Вітаем усіх!

Сёння хочам параіць вам незвычайны канал Усё пра ўсё, які публікуе навіны тэхналогій, гульняў і шмат чаго яшчэ! Галоўнае, матэрыял падаецца на вельмі якаснай беларускай мове кожны дзень!

Далучайцеся: https://t.me/allabouttexnologys

📢 Focus Entertainment прадставілі новы ґеймплэйны ролік Aliens Dark Descent.

Аўтары распавялі аб працы над атмасфэрай гульні, якую імкнуліся перадаць дызайнам узроўняў і іх плянаваньнем, па выніку, яны ўпэўненыя, што фантазія гульца, разам з праведзенай працай, створаць па-сапраўднаму жахлівую атмасфэру!

Асобна распрацоўшчыкі адзначылі сваю працу над ксенаморфамі, якіх было важна паказаць сапраўды бязьлітаснымі й крыважэрнымі, дадаткова прымусіўшы гульцоў баяцца навалы ворагаў і больш старанна плянаваць свае дзеяньні.

Гульня выходзіць на PC, PlayStation і Xbox ужо 20 чэрвеня.

📰 Стваральнікі Mortal Kombat 1 запрашаюць карыстальнікаў кансоляў на стрэс-тэст гульні.

NetherRealm Studios абвясьцілі аб старце прыёму заявак на ўдзел у стрэс-тэсьце новай Mortal Kombat 1.
Удзельнікаў абяруць выпадковым чынам, аднак варта ўлічыць, што дадзены тэст праходзіць пакуль толькі на PS5 і Xbox Series.
Тэставаць плянуюць бітвы «1 на 1» і рэжым «Вежы».

Нагадаем, што рэліз перазапуску Mortal Kombat адбудзецца 19 верасьня на PC, PlayStation 5, Xbox Series і Nintendo Switch.
❗️Недаступна на тэрыторыі Беларусі.

📰 Кітайская S-Game раскрыла некаторыя падрабязнасьці экшэна Phantom Blade Zero.

Дзеяньне Phantom Blade Zero будзе адбывацца ў фантастычным сьвеце, які спалучае кітайскія баявыя мастацтвы, акультызм і стымпанк.
Галоўны герой — Соўл элітны забойца, які працуе на таямнічую арґанізацыю «Ордэн» і які быў абвінавачаны ў забойстве патрыярха ды пакараны сьмерцю, але пазьней таемныя сілы вярнулі яго на 66 дзён з мэтай пошуку сапраўднага вінаватага.

Праходжаньне сюжэтнай кампаніі зойме каля 30-40 гадзін, аднак у гульні гэтак жа ёсьць пабочныя місіі, эндґейм-кантэнт, бітвы з босамі й шматкарыстальніцкія падзямельля.

Дата рэлізу не называецца.

📰 У Dragonʼs Dogma 2 ня будзе шматкарыстальніцкага кантэнту.

Такой інфармацыяй, на сайце гульні, падзялілася сама Capcom.
Гульня будзе ўяўляць зь сябе сюжэтна-ролевы экшэн для аднаго гульца, які накіраваны на тое каб падарыць карыстальнікам новы, захапляльны досьвед!

Разам з тым, распрацоўшчыкі абяцаюць прыгожую ґрафіку, палепшаны ШІ, выдатную гульнявую фізыку, зручны рэдактар пэрсанажа й сьвет які рэагуе на вашыя дзеяньні!

Гульню ствараюць для PS5, Xbox Series і PC, аднак дата рэлізу пакуль не вядома.

📢 Bandai Namco выпусьцілі сьвежы ґеймплэйны трэйлер Tekken 8.

Bandai Namco афіцыйна прадставіла сьвежы трэйлер Tekken 8, прысьвечаны аднаму з клясычных байцоў серыі — кібаргу-забойцу Браяну Фьюры.

Нагадаем, Tekken 8 ствараюць для PlayStation 5, Xbox Series і PC, аднак даты рэлізу, або вялікай колькасьці падрабязнасьцяў у праекта пакуль няма.

🎁 Зараз у Steam, можна бясплатна забраць TGV Voyages.

TGV Voyages — прадастаўляе Вам магчымасьць прамчацца па Францыі на высакахуткасным цягніку ў Train Simulator!
Гэта асобная, незалежная вэрсія Train Simulator з абмежаваным функцыяналам.

❗️Забраць гульню можна да 2 чэрвеня.
❕Колькасьць копіяў гульні абмежавана! За бясплатную гульню, калекцыйныя карткі не выдаюць!

📰 Стваральнікі Lords of the Fallen апублікавалі сыстэмныя патрабаваньні гульні.

▫️Мінімальныя:
Працэсар — intel i5 8400 або AMD Ryzen 5 2600;
Відэакарта — Nvidia GeForce GTX 1060 або AMD Radeon RX 590;
Апэратыўная памяць — 8 ГБ;
Вольнае месца — 45 ГБ.

▫️Рэкамэндаваныя:
Працэсар — intel i7 8700 або AMD Ryzen 5 3600;
Відэакарта — Nvidia RTX 2080 або AMD Radeon RX 6700;
Апэратыўная памяць — 16 ГБ;
Вольнае месца — 45 ГБ.

Нагадаем, The Lords of the Fallen, гэта сіквел гульні 2014 году, падзеі якога адбываюцца за тысячу гадоў да першай часткі. Гульцам прапануюць адправіцца ў захапляльнае падарожжа па вялізных паралельных сьветах жывых і мёртвых!

Гульня выйдзе 13 кастрычніка на PC, PlayStation 5 і Xbox Series.
❗️Недаступна на тэрыторыі Беларусі.

​​📰 Blizzard ізноў аскандалілася, віной таму — «гонка» ў Diablo 4 (і ня толькі).

Адносна нядаўна, Blizzard анансавала своеасаблівую «гонку» ў Diablo 4, у якой гульцам прапанавана дасягнуць 100 узроўня ў гардкорным рэжыме зь перманентнай сьмерцю, за кароткі пэрыяд часу. Першыя 1000 чалавек атрымае тытул "Загартаваны чэмпіён" і іх імёны будуць высечаныя на сапраўднай статуі Ліліт у галоўным офісе Blizzard.

Дадзеную прапанову не ацанілі многія гульцы, бо акрамя звычайных карыстальнікаў, прыняць удзел запрасілі блоґераў і аглядальнікаў, якія ўжо пасьпелі ня толькі апрабаваць гульню але й нават прайсьці яе (хоць іх дадзеныя і будуць недаступныя, тым ня менш, гульцы лічаць іх удзел не справядлівым).

Дадатковая порцыя крытыкі вылілася на кампанію пасьля сэсіі "адказаў на пытаньні", на канале Future Game Show. Як атрымалася даведацца уважлівым гледачам, "звычайныя карыстачы" якія задаюць пытаньні, насамрэч былі фэйкавымі (дзеля справядлівасьці варта адзначыць, што выданьне Future Game Show магло само стварыць гэтыя фэйкі для сваёй праґрамы з распрацоўнікамі).

Нагадаем, Diablo 4 выходзіць 6 чэрвеня на РС, PlayStation і Xbox (усталяваць гульню можна будзе ўжо заўтра).
Гонка, пра якую пісалася вышэй, пачнецца 2 чэрвеня (першымі пачнуць свой "забег" уладальнікі Deluxe/Ultimate выданьня) і завершыцца 1 верасьня.

Дарэчы, пасьля буры нэґатыва, правілы зьмянілі — цяпер той, хто гуляў у перадрэлізную вэрсію Diablo 4 у траўні, больш ня можа удзельнічаць у спаборніцтве.

📢 Falling Frontier атрымала новы ґеймплэйны ролік.

У Falling Frontier гульцоў чакае працэдурна зґенераваная зорная сыстэма, у якой можна ствараць свае караблі, заводы й разьведвальныя станцыі, а гэтак жа займацца калянізацыяй прыдатных для гэтага плянэт!

Гульня выходзіць сёлета, пакуль толькі на PC.

📢 Інтэрактыўны хорар Silent Hill Ascension абзавёўся першым трэйлерам.

«Прыхільнікам Silent Hill і аматарам хорараў па ўсім сьвеце ёсьць чаго чакаць. Мы рады расказаць новую інтэрактыўную гісторыю ў раней недасьледаваных лякацыях з новымі пэрсанажамі, якія будуць прадстаўлены фанатам сусьвету Silent Hill. Менавіта вам трэба будзе вырашыць лёс некалькіх галоўных герояў, чые гісторыі будуць разгортвацца адначасова па ўсім зямным шары».

Стваральнікі называюць свой праект "гульнявым сэрыялам", і заяўляюць, што нават яны зараз ня ведаюць, чым скончыцца гісторыя герояў, бо яна цалкам залежыць ад гульцоў.

Рэліз гульні заплянаваны на 2023 год.

📢 Адбыўся рэліз рэмэйку System Shock.

System Shock — гэта паўнавартасны рэмэйк хіта 1994 году. Вас чакае культавы ґеймплэй з сучаснай HD-графікай, палепшаным кіраваньнем, перапрацаваным інтэрфейсам, новай музыкай і гукавымі эфэктамі. Вітаем вас у адраджэньні адной з найвялікшых гульняў у гісторыі, якая аказала вялікі ўплыў на індустрыю!

Журналісты, у цэлым, прынялі гульню станоўча (Metacritic — 75/100), яе хваляць за выдатнае гукавое афармленьне й вернасьць першакрыніцы, аднак для многіх менавіта гэты пункт і стаў адмоўным бокам рэмэйку, асобныя крытыкі лічаць, што многія элемэнты арыґінальнага System Shock маральна састарэлі, і гульня адчувалася б лепш, будзь яна рэмэйкам накшталт Resident Evil.

Кошт гульні — $39.99.
❗️Недаступна на тэрыторыі Беларусі.

📢 Цяпер афіцыйна: Ratchet & Clank: Rift Apart выйдзе на PC.

Адпраўляйцеся ў падарожжа па вымярэньнях разам з Рэтчэтам і Кланкам, бо яны ўпершыню адпраўляюцца на ПК. Дапамажыце ім у змаганьні са злым імпэратарам зь іншай рэальнасьці, скачучы паміж поўнымі прыгод сусьветамі!

Першапачатковы рэліз адбыўся на PlayStation 5, 11 чэрвеня 2021 году.
Рэліз на PC адбудзецца 26 ліпеня.
Кошт у Steam — $49,99.

📢 Дарожная мапа рэлізаў на чэрвень, ад Беларускага геймера.

Пачынаецца сьпякотнае лета й гульнявая індустрыя таксама абяцае парадаваць нас ня менш гарачымі рэлізамі, сярод іх: Diablo IV, Street Fighter 6, Final Fantasy XVI, The Elder Scrolls Online: Necrom і іншыя.

Акрамя гэтага, зусім хутка стартуюць гульнявыя выставы, якія павінны прадставіць ґеймерам цікавыыя анонсы й (магчыма) рэлізы!

#мапа_рэлізаў
#mapa_relizaŭ

📰 У стварэньні рэмэйку Metal Gear Solid 3 не бяруць удзел распрацоўшчыкі арыгінала.

На мінулым PlayStation Showcase 2023, Konami анансавала рэмэйк культавага баявіка Metal Gear Solid 3, аднак акрамя трэйлера інфармацыі распрацоўнікі практычна не падалі.

Тым ня менш, журналістам удалося пагаварыць з прадстаўнікамі кампаніі й высьветліць некаторыя не агучаныя падрабязнасьці.

Так стала вядома, што ў стварэньні Metal Gear Solid Δ: Snake Eater не ўдзельнічае ні былы дырэктар серыі Хідэа Кадзімa, ні галоўны дызайнер пэрсанажаў Ёдзі Сінкава.
Цэнтральную ролю ў распрацоўцы прымае Konami (у першую чаргу старыя супрацоўнікі, якія працавалі над серыяй) і студыя Virtuos, якая брала ўдзел у стварэньні арыґінала.

Гэтак жа зь цікавага — новых рэплікаў ці дыялогаў чакаць не варта. Прадстаўнікі Konami заявілі, што ў рэмэйку будзе скарыстана старая вэрсія агучкі.

Нагадаем, рэмэйк Metal Gear Solid 3 (якая дарэчы зьяўляецца прыквэлям да першых частак серыі) ствараецца для PS5, Xbox Series і PC, дата рэлізу не называецца.

📢 Прыгодніцкая гульня-выжывалка Forever Skies стане даступна ў чэрвені.

Forever Skies — гульня пра выжываньне, дзеяньне якой адбываецца на Зямлі, разбуранай ґлябальнай экалягічнай катастрофай. Уся паверхня плянэты пакрылася тоўстым пластом таксічнага пылу. Праз сотні гадоў вы вяртаецеся на нашу плянэту — але ці зможаце вы яе пазнаць?

Кіруйце высокатэхналягічным дырыжаблем, мадэрнізуйце й рамантуйце яго. Зьбірайце рэсурсы каб выжыць і змагайцеся з новымі насельнікамі, шукаючы лекі ад новай хваробы!

Гульня выйдзе ў раньні доступ 22 чэрвеня.

​​📰 Коцік ні ў чым не вінаваты — вялікае інтэрвію кіраўніка Activision Blizzard.

Скандальна-вядомы ґенэральны дырэктар Activision Blizzard Бобі Коцік даў вялікае інтэрвію выданьню Variety, у якім закрануў шэраг актуальных пытаньняў (у тым ліку абвінавачваньні у яго адрас і ўгоду з Microsoft).

Сабралі для вас самае цікавае:

▫️Коціка шакаваны гісторыямі аб яго "таксічнасьці" і ўсё адмаўляе, і не зьбіраецца прасіць прабачэньня, называючы ўсё гэта лухтой. На яго думку карпаратыўная культура якая склалася ў Activision не жахлівая й неўзабаве ён прадʼявіць доказы;
▫️адказваючы на пытаньне аб харасьменце, дырэктар Blizzard лічыць, што ўсё гэта жудасна, але для кампаніі ў 17 тыс. чалавек, цяперашняя колькасьць скаргаў на гэта "на нізкім узроўні" (Зь вядомых 114 выпадкаў харасьмента, расьсьледаваньне Blizzard пацьвердзіла толькі 29).
▫️Коціка згодны, што ён не ідэальны й робіць памылкі, але яго шануюць калеґі й кіраўніцтва Activision (якое даўно магло б яго звольніць калі б гэтага жадала);
▫️Коцік не супраць прафзьвязаў — ён сам зьяўляецца чальцом такога, але яму не падабаецца калі прычынай стварэньнем дадзенай арґанізацыі зьяўляецца банальная спроба маніпуляцыі;
▫️Activision Blizzard і Microsoft зараз цалкам сканцэнтраваны на завяршэньні сваёй угоды. Ён лічыць, што кампаніі ідэальна падыходзяць адна адной, а антыманапольныя структуры проста не разумеюць як уладкованы рынак воблачных гульняў.
На думку Коціка, рэальную пагрозу для іх ўяўляюць кітайскія й японскія кампаніі, якія зараз актыўна асвойваюць гэтую сфэру.

📰 Карпарацыя Meta анансавала VR Meta Quest 3.

Кампанія Meta анансавала VR-гарнітуру Quest 3.

Па словах распрацоўшчыкаў, гэта цалкам новая апаратура, якая зараз працуе з працэсарам Qualcomm Snapdragon і мала чым саступае PS VR2.

Распрацоўнікі абяцаюць дадаць больш выразную й дэталізаваную карцінку, а гэтак жа забясьпечыць новы кантролер удасканаленай тэхналёгіяй тактыльнай зваротнай сувязі, і дадаць да новай гарнітуры падтрымку старых гульняў з Quest 2.

Больш падрабязна аб новай Vr-прыладзе карпарацыя абяцае распавесьці пазьней.
Вядома толькі, што Quest 3 абыйдзецца карыстачам у 499$ (дарэчы Quest 2 павінен патаньнець да 299 $).

📢 Шутэр SlavicPunk Oldtimer, ад былых супрацоўнікаў CD PROJEKT RED выйдзе ў чэрвені.

SlavicPunk: Oldtimer — ізамэтрычны шутэр, які ствараюць паводле твораў польскага пісьменьніка-фантаста Міхала Галкоўскага.
Гісторыя разгортваецца вакол Януса — прыватнага сьледчага зь неспакойным мінулым, які спрабуе раскрыць важную справу, змагаючыся са сваімі ўнутранымі дэманамі, гарадзкімі бандамі й усемагутнай карпарацыяй!

Рэліз адбудзецца 28 чэрвеня.

📢 Адбыўся рэліз файтынга Street Fighter 6.

Street Fighter 6 — гэта наступная эвалюцыя серыі Street Fighter, у якой прадстаўлены новыя інавацыйныя функцыі гульнявога працэсу, а таксама палепшаныя візуальныя эфэкты для кожнага аспэкту гульні.

Гэта Ваш момант. Ваш бой.

Гульцам і крытыкам гульня спадабалася, яе хваляць за вялікую колькасьць кантэнту, баявую сыстэму, дызайн і гульнявую фізыку, зь мінусаў адзначаюць частыя прасадкі FPS (што многія зьвязваюць з працай Denuvo).

Кошты: Звычайнае выданьне — $59.99
Deluxe Edition — $84.99
Ultimate Edition — $104.99
❗️ Недаступна на тэрыторыі Беларусі.

📢 The Expanse A Telltale Series Story абзавялося сюжэтным трэйлерам.

Каміна Драмер чалавек, які не нарадзіўся ні на адной са знаёмых нам плянэтаў, яна зьяўляецца старэйшым афіцэрам касьмічнага карабля, на ўскраіне пояса «Артэміда».
На караблі пачынаецца крывавы мяцеж, Каміне давядзецца рабіць няпросты выбар, за якім будзе стаяць лёс карабля й экіпажа ў цэлым!

Гульня заснавана на папулярнай навукова-фантастычнай серыі «The Expanse».

Першы эпізод выйдзе 27 ліпеня, наступныя будуць выходзіць раз у два тыдні.