📰 Тод Говард назваў Starfield сумесьсю Red Dead Redemption, The Elder Scrolls і Fallout.

Ґеймдызайнэр Bethesda Тод Говард, у вадным з апошніх інтэрвію, параўнаў Starfield з Red Dead Redemption II ад Rockstar.

Аднолькавай рысай дзьвюх гульняў ён лічыць глыбокі й прапрацаваны сьвет, у якім можна пражыць цікавае віртуальнае жыцьцё, у RDR 2 — жыцьцё злачынца на Дзікім Захадзе, у Starfield — жыцьцё касьмічнага дасьледніка, з усімі яго асаблівасьцямі (у тым ліку, часам, самотным знаходжаньнем на пустыннай плянэце).

Дадаткова Говарда адзначыў, што новая гульня Bethesda шмат бярэ ад культавых серый кампаніі (The Elder Scrolls і Fallout), у прыватнасьці — асноўныя мэханікі й адчуваньне тэмпу гульнявых падзеяў.

Starfield выходзіць 6 верасьня на PC і Xbox Series (на якой яна дарэчы будзе працаваць толькі ў 30 FPS, гэта робіцца нібы для паляпшэньня візуальнага складніку праекта).

📢 Змрочная стратэгія Gord выйдзе ў рэліз 8 жніўня.

Выдавецтва Team17, сумесна з Covenant. Dev, абвясьцілі [дарэчы зрабілі яны гэта дастаткова эфэктным трэйлерам], што змрочная стратэгія Gord, заснаваная на славянскай міталёгіі, выйдзе ўжо 8 жніўня, на РС, Xbox Series і PlayStation 5.

У гульні, карыстальнікам трэба будзе будаваць, разьвіваць і абараняць сваю вёску ад жахлівых монстраў, якія з кожным днём становяцца толькі мацней!

Перадзаказ ужо даступны, па кошце ў $34.99.
❗️ Недаступна на тэрыторыі Беларусі.

📰 Новым лідэрам у чартах Steam стаў нізкапаліганальны шутэр BattleBit Remastered.

15 чэрвеня адбыўся рэліз нізкапаліганальнага онлайн-шутэра ад першай асобы BattleBit Remastered, бітвы ў якім разьлічаны на 254 гульца.

За першыя дні продажаў гульня сабрала каля 90% станоўчых водгукаў! Гульцы лічаць, што распрацоўшчыкі здолелі ўзяць лепшае з такіх гульняў як Battlefield і Squad, стварыўшы пры гэтым свой, сапраўды цікавы прадукт.

На момант напісаньня допіса, BattleBit Remastered узначаліла чарт лідэраў продажаў Steam сярод платных гульняў [пікавы онлайн — 38 тысяч чалавек, яна саступае толькі CS:GO].

Распрацоўнікі BattleBit не чакалі такой папулярнасьці й ў падзяку панізілі кошт гульні амаль ва ўсіх рэгіёнах (у Беларусі яе можна набыць за $12.99).

✅ Заяўлены афіцыйны пераклад на беларускую мову.

Вітаю спадарства!

Працягваем расказваць вам пра пераклады вядомых гульняў на беларускую мову. Сёньня на чарзе (зноў) пераклад Grand Theft Auto San Andreas, ад каманды «Гурт "Пяць"».

Каманда была заснавана ў жніўні мінулага году й ужо мае пэўныя напрацоўкі, зь якімі, пры жаданьні вы можаце азнаёміцца!
У будучыні каманда плянуе заняцца перакладам GTA: Vice City і GTA III !

У дадзены момант, у каманду патрабуюцца: людзі якія валодаюць клясычным правапісам | праґрамісты | тыя хто калі-небудзь займаліся модамі на San Andreas. (калі жадаеце далучыцца, зьвяртайцеся ў Discord)

Спасылкі:
Discord;
Telegram;
YouTube.

📢 Aliens Dark Descent абзавялася новым сюжэтным трэйлерам.

Атрадны аднакарыстальніцкі экшэн у культавым сусьвеце «Чужых» абзавёўся новым сюжэтным трэйлерам.

Ксенаморфы ачуліся і ваш карабель церпіць крушэньне! Ці здолееце вы і ваш атрад выжыць?

Рэліз гульні адбудзецца 20 чэрвеня на PC, PlayStation і Xbox.

📰 PlayStation Access паказалі новыя ґеймплэйныя кадры Cyberpunk 2077 Phantom Liberty.

YouTube-канал PlayStation Access падзяліўся 12-хвілінным ролікам з ґеймплэем новага DLC Phantom Liberty для Cyberpunk 2077!
У ім можна ўбачыць новыя навыкі, транспарт, зброю і аднаго з галоўных новых пэрсанажаў — аґента Саламона Рыда, у выкананьні актора Ідрыса Эльбы.

Нагадаем, Phantom Liberty выйдзе ў рэліз 26 верасьня і перанясе нас у зусім новы раён Найт-Сіці, дзе знаёмы ўсім Cyberpunk 2077 (па запэўненьні распрацоўнікаў) ператворыцца ў шпіёнскі трылер!
Таксама, акрамя новай тэхнікі, зброі і іншага, у гульні зьявіцца новая канцоўка для асноўнага сюжэту.

📰 Хідэа Кадзіма заявіў аб жаданьні пакінуць нашу плянэту.

На фэсьце Tribeca, які прайшоў нядаўна, адбыўся паказ дакумэнтальнага фільма аб Хідэа Кадзіме. На прэмʼеры было дастаткова шмат розных знакамітасьцяў індустрыі, сярод іх быў сам Кадзіма і прадзюсер Summer Game Fest Джэф Кілі, які пасьпеў пагутарыць са знакамітым ґеймдызайнэрам.

Кілі пацікавіўся плянамі Кадзімы на будучыню і атрымаў незвычайны адказ:
«Я хачу выйсьці ў адкрыты космас. Я хачу адправіцца ў адкрыты космас і стварыць гульню, у якую можна гуляць у космасе... Таму, калі ласка, хто-небудзь адпраўце мяне ў космас».

Насамрэч, такое жаданьне не павінна дзівіць, бо Кадзіма заўсёды славіўся сваімі эксьперыментатарскім падыходам да распрацоўкі гульняў (у мінулым ён удзельнічаў у распрацоўцы гульні Boktai: The Sun is in Your Hand, дзе картрыдж гульнявой зброі зараджаўся ад сонечнай энэрґіі, гэтак жа да гэтага ён жадаў стварыць гардкорны праект, дзе ў выпадку сьмерці героя, гульня самазьнішчалася).

📰 Стваральнікі Dead Island 2 распавялі аб будучых абнаўленьнях гульні.

Стваральнікі Dead Island 2 выпусьцілі сьвежы патч і разам зь ім падзяліліся плянамі на разьвіцьцё гульні.

Акрамя новых касьметычных прадметаў, якія ўжо дададзены ў гульню, распрацоўшчыкі абвясьцілі аб Twitch Drops, дзе да 9 ліпеня можна атрымаць новыя бонусы (за прагляд абяцаюць як мінімум адну эксклюзіўную зброю), акрамя гэтага, анансавана два DLC:

🔹Haus — «Як мільярдэр рыхтуецца да зомбакаліпсісу? Правільна! Стварае сьмяротны тэхнакульт, са здаровым украпленьнем распусты і крыві!»
Рэліз — 4 квартал 2023 г.
🔹Фестываль SOLA — «Сардэчна запрашаем на фэстываль SOLA, дзе тусоўшчыкі Лос-Анджэлеса могуць пракласьці шлях да экстазу й выратаваць плянэту за адзін рэйв!»
Рэліз — 2 квартал 2023 г.

Калі вы набылі Season Pass, то ўсе гэтыя дапаўненьні адразу зьявяцца ў вашай гульні!

📰 У Steam пачаўся фэстываль дэма-вэрсіяў «Next Fest».

У Steam пачаўся ўжо традыцыйны фэстываль «Next Fest», на якім прадстаўлена сотні дэма-вэрсіяў розных гульняў, як вядомых так і не вельмі.

Цікавыя варыянты для азнаямленьня:

▫️Lies of P (будучы Souls Like пра Пінокіа);
▫️Warhaven (free-to-play-PVP у фэнтэзійным сеттынгу, для дзьвюх каманд па 16 чалавек);
▫️House Flipper 2 (працяг знакамітага сімулятара пра будаўніка-рамонтніка);
▫️Eternights (экшэн і сімулятар спатканьняў у вадной асобе);
▫️En Garde! (клясычная і яркая экшэн-прыгода);
▫️Gord (прыгодніцкая стратэгія ў змрочным славянскім сэтынгу);
▫️Wizard with a Gun (каапэратыўная пясочніца-выжываньне ў магічнай пустыні);
▫️SlavicPunk: Oldtimer (славянскі кібэрпанк паводле твораў Міхаіла Галкоўскага).

Фэстываль скончыцца 26 чэрвеня (аднак многія дэма застануцца і пасьля яго).

🎁 Зараз у GOG, можна бясплатна забраць Eschalon: Book 2.

Eschalon: Book 2 — Вярніцеся ў сусьвет Eschalon у гэтым працягу ганараванай шматлікімі узнагародамі RPG 2007 году! Над усім сьветам навісла пагроза вайны, і адзіная надзея на выратаваньне крыецца ў сакрэтах вашага мінулага. Не прапусьціце другую частку эпічнай трылёгіі!

❗️Забраць гульню можна да 22 чэрвеня.
‼️Калі не адчыняецца старонка гульні, аўтарызуйцеся на сайце GOG, клікніце на спасылку, а затым правярайце гульню ў бібліятэцы.

📢 Адбыўся рэліз Aliens: Dark Descent.

Адпраўляйцеся ў новую захапляльную прыгоду Aliens: Dark Descent, гэтай каманднай аднакарыстальніцкай гульні ў культавай франшызе «Alien». Узначальце сваіх салдат у рэжыме рэальнага часу, каб спыніць новы і жахлівы тып ксенаморфаў на плянэце Лета.

На Opencritic гульня мае адзнаку ў 76 балаў, у Steam гульню рэкамэндуе 89% карыстачоў.
Aliens: Dark Descent называюць адной зь лепшых гульняў у сусьвеце «Чужых», а таксама адзначаюць цікавыя жанравыя рашэньні.
Галоўныя ворагі — ксенаморфы, сапраўды палохаюць і прымушаюць абдумваць кожнае рашэньне, бо памылкі тут фатальныя.
Галоўны мінус праекета — багі.

Крытыкі настойліва рэкамедуюць азнаёміцца з гульнёй, але раяць пачакаць хаця б месяц, пакуль распрацоўшчыкі паправяць памылкі.

Кошт гульні — $29.99.

📰 Для Baldur's Gate 3 выйшаў бясплатны прыквел Blood in Baldur's Gate.

Larian Studios выпусьцілі бясплатны прыквел да Baldurʼs Gate III, пад назовам Blood in Baldurʼs Gate. Яго дзеяньне разгортваецца за 15 гадоў да падзеяў асноўнай гульні.
Гульнявы працэс уяўляе зь сябе своеасаблівы дэтэктыў з дасьледаваньнем лякацый, пошукам доказаў, допытам сьведак (расьсьледаваць нам, дарэчы, трэба будзе забойства).

Журналісты PC Gamer лічаць, што Blood in Baldurʼs Gate заклікана ня толькі патрымаць цікавасьць да рэлізу гульні, але і намякае на вяртаньне культавага злыдня Джона Айрэнікуса, (яны прыйшлі да такой высновы адлічыўшы 34 дні адведзеныя на расьсьледаваньні, якія прывядуць нас у 24 ліпеня — гадавіну сьмерці Дэвіда Ўорнера — актора агучкі дадзенага пэрсанажа).

Нагадаем, рэліз самой Baldur's Gate 3 адбудзецца ўжо 31 жніўня, на PC і PS5 (вэрсія для Xbox выйдзе пазьней).

📰 Valve вырашыла адмовіцца ад баявога пропуску ў Dota 2.

Набліжаецца 10-я гадавіна выхаду Dota 2, да якой Valve актыўна рыхтуецца, не абышлося і без перагляду дзевяцігадовай гісторыі гульні (у прыватнасьці, кампаніі перагледзела свой падыход да баявых пропускаў):

«Большасьць гульцоў у Dota 2 не купляюць пропуск і не атрымліваюць яго ўзнагароды.
Рэакцыя суполкі на "Новыя гарызонты" пераканала нас, што ў доўгатэрміновай пэрспэктыве і для гульні, і для гульцоў будзе лепш, калі мы станем працаваць менш над касьметычнымі ўзнагародамі для баявога пропуску і больш — над разнастайнымі цікавымі абнаўленьнямі.

Пазбавіўшы цыкл абнаўленьняў і выпуску кантэнту ад часовых і структурных рамак баявога пропуску, мы можам вярнуцца да таго фармату працы, які знаёмы нам лепш за ўсё: пошуку разнастайных ідэяў, якія мы будзем дасьледаваць разам з вамі»

Абнаўленьне да The International 2023 цяпер наўмысна ня будуць называць Battle Pass, каб зрабіць акцэнт на турніры, а ня на касьметычных узнагародах.

📢 Fairyship Games паказалі трэйлер ролевага баевіка Testament: The Order of High-Human.

Testament — прыгодніцкі экшэн ад першай асобы з элемэнтамі RPG і мэтроідваніі, дзеяньне якога адбываецца ў постапакаліптычным фэнтэзійным сьвеце.
Ён прапануе зьмешаны бой з рознымі магчымасьцямі камбінацыяў мяча і магіі!

Рэліз адбудзецца 13 ліпеня на PC.
У рамках фэстывалю гульняў у Steam, даступна дэма-вэрсія гульні.

📰 Electronic Arts падзяляе свае студыі: спартыўныя гульні будуць вырабляцца асобна

Цяпер гульнявы гігант будзе падзелены паміж двума арґанізацыямі: EA Sports і EA Entertainment. У першую ўвойдуць распрацоўшчыкі спартыўных гульняў, а ў другой апынуцца ўсе астатнія (у тым ліку Respawn, BioWare і Maxis). Такі шлях дасьць, на думку кіраўніцтва, большую творчую свабоду супрацоўнікам:

«Такая эвалюцыя нашай кампаніі яшчэ больш пашырыць крэатыўныя магчымасьці нашых супрацоўнікаў, а гэтак жа дазволіць прымаць больш хуткія рашэньні адносна распрацовак. Дадаткова, гэтыя крокі паскораць наш бізнэс, стымулююць рост і прынясуць доўгатэрміновую каштоўнасьць для нашых людзей, гульцоў і суполак!» — заявіў гендырэктар EA Эндру Ўілсан.

Дарэчы, не выключана, што нядаўняя інфармацыя аб перадачы распрацоўкі й падтрымкі Star Wars: The Old Republic ад BioWare іншай студыі зьвязана менавіта з дадзенай рэарґанізацыяй.

📰 Падводзім вынікі Nintendo Direct 2023.

21 чэрвеня Nintendo правяла сваю ўласную прэзентацыю гульняў, якія ў першую чаргу, неўзабаве, выйдуць на Switch.

Паглядзець сапраўды ёсьць на што, да прыкладу: новая Super Mario Bros, рэмэйк Super Mario RPG (1996), парты Vampire Survivors, зборніка арыґінальных Metal Gear Solid і шматлікае іншае!

Сабралі для вас усё самае цікавае, у адным артыкуле!

#NintendoDirect

📢 Адбыўся рэліз шутэра Trepang2, натхнёнага сэрыяй F.E.A.R.

Trepang2, вар’яцкі й крывавы шутэр ад першай асобы ў сьвеце далёкай будучыні, зробіць вас бясстрашным ваяром! Ворагі пашкадуюць, што яны нарадзіліся на сьвет, убачыўшы, як вы ўхіляецеся ад куль і пакідаеце за сабой адны разбурэньні ў гэтай ліхаманкавай стралялцы ня для слабанярвовых!

Сярэдні рэйтынг гульні на Metacritic 76/100 (у Steam — 96%). Журналісты адзначаюць вельмі захапляльны ґеймплэй і сапраўды моцны ўплыў F.E.A.R. Дадаткова аглядальнікі хваляць босаў, мэханіку стральбы й ШІ.
Сярод мінусаў — кароткі і нічым не адметны сюжэт.

Кошт гульні — $29.99.
❗️Недаступна на тэрыторыі Беларусі.

📰 Котка і Чалавек-павук — лідары сярод гульцоў на PlayStation.

Sony паказала цікавую справаздачу пра сэрвіс PlayStation Plus і яго карыстальнікаў:

▫️Самыя папулярныя гульні: Stray і Spider-Man: Miles Morales.
▫️У сярэднім адзін падпісант згуляў у 7,4 гульні. Больш за ўсё (па колькасьці страчаных гадзінаў) нагулялі ў Японіі.
▫️Часьцей за ўсё падпісанты PS Plus гулялі ў панядзелак.
▫️Ghost of Tsushima — лепшая гульня для збору трафеяў на думку гульцоў.

Дарэчы, 20 чэрвеня ў PlayStation Plus сталі даступныя каля 20 гульняў, сярод якіх Far Cry 6 і Deus Ex: Mankind Divided.

📢 Адбыўся рэліз ролевага экшэна Final Fantasy XVI.

Падзеі Final Fantasy XVI разгортваюцца ў зусім новым сьвеце пад назвай Валістэя. Па гэтым сьвеце раскіданыя Мацярынскія крышталі — велізарныя крышталёвыя горы, якія даруюць навакольным землям бласлаўленьне. Аднак зьяўленьне пошасьці пад назвай Гніль пагражае зьнішчыць гэты сьвет. Галоўны герой гульні, Клайв Росьфілд, адпраўляецца ў нялёгкае падарожжа, дзе на яго шляху ўстаюць ня толькі монстры, але й людзі.

Крытыкі ў захапленьні ад гульні! На Opencritic гульню ацанілі ў 90/100, на Metacritic 88/100.
Журналісты хваляць баявую сыстэму (якая можа не спадабаецца фанатам серыі), эмацыйныя сюжэтныя падзеі, навакольны сьвет і цікавыя рашэньні, закліканыя прыцягнуць новых гульцоў.

Мінусам гульні называюць сумныя дадатковыя квэсты.

Кошты (толькі PS5): Звычайнае выданьне — $69.99$
Deluxe Edition — $99.99.
❗️Недаступна на тэрыторыі Беларусі.