​​📰 Game Informer апублікавалі крыху новай інфармацыі аб Star Wars Outlaws

Выданьне Game Informer абмеркавала з наратыўным дырэктарам Star Wars Outlaws Навідам Хавары розныя аспэкты гульні.
Сабралі для вас самае цікавае:

🔹Ubisoft і Massive Entertainment цесна супрацоўнічаюць з Lucasfilm Games, каб стварыць па-сапраўднаму аўтэнтычную атмасфэру "Зорных войнаў" у сваёй гульні;
🔹Стварэньне сюжэту Star Wars Outlaws пачалося з жаданьня каманды распавесьці гісторыю гэткага касьмічнага нягодніка;
🔹Дзеяньне Outlaws адбываецца паміж падзеямі фільмаў «Імпэрыя наносіць зваротны ўдар» і «Вяртаньне джэдая»;
🔹У гульні будуць знакамітыя пэрсанажы франшызы (дакладна вядома аб зьяўленьні Джабы Хата);
🔹Рэпутацыя галоўнай гераіні, Кей Весс, будуць мяняцца ў залежнасьці ад разьвіцьця адносін з рознымі сындыкатамі, што будзе ўплываць на ход гісторыі;
🔹Плянэта Ташара стане новым дапаўненьнем сьвету «Зорных войнаў» (яе дызайн натхнёны Ўсходняй Афрыкай);
🔹Для гульні дадаткова прыдуманы новы злачынны сындыкат Клан Ашыга;
🔹Вялікую ўвагу распрацоўшчыкі надаюць кінэматаґрафічнасьці й відовішчнасьці гульні.

Рэліз Star Wars Outlaws чакаецца ў 2024 годзе на PS5, Xbox Series і PC.

📰 CD Projekt Red правядзе трансьляцыю з паказам гульнявога працэсу Cyberpunk 2077 Phantom Liberty

Студыя CD Projekt Red абвясьціла аб правядзеньні трансьляцыі REDstreams, прысьвечанай навінам і ґеймплэю дапаўненьня Phantom Liberty.
У трансьляцыі прымуць удзел дырэктар Cyberpunk 2077 Ґейб Аматанжэла й вядучы мастак акружэньня Кацпер Непакульчыцкі.

Глядзець трансьляцыю можна будзе 24 жніўня а 17:00 па Менску, на афіцыйным Twitch-канале кампаніі.

📢 Кампаніі Neowiz і PlayStation апублікавалі новы ґеймплэйны трэйлер Lies of P

«Паглядзіце новы трэйлер будучай гульні Lies of P, падобнай на Souls-гульні, і прыгатуйцеся да неверагодных прыгод, калі гульня выйдзе на PlayStation 4 і PlayStation 5 (а гэтак жа PC) 19 верасьня!»

Нагадаем, Lies of P гэта гульня-экшн (soulslike), дзеяньне якой адбываецца ў змрочнай Францыі 19-га стагодьдзя. Гульцам прапануюць узяць пад кантроль Пінокія ў яго няўмольным шляху да таго, каб стаць чалавекам!

📰 Надакучыла клясычная GTA? Чаму б не расслабіцца ў мульцяшнай!

У ёй можна будзе красьці аўтамабілі, страляць, езьдзіць па адкрытым свеце і нават паркурыць! А яшчэ ў пэрсанажа будзе рэактыўны ранец!

Нажаль, гульня зараз знаходзіцца на вельмі раньнім этапе распрацоўкі і нават не мае паўнавартаснай назвы.

Сачыць за ёй можна ў Twitter (Х) і на Mastodon.

❓Як вам такі праект?

📢 У Steam адбыўся рэліз прыгоды Bomb Rush Cyberfunk

Team Reptile прадстаўляе вам Bomb Rush Cyberfunk, сьвет будучыні ад Дыёна Костэра, дзе самаабвешчаныя графіці-каманды, абсталяваныя асабістымі бустэрамі, ваююць адзін з адным за кантроль над вуліцамі!

Кошт гульні — $18,49.

📰 У сеціве апублікавалі першы хайп-трэйлер будучага Gamescom 2023

Вядучы шоў Джэф Кілі апублікаваў хайп-трэйлер цырымоніі адкрыцьця gamescom 2023, якая пачнецца 22 жніўня, а 21:00 па Менскім часе.
Згодна з заявай усё таго ж Кілі, у гэтым годзе распрацоўшчыкі плянуюць паказваць менш анонсаў новых гульняў засяродзіўшыся на тым, што выйдзе ў бліжэйшыя 12 месяцаў.

У роліку ж, можна ўбачыць кадры з Alan Wake 2, Cyberpunk 2077: Phantom Liberty, Assassins Creed Mirage, Mortal Kombat 1, Starfield, Payday 3 і іншых гульняў, якія дакладна будуць прадстаўлены на Gamescom!

📰 Фанаты ствараюць гульню па матывах Твін Пікс, у стылі PlayStation 1

Twin Peaks: Into the Night, створаная як даніна павагі старым добрым клясычным гульням 90-х, гульня зьяўляецца фанацкай адаптацыяй аднайменнай серыі, якую ў свой час стварылі Марк Фрост і Дэвід Лінч.
Паспрабуйце новы ґеймплэй, які пагрузіць вас ва ўнікальную атмасфэру шоў (ужо даступна дэма гульні)!

Дарэчы, у апошні час, гульні створаныя ў стылі PS1 перажываюць сапраўдны бум і ўсё гэта дзякуючы ўнікальнаму ґрафічнаму эфэкту, які зьявіўся з-за абмежаваньняў самай кансолі (падрабязьней пра тое як стварыць яго ў сваіх праектах, калі вам цікава, можна пачытаць тут).

Вось некалькі цікавых праектаў у стылі PlayStation 1:

🔹No one lives under the lighthouse Director's cut;
🔹Paratopic;
🔹Night At the Gates of Hell.

📢 PlayWay выпусьцілі ґеймплейны трэйлер постапакаліптычнага баявіка Nobodyʼs Left

У паваенным апакаліптычным горадзе, дзе звычайныя людзі больш ня могуць заставацца звычайнымі, выжывуць толькі тыя, хто прыстасуецца. Абараніце сваіх блізкіх, вазьміце на сябе адказнасьць і акуніцеся ў эмацыйны сюжэт Nobodyʼs Left!

Гульню ўжо некалькі гадоў распрацоўвае адзін чалавек, выдаўцом выступае польская PlayWay.
Па сваёй канцэпцыі яна нагадвае The Last of Us і Red Dead Redemption.

Дата рэлізу не называецца.

Вітаю! Сёння хачу параіць вам канал на якім публікуюцца карысныя і цікавыя навіны, якія звязаныя са штучным інтэлектам у свеце і ў Беларусі! Новыя допісы кожны дзень, падпісвайцеся!!!!

Спасылка: https://t.me/belaiplatform