую гісторыю, уласьцівую клясычным ролевым гульням (CRPG), стымпанк-вынаходствы, таямніцы, загадкі й каханьне!

Рэліз New Arc Line заплянаваны на 2024 год, для PC, PS5 і Xbox Series X/S.

📢 Распрацоўнікі з Nihil Inane Studio прадставілі трэйлер свайго гіпэррэалістычнага хорару Lost Fragment

Незалежная студыя Nihil Inane прадставіла кароткі ролік свайго фотарэалістычнага хорару Lost Fragment, які распрацоўваецца на Unreal Engine 5, у якім можна ўбачыць закінутую лякарню, у якой відавочна ёсьць штосьці (ці хтосьці) яшчэ… .

Аўтары адзначылі, што ўся мастацкая частка праекта створана сваімі рукамі без прымяненьня фотаграмэтрыі (выкарыстаньне ў распрацоўцы рэальных фота).

Даты рэлізу ў праекту яшчэ няма, як яе пакуль няма й у іншага падобнага праекту — Unrecord.

📰 The Elder Scrolls VI афіцыйна выйшла са стадыі прэпрадакшэну

Пра гэта распавёў віцэ-прэзыдэнт па PR і маркетынгу Bethesda Піт Хайнс, падкрэсьліўшы, што гульня знаходзіцца на раньняй стадыі распрацоўкі.
Увогуле, гэта азначае, што кампанія вызначылася з агульным бачаньнем праекту, скончыла падрыхтоўкі й прыступіла да паўнавартаснай вытворчасьці.

Асобна, Bethesda падкрэсьліла, што ў дадзены момант кампанія сканцэнтравана на Starfield, якая выходзіць ужо ў наступным месяцы, таму аб TESVI ня будзе навін яшчэ доўгі час.

Нагадаем, што новую частку Старажытных скруткаў анансавалі ў 2018 годзе, аб чым Bethesda ня раз шкадавала (бо зрабіла гэта надта рана). У сваіх апошніх інтэрвію Тод Говард заявіў, што жадае зрабіць новую гульню серыі «дасканалым фэнтэзі» і што магчыма, гэта гульня стане для яго апошняй (але гэта не дакладна).

​​📰 Larian растлумачыла сытуацыю з выразаным кантэнтам Baldurʼs Gate 3

Ґеймдырэктар Baldurʼs Gate III Свэн Вінке пракамэнтаваў пытаньне выразанага з гульні кантэнту, як аказалася, датамайнеры знайшлі ня толькі яго, у асноўным імі быў знойдзены кантэн зь вельмі раньняй вэрсіі гульні.

Рашэньні аб выдаленьні кантэнту ў гульнях падобнага маштабу прымаюць задаўга да рэлізу праекту, паколькі трэба ўлічваць мноства фактараў. Да прыкладу выдалены Верхні горад сапраўды быў створаны й напоўнены сюжэтам (частку якога пазней, палічылі недарэчным), але распрацоўшчыкі вырашылі, што гульцы адчуюць перанасычэньне кантэнтам, паколькі перад наведваньнем Брамы Балдура тыя й так ужо правядуць у гульні звыш за сотні гадзін.

Вінке адзначыў, што ўспрымае прэтэнзіі з нагоды выразаных элемэнтаў у якасьці своеасаблівага камплімэнту — бо калі карыстачы жадаюць убачыць больш кантэнту, то гульня напэўна ім спадабалася.

Асобна варта згадаць пляны Larian на другі патч, у якім акрамя тэхнічных выпраўленьняў будуць некаторыя сюжэтныя. Так напрыклад у гульні пашыраць эпілогі пэрсанажаў (пра што распрацоўшчыкаў прасілі гульцы), а гэтак жа новую порцыю кантэнту атрымае Карлах (новую канцоўку) і Ментара (вялікая частка сюжэта якой не працавала з-за бага).

📰 Bethesda сумесна з гуртом Imagine Dragons выпусьцілі песьню для Starfield

Bethesda апублікавала кліп на песьню Children of the Sky гурта Imagine Dragons, якая была напісана спэцыяльна для рэклямы будучай касьмічнай Action-RPG.

Imagine Dragons — амэрыканскі поп-рок-гурт, створаны ў 2008 годзе й набыўшы славу пасьля выпуску свайго дэбютнага альбома Night Visions.

Starfield выйдзе 6 верасьня на PC і Xbox Series. Уладальнікі пашыранага выданьня змогуць пачаць гуляць на 5 дзён раней.

📢 Дарожная мапа рэлізаў на верасень 2023, ад Беларускага геймера.

На парозе восень, якая акрамя дажджоў, слоты й халадоў абяцае прынесьці нам мноства рэальна гучных рэлізаў!

У гэтым месяцы наш чакаюць: Starfield, Mortal Kombat 1, Lies of P, Payday 3 і многае іншае!
Апроч новых гульняў, у верасьні варта чакаць Baldurʼs Gate 3 для PS5 і DLC Phantom Liberty для Cyberpunk 2077.

Заставайцеся з намі, каб анічога не прапусьціць!

#мапа_рэлізаў
#mapa_relizaŭ

🎁 Зараз у Epic Games Store, можна бясплатна забраць: Cave Story+

Cave Story+ — верагодна, лічыцца самай вядомай інды-гульнёй усіх часоў. Вас чакае сапраўдны сюжэт, поўны сваіх асаблівасьцяў і таямніц, сумаваць тут сапраўды не давядзецца. Бегайце, скачыце, страляйце, лётайце й адкрывайце новыя шляхі ў буйным прыгодніцкім экшэне ў духу клясычных 8- і 16-бітных гульняў!
Распрацоўшчык — Pixel (Японія)

❗️Забраць гульню можна да 7 верасьня.