Вітаю! Сёння хачу параіць вам канал на якім публікуюцца карысныя і цікавыя навіны, якія звязаныя са штучным інтэлектам у свеце і ў Беларусі! Новыя допісы кожны дзень, падпісвайцеся!!!!

Спасылка: https://t.me/belaiplatform

📰 На gamescom 2023 нам могуць прадставіць новую Tomb Raider

У пачатку году выданьне Exputer паведамляла, што Crystal Dynamics працуюць над новай гульнёй пра Лару Крофт, зараз жа, самі распрацоўшчыкі, ускосна гэта пацьвердзілі!

Гульцоў заклікаюць стаць раскрадальнікамі грабніц і падпісацца на рассылку, каб першымі даведацца аб «вельмі важных навінах» па франшызе, а таксама аб узнагародах, рэлізах і інш. На фоне стаіць Лара Крофт перад храмамі з Shadow of the Tomb Raider.
Усё гэта прымусіла шматлікіх гульцоў думаць, аб тым, што на будучай гульнявой імпрэзе, нас чакае буйны анонс!

📢 Адбыўся рэліз фэнтэзійнага шутара Immortals of Aveum

Паклічце сваю сілу, спыніце Вечную вайну й выратуйце каралеўства!
Immortals of Aveum — гэта аднакарыстальніцкі магічны шутэр ад першай асобы, які распавядае гісторыю Джэка, які далучаецца да элітнага ордэна баявых чараўнікоў, каб выратаваць сьвет!

Уражаньні крытыкаў ад навінкі аказаліся даволі зьмяшанымі. Да плюсаў адносяць прыгожае асяродзьдзе, эфэкты, дынамічныя баі й насычаную кампанію. Да мінусаў — прадказальны сцэнар, нецікавых (і раздражняючых) пэрсанажаў, агульныя недапрацоўкі й тэхнічныя праблемы.

Гульня даступна на PC, Xbox Series, PlayStation 5.
Кошт: 59,99 $.
❗️ Недаступна на тэрыторыі Беларусі.

📰 Рэліз касьмічнай прыгоды The Alters адбудзецца ў 2024 годзе

Польская студыя 11 bit (вядомая па This War of Mine і Frostpunk, а гэтак жа тым, што нядаўна карміла ґеймераў піцай) падзяліліся невялікай порцыяй інфармацыі аб гульні, адна зь іх, гэта прыкладнае акно рэлізу, якім зьяўляецца першая палова 2024 году.

Таксама распрацоўшчыкі расказалі, што ў The Alters гульцоў чакае больш за 10 тысяч радкоў агучаных і аніміраваных дыялогаў!

Нагадаем, сама The Alters уяўляе зь сябе касьмічную прыгоду, якая апавядае аб простым працоўным Яне Дольскі, які аказваецца на бязьлюднай плянэце й стварае ў дапамогу сабе альтэраў (альтэрнатыўныя вэрсіі яго самога), якія неўзабаве аказваюцца не бяздушнымі працоўнымі, а паўнавартаснымі асобамі!

📢 NVidia прадставіла Half-Life 2 RTX

На афіцыйным сайце NVidia зьявіўся трэйлер-анонс RTX-версыі Half-Life 2. Аўтары правялі вялізную працу па паляпшэньні тэкстур, і перапрацаваўшы амаль кожную 3д-мадэль з арыґінальнай версыі, ператварыўшы іх у больш высокапаліганальныя версыі, а таксама дадаўшы ў гульню PBR-матэрыялы, працуючыя з тэхналёгіяй рэй-трэйсінга.

RTX-рэмайстар распрацоўваецца маладой Orbifold Studios, якая сфармавалася з найлепшых модэраў-энтузіястаў HL-супольнасьці. На дадзены момант аўтары праэкту ахвотна шукаюць таленавітых модэраў і 3D-дызайнэраў, якія хацелі бы далучыцца да праэкту. Дзеля гэтага яны стварылі спэцыяльную форму на іх сайце.

📰 Што паказалі на адкрыцьці gamescom 2023

Увечары 22 жніўня прайшла цырымонія адкрыцьця gamescom 2023, на якой было паказана мноства ролікаў гульняў, якія выйдуць у рэліз, у бліжэйшы час, сярод іх: Alan Wake 2, Cyberpunk 2077: Phantom Liberty 3 і інш.
З цікавых анонсаў можна ўзгадаць, напрыклад Little Nightmares 3 і Killing Floor 3.

Кароткую зводку ўсяго, што паказалі можна паглядзець у нашым маленькім выцісканьні з трэйлераў.
Трансьляцыю па беларуску можна паглядзець на канале "Відзік".

📢 Адбыўся (правальны) рэліз навукова-фантастычнай гульні Fort Solis

Fort Solis адпраўляе гульцоў на Марс, дзе ім, у суправаджэньні знакамітых актораў, такіх як Роджэр Кларк (Red Dead Redemption 2), Трой Бэйкер (BioShock Infinite, The Last of Us, Death Stranding) і Джулія Браўн («Падстава»), неабходна дасьледаваць шахторскую базу, поўную небясьпек!

На момант напісаньня допіса, у гульню гуляла ня больш за 600 чалавек. Карыстальнікі хваляць гульню за ґрафіку, анімацыі й атмасфэру, але моцна лаюць, за аптымізацыю й татальную нуду, абзываючы яе звычайным сімулятарам хадзьбы.

Гульня выйшла на PC і PlayStation.
Кошт — $24.99 (гульня ўжо атрымала зьніжку ў 10%).

📢 Анансаваны рэмайстар Turok 3: Shadow of Oblivion (2000 год)

Студыя Nightdive Studios анансавала рэмайстар Turok 3: Shadow of Oblivion для PC, PS5, Xbox Series, PS4, Xbox One і Nintendo Switch.
Першапачаткова гульня выйшла ў 2000 годзе, на Nintendo 64.

Паводле заявы распрацоўнікаў, гульню ствараюць на палепшанай вэрсіі рухавіку KEX, з падтрымкай 4K манітораў і 120 FPS, а гэтак жа ўсімі сучаснымі гульнявымі атрыбутамі накшталт дасягненьняў і поўнай падтрымкі кансольных ґеймпадаў.

Рэліз адбудзецца 14 лістапада.

📢 Анансаваны рэмайстар «Star Wars: Dark Forces»

Арыґінальная гульня выйшла аж у 1996 годзе

Абноўленая вэрсія дазваляе атрымаць 4K / 120 кадраў і будзе даступная на PC, кансолях новага пакаленьня й Switch. Акрамя таго, распрацоўшчыкі абяцаюць абноўленыя кат-сцэны й «кантэнт».

Рэмастэрам займаецца студыя Nightdive Studios. Яна таксама анансавала новае выданьне Turok 3, які выйшаў на Nintendo 64 у 2000 годзе. Раней кампанія выпусьціла абноўленыя вэрсіі System Shock і Quake 2.

📰 Усё дзеля Dragon Age і Mass Effect — BioWare паведамілі аб скарачэньнях штата

Віцэ-прэзыдэнт і ґенэральны мэнэджар BioWare Ґэры Макей паведаміў аб неабходных і непазьбежных зьменах унутры студыі.
Кампанія пераасэнсавала свой падыход да распрацоўкі гульняў і прыняла рашэньне аб рэарґанізацыі, што пацягне за сабой звальненьне 50 чалавек.

Макей запэўніў, што яму балюча й непрыемна пра гэта казаць, але ў канчатковым выніку, гэта ўсё дапаможа захаваць "здароўе" студыі й дазволіць галоўным тайтлам (Dragon Age і Mass Effect) быць яшчэ больш якаснымі.
Дарэчы, ужо стала вядома, што ў ліку звольненых апынулася Мэры Кірбі, якая шмат гадоў працавала над сэрыяй Dragon Age, стварыўшы многіх вядомых пэрсанажаў (напрыклад Варыка).

📢 House Flipper 2 выйдзе ў рэліз ужо ў сьнежні

Час стрэсьці пыл з малатка — «Хаўс Фліпэр» вяртаецца ў новым выглядзе! Купляйце й рамантуйце закінутыя дамы! Ці вы жадаеце будаваць новыя? Цяпер можна й гэта! Прымерце ролю фліппера-пачаткоўца й зарабіце грошы, дапамагаючы жыхарам мілага мястэчка!

Рэліз адбудзецца 14 сьнежня, на PC, вэрсія для PlayStation 5 і Xbox Series зьявіцца пазьней.

📢 RoboCop Rogue City атрымала ґеймплэйны ролік з крывавымі перастрэлкамі

Станьце культавым чалавекам, часткова машынай, але цалкам паліцэйскім-героем, спрабуючы вярнуць справядлівасьць на небясьпечныя, ахопленыя крыміналам вуліцы Старога Дэтройта!

У роліку можна ўбачыць "мірную" частку працы робата-паліцыянта, а гэтак жа крывавыя бітвы са злачынцамі, у якіх, акрамя знакамітага пісталета можна выкарыстоўваць і блізкі бой.

Рэліз Robocop: Rogue City павінен адбыцца ў верасьні.

🎁 Зараз у Epic Games Store, можна бясплатна забраць: Homeworld: Deserts of Kharak

Homeworld: Deserts of Kharak — наземная стратэгія ў рэальным часе, прыквел да клясычных гульняў Homeworld. Зьбярыце свой флёт і прывядзіце яго да перамогі ў зыбучых пясках Харака ў гэтай захапляльнай стратэгічнай гульні!
Распрацоўшчык — Blackbird Interactive (Канада)

❗️Забраць гульню можна да 31 жніўня.

Мы Беларускае камьюніці піксельбатла і мы запрашаем усіх прыняць удзел у аднаўленні Беларусі.

Каардынацыйны чат: https://t.me/Belppf
Беларусь на мапе: https://pixelplanet.fun/#d,5129,-11948,-13

📢 S.T.A.L.K.E.R. 2: Heart of Chornobyl выйдзе ў рэліз у першым квартале 2024-га

GSC Game World падзялілася новым трэйлерам S.T.A.L.K.E.R. 2: Heart of Chornobyl, у якім абвясьцілі новую дату рэлізу гульні, зараз ёй значыцца першы квартал 2024 году.

Разам з трэйлерам, у сеціве пачалі зьяўляцца ўражаньні ад гульні тых, хто апрабаваў яе прататып на gamescom 2023.

Для гульні быў даступны невялікі сюжэтны ўрывак (зьвязаны зь нейкім інцыдэнтам аб вяртаньні памяці) і вялізныя адкрытыя (і не пустыя) прасторы. Перастрэлкі ў гульні называюць брутальнымі, а ґрафіку прыгожай. Асобна адзначана магчымасьць забіваць сюжэтных пэрсанажаў, тым самым мяняючы (або ламаючы) тыя ці іншыя квэсты. Сыстэма квэстаў, дарэчы, шматлікім нагадала Skyrim, з компасам і кропкамі цікавасьці.

Рэліз S.T.A.L.K.E.R. 2: Heart of Chornobyl адбудзецца на PC і Xbox Series (+Game Pass).

📰 Supermassive Games расказалі падрабязнасьці пра Little Nightmares 3

Падчас цырымоніі адкрыцьця gamescom 2023 студыя Supermassive Games анансавала Little Nightmares 3, выпусьціўшы дэбютны трэйлер праекту.
З гэтай нагоды выданьне IGN узяло інтэрвію ў прадзюсара гульні Карала Фэніэла.

Калі коратка:

У новай гульню, нас чакаюць дзеці Лоў і Элон (Слабы і Адзінокі). У Лоў ёсць лук, а ў Элона — гаечны ключ, што несумненна дапаможа ім у іх падарожжы па Спіралі (антыўтапічным месцы, якое пабудавана на зламаных ілюзіях і дзіцячых страхах).

Фэніэл запэўніў, што студыя зь вялікай павагай ставіцца да працы распрацоўшчыкаў з Tarsier (якая працавала над першымі двума гульнямі) і паспрабуе апраўдаць чаканьні фанатаў. Акрамя гэтага, як і папярэднія гульні, Little Nightmares 3 будзе самастойнай гульнёй, для праходжаньня якой, вам не абавязкова гуляць у першыя дзьве.

Гульня выйдзе ў 2024 годзе, а знаёміць зь яе гісторыяй нас будуць з дапамогай падкаста The Sounds Of Nightmare.