​​📰 Ubisoft дала справаздачу аб сваіх фінансавых справах (якія ідуць не вельмі добра).

За 2023 фінансавы год выручка кампаніі склала 1,739 млрд. эўра (што на 18% менш, чым у мінулым годзе), 58% выручкі зь якіх прыйшліся на старыя гульні Ubisoft.
Лепш за ўсё прадаецца Assassinʼs Creed, са словаў распрацоўшчыкаў, за гэты фінансавы год, у гульні серыі гуляла рэдкароднае колькасьць карыстальнікаў.

Не гледзячы на фінансавыя страты распрацоўшчыкі ўпэўненыя, што ў наступным годзе іх чакае «ўстойлівы рост прыбытку», асабліва на фоне будучых рэлізаў (Assassin's Creed Mirage, Avatar: Frontiers of Pandora, Division Resurgence, Skull and Bones, The Crew Motorfest і інш.).

Акрамя фінансавай справаздачы Ubisoft абмовілася пра нейкія экспэрымэнты па выкарыстаньні ШІ ў стварэньні гульняў (нібыта выкарыстаньне ШІ распрацоўшчыкамі станоўча ўплывае на творчасьць, працоўныя працэсы й гульнявы досьвед карыстальнікаў.
Кіраўнік Ubisoft Іў Гійма нават лічыць, што з часам ШІ навучыцца самастойна ствараць моды проста на аснове інструкцыяў гульцоў).

📢 Адбыўся рэліз прыгодніцкай гульні Firmament, ад стваральнікаў Myst і Riven.

Firmament — новая гульня-прыгода з загадкамі ад легендарнай студыі, якая стварыла хіты Myst і Riven. Глыбокі сюжэт і старанна прапрацаваныя дэталі пагрузяць вас у атмасфэру пакінутага стымпанк-сьвету, дзе вас будуць чакаць загадкі ўнікальных земляў… і ня толькі!

Firmament даступна на PC, цалкам падтрымлівае Steam Deck і шматлікія VR-прылады, а таксама рэліз чакаецца на PlayStation 4 і PlayStation 5.

Кошт у Steam — $29.99 (да 25 траўня дзейнічае зьніжка ў 10%).

📰 Стваральнікі The Lord of the Rings Gollum расказалі аб сваёй працы над пратаганістам гульні.

Daedalic Entertainment выпусьцілі ролік, які цалкам прысьвяцілі гісторыям аб працы над Голумам.

Некаторая інфармацыя зь відэа:

Голум — адзін з самых няпростых пэрсанажаў «Уладара пярсьцёнкаў», ён выдатна дапамагае пагрузіцца ў сьвет Толкіна й менавіта таму было вырашана прысьвяціць яму цэлую гульню! У гэты ж час, ствараць праект, які прысьвечаны цалкам Голуму вельмі не проста, усяму віной тое, што ён зьяўляецца ўвасабленьнем ўсяго таго, чаго павінен пазьбягаць любы добры сцэнарыст (Голлум увесь час агучвае свае думкі й пачуцьці, паўтараецца ў словах і тлумачыцца вельмі расплывіста).

Распрацоўнікі пастараліся дагадзіць усім, зрабіўшы пэрсанажа чымсьці сярэднім паміж Голумам якога мы бачым у фільмах і Голумам якога можна прадставіць чытаючы кнігі, акрамя гэтага каманда паспрабавала адлюстраваць усю глыбіню гісторыі галоўнага героя ў выбарах паміж асобамі Голлума й Сьмеагола, якія будуць рабіць гульцы і ён сам.

Нагадем, The Lord of the Rings Gollum выйдзе ў рэліз на PC, PlayStation 4, PlayStation 5, Xbox One, Xbox Series 25 траўня, пазьней гульня зьявіцца на Nintendo Switch.

📢 Round 8 Studio падзяліліся сьвежым ролікам змрочнага экшэна Lies of P.

Новы ролік паказвае некалі квітнеючую фабрыку аўтамантонаў «Venigni Works», якая зараз ператварылася ў жудаснае й вельмі небясьпечнае месца!

Нагадаем, Lies of P (якая дарэчы стала самай узнагароджванай гульнёй на gamescom 2022) гэта гульня-экшн (soulslike), дзеяньне якой адбываецца ў змрочнай Францыі 19-га стагодьдзя. Гульцам прапануюць узяць пад кантроль Пінокія ў яго няўмольным шляху да таго, каб стаць чалавекам!

Рэліз Lies of P заплянаваны на жнівень гэтага году для PlayStation, Xbox (+ Game Pass) і PC.

📢 Адбыўся рэліз набору «Voice of the People» для стратэгіі Victoria 3.

Voice of the People расказвае аб супрацьстаяньні паміж рэфармістамі, рэакцыянэрамі й рэвалюцыянерамі. Вы апынецеся ў самым цэнтры палітычнага крызісу, дзе харызматычныя гістарычныя пэрсанажы спрабуюць абараніць свае погляды!

Кошт дапаўненьня — $10.49.

📰 NetherRealm патлумачылі выбар назвы для новай Mortal Kombat.

Творчы дырэктар студыі NetherRealm Эд Бун патлумачыў выбар назова для новай часткі Mortal Kombat.
Паводле яго словаў, распрацоўшчыкам было важна падкрэсьліць перазапуск сусьвету.

Mortal Kombat 1 не працягвае падзеі Mortal Kombat XI, акрамя гэтага, у новым сьвеце будуць зьменены й знаёмыя пэрсанажы, а гэтак жа іх узаемаадносіны. Распрацоўшчыкі робяць гэта, каб паказаць упадабаных герояў зусім па новым і рэкамедуюць дачакаецца рэлізу, каб пераканаецца ў гэтым самім.

Рэліз Mortal Kombat 1 адбудзецца 19 верасьня на PC, PlayStation 5, Xbox Series і Nintendo Switch.

📰 Рэмэйк Star Wars: Knights of the Old Republic можа так і не выйсьці ў рэліз.

Пра гэта паведаміў, падчас свайго падкасту, вядомы журналіст і інсайдэр Джэф Грабб.

Інсайдэр упэўнены, што чакаць рэліз рэмэйку не варта й самым галоўным трывожным званочкам аб праблемах можна лічыць адсутнасьць хоць нейкай інфармацыі аб гульні, на працягу ўжо двух гадоў.

Нагадаем, рэмэйк Star Wars: Knights of the Old Republic быў анансаваны ў 2021 для PS5 і PC. Першапачаткова яго стварала Aspyr, аднак пазьней, пачала зьяўляцца інфармацыя аб перадачы распрацоўкі Saber Interactive. З таго часу, інфармацыі аб праекце няма.

У той жа час Грабб пракамэнтаваў іншы рэмэйк, у рэлізе якога ўпэўнены больш. Нягледзячы на тое, што Ubisoft анічога не паведамляе аб Prince of Persia: The Sands of Time, журналіст упэўнены, што яго рэліз чакаць варта!

📢 Creative Assembly анансавала Total War Pharaoh.

Total War: Pharaoh перанясе гульцоў у пэрыяд Новага царства, калі вялікая дзяржава эгіпцян знаходзілася ў зеніце сваёй магутнасьці!

Гульня выходзіць у кастрычніку гэтага году, толькі на PC.

Кошты:
Standard Edition — $59.99;
Deluxe Edition — $72.87 (Саўндтрэк + DLC з новай фракцыяй);
Dynasty Edition — $91.46 (Саўндтрэк + 3 DLC з новай фракцыяй + DLC з новай кампаніяй).
❗️Недаступна на тэрыторыі Беларусі.

📢 Адбыўся рэліз рэтра-шутэр Warhammer 40,000: Boltgun.

Уладкуйце крывавую бойню, разносьце ворагаў на кавалкі. Вас чакае ўраганная стральба ў стылістыцы клясычных шутэраў 90-х гадоў у сусьвеце Warhammer 40 000!

Адзнакі крытыкаў, у цэлым зьмешаныя (76/100 на Metacritic), журналісты адначасова й хваляць і лаюць гульню за тое, што яна амаль цалкам капіюе шутэры 90-х, не прыўносячы анічога новага.

У дадзены момант гульню можна набыць са зьніжкай у 10%, за $ 16.19.

📰 Sony і Backbone прадставілі мабільны кантролер Backbone One – PlayStation Edition.

Sony прадставіла афіцыйны мабільны кантролер для iPhone пад назвай Backbone One – PlayStation Edition. Прылада створана кампаніяй Backbone і сумяшчальна з актуальнымі мадэлямі iPhone (iPhone 13 Mini — Pro Max). Яна дазваляе гуляць як у мабільныя, так і ў кансольныя гульні (праз Remote Play).
Візуальна, прылада нагадвае кантролер DualSense для прыстаўкі PS5 зь лёгкім "налётам" настальгіі ў выглядзе PS Vita.

Кошт Backbone One – PlayStation Edition — $ 100.
На працягу году, абяцаюць выпусьціць прыладу для працы са смартфонамі на базе Android.

📢 Адбыўся рэліз тактычнай прыгоды Miasma Chronicles.

Распрацоўнікі Mutant Year Zero: Road to Eden прапануюць сваю новую гульню: цудоўную тактычную прыгоду, якую вы сапраўды запомніце!
Адпраўляйцеся ў падарожжа па постапакаліптычнай пустцы, спустошанай варʼяцкай сілай пад назвай «Міязма».

Карыстальнікі высока ацанілі гульню, асобна вылучае яе якасны й прапрацаваны постапакаліптычны сьвет, тэхнічнае выкананьне й стыль (у якім многія пазнаюць Mutant Year Zero). Мінусам асобныя карыстачы завуць невельмі зручнае кіраваньне й высокі кошт — $34.99.

📰 Ubisoft пачала распрацоўку рэмэйка Prince of Persia: The Sands of Time спачатку.

Ubisoft паведаміла, што прыняла рашэньне пачаць распрацоўку рэмэйку Prince of Persia: The Sands of Time (які быў анансаваны ў 2020 годзе) з нуля, цалкам адмовіўшыся ад усіх напрацовак індыйскага падразьдзяленьня (якое працавала над гульнёй да 2022 году).

Цяпер рэмэйк ізноў на стадыі прапрацоўкі канцэпцыі. У дадзены момант студыя фармуе каманду, вызначае прыярытэты, распрацоўвае прататыпы і тэстуе элементы гульнявога працэсу.
Акрамя гэтага, распрацоўшчыкі актыўна пераглядаюць дакументацыю арыгінальнай гульні, з мэтай рэалізацыі ў рэмейку рэчаў, якіх не было ў «старой» Prince of Persia па віне тэхнічных абмежаванняў.

Папярэднія замовы былі адменены.
Даты рэлізу ў праекта зараз няма.

📰 Вынікі PlayStation Showcase.

25.05.2023 Sony правяла PlayStation Showcase, паказаўшы будучыя рэлізы для PS5 і PS VR2.

У хуткім часе гульцам варта чакаць: The Talos Principle 2, рэмэйк Metal Gear Solid 3: Snake Eater, Alan Wake 2, Dragonʼs Dogma 2 і шмат іншага (аб чым можна падрабязьней даведацца ў нашым артыкуле)!

📰 Sony плянуе выпускаць палову сваіх гульняў на PC.

У сваёй новай справаздачы Sony адзначыла, што плянуе пашыраць сваю аўдыторыю выходзячы на новыя плятформы.
Згодна з плянам, прыкладна 50% сьвежых гульняў PlayStation Studios зьявяцца на PS5 і 40% – на PC. Асобна адзначаецца, што некаторыя гульні па-ранейшаму будуць эксклюзівамі для PS5.

Акрамя навінак, карыстачам PC варта чакаць рэлізы з старога каталёга PlayStation (так да прыкладу, па меркаваньні карыстачоў, найбліжэйшым можа стаць Ratchet & Clank: Rift Apart).

🎁 Зараз у Epic Games Store, можна бясплатна забраць: Fallout: New Vegas - Ultimate Edition

Fallout: New Vegas - Ultimate Edition — з выпускам Ultimate Edition Bethesda Softworks прапануе вам падвоіць стаўку і атрымаць поўны пакет забаў у Нью-Вегасе. Fallout: New Vegas Ultimate Edition уключае ў сябе поўны набор высока ацэненага дадатковага кантэнту: Dead Money, Honest Hearts, Old World Blues і Lonesome Road. Дадаткова вы будзеце ўзброены апошнім наборам унікальнай зброі, тыпаў боепрыпасаў і рэцэптаў з самых апошніх дапаўненняў: Courier's Stash і Gun Runners Arsenal.
Сардэчна запрашаем у Вегас. Нью-Вегас.

❗️Забраць гульню можна да 1 чэрвеня.
‼️Недаступна на тэрыторыі Беларусі.

📰 Gollum стала самай нізка ацэненай гульнёй 2023 года.

Адбыўся рэліз стэлс гульні The Lord of the Rings: Gollum, якую крытыкі літаральна "ўтапілі" ў негатыўных водгуках!

Навінка заняла адразу два апошнія месцы на Metacritic (адмоўна абагнаўшы Redfall) вэрсія для PS5 з 38 баламі й PC-выданьне 43 баламі.
На OpenCritic яна набрала 43/100 (пры гэтым раяць гульню толькі 6% крытыкаў).

Гульню лаюць абсалютна за ўсё, адзначаючы сумны ґеймплэй, няўдалыя дызайнерскія рашэньне й гнятлівы тэхнічны стан гульні (які жартам параўналі з станам самога Голума).

Гульня ўжо даступная на PC, PlayStation і Xbox, вэрсія для Switch зьявіцца пазьней.

📢 Sony прадставіла Project Q – партатыўную кансоль для гульняў PlayStation.

Кампанія Sony афіцыйна пацьвердзіла чуткі аб працы над партатыўнай кансольлю, якая дазваляе гуляць у гульні для PlayStation 5 з дапамогай Remote Play.

Мадэль атрымае ўсе элемэнты кіраваньня, наяўныя ў кантролерах DualSense, а таксама 8-цалевы LCD-дысплей, які падтрымлівае дазвол да 1080p (60Гц). Як і ў клясычных кантролерах, навінка будзе мець дынамічныя адаптыўныя трыґеры й забясьпечыць тактыльную зваротную сувязь.

Больш падрабязна аб кансолі абяцаюць расказаць пазьней.

🎁 Зараз у Steam, можна бясплатна забраць Warhammer 40,000: Gladius — Relics of War.

Warhammer 40,000: Gladius — Relics of War — гэта першая пакрокавая стратэгія ў жанры 4X, дзеяньне якой разгортваецца ў сусьвеце Warhammer 40,000. Чатыры фракцыі ўступяць у жорсткую вайну за панаваньне над рэсурсамі плянэты.

❗️Забраць гульню можна да 1 чэрвеня.
❕За бясплатную гульню, калекцыйныя карткі не выдаюць!