📰 Зводка апошніх навін аб Baldur’s Gate III і Larian

З моманту рэлізу Baldurʼs Gate III прайшло ня шмат часу, аднак гэта не перашкодзіла гульні стаць паўнавартасным хітом, што вылілася ў новую хвалю рознай інфармацыі, якую мы коратка паспрабуем вам пераказаць:

🔹Посьпех запуску Baldurs Gate 3 перасягнуў усе чаканьні Larian — распрацоўшчыкі былі ўпэўненыя, што пік адначасовых гульцоў будзе ня больш за 100 тыс., (на дадзены момант пікавае значэньне — 814 тыс.).
🔹У сьвежым сусьветным чарце Steam гульня ўжо абагнала нязьменнага лідэра — Counter-Strike: Global Offensive;
🔹Аглушальны посьпех прымусіў кіраўніка Larian Свэна Вінке (жартам) баяцца каманды распрацоўшчыкаў, бо менавіта ён і распаўсюджваў сярод іх інфармацыю аб будучым адносна невялікім онлайне;
🔹Свэна Вінке турбуе раптоўная вялікая папулярнасьць яго кампаніі, але прадаваць яе ён ня мае намеру;
🔹Рэліз Baldurʼs Gate III на Xbox Series адбудуцца не раней за 2024 год (прычына затрымкі – тэхнічныя складанасьці з Xbox Series S);
🔹Цяпер Larian не працуюць над DLC для гульні, аднак яны не выключаць, што гэта магчыма, галоўная праблема — максымальны ўзровень героя, уздым якога робіць з пэрсанажа пэўнага паўбога для якога становіцца складаней прыдумаць ворага, а ствараць нешта "сумнае" і непатрэбнае Larian не жадаюць.

Асобнай увагі заслугоўвае неафіцыйны фотарэжым [скрыншоты прыкладаюцца] створаны праґрамістам-аматарам Франсам Баўмам (якому раней за падобную працу для Crysis Crytek пагражалі судом). Дадзеная прылада створана настолькі якасна, што яна не засталася без увагі Larian, якія (у адрозьненьні ад Crytek) пахвалілі дадзеную працу (інструмэнт у дадзены момант эцклюзіўны для падпісантаў Patreon аўтара).

🎁 Зараз у Epic Games Store, можна бясплатна забраць: Europa Universalis ІV і Orwell

Europa Universalis IV — у гульні вам трэба будзе правесьці скрозь гады цэлую краіну й стварыць магутную сусьветную імпэрыю. Авалодайце мастацтвам вайны, дыпляматыі й гандлю, зьмяняйце й тварыце гісторыю сваёй дзяржавы!

Orwell: Keeping an Eye on You — Вялікі брат ужо тут — цяпер гэта вы. Дасьледуйце жыцьця грамадзян, каб знайсьці вінаватых у серыі тэрарыстычных актаў. Але будзьце асьцярожныя, любая прадстаўленая інфармацыя пацягне за сабой наступствы…

❗️Забраць гульні можна да 17 жніўня.

📰 Larian падзяліліся гульнявой статыстыкай за першыя выходныя пасьля рэлізу Baldurʼs Gate 3

11 жніўня Larian падзяліліся гульнявой статыстыкай і падзякавалі гульцам за вялікую цікавасьць да гульні, а таксама паведамілі, што актыўна працуюць над першым буйным патчам з «гіганцкім» сьпісам зьмен і выпраўленьняў (а яшчэ яны зрабілі сіні скін кубікаў даступным для ўсіх):

(Асьцярожна, калі баіцеся спойлераў (хоць ён тут і не крытычны) не адкрывайце схаваны пункт!)

🔹Раса паўэльфаў стала самай папулярнай сярод гульцоў. На другім месцы людзі, трэцім — эльфы. Самая не папулярная раса, гэта гіцьянкі;
🔹Самы папулярная кляс — палядзін, за ім ідуць чарадзей і вядзьмар, менш за ўсё гульцы выбіралі клірыкаў;
🔹Больш за 93% гульцоў выбралі ўласнага героя для першага праходжаньня гульні;
🔹Гульцы пагладзілі Шкраба больш за 750 тысяч разоў;
🔹Самым папулярным пэрсанажам з гісторыяй стаў Ґейл, за ім ідуць Карлах і Астарыён, самай не папулярнай аказалася Лаэзель;
🔹65,1% гульцоў выратавалі Сьвяты ґай, а 34,9% узялі яго штурмам;
🔹У агульнай складанасьці ґеймеры правялі ў гульні больш за 10 мільёнаў гадзін (1225 гадоў);
🔹На стварэньне свайго пэрсанажа гульцы, увогуле, патрацілі 88 гадоў (каля 10% гульцоў патрацілі на стварэньне герояў мінімум гадзіну);
🔹Большасьць гульцоў завяла раман з Шэдаўхарт, Ґейлам і Астарыёнам;
🔹12% ад усіх сьмерцяў гульцоў паходзілі з-за сяброўскага агню;
🔹Гульцы пагаварылі больш чым з 1,4 мільёна трупаў і 2,4 мільёна жывёл;
🔹368 гульцоў завяршылі праходжаньне гульні за першыя ж выходныя пасьля рэлізу.