📢 Blumhouse Productions прадставілі першы трэйлер фільма Five Nights at Freddyʼs.

Фільм ідзе па пятах за ахоўнікам, які пачаў працаваць у «Freddy Fazbear's Pizza». У першую ж зьмену ён усьведамляе, што ўсё ня так проста, як здаецца, і аніматронікі, якія забаўляюць дзяцей днём, ноччу выходзяць паўдзельнічаць ва ўласных, злавесных гульнях.

У галоўных ролях:

Джош Хатчэрсан («Галодныя гульні») — ахоўнік Майк Шміт;
Элізабэт Лэіл («Ты») — Ванэса;
Мэцью Лілард («Скубі-Ду», «Крык») — адзін з заснавальнікаў «Freddy Fazbear's Pizza» Уільям Афтан.

Прэмʼера адбудзецца 27 кастрычніка.
У выпадку посьпеху карціны, стваральнікі абяцаюць выпусьціць працяг (кампанія ўжо мае пэўныя ідэі на яшчэ два фільмы).

📢 На PlayStation выйшла сюжэтнае дапаўненьне Final Transmission, для The Callisto Protocol.

У гэтым апошнім разьдзеле гульні вірус Біяфаг пагражае распаўсюдзіцца за сьцены турмы Чорнага Жалеза. Гульцы павінны прайсьці праз закінутую турму ў апошняй, адчайнай спробе атрымаць дадзеныя Малера й загладзіць сваю віну!

Акрамя новай сюжэтнай кампаніі, гульцоў чакаюць новыя ворагі, босы й зброя.

На астатніх плятформах (PC, Xbox), рэліз адбудзецца 29 чэрвеня.
Кошт DLC на PS4/PS5 — $14.99.

📢 У Steam адбыўся рэліз Story of Seasons: A Wonderful Life.

Пускайце карані на сваёй новай фэрме ў мірным мястэчку Forgotten Valley. Удыхніце жыцьцё ў зямлю, гадуючы ўраджай і разводзячы жывёл, знайдзіце каханьне сярод прыязных жыхароў гэтай цудоўнай зямлі!

Распрацоўнікам гульні зьяўляецца Marvelous Inc. — стваральнікі легендарнай Harvest Moon (якой дэ-факта й зьяўляецца сэрыя Story of Seasons).

Кошт гульні — $29.99.
Гульня таксама даступна на Nintendo Switch і PlayStation 5, Xbox Series.

📰 Унутраныя праблемы ва Frostpunk 2 стануць яшчэ больш разбуральнымі.

Распрацоўнікі Frostpunk 2 паступова пачынаюць расказваць новыя падрабязнасьці сіквела. Апошняя інфармацыя тычыцца фракцыяў і ўнутранага напружаньня горада.

Гісторыя сіквела будзе пачынацца ва ўжо дастаткова разьвітым горадзе, т.я. распрацоўшчыкам цікава засяродзіць свае сілы на прапрацоўцы ня толькі вонкавых але й унутраных пагроз.

Унутраныя праблемы будуць ствараць розныя фракцыі, якія як правіла абʼяднаны вакол нейкага лідэра, амбіцыі якога могуць каштаваць жыцьця ўсім!
Распрацоўнікі прыкладаюць максымальныя намаганьні, каб стварыць цікавы й напружаны ґеймплэй, што адлюструе ў сабе ўвесь цяжар фармаваньня грамадзтва ў экстрымальных умовах.
Фракцыі й узаемадзеяньне зь імі — выдатны й наглядны таму прыклад.

Нагадаем, рэліз Frostpunk 2 павінен адбыцца ў першай палове 2024 году.

📢 Адбыўся рэліз гульні ад былых супрацоўнікаў CD PROJEKT RED — SlavicPunk: Oldtimer.

Гэта ізамэтрычны шутэр, заснаваны на творах вядомага польскага пісьменьніка Міхала Галкоўскага ў жанрах навуковай фантастыкі й фэнтэзі. Прыватны дэтэктыў Янус спрабуе раскрыць справу аб скрадзеных даных і змагаецца з унутранымі дэманамі!

У дадзены момант гульня мае не вельмі шмат водгукаў у Steam, з усіх іх, 58% станоўчыя. Праект хваляць за атмасфэру й баявую сыстэму, але лаюць за багі.

Кошт гульні — $19.99 (да 13 ліпеня гульню можна набыць са зьніжкай у 30%, за $13.99).

📢 Сёньня стартуе летні распродаж Steam 2023.

«Лета, лета, лета — час, каб расслабіцца й адпачыць зь Летнім распродажам у Steam!»

Беларускі геймер і Valve нагадваюць вам, што сёньня, 29.06, а 20:00 пачнецца адзін з найбуйнейшых, традыцыйных распродажаў у Steam!

Карыстальнікаў чакаюць тысячы цікавых прапаноў (у тым ліку зьніжкі на Pharaoh: A New Era, Sekiro: Shadows Die Twice, Sifu, Total War: WARHAMMER III і інш.), а таксама магчымасьць стварыць новы значок для свайго профілю (карткі для крафта якога, ужо павінны былі пачаць зьяўляцца ў інвэнтары актыўных пакупнікоў).

Мерапрыемства скончыцца 13 ліпеня.
Асобна варта згадаць, што цалкам верагодна, акрамя традыцыйнага распродажу, варта чакаць традыцыйных збояў у працы крамы, таму ў некаторых, Steam можа часова не працаваць.

🎁 Зараз у Epic Games Store, можна бясплатна забраць: The Dungeon of Naheulbeuk: The Amulet of Chaos.

The Dungeon of Naheulbeuk: The Amulet of Chaos — адпраўляйцеся ў дурацкі фэнтэзійны сусьвет The Dungeon of Naheulbeuk. Узначальце каманду шалапутных і нязграбных герояў у гэтай эпічнай і складанай тактычнай ролевай гульні. Вас чакаюць прыгоды, поўныя гумару, сюрпрызаў і недарэчных сытуацыяў.

❗️Забраць гульню можна да 6 ліпеня.

​​📰 Valve забараніла публікаваць у Steam гульні створаныя ШІ.

Valve забараніла публікацыю гульняў, якія ўтрымоўваюць у сабе кантэнт створаны пры дапамозе штучнага інтэлекту.
Цяпер перад публікацыяй прадукта, распрацоўшчыкі павінны даказаць, што яны зьяўляюцца ўладальнікамі кантэнту.

Пра гэта распавёў вэтэран гульнявой індустрыі Сайман Карлес, які спрабаваў апублікаваць раньнюю вэрсію сваёй гульні, у якой сапраўды некаторыя асэты былі часова зґенераваны ШІ, аднак Valve яму адмовілі:

«Паколькі юрыдычнае права ўласнасьці на матэрыялы, створаныя штучным інтэлектам, не сфармуляваны, мы ня можам апублікаваць вашу гульню, пакуль яны ўтрымоўваюць рэсурсы, створаныя ШІ. Прынамсі датуль, пакуль вы ня зможаце пацьвердзіць права валоданьня на ўсе тэхналёгіі, якія прадстаўлены ў вашай гульні».

Дарэчы, пасля паўторнай адпраўкі гульні, публікацыя была зноў адхіленая, нягледзячы на адсутнасць згенераванага ШІ-кантэнту.

Невядома таксама ці закрануць зьмены ўжо выпушчаныя прадукты (некаторыя зь якіх былі цалкам створаны ШІ).

📢 Annapurna Interactive анансавалі гульню, у сусьвеце «Бегляга па лязе».

Blade Runner 2033: Labyrinth — першая гульня ў сусьвеце «Бегляга па лязе» Рыдлі Скота за апошнія 25 гадоў (папярэдняя гульня выйшла ў далёкім 1997-м годзе)!
Дзеяньне праекта будзе адбывацца паміж падзеямі арыґінальнага фільма й яго сіквела 2017 году, сюжет будзе будавацца вакол наступстваў блэкаўту, які адбыўся ў 2022-м.

Рэліз гульні адбудзецца на PC і кансолях, падрабязнасьці Blade Runner 2033: Labyrinth абяцаюць раскрыць пазьней.

📰 Стваральнікі RoboCop Rogue City анансавалі закрытае тэставаньне гульні.

Студыя Teyon абвясьціла, што з 3 па 9 ліпеня пройдзе тэставаньне RoboCop: Rogue City.
Прыняць удзел змогуць тыя, хто падасьць заяўку на ўдзел, пры гэтым распрацоўнікі адзначаюць, што запрашаць будуць ня ўсіх, а толькі ўладальнікаў PC з пэўнымі характарыстыкамі (у васноўным гэта характарыстыкі якія падыходзяць пад мінімальныя сыстэмныя патрабаваньні), гэтак жа патэнцыйнаму гульцу павінна быць ня менш за 18 гадоў і ён/яна павінен быць гатовы падпісаць NDA.

Нагадаем, дзеяньне гульні разгортваецца паміж другой (1990 г.) і трэцяй (1993 г.) часткай фільмаў пра Рабакопа (ролю якога выконвае Піцер Уэлер), гульцам трэба будзе расьсьледаваць злачынствы й зьнішчаць небясьпечныя элемэнты на вуліцах Дэтройта!

Рэліз заплянаваны на верасень, для PS5, Xbox Series і PC.

​​📰 Стваральнікі правальнай The Lord of the Rings: Gollum больш ня будуць рабіць гульні.

Нямецкая кампанія Daedalic Entertainment абʼявіла аб закрыцьці свайго гульнявога падразьдзяленьня ў Гамбурґу.
Прадстаўнікі кампаніі заяўляюць аб "важным паваротным моманце для Daedalic Entertainment", т.я. зараз кампанія цалкам прысьвеціць сябе выдавецкай дзейнасьці.

У бліжэйшы час пройдзе рэструктурызацыя, гульні якія знаходзіліся ў распрацоўцы (сярод іх дарэчы была яшчэ адна гульня ў сусьвеце Толкіна) былі скасаваныя, гэтак жа некаторых супрацоўнікаў чакае звальненьне (прыкладна 25 чалавек з 90).

У свой час Daedalic Entertainment выпускала папулярныя гульні (Edna & Harvey, Deponia, Ken Follettʼs The Pillars of the Earth і інш), але ў апошнія некалькі гадоў, студыю нагнала "чорная паласа", цалкам правалілася стратэгія A Year of Rain і экранізацыя The Pillars of the Earth (што прывяло да зачыненьня філіялаў у Паўночным Рэйне-Вэстфаліі й Мюнхэне), апошнім ударам стала The Lord of the Rings : Gollum, за якую распрацоўшчыкам літаральна прыйшлося папрасіць прабачэньня.

📢 Дарожная мапа рэлізаў на ліпень, ад Беларускага геймера.

Лета ў самым разгары, і многія задаюцца пытаньнем «У што б пагуляць?», на гэтае пытаньне мы й паспрабуем адказаць!
Нягледзячы на традыцыйнае "летняе" зацішша, зусім без навінак індустрыя нас не пакіне!
У гэтым месяцы як мінімум варта чакаць: новую інтэрактыўную гісторыю The Expanse: A Telltale Series; эшэн з дыназаўрамі Exoprimal; прыгодніцкую гульню для Switch Pikmin 4 і інш.

#мапа_рэлізаў
#mapa_relizaŭ