📢 Paradox Interactive анансавала першае дапаўненьне да Victoria 3.

Voice of the People раскажа аб супрацьстаяньні паміж рэфармістамі, рэакцыянэрамі й рэвалюцыянерамі. Вы апынецеся ў самым цэнтры палітычнага крызісу, дзе харызматычныя гістарычныя пэрсанажы спрабуюць абараніць свае погляды!

У гульні зьявіцца новая сыстэма агітатараў — гэта вядомыя пэрсанажы (Джон Браўн, Роза Люксэмбурґ, Джузэпэ Мадзіні, Жорж Буланжэ й іншыя), якія зьяўляюцца прадстаўнікамі тых ці іншых рухаў, ўзаемадзейнічаючы (або не ўзаемадзейнічаючы) зь якімі, можна зьмяніць сваю краіну да непазнавальнасьці!

Акрамя гэтага, DLC дадасьць у гульню новыя падзеі, гістарычныя збудаваньні, рашэньні й місіі, якія пераважна зьвязаныя з гісторыяй Францыі.

Рэліз адбудзецца 22 траўня.

📢 Devolver Digital анансавала плятформер KarmaZoo.

Аб’ядноўвайцеся й перамагайце! KarmaZoo — гэта вясёлы плятформер для сумеснай гульні, дзе да 10 гульцоў адначасова могуць стварыць каманду й пусьціць у ход магчымасьці 50 розных пэрсанажаў, каб замкнуць пятлю й атрымаць карму!

Гульня выйдзе ўлетку на PC, PlayStation 5, Xbox Series і Nintendo Switch.

Прапануем вашай увазе цудоўны канал з сучаснай беларускай паэзіяй. Аўтар выкладае туды свае вершы ды іншую творчасьць, некалі нават з ілюстрацыямі.

Калі вас цікавіць беларуская лірыка, заходзьце!

https://t.me/kiera_dy_hardz

📢 Адбыўся рэліз Dead Island 2.

Вуліцы Лос-Анджэлеса захоплівае сьмяротны вірус, які ператварае гараджан у зомбі. Укус, заражэньне й больш чым проста імунітэт: даведайцеся праўду аб эпідэміі й высьветліце, кім — ці чым — вы сталі!

Крытыкі ацанілі гульню ў цэлым станоўча 75 балаў са 100 на Opencritic). У рэцэнзіях адзначаецца, што гульня атрымалася "мясной і вясёлай", аднак чагосьці прынцыпова новага прапанаваць ня можа, а калі вы не любіце лут-шутэры або экшэны пра зомбі, то мала верогдна, што гульня вам спадабаецца.

Dead Island 2 даступна на PC (Epic Games), PlayStation 5, Xbox Series X, PlayStation 4 і Xbox One.
❗️Недаступна на тэрыторыі Беларусі.

📰 Стваральнікі рэалістычнага шутэра Unrecord адказалі на розныя пытаньні карыстальнікаў.

▫️У першую чаргу распрацоўшчыкі запэўнілі, што іх гульня ня фэйк (яны лічаць, што гэтая задума была б дурная й дарагая);
▫️У відэа не выкарыстоўваюцца якія-небудзь рэальныя кадры, усё створана на рухавічку гульні (Unreal Engine 5);
▫️Шутэр не натхнёны нейкімі рэальнымі падзеямі. Распрацоўнікі гэтак жа пастараюцца пазьбягаць вострых тэм, па тыпе расізму, дыскрымінацыі й іншага;
▫️Распрацоўнікам пакуль складана казаць аб узроўні аптымізацыі гульні перад яе рэлізам, аднак яны ўпэўненыя, што гэта будуць прымальныя патрабаваньні (да прыкладу, частка эфэктаў не зьвязана з тэкстурамі й колькасьцю палігонаў, таму для запуску гульні не абавязкова запатрабуецца магутны кампутар, аднак на слабым "жалезе" "пры любым раскладзе, будзе цяжка ацаніць увесь візуальны патэнцыял UE5);
▫️Гульня ўжо падтрымлівае кантролер;
▫️У гульні пакуль што няма пэўнай даты (ці году) рэлізу.

📢 Electronic Arts апублікавалі запіс гульнявога працэсу будучага фэнтэзі-шутэра Immortals of Aveum.

Паклічце сваю сілу, спыніце Вечную вайну й выратуйце каралеўства!
Immortals of Aveum — гэта аднакарыстальніцкі магічны шутэр ад першай асобы, які распавядае гісторыю Джэка, які далучаецца да элітнага ордэна баявых чараўнікоў, каб выратаваць сьвет!

Гульня выходзіць у рэліз на PlayStation 5, Xbox Series і PC 20 ліпеня.

📰 У Steam зьявіліся старонкі некаторых гульняў ад Ubisoft.

У канцы мінулага году, Ubisoft перагледзела сваю палітыку выпуску гульня й пачала вяртаць некаторыя свае праекты ў Steam (так да прыкладу зараз у краме можна знайсьці Assassin’s Creed Valhalla, Anno 1800, Watch Dogs: Legion і іншыя).

У бліжэйшы час, у краме Valve можна будзе набыць:
🔹Far Cry 6 (11 траўня);
🔹Riders Republic (8 чэрвеня);
🔹Tom Clancy's Rainbow Six Extraction (15 чэрвеня);
🔹Monopoly Madness (22 чэрвеня).

📢 Працяг экшэн-плятформер Blasphemous выходзіць у рэліз улетку.

Blasphemous 2 — гэта працяг гісторыі Пакаяльніка, якому трэба будзе адправіцца ў зусім новае падарожжа па незнаёмай зямлі. На шляху герою сустрэнецца мноства незвычайных стварэньняў — як варожых, так і прыязных, а таксама шмат новай зброі й здольнасьцяў, з дапамогай якіх дасьледаваць сьвет стане значна прасьцей!

Рэліз плянуецца на жнівень 2023 году, для PC (Steam), PlayStation 5 і Xbox Series.

📰 Стваральнікі The Order: 1886 страцілі траціну сваіх супрацоўнікаў.

Кампанія Meta (былая Facebook Inc.), на фоне калаласальных страт з-за Metaverse і VR (яны панесьлі страты ў памеры 3,7 млрд даляраў), пачала масавыя скарачэньні ў сваіх падразьдзяленьнях, ужо звольнена каля 4 000 чалавек, але гэты лік плянуюць павялічыць да 10 000.

Сярод пацярпелых лічыцца студыя Ready at Dawn, знакамітая ў першую чаргу гульнёй The Order: 1886 (2015). СМІ, са спасылкай на крыніцу ўнутры кампаніі, і некаторыя звольненыя распрацоўшчыкі паведамілі, што сваіх месцаў пазбавілася каля траціны ўсіх супрацоўнікаў — у тым ліку й ґенэральны дырэктара Ру Вірасурыя.

Нажаль, ня толькі Meta займаецца зараз масавымі звальненьнямі, раней аб гэтым паведамлялі Microsoft (не абыйшлося без скандалу), Take-Two, Riot Games, EA, Twitch, Google і Hasbro.

🎉 Нам адзін год!🎂

Дзякуй, што вы з намі!

​​📰 Былы творчы дырэктар Dragon Age, расказаў як BioWare працуе над кампаньёнамі.

Былы творчы дырэктар Dragon Age Майк Лэйдлоў, у падкасьце PC Gamer, распавёў пра тое, як BioWare працуе над кампаньёнамі ў Dragon Age.

Па словах Лейдлоў, над кожным напарнікам (часам некалькімі) працуе асобны сцэнарыст, і за ім заўсёды застаецца апошняе слова ў любым абмеркаваньні датычна гэтага кампаньёна:

«Мы верылі ў тое, што сцэнарыст павінен цалкам валодаць сваім пэрсанажам і казаць за яго. У канцы сцэнара мы праходзімся па сюжэце, глядзім, ці ўпісваецца пэрсанаж у яго, а таксама задаем адно аднаму пытаньні. Напрыклад, Мэры Кірбі адказвае за Варыка, і яе пытаюцца: "Што б адказаў Варык, калі б Сера сказала вось гэта"?»

Сцэнарыст можа нават адмовіцца ад ідэі, каб яго герой і пратаганіст маглі мець рамантычную цікавасьць адзін да аднаго (менавіта гэта й адбылося з Варыкам, бо яго сцэнарыст Мэры Кірбі ненавідзіць прапісваць раманы).

Нагадаем, адносна нядаўна, на абшарах інтэрнэту апынуўся запіс раньняй вэрсіі гульнявога працэсу новай Dragon Age: Dreadwolf, у якой можна адразу адзначыць кардыянальныя зьмены ў баявой сыстэме.
Дата рэлізу не вядома.

📰 Журналіст IGN пагуляў у дэма шутэра Unrecord.

«Ґеймплэй Unrecord выйшаў раней на гэтым тыдні, і ўсё кажуць аб тым, наколькі ён рэалістычны. У нас атрымалася займець дема-вэрсію гульні, каб даведацца, ці зьяўляецца яна рэальнай або гэта проста старанна прадуманая містыфікацыя!

І вось вынік — гэта сапраўды рэальная й адна з самых рэалістычных гульняў, якую мы калі-небудзь бачылі. У гульні Unrecord на дадзены момант няма даты выхаду. Але калі вы хочаце ведаць, калі выйдзе Unrecord, вы можаце дадаць яго ў сьпіс жаданага ў Steam прама зараз».

Нагадаем, што нядаўна распрацоўнікі адказалі на папулярныя пытаньні карыстальнікаў.

​​📰 Кітайская карпарацыя NetEase падала ў суд на Blizzard.

У студзені, стала вядома, што Blizzard Entertainment і NetEase спынілі сваё шматгадовае супрацоўніцтва, што прывяло да немагчымасьці карыстальнікам з Кітая гуляць у такія гульні як World of Warcraft, Hearthstone, Overwatch, Diablo, StarCraft і Heroes of the Storm.
Цяпер кітайскі гігант вырашыў падаць на Blizzard у суд і патрабуе ў карпарацыі 43,5 мільёна даляраў!
Зь цікавага ў гэтым пазове можна вылучыць наступныя пункты:

▫️Blizzard павінна вярнуць ґрошы кітайскім гульцам, якія пажадалі гэтага (а гэта 1,12 мільёна) (Blizzard катэгарычна адмаўляецца кампэнсаваць сродкі кітайскім карыстальнікам);
▫️Blizzard павінна выплаціць кампэнсацыю за няроўныя палажэньні ў ліцэнзійных пагадненьнях, а таксама за страты, панесеныя з-за запасу нераспрададзеных тавараў;
▫️Blizzard неабходна вярнуць сродкі NetEase за шэраг умоў, адна зь якіх — распрацоўка гульняў, якія так і не былі выпушчаныя (NetEase сьцьвярджае, што авансам заплаціла Blizzard за распрацоўку некалькіх гульняў, якія не былі рэалізаваны).

Дарэчы, Blizzard па-ранейшаму шукае новага выдаўца для сваіх гульняў у Кітаі, а супрацоўнікі NetEase тым часам правялі абрад па выгнаньні "нячыстай карпарацыі".

​​📰 Blizzard апублікавала сыстэмныя патрабаваньні Diablo IV.

▫️Мінімальныя:
Працэсар — Intel Core i5-2500K або AMD FX-8350;
Відэакарта — Nvidia GeForce GTX 660 або AMD Radeon R9 280;
Апэратыўная памяць — 8 ГБ;
Вольнае месца — 90 ГБ (SSD);
Дадаткова: Windows 10 64-біт, DirectX 12.

▫️Сярэднія:
Працэсар — Intel Core i5-4670K або AMD Ryzen 1300X;
Відэакарта — Nvidia GeForce GTX 970 або AMD Radeon RX 470;
Апэратыўная памяць — 16 ГБ;
Вольнае месца — 90 ГБ (SSD);
Дадаткова: Windows 10 64-біт, DirectX 12.

▫️Высокія:
Працэсар — Intel Core i7-8700K або AMD Ryzen 2700X;
Відэакарта — Nvidia GeForce RTX 2060 ці AMD Radeon RX 5700 XT;
Апэратыўная памяць — 16 ГБ;
Вольнае месца — 90 ГБ (SSD);
Дадаткова: Windows 10 64-біт, DirectX 12.

▫️Ультра (4К):
Працэсар — Intel Core i7-8700K або AMD Ryzen 7 2700X;
Відэакарта — Nvidia GeForce RTX 3080 (або сэрыя RTX 40 для поўнай падтрымкі DLSS3) або AMD Radeon RX 6800 XT;
Апэратыўная памяць — 32 ГБ;
Вольнае месца — 90 ГБ (SSD);
Дадаткова: Windows 10 64-біт, DirectX 12.

Нагадаем, рэліз Diablo IV адбудзецца 6 чэрвеня, а з 12 траўня пачынаецца новым этап бэта-тэставаньня.