📰 Зьявіліся першыя водгукі ад СМІ аб Star Wars Jedi: Survivor.

Шэрагу гульнявых журналістаў азнаёміўся з Star Wars Jedi: Survivor, і застаўся ў захапленьні!
VGC заявілі, што не ўбачылі падчас праходжаньня дэмавэрсіі праблем, якія былі ўласьцівыя першай частцы. У візуальным пляне здарыўся значны скачок наперад, а баявая сыстэма (якая й бяз таго была выдатнай), зараз адчуваецца проста цудоўна!
На іх думку, новая сыстэма баявых стоек выдатна разнастаіла гульню, аднак журналісту з PC Gamer не спадабалася абмежаваньне па іх колькасьці (ён лічыць, што бой павінен нагадваць "балет", а для гэтага востра не хапае магчымасьці хутка мяняць стойкі).

PlayStation Blog адзначылі разнастайнасьць плянэт і прадстаўленых на іх унікальных культур.
Eurogamer лічыць, што гульня захавала сваю "падлеткавасьць" з усімі элемэнтамі паркура й іншым, аднак гэта не замінае прыгодзе быць больш дарослай (асабліва гэта прыкметна ў паводзінах і зьнешнасьці галоўнага героя (Кэл зараз можа насіць бараду й нават стаць лысым).

Рэліз гульні адбудзецца 28 красавіка на PC, PS5 і Xbox Series.

📰 Моддэр здолеў аптымізаваць The Last of Us Part I на PC.

The Last of Us Part I выйшла на PC і адразу атрымала скандальную славу, стаўшы адной з самых забагаваных гульняў (гульня нават першай у серыі атрымала "жоўты" рэйтынг на Metacritic). Naughty Dog актыўна зьбірае інфармацыю аб праблемах і імкнецца ўсё выправіць, аднак пакуль у іх гэта зрабіць не атрымоўваецца.

Затое гэта змог зрабіць карыстач сайта Nexus Mods пад нікам desconection. Яго мод выкарыстоўвае бібліятэку DXVK для запуску The Last of Us Part I на API Vulkan, замест DirectX 12. Аўтар папярэджвае, што гульня зноўку перабудуе шэйдары, а падчас гэтага будзе аварыйна завяршаць працу. Акрамя таго, будзе страчаны й доступ да тэхналёгіі DLSS, а пагуляць атрымаецца толькі на відэакартах Nvidia.

Большасьць карыстальнікаў, якія апрабавалі мадыфікацыю адзначылі станоўчыя зьмены ў прадукцыйнасьці й што самае галоўнае, цалкам зьніклі падтармажваньня й вылеты.

Спампаваць мод можна тут.

📢 Paradox апублікавалі новы трэйлер DLC Tours & Tournaments для Crusader Kings III.

Дапаўненьне раскажа аб раскошы й небяспэцы сярэднявечных падарожжаў. Гульцам прапануецца прыгатаваць раскошную карэту й склікаць сьвіту, каб наносіць візыты васалам, наведваць вясельлі й нават прымаць удзел у рыцарскіх паядынках!

Выпуск новага трэйлера быў прымеркаваны да старту перадзамоў DLC (яго кошт $18.99), жадаючыя гэтак жа могуць набыць пак Crusader Kings III: Chapter II, куды ўваходзіць гэтак жа перадзамова тэматычнага набору Legacy of Persia і набор падзеяў Wards and Wardens (агульны набора кошт $22.97).

DLC Tours and Tournaments для Crusader Kings III выйдзе 11 траўня.

📢 Адбыўся рэліз прыгоды Road 96: Mile 0.

(Гульня зьяўляецца прыквэлям Road 96) Гэта гісторыя пра сяброўства людзей з зусім розных сьветаў. Зоі й Кайта. Гісторыя аб тым, з чаго ўсё пачалося. А вы гатовы пераглядаць свае погляды?
Road 96: Mile 0 — гэта апавядальная прыгодніцкая гульня з музычным кампанэнтам, распрацаваная DigixArt і выдадзеная Ravenscourt.

Кошт гульні ў Steam — $12.96 (Набор зь першай і другой часткі можна купіць са зьніжкай у 50%, за $16.35).
❗️Недаступна на тэрыторыі Беларусі.

📰 Распрацоўнікі Star Wars Jedi: Survivor апублікавалі сыстэмныя патрабаваньні гульні.

Згодна з апублікаваным патрабаваньням гульня зойме 155 ГБ памяці.
▫️Мінімальныя сыстэмныя патрабаваньні
Працэсар – AMD Ryzen 5 1400 або Intel Core i7-7700;
Відэакарта – Nvidia GTX 1070 або AMD Radeon RX 580;
Апэратыўная памяць — 8 ГБ.
▫️Рэкамэндуемыя сыстэмныя патрабаваньні
Працэсар – AMD Ryzen 5 5600X або Intel Core i5 11600K;
Відэакарта – Nvidia RTX 2070 або AMD RX 6700 XT
Апэратыўная памяць — 16 ГБ.

Рэліз Star Wars Jedi: Survivor адбудзецца 28 красавіка на PC, PS5 і Xbox Series.

📢 Blizzard распавяла аб эндґейм-кантэнце Diablo 4.

Blizzard апублікавала новы ролік Diablo IV, у якім распавяла аб кантэнце, які адкрыецца гульцам пасьля праходжаньня асноўнай гісторыі.

Распрацоўнікі распавялі аб такіх "высокіх" аспэктах гульні як асноўныя й кашмарныя падзямельля, матрыцы ўдасканаленьня й кодэкс сілы, а таксама гульня ў адкрытым сьвеце, дошка штодзённых заданьняў й Палі Нянавісьці.

Адна з найважнейшых актыўнасьцяў канца гульня, гэта Дошка дасканаласьці (Paragon Board), якая зьявіцца па дасягненьні 50-го ўзроўню. На гэтым узроўні гульцы будуць зарабляць ачкі дасканаласьці, якія можна выдаткаваць на вызначаныя вочкі, у сярэдзіне якіх знаходзяцца розныя бафы (чым больш адчынена вочак тым магутней становяцца бафы).

Гульцы ўжо пасьпелі раскрытыкаваць гэтыя актыўнасьці, параўнаўшы іх з такімі ў сэрвісных гульнях і ММО, а гэтак жа абвінаваціўшы распрацоўшчыкаў у адхіленьні ад вытокаў франшызы.

Рэліз гульні чакаецца 6 чэрвеня.

📰 Sony працуе над новай партатыўнай PlayStation.

Такой інфармацыяй падзяліўся вядомы журналіст і інсайдэр Том Хендэрсан.

Паводле яго словаў, Sony жадае вернуцца да досьведу стварэньня партатыўных кансоляў (па тыпе PSP і PS Vita) і таму, цяпер у актыўнай распрацоўцы знаходзіцца прылада з кодавай назвай Q Lite.

Новая партатыўная прыстаўка апісваецца як кантролер PlayStation 5 DualSense з 8-цалевым ВК-экранам пасярэдзіне, а працаваць яна будзе сумесна з PlayStation Remote Play.

Q Lite у дадзены момант знаходзіцца на стадыі кантролю якасьці й павінна выйсьці раней, чым PS5 Pro (анонс якой, па чутках, адбудзецца ў канцы 2024 году).

📢 Universal Pictures аб’явіла дату выхаду экранізацыі Five Nights at Freddyʼs.

Фільм ідзе па пятах за ахоўнікам, які пачаў працаваць у «Freddy Fazbear's Pizza». У першую ж зьмену ён усьведамляе, што ўсё ня так проста, як здаецца, і аніматронікі, якія забаўляюць дзяцей днём, ноччу выходзяць паўдзельнічаць ва ўласных, злавесных гульнях.

Рэжысэрам і сцэнарыстам (сумесна з аўтарам серыі Скотам Коўтанам) выступае Эма Тамі («Прыстанак страху»).
Галоўныя ролі выканаюць Джош Хатчэрсан («Галодныя гульні») — ахоўнік Майк Шміт; Элізабэт Лэіл («Ты») — Ванэса, Мэцью Лілард («Скубі-Ду», «Крык») — адзін з заснавальнікаў «Freddy Fazbear's Pizza» Уільям Афтан.

Прэм’ера адбудзецца 27 кастрычніка 2023 году.

📢 Bohemia Interactive анансавала сваю новую гульню — Silica.

Silica — гэта красовер FPS і RTS, у якім да 3 фракцыяў змагаюцца за кантроль над плянэтай Балтарус. Кіруйце зьверху ў якасьці камандзіра або выпрабуйце дзеяньне зь першых рук, у адзіночку ці зь сябрамі. Далучайцеся да адной з двух чалавечых войскаў або высачыце іх, гуляючы за прышэльцаў!

Дата рэлізу не называецца.

📰 Blizzard вырашыла завяршыць кантэнтную падтрымку Diablo ІІІ.

29 сэзон для Diablo ІІІ афіцыйна стане апошнім "кантэнтным" сэзонам. Пачынаючы з 30 сэзона, у гульню перастануць дадаваць новыя функцыі й касьметыку.
Для 30-а сэзона распрацоўшчыкі будуць ствараць "міксы" функцыяў і ўзнагарод зь мінулых сэзонаў.

Blizzard тлумачыць такое рашэньне, жаданьнем накіраваць усе сілы на распрацоўку Diablo IV (якая выходзіць ужо 6 чэрвеня на PlayStation, Xbox і PC).

📢 Рэмэйк Resident Evil 4 абзавёўся рэжымам «Найміты».

Адбыўся рэліз рэжыму «Найміты» (які распаўсюджваецца ў выглядзе бясплатнага DLC) для рэмэйку Resident Evil 4.

Мэта рэжыму заключаецца ў тым, каб перамагчы як мага больш ворагаў і набраць як мага больш ачкоў за абмежаваны час. Забойства ворагаў рукапашнымі атакамі, стрэлы ў галаву, а таксама перамога над мацнейшымі ворагамі даюць дадатковыя сэкунды.

📰 Bethesda згадала New Vegas 2 у Steam-вэрсіі Fallout 4.

У базе дадзеных Steam на старонцы Fallout 4 зьявілася згадка «newvegas2», на наступны дзень, згадка была выдаленая, аднак гэта пасьпела прыцягнуць вялікую ўвагу фанатаў гульні.

Некаторыя карыстачы мяркуюць, што узгадваньне New Vegas 2 можа быць неяк зьвязана з будучым некстґен-абнаўленьнем для Fallout 4. Гэта адзначае й партал DSOGaming, які лічыць, што ў палепшаную гульню могуць дадаць тэматычнае DLC ці нешта іншае.

Акрамя гэтай вэрсіі папулярнай застаецца й фанацкая тэорыя пра Fallout: New Vegas на рухавічку чацьвёртай часткі (супернікі гэтай тэорыі (сярод якіх усё той жа партал DSOGaming), лічаць гэта мала верагодным, бо ў такога праекта ўжо б пачалася маркетынгавая кампанія або хаця б адбылося некалькі інсайдаў з самой Bethesda.

🎁 Зараз у Steam, можна бясплатна забраць Battlestar Galactica Deadlock.

У гульні Battlestar Galactica Deadlock вы возьмеце на сябе камандаваньне Каланіяльным флётам і абарону Дванаццаці калёніяў падчас Першай сайланскай вайны. У гэтай трохмернай тактычнай гульні ў вашым распараджэньні апынуцца самыя розныя тыпы караблёў.

❗️Забраць гульню можна да 9 красавіка.
❕Колькасьць копіяў гульні абмежавана! За бясплатную гульню, калекцыйныя карткі не выдаюць!