📢 Адбыўся рэліз Aliens: Dark Descent.

Адпраўляйцеся ў новую захапляльную прыгоду Aliens: Dark Descent, гэтай каманднай аднакарыстальніцкай гульні ў культавай франшызе «Alien». Узначальце сваіх салдат у рэжыме рэальнага часу, каб спыніць новы і жахлівы тып ксенаморфаў на плянэце Лета.

На Opencritic гульня мае адзнаку ў 76 балаў, у Steam гульню рэкамэндуе 89% карыстачоў.
Aliens: Dark Descent называюць адной зь лепшых гульняў у сусьвеце «Чужых», а таксама адзначаюць цікавыя жанравыя рашэньні.
Галоўныя ворагі — ксенаморфы, сапраўды палохаюць і прымушаюць абдумваць кожнае рашэньне, бо памылкі тут фатальныя.
Галоўны мінус праекета — багі.

Крытыкі настойліва рэкамедуюць азнаёміцца з гульнёй, але раяць пачакаць хаця б месяц, пакуль распрацоўшчыкі паправяць памылкі.

Кошт гульні — $29.99.

📰 Для Baldur's Gate 3 выйшаў бясплатны прыквел Blood in Baldur's Gate.

Larian Studios выпусьцілі бясплатны прыквел да Baldurʼs Gate III, пад назовам Blood in Baldurʼs Gate. Яго дзеяньне разгортваецца за 15 гадоў да падзеяў асноўнай гульні.
Гульнявы працэс уяўляе зь сябе своеасаблівы дэтэктыў з дасьледаваньнем лякацый, пошукам доказаў, допытам сьведак (расьсьледаваць нам, дарэчы, трэба будзе забойства).

Журналісты PC Gamer лічаць, што Blood in Baldurʼs Gate заклікана ня толькі патрымаць цікавасьць да рэлізу гульні, але і намякае на вяртаньне культавага злыдня Джона Айрэнікуса, (яны прыйшлі да такой высновы адлічыўшы 34 дні адведзеныя на расьсьледаваньні, якія прывядуць нас у 24 ліпеня — гадавіну сьмерці Дэвіда Ўорнера — актора агучкі дадзенага пэрсанажа).

Нагадаем, рэліз самой Baldur's Gate 3 адбудзецца ўжо 31 жніўня, на PC і PS5 (вэрсія для Xbox выйдзе пазьней).

📰 Valve вырашыла адмовіцца ад баявога пропуску ў Dota 2.

Набліжаецца 10-я гадавіна выхаду Dota 2, да якой Valve актыўна рыхтуецца, не абышлося і без перагляду дзевяцігадовай гісторыі гульні (у прыватнасьці, кампаніі перагледзела свой падыход да баявых пропускаў):

«Большасьць гульцоў у Dota 2 не купляюць пропуск і не атрымліваюць яго ўзнагароды.
Рэакцыя суполкі на "Новыя гарызонты" пераканала нас, што ў доўгатэрміновай пэрспэктыве і для гульні, і для гульцоў будзе лепш, калі мы станем працаваць менш над касьметычнымі ўзнагародамі для баявога пропуску і больш — над разнастайнымі цікавымі абнаўленьнямі.

Пазбавіўшы цыкл абнаўленьняў і выпуску кантэнту ад часовых і структурных рамак баявога пропуску, мы можам вярнуцца да таго фармату працы, які знаёмы нам лепш за ўсё: пошуку разнастайных ідэяў, якія мы будзем дасьледаваць разам з вамі»

Абнаўленьне да The International 2023 цяпер наўмысна ня будуць называць Battle Pass, каб зрабіць акцэнт на турніры, а ня на касьметычных узнагародах.

📢 Fairyship Games паказалі трэйлер ролевага баевіка Testament: The Order of High-Human.

Testament — прыгодніцкі экшэн ад першай асобы з элемэнтамі RPG і мэтроідваніі, дзеяньне якога адбываецца ў постапакаліптычным фэнтэзійным сьвеце.
Ён прапануе зьмешаны бой з рознымі магчымасьцямі камбінацыяў мяча і магіі!

Рэліз адбудзецца 13 ліпеня на PC.
У рамках фэстывалю гульняў у Steam, даступна дэма-вэрсія гульні.

📰 Electronic Arts падзяляе свае студыі: спартыўныя гульні будуць вырабляцца асобна

Цяпер гульнявы гігант будзе падзелены паміж двума арґанізацыямі: EA Sports і EA Entertainment. У першую ўвойдуць распрацоўшчыкі спартыўных гульняў, а ў другой апынуцца ўсе астатнія (у тым ліку Respawn, BioWare і Maxis). Такі шлях дасьць, на думку кіраўніцтва, большую творчую свабоду супрацоўнікам:

«Такая эвалюцыя нашай кампаніі яшчэ больш пашырыць крэатыўныя магчымасьці нашых супрацоўнікаў, а гэтак жа дазволіць прымаць больш хуткія рашэньні адносна распрацовак. Дадаткова, гэтыя крокі паскораць наш бізнэс, стымулююць рост і прынясуць доўгатэрміновую каштоўнасьць для нашых людзей, гульцоў і суполак!» — заявіў гендырэктар EA Эндру Ўілсан.

Дарэчы, не выключана, што нядаўняя інфармацыя аб перадачы распрацоўкі й падтрымкі Star Wars: The Old Republic ад BioWare іншай студыі зьвязана менавіта з дадзенай рэарґанізацыяй.

📰 Падводзім вынікі Nintendo Direct 2023.

21 чэрвеня Nintendo правяла сваю ўласную прэзентацыю гульняў, якія ў першую чаргу, неўзабаве, выйдуць на Switch.

Паглядзець сапраўды ёсьць на што, да прыкладу: новая Super Mario Bros, рэмэйк Super Mario RPG (1996), парты Vampire Survivors, зборніка арыґінальных Metal Gear Solid і шматлікае іншае!

Сабралі для вас усё самае цікавае, у адным артыкуле!

#NintendoDirect

📢 Адбыўся рэліз шутэра Trepang2, натхнёнага сэрыяй F.E.A.R.

Trepang2, вар’яцкі й крывавы шутэр ад першай асобы ў сьвеце далёкай будучыні, зробіць вас бясстрашным ваяром! Ворагі пашкадуюць, што яны нарадзіліся на сьвет, убачыўшы, як вы ўхіляецеся ад куль і пакідаеце за сабой адны разбурэньні ў гэтай ліхаманкавай стралялцы ня для слабанярвовых!

Сярэдні рэйтынг гульні на Metacritic 76/100 (у Steam — 96%). Журналісты адзначаюць вельмі захапляльны ґеймплэй і сапраўды моцны ўплыў F.E.A.R. Дадаткова аглядальнікі хваляць босаў, мэханіку стральбы й ШІ.
Сярод мінусаў — кароткі і нічым не адметны сюжэт.

Кошт гульні — $29.99.
❗️Недаступна на тэрыторыі Беларусі.

📰 Котка і Чалавек-павук — лідары сярод гульцоў на PlayStation.

Sony паказала цікавую справаздачу пра сэрвіс PlayStation Plus і яго карыстальнікаў:

▫️Самыя папулярныя гульні: Stray і Spider-Man: Miles Morales.
▫️У сярэднім адзін падпісант згуляў у 7,4 гульні. Больш за ўсё (па колькасьці страчаных гадзінаў) нагулялі ў Японіі.
▫️Часьцей за ўсё падпісанты PS Plus гулялі ў панядзелак.
▫️Ghost of Tsushima — лепшая гульня для збору трафеяў на думку гульцоў.

Дарэчы, 20 чэрвеня ў PlayStation Plus сталі даступныя каля 20 гульняў, сярод якіх Far Cry 6 і Deus Ex: Mankind Divided.

📢 Адбыўся рэліз ролевага экшэна Final Fantasy XVI.

Падзеі Final Fantasy XVI разгортваюцца ў зусім новым сьвеце пад назвай Валістэя. Па гэтым сьвеце раскіданыя Мацярынскія крышталі — велізарныя крышталёвыя горы, якія даруюць навакольным землям бласлаўленьне. Аднак зьяўленьне пошасьці пад назвай Гніль пагражае зьнішчыць гэты сьвет. Галоўны герой гульні, Клайв Росьфілд, адпраўляецца ў нялёгкае падарожжа, дзе на яго шляху ўстаюць ня толькі монстры, але й людзі.

Крытыкі ў захапленьні ад гульні! На Opencritic гульню ацанілі ў 90/100, на Metacritic 88/100.
Журналісты хваляць баявую сыстэму (якая можа не спадабаецца фанатам серыі), эмацыйныя сюжэтныя падзеі, навакольны сьвет і цікавыя рашэньні, закліканыя прыцягнуць новых гульцоў.

Мінусам гульні называюць сумныя дадатковыя квэсты.

Кошты (толькі PS5): Звычайнае выданьне — $69.99$
Deluxe Edition — $99.99.
❗️Недаступна на тэрыторыі Беларусі.

📰 Clockwork Revolution — плагіят ці творчае натхненьне?

На Xbox Games Showcase, аўтары Wasteland 3 анансавалі ролевую гульню Clockwork Revolution, якую тут жа абвінавацілі ў плагіяце.

Гульню параўналі з BioShock Infinite і адзначылі моцнае падабенства мастацкіх стыляў. Дадаткова "дроваў у вагонь" падкінуў карыстальнік Twitter Butmac, які назваўся былым прадусарам трэйлераў BioShock Infinite і параўнаў у пастах сваю працу з кадрамі трэйлера (пазьней пасты былі схаваныя).

На падставе інфармацыі ад Butmac, IGN выпусьцілі сваё параўнаньне дэбютнага трэйлера Clockwork Revolution з BioShock, у якім відаць сапраўды даволі вялікае падабенства.
Microsoft усё адмаўляе, заяўляючы, што ўсе супадзеньні выпадковыя і акрамя таго гульня ўжо зараз мае мноства адрозьненьняў ад Infinite.

Асобна адзначым, што не гледзячы на скандал, праект не страціў папулярнасьць, паколькі многім гульцам хацелася б бачыць больш праектаў у стылістыцы Bioshock.

📰 Тод Говард распавёў новыя падрабязнасьці Starfield.

Тод Говард даў новае, разгорнутае інтэрвію аб Starfield.
Пастараліся абраць самае галоўнае:

🔹У гульні будзе больш за тысячу плянэт, але разумнае жыцьцё будзе толькі на 10%;
🔹У гульні ня будзе наземнага транспарту (гэта зроблена спэцыяльна, каб гульцы дасьледавалі кожны закутак плянэты, аднак зусім без анічога карыстальнікаў не пакінуць, будзе даступны нейкі boost-pack);
🔹Плянэты без разумнага жыцьця пастараліся зрабіць максымальна цікавымі, каб усяліць у гульца дух першаадкрывальніка;
🔹Над многім плянэтамі папрацавалі ўручную, але без працэдурнай ґенэрацыі не абышлося, аднак Говард запэўніў, што якасьць плянэт была адной з найважнейшых задач Bethesda;
🔹Некаторыя плянэты будуць складацца толькі з аднаго біёма, а некаторыя — адразу зь некалькіх;
🔹Гульцам прыйдзецца рыхтавацца да ўмоў на плянэтах — да ўзроўню радыяцыі, тэмпэратуры, надворʼя, у адваротным выпадку, гэта будзе мець нэґатыўныя наступствы;
🔹Ролевая сыстэма ў гульні выйдзе на новы ўзровень сярод гульняў Bethesda, дазваляючы вашаму пэрсанажу мяняцца ня толькі ў лічбах на інтэрфейсе але і характарам у залежнасьці ад выбару;
🔹Уступіць у рамантычныя адносіны можна будзе толькі з чатырма асноўнымі NPC-спадарожнікамі, у кожнага зь якіх будзе ўласны сюжэт;
🔹Кастамізацыя будзе ўплываць і на інтэр'ер караблёў, бо ўсе яны складаюцца з асобных модуляў, якія можна замяняць;
🔹У гульні ня будзе рэжыму прадукцыйнасьці для кансоляў, т.я. кампанія не жадае ахвяраваць візуальным складнікам. Bethesda пастаралася зрабіць так, каб рэжым 30 fps працаваў карэктна і выглядаў адпаведна.

Нагадаем, рэліз Starfield адбудзецца 6 верасьня, уладальнікі пашыранага выданьня атрымаюць доступ 1 верасьня.

📰 Стваральнікі Frostpunk 2 распавялі аб найбліжэйшых плянах і стане гульні.

На мінулым PC Gaming Show, 11 bit studios паказалі новы трэйлер Frostpunk 2 (нажаль безь якія-небудзь ґеймплэйных кадраў), нядаўна, у дапаўненьне да роліку імі быў апублікаваны кароткі выклад таго, што на дадзены момант нам можна ведаць пра гульню, а таксама некаторыя пляны на будучыню:

🔸Усе ключавыя мэханікі ўжо інтэґраваныя і ў поўнасьцю працоўным стане;
🔸Распрацоўнікі задалі высокі прыярытэт на тэставаньне гульні па за межамі студыі;
🔸Паказы гульні для прэсы адбудуцца на gamescom (у жніўні) і ў туры па ЗША, у верасьні;
🔸Ґлябальная дэманстрацыя гульнявога працэсу таксама адбудзецца ў пачатку восені;
🔸Гульня выйдзе ў першай палове 2024 году.

📢 Адбыўся рэліз адвенчуры The Bookwalker: Thief of Tales.

Займальная прыгода, дзе вы гуляеце за былога пісьменьніка Эцьена Квіста, які валодае здольнасьцю пагружацца ў сьвет кніг. Перамяшчайцеся паміж рэальнасьцю й старонкамі, каб завалодаць леґендарнымі артэфактамі!

Гульня ўжо пасьпела заняць трэцяе месца ў разьдзеле "Папулярныя навінкі" у Steam, сабраўшы пры гэтым 98% станоўчых водгукаў.

Кошт гульні ў Steam — $8.49 (зараз дзейнічае зьніжка ў 10%).

📰 Пра Minecraft рыхтуюць фільм. Здымкі ўжо ў гэтым жніўні

Ролю галоўнага героя выконвае — Джэйсан Момоа, зорка «Гульні тронаў»
Рэжысэрам выступіць Джарэд Хес («Апошні чалавек на Зямлі»).

Паведамляецца, што стужка распавядзе пра падарожжа каманды, якая будзе змагацца з цмокам. Ці будзе гэта анімацыйны квадратны сьвет — невядома. Здымкі пачнуцца 7 жніўня ў Новай Зэляндыі.

Прэмʼера «Майнкрафта» заплянавана на 4 красавіка 2025 году.

​​📰 Філ Спенсер даў клятву выпускаць Call of Duty на PlayStation.

Працягваюцца слуханьні Фэдэральнай гандлёвай камісіі ЗША па ўгодзе паміж Microsoft і Activision Blizzard. Перад камісіяй паўстаў кіраўнік Xbox Філ Спенсер.

Сьпенсер запэўнівае, што ўладальнікі PlayStation складаюць велізарную аўдыторыю Call of Duty і кампанія не зьбіраецца пазбаўляць іх гульняў серыі, у чым ён прысягнуў перад судом (адзіны хто, па яго меркаваньню, можа гэта зрабіць — сама Sony).

Асобна вартая ўвагі, апублікаваная перапіска кіраўнікоў Xbox і PlayStation, зь якога становіцца зразумела, што кампанію зусім не турбуе зьнікненьне Call of Duty з плятформы, яны проста не жадаюць, каб угода адбылася.

Гэтак жа зь цікавага — Microsoft набыла ZeniMax і Bethesda, т.я. карпарацыі стала вядома, што Starfield павінна была стаць эксклюзівам PlayStation (+PC), дадзеная купля была неабходна кампаніі, каб заставацца канкурэнтаздольнай.
Пакуль што, паводле словаў Спенсера, ня вырашаным застаецца пытаньне з эксклюзіўнасьцю The Elder Scrolls VI, аднак яе рэліз адбудзецца не раней за 2028 год.

Вітаю)
Параю вам тэлеґрам-канал, у якім вы зможаце знайсьці цікавую інфаграфіку, мапы й тэсты на розныя розныя геаграфічныя тэмы. Запрашаем!

Спасылка: t.me/planetaziamla