📰 Журналіст IGN пагуляў у дэма шутэра Unrecord.

«Ґеймплэй Unrecord выйшаў раней на гэтым тыдні, і ўсё кажуць аб тым, наколькі ён рэалістычны. У нас атрымалася займець дема-вэрсію гульні, каб даведацца, ці зьяўляецца яна рэальнай або гэта проста старанна прадуманая містыфікацыя!

І вось вынік — гэта сапраўды рэальная й адна з самых рэалістычных гульняў, якую мы калі-небудзь бачылі. У гульні Unrecord на дадзены момант няма даты выхаду. Але калі вы хочаце ведаць, калі выйдзе Unrecord, вы можаце дадаць яго ў сьпіс жаданага ў Steam прама зараз».

Нагадаем, што нядаўна распрацоўнікі адказалі на папулярныя пытаньні карыстальнікаў.

​​📰 Кітайская карпарацыя NetEase падала ў суд на Blizzard.

У студзені, стала вядома, што Blizzard Entertainment і NetEase спынілі сваё шматгадовае супрацоўніцтва, што прывяло да немагчымасьці карыстальнікам з Кітая гуляць у такія гульні як World of Warcraft, Hearthstone, Overwatch, Diablo, StarCraft і Heroes of the Storm.
Цяпер кітайскі гігант вырашыў падаць на Blizzard у суд і патрабуе ў карпарацыі 43,5 мільёна даляраў!
Зь цікавага ў гэтым пазове можна вылучыць наступныя пункты:

▫️Blizzard павінна вярнуць ґрошы кітайскім гульцам, якія пажадалі гэтага (а гэта 1,12 мільёна) (Blizzard катэгарычна адмаўляецца кампэнсаваць сродкі кітайскім карыстальнікам);
▫️Blizzard павінна выплаціць кампэнсацыю за няроўныя палажэньні ў ліцэнзійных пагадненьнях, а таксама за страты, панесеныя з-за запасу нераспрададзеных тавараў;
▫️Blizzard неабходна вярнуць сродкі NetEase за шэраг умоў, адна зь якіх — распрацоўка гульняў, якія так і не былі выпушчаныя (NetEase сьцьвярджае, што авансам заплаціла Blizzard за распрацоўку некалькіх гульняў, якія не былі рэалізаваны).

Дарэчы, Blizzard па-ранейшаму шукае новага выдаўца для сваіх гульняў у Кітаі, а супрацоўнікі NetEase тым часам правялі абрад па выгнаньні "нячыстай карпарацыі".

​​📰 Blizzard апублікавала сыстэмныя патрабаваньні Diablo IV.

▫️Мінімальныя:
Працэсар — Intel Core i5-2500K або AMD FX-8350;
Відэакарта — Nvidia GeForce GTX 660 або AMD Radeon R9 280;
Апэратыўная памяць — 8 ГБ;
Вольнае месца — 90 ГБ (SSD);
Дадаткова: Windows 10 64-біт, DirectX 12.

▫️Сярэднія:
Працэсар — Intel Core i5-4670K або AMD Ryzen 1300X;
Відэакарта — Nvidia GeForce GTX 970 або AMD Radeon RX 470;
Апэратыўная памяць — 16 ГБ;
Вольнае месца — 90 ГБ (SSD);
Дадаткова: Windows 10 64-біт, DirectX 12.

▫️Высокія:
Працэсар — Intel Core i7-8700K або AMD Ryzen 2700X;
Відэакарта — Nvidia GeForce RTX 2060 ці AMD Radeon RX 5700 XT;
Апэратыўная памяць — 16 ГБ;
Вольнае месца — 90 ГБ (SSD);
Дадаткова: Windows 10 64-біт, DirectX 12.

▫️Ультра (4К):
Працэсар — Intel Core i7-8700K або AMD Ryzen 7 2700X;
Відэакарта — Nvidia GeForce RTX 3080 (або сэрыя RTX 40 для поўнай падтрымкі DLSS3) або AMD Radeon RX 6800 XT;
Апэратыўная памяць — 32 ГБ;
Вольнае месца — 90 ГБ (SSD);
Дадаткова: Windows 10 64-біт, DirectX 12.

Нагадаем, рэліз Diablo IV адбудзецца 6 чэрвеня, а з 12 траўня пачынаецца новым этап бэта-тэставаньня.

📢 У ранні доступ выйшла дэтэктыўная гульня Shadows of Doubt.

Дзеяньне гульні Shadows of Doubt адбываецца ў 1980-х, у звышіндустрыялізаванай альтэрнатыўнай рэальнасьці. Прымерце на сябе ролю дэтэктыва: выкарыстоўвайце спэцыяльныя прылады, шукайце доказы й атрымлівайце ґрошы за раскрыцьцё злачынстваў, пошук і продаж карыснай інфармацыі й гэтак далей.

Гуляйце так, як вам хочацца, у сьвеце з поўнай сымуляцыяй падзеяў, у якім жывуць сотні пэрсанажаў. Дасьледуйце непаўторныя працэдурна-ґенэраваныя гарады: знаходзьце, сустракайце й высочвайце іх унікальных жыхароў, у кожнага зь якіх ёсьць уласныя імя, праца, кватэра й распарадак дня!

Кошт гульні $14.49 (зараз дзейнічае зьніжка ў 10%).

📢 Paradox анансавалі новае DLC для Stellaris — Galactic Paragons.

Галяктычная рада велізарна й разнастайна! Разам з Galactic Paragons у вашай імпэрыі зьявяцца новыя моцныя лідары, якія ўсьлед за вамі пойдуць да зорак! Цалкам новыя мэханікі Савета й лідэраў, здольныя зьмяніць напрамак вашай імпэрыі, новыя грамадзянскія мадэлі й ня толькі — DLC Galactic Paragons дапаможа вам стварыць новую будучыню!

Разам з дапаўненьнем у гульні зьявяцца:

▫️новая мэханіка галяктычнай Рады;
▫️новае паходжаньне "Пад адзінай уладай";
▫️восем новых грамадзянскіх мадэляў;
▫️сотні новых рыс лідэраў;
▫️два новыя дрэвы традыцыяў;
▫️новыя караблі й сюжэтныя гісторыі.

Рэліз DLC адбудзецца 9 траўня.

📢 Адбыўся рэліз прыгодніцкага баевіка Strayed Lights.

Пагрузіцеся ў цёмны й змрочны сьвет буйной прыроды й апаганеных гарадоў. Дапамажыце малюсенькай істоце сьвятла абудзіцца, змагайцеся са сваімі дэманамі й аднавіце раўнавагу!

Кошт звычайнага выданьня ў Steam — $12.49 (зараз дзейнічае зьніжка ў 10%).

📰 NetEase не падавала ў суд на Blizzard, гэта зрабіў разьюшаны ґеймер.

Раней у інтэрнэце зьявілася інфармацыя аб тым, што кітайская NetEase нібыта падала ў суд на Blizzard і запатрабавала ў яе 43,5 млн даляраў. Аднак нядаўна й сама Blizzard і NetEase абвэрглі гэтую інфармацыю.

Як высьветлілася, у суд на Blizzard і даўно не існуючую The9 (якую 14 гадоў таму выкупіла NetEase) падаў разьюшаны кітайскі ґеймер Ян Цзюнь, які для чагосьці, у графе "пазоўца" пазначыў NetEase.

Дадзены ґеймер, ужо не ўпершыню судзіцца з Blizzard, ён падаваў на кампанію ў суд, у 2009, 2010 і 2019 гадах. Прычынай апошняга пазову, было жаданьне вярнуць 2000 юаняў (≈$300) патрачаных на World of Warcraft.

​​📰 Брытанскі рэгулятар заблякаваў угоду Microsoft і Activision Blizzard.

Упраўленьне па канкурэнцыі й рынках Вялікабрытаніі, насуперак чаканьням аналітыкаў, прыйшло да высноваў, што пагадненьне Microsoft і Activision Blizzard моцна паўплывае на будучыню рынку воблачных гульняў, што прывядзе да скарачэньня інавацыяў і меншага выбару для жыхароў краіны, таму угоду вырашана заблякаваць!

Microsoft ужо валодае каля 70% воблачных сэрвісаў, і патэнцыйны ўплыў кампаніі на сэктар узрасьце яшчэ больш, бо пад іх кантролем апынуцца буйныя франшызы накшталт Call of Duty і World of Warcraft. Рэгулятар лічыць, што калі ўгода не адбудзецца, то Activision сама будзе выпускаць свае праекты ў воблачных сэрвісах, тым самым, даўшы гульцам больш прасторы для выбару прадукта, без абавязковага валоданьня плятформай ад Microsoft.

На заяву ўжо адрэагавалі прэзыдэнт Microsoft Брэд Сміт і ґенэральны дырэктар Activision Бобі Коцік, абодва яны лічаць, што ругулятар ня да канца разумее сытуацыю на рынку відэагульняў і маюць намер падаць апэляцыю для скасаваньня вынесенага рашэньня.

📢 Новы сэзон "Арсэнал" у Apex Legends, абзавёўся новым трэйлерам.

9 траўня, у шутэры Apex Legends, стартуе новы сэзон «Арсэнал», для якога распрацоўшчыкі падрыхтавалі мноства навінаў.
Так, да прыкладу, абновяць мапу «Край сьвету», дададуць новыя выпрабаваньні і узнагароды, палепшаць і значна пашыраць стрэльбішча, унясуць праўкі ў рэйтынгавы рэжым і безумоўна дададуць мноства новых касьметычных элемэнтаў!

У гонар гэтага, распрацоўшчыкі паказалі дынамічны трэйлер, з удзелам легендарнага стрэлка Балістыка.

📢 Ролевая гульня Vampire The Masquerade Swansong выйдзе ў Steam.

Vampire: The Masquerade — Swansong — гэта сюжэтная ролевая відэагульня, у якой гулец кіруе трыма вампірамі з рознымі вампірскімі здольнасьцямі, пераключаючыся паміж імі. На працягу ўсёй гульні пэрсанажы трапляюць у складаныя сытуацыі, у якіх гульцу прыходзіцца рабіць маральны выбар.

Праект мае ацэнку 66 на Metacritic. Гульню хваляць за выдатную гісторыю й лаюць за шматлікія іншыя элемэнты й не заўсёды ўдалыя рашэньні распрацоўнікаў.

Першапачатковы рэліз гульні адбыўся 19 траўня 2022 году, у краме Epic Games.
У Steam праект зьявіцца ўжо 25 траўня.
Гульня таксама даступная на PS5, PS4, Xbox Series, Xbox One і Nintendo Switch.

📢 Адбыўся рэліз Star Wars Jedi: Survivor.

Гісторыя Кэла Кэстыса працягваецца ў STAR WARS Jedi: Survivor, эпічнай новай прыгодзе, якая прасуне Кэла далей, чым калі-небудзь! Прыгатуйцеся адправіцца ў новую эпічную прыгоду, мэта якой, ня даць галяктыцы пагрузіцца ў цемру!

Крытыкі высока ацанілі гульню (практычна на ўсіх рэсурсах, яе адзнака роўная 86 балам), гульню называюць выдатнай прыгодай і практычна лепшай ва ўсёй франшызе Star Wars.
Галоўны мінус праекта — аптымізацыя. Зь ёй усё дрэнна, гульня літаральна на вачах зьядае відэапамяць, не спраўляецца нават RTX 4090. Распрацоўнікі ўжо адрэагавалі на праблему й паабяцалі, што рэлізны патч выправіць усе гэтыя агрэхі

Дадаткова, каб парадаваць фанатаў, Respawn Entertainment выпусьцілі трэйлер гульні, у якім Марк Хэміл (Люк Скайуокер), навучае Камэрона Манахэна (Кэл Кэстыс) джэдайскім прыёмам.

Гульня даступна на PC, Xbox Series і PS5.
Кошт у Steam — $69.99.
❗️Недаступна на тэрыторыі Беларусі.

📢 Адбыўся рэліз атмасфэрнай мэтроідваніі The Last Case of Benedict Fox.

Вазьміце на сябе апошнюю справу Бенедыкта Фокса й акуніцеся ў закручаны сьвет таемных арґанізацыяў, забароненых рытуалаў і халодных забойстваў. Дасьледуйце ўспаміны памерлых ахвяр, шукаючы падказкі й змагайцеся з дэманамі ў гэтай фантастычнай лаўкрафтавай мэтроідваніі!

Кошт гульні ў Steam — $12.00 (зараз дзейнічае зьніжка ў 20%).

📢 FromSoftware назвалі дату рэлізу Armored Core VI: Fires of Rubicon.

Дзеяньне Armored Core VI адбываецца на далёкай плянэце Рубікон-3, дзе чалавецтва знайшло новую крыніцу энэрґіі, якая магла б значна павялічыць яго тэхналягічныя магчымасьці. Аднак замест гэтага рэчыва выклікала катаклізм, які ахапіў полымем усю зорную сыстэму!
Пасьля яго паўторнага адкрыцьця праз паўстагодзьдзя, чалавецтва ізноў спрабуе атрымаць кантроль над гэтым таямнічым рэсурсам.

Гулец кіруе незалежным наймітам, які пілатуе адну з тытулаваных Браняваных ядраў, прымаючы заданьні ад пазаземных мегакарпарацый.

Рэліз адбудзецца 25 жніўня 2023 году.

📰 Windows 10 больш не атрымае буйных абнаўленьняў.

Microsoft заявіла, што вэрсія 22H2, стане апошняй вэрсіяй Windows 10, у далейшым, АС будзе атрымоўваць толькі абнаўленьні зьвязаныя зь бясьпекай і выпраўленьнем багаў.

«Як паказана на старонках жыцьцёвага цыкла Windows 10, падтрымка АС скончыцца 14 кастрычніка 2025 г. Бягучая вэрсія, 22H2, будзе канчатковай вэрсіяй Windows 10, і ўсе кампутары зь ёй будуць заставацца ў падтрымцы з штомесячнымі выпускамі абнаўленьняў бясьпекі да гэтай даты.

Мы настойліва рэкамэндуем вам перайсьці на Windows 11 зараз, паколькі ніякіх дадатковых абнаўленьняў функцыяў Windows 10 больш ня будзе».

📢 Стратэгія Gord выйдзе ў рэліз улетку.

Студыя Covenant. dev (заснаваная былымі супрацоўнікамі CD Projekt RED і 11 bit), прадставіла новы трэйлер і назвала рэлізнае акно, сваёй дэбютнай, змрочнай стратэгіі Gord, натхнёнай славянскім фальклёрам.

Gord — прыгодніцкая стратэгія для аднаго гульца. Каб выжыць, вам неабходна адбудаваць сваё селішча, але каб па-сапраўднаму перамагчы, неабходна сутыкнуцца твар у твар з тым, што чакае ў цемры за варотамі!

Гульня выйдзе гэтым летам, на PC, Xbox Series і PlayStation 5.

📰 Па Vampire Survivors ствараецца анімацыйны сэрыял.

Выданьне Deadline паведамляе, што мэдыя-кампанія Story Kitchen (якая зараз працуе над адаптацыяй Sifu) займаецца стварэньнем анімацыйнага сэрыяла, па матывах экшэн-рагаліка Vampire Survivors.

У працы прымае ўдзел стваральнік гульні Лука Галантэ, які вельмі рады супрацоўнічаць з дасьведчанымі й зацікаўленымі людзьмі, а гэтак жа яго вельмі цікавіць пытаньне — ці ўсьвядомілі яны, што ў гульні з назовам Vampire Survivors, няма ніводнага вампіра.

Кіраўніцтва Story Kitchen, у сваю чаргу, заявілі, што першапачаткова прынялі гульню за чарговы й пусты праект аб вампірах, аднак нагуляўшы больш за сто гадзін, вырашылі, што магчымасьць зрабіць працяг гісторыі Vampire Survivors робіць ім гонар.

У дадзены момант праект знаходзіцца на самым раньнім этапе свайго стварэньня (зараз студыя занята пошукам сцэнарыста для сэрыяла).

📰 Моддэр інтэґраваў у The Elder Scrolls V: Skyrim VR ChatGPT.

Карыстальнік зь нікам Art_from_the_Machine прадставіў свой праект, які дазваляе NPC з Skyrim VR свабодна мець зносіны з гульцом, пры дапамозе чат-бота.

Цяпер пэрсанажы гульні могуць адказваць на пытаньні гульца й нават расказваць гісторыі! Альгарытмы бота ўлічваюць гісторыю кожнага NPC, у выніку гэтага ґенэруецца не проста агульны адказ на пытаньне, а адказ з улікам характару й біяграфіі пэрсанажа.
У дадатак да чат-боту, моддэр выкарыстаў праґраму xVASynth, якая пры дапамозе ШІ-альгарытмаў сынтэзуе патрэбны голас, ператвараючы яго з тэксту (дзякуючы чаму пэрсанажы адказваюць сваім голасам) (голас гульца ў тэкст перарабляе сыстэма распазнаньня гаворкі Whisper).

Асобна распрацоўнік адзначыў, што стварыў і ўкараніў у гульню, сваю, адносна простую сыстэму памяці, якая дазваляе NPC памятаць мінулыя размовы й рэагаваць на некаторыя рэчы вакол (напрыклад надвор’е й час).

Дату выхаду свайго праекту, аўтар пакуль не называе.