​​📰 CD Projekt RED распавялі чаму вынік лініяў Весеміра й Крывавага Барона менавіта такі.

Вядучы дызайнер квэстаў у «Вядзьмар 3: Дзікае Паляваньне» Павал Саско распавёў чаму CD Projekt RED завяршыла лініі Весеміра й Крывавага Барона менавіта ТАК (увага, далей будуць спойлеры да сюжэту гульні).

Па словах Саско, камандзе было неабходна стварыць для Цыры пераломны момант, момант які прымусіў бы яе адправіцца ўсьлед за Дзікім Паляваньнем, а не заставацца перасьледуемай ахвярай. Сьмерць Весіміра павінна была зламаць Цыры й зьмяніць яе стаўленьне да таго, што адбываецца.
Далёка ня ўсе ў камандзе былі згодныя з гэтым рашэньнем, але пасьля гутаркі са сцэнарыстам гульні, было вырашана паступіць менавіта так.

Што да лініі Крывавага Барона, то гэта была вельмі складаная й спрэчная арка квэстаў, яна даставіла камандзе шмат турботы (асабліва ўлічваючы, што над гульнёй працавала некалькі маладых бацькоў).
Гэта гісторыя «бруднага ґвалту й зламанага бацькі», які спрабуе ўсьвядоміць свае недахопы й неяк выправіць тое, што адбылося. У выніку распрацоўшчыкі хацелі не агаломшыць, а падняць сапраўды важную тэму, нетыповую для індустрыі AAA-гульняў.

📰 Аўтары Little Nightmares намякаюць на свой новы праект.

Стваральнікі Little Nightmares апублікавалі загадкавы малюнак невялікай лодкі зь людзьмі якія плывуць у цёмную далеч.
Подпіс пад відарысам кажа:

«Новы сьвет. Акцэнт на новае».

Раней распрацоўшчыкі ўжо публікавалі тызер новага праекта, але падрабязнасьцяў не абвяшчалі. Адзінае што можна зразумець з усяго гэтага — Tarsier Studios вырашыла не здраджваць былым традыцыям і працягнуць тэму хорараў.

🎁 Зараз у Steam, можна бясплатна забраць SLUDGE LIFE.

SLUDGE LIFE — цяпер вы пачатковец-тэґер па імі ПРЫВІД. Жадаеце заняць сваё месца сярод лепшых мастакоў графіці? Вывучайце маленькую выспу, на пакрытай сьлізьзю плянэце!

❗️Забраць гульню можна да 30 сакавіка.
❕Колькасьць копіяў гульні абмежавана! За бясплатную гульню, калекцыйныя карткі не выдаюць!

Вітаем усіх!

Сёння хочам параіць вам незвычайны канал Усё пра ўсё, які публікуе навіны тэхналогій, гульняў і шмат чаго яшчэ! Галоўнае, матэрыял падаецца на вельмі якаснай беларускай мове кожны дзень!!

Далучайцеся: https://t.me/allabouttexnologys

📢 Студыя Frogwares выпусьціла чарговы трэйлер Sherlock Holmes: The Awakened.

У новым трэйлеры сабраны самыя трывожныя сцэны, закліканыя паказаць гульцам нарастаючае вар’яцтва й безвыходнасьць.

Sherlock Holmes: The Awakened, рэмэйка клясычнай прыгодніцкай гульні, якая выйшла ў 2007 годзе. стане даступны 11 красавіка на РС, PlayStation 5, PlayStation 4, Xbox Series, Xbox One і Nintendo Switch.

📢 Выйшаў сьвежы ґеймплэйны трэйлер Remnant 2.

Remnant II — працяг вельмі пасьпяховай гульні Remnant: From the Ashes. Выжыўшым прадстаўнікам чалавецтва трэба будзе адправіцца ў жудасныя сьветы й уступіць у бой з новымі бязьлітаснымі стварэньнямі й богападобнымі босамі!

Новы трэйлер дэманструе бітву з адным з босаў гульні — Мацярынскім Розумам.

Рэліз гульні заплянаваны на лета, для PlayStation 5, Xbox Series і PC.

📢 Square Enix выпусьціла новы трэйлер Final Fantasy XVI, у якім паказала сьвет Валістэі.

Па ўсім сьвеце Валістэі раскіданыя Мацярынскія Крышталі — зіготкія крыштальныя горы, якія ўзвышаюцца над навакольнымі землямі, і дораць ім блаславеньне этэру. З пакаленьня ў пакаленьне людзі цягнуліся да гэтых маякоў, жадаючы прычасьціцца іх ласкі, выкарыстоўваючы этэр, каб тварыць магію й жыць у спакоі ды дастатку. Кожны Мацярынскі Крышталь прыцягнуў вялізную сілу, і на доўгія гады паміж імі ўсталяваўся ненадзейны мір. Але распаўсюджваньне Гнілі пагражае разбурыць гэты мір і зьнішчыць усе дзяржавы!

Final Fantasy XVI выходзіць 22 чэрвеня на PlayStation 5.

📰 У сеціве зьявілася некалькі новых (магчымых) падрабязнасьцяў Counter-Strike 2.

Анонс Counter-Strike 2 адбыўся зусім нядаўна, аднак датамайнеры ўжо на ўсю моц "вандруюць" па гульнявых файлах у пошуках цікавай інфармацыі:

🔸выяўлены створаныя (але даступныя толькі распрацоўнікам) дымавыя гранаты з розным колерам дыму (карыстальнікі мяркуюць, што гэта могуць задзейнічаць у нейкім незвычайныя рэжыме);
🔸у гульні больш нельга мяняць бок рук;
🔸для гульні ствараецца новы анты-чыт VAC Live (мяркуючы па файлах, пры выяўленьні чытэра VAC Live будзе аўтаматычна завяршаць матч);
🔸знойдзены намёкі на распрацоўку новай апэрацыі (OP12) (выяўлены тры новыя калекцыі зброі й новыя касьметычныя прадметы).

❗️Інфармацыя не стаадсоткавая, перад рэлізам шмат што можа зьменіцца!

Нагадаем, зараз праходзіць закрытае бэта-тэставанне гульні, паўнавартасны рэліз плануюць на лета (праект будзе бясплатным).

📰 Рэмэйк Resident Evil 4 можа атрымаць пашырэньне Separate Ways.

Афіцыйна аб гэтым Capcom не заяўляла, аднак датамайнеры змаглі выявіць згадваньне пашырэньня Separate Ways (а калі дакладней згадваньне яго Японскай назвы The Another Order) у файлах гульні. Карыстальнікі мяркуюць, што яго могуць выпусьціць у якасьці паўнавартаснага DLC.

У Separate Ways галоўнай гераіняй выступае Ада Вонг (першы раз яна зьявілася ў другой гульні серыі), якая выконвае сваё таямнічае заданьне й перыядычна дапамагае Лявону выблытвацца з розных калатнеч.

​​📰 Сімулятар жыцьця Life By You цалкам адчынены для экспэрымэнтаў.

Пра гэта, падчас інтэрвію выданьню PCGamer паведаміў кіраўнік распрацоўкі гульні й былы ґеймдызайнер The Sims 2 Род Хамбл.

Як паведамлялася раней, у гульню будзе ўбудаваны цэлы масіў рэдактараў, які дазваляе мяняць зьнешні выгляд пэрсанажаў, мэблі й адзеньня, ствараць уласныя сцэнары, дыялёгі, квэсты й ляндшафты, а таксама імпартаваць мадэлі, анімацыі й нават дадаваць свае скрыпты.

Аднак акрамя гэтага, гульцам прапануюць «дасьледаваць сваю сэксуальнасьць». Хоць у гульні й ня будзе інтымных сцэн, гульцы змогуць адключыць шэйдары цэнзуры й убачыць галізну, а жадаючыя змогуць ствараць і выкарыстоўваць моды 18+. Пры гэтым Род Хамбл запэўнівае, што стваральнікі не зьбіраюцца зьвяртацца да збору тэлемэтрыі (як гэта робіць The Sims).

Адзінае, што распрацоўшчыкі катэгарычна хочуць выключыць са сьвету Life By You — гэта хваробы й ґвалт. Пэрсанажы могуць памерці, але ня ад чужой рукі й ня ад захворваньняў, і стваральнікі паклапаціліся, каб ствараць жорсткія моды было ня так проста.

Life By You выходзіць у раньні доступ 12 верасьня.

📢 Анансавана дэтэктыўная пясочніца Shadows of Doubt.

Дзеяньне гэтага навукова-фантастычнага стэлс-дэтэктыва ў стылі нуар адбываецца на вуліцах працэдурна ґенэраванага горада, які заграз у злачыннасьці й карупцыі. Атрымайце асалоду ад захапляльнай гульні у жанры пясочніцы з поўнай сымуляцыяй падзеяў!

Гульня выходзіць у раньні доступ 24 красавіка. Распрацоўнікі падрыхтавалі сваім будучым гульцам адмысловую анкету, у якой яны могуць распавесьці аб сваіх чаканьнях ад раньняга доступу.

📰 ЕА накіроўвае ўсе сілы на распрацоўку Dragon Age: Dreadwolf.

Журналісты VentureBeat падзяліліся інфармацыяй аб ходзе працы над Dragon Age: Dreadwolf. Згодна зь ёй, ЕА кідае на распрацоўку й паліроўку праекта разнастайныя сілы.
Так да прыкладу стала вядома, што на стварэньне гульні перакінутая частка каманды Mass Effect (згодна з крыніцай, новая гульня серыі знаходзіцца на вельмі раньнім этапе распрацоўкі ў якім задзейнічана меншая частка супрацоўнікаў).

Аднак акрамя гэтага, EA прыцягнула да працы над Dreadwolf былога прадзюсара й вэтэран BioWare з больш чым 20-гадовым досьведам Марка Дарра, які выконвае ролю кансультанта.

Дата рэлізу не вядома (інсайдэры лічаць, што чакаць гульню сёлета не варта).
Нагадаем, раней у сеціве зьявіліся кадры альфа-вэрсіі гульні.

📢 Nintendo паказала новы ґеймплэйны ролік The Legend of Zelda: Tears of the Kingdom.

Азнаёмцеся з новымі здольнасьцямі Лінка ў гэтай дэманстрацыі ґеймплэя The Legend of Zelda: Tears of the Kingdom, прадстаўленай прадзюсарам серыі Эйдзі Аонума.

Рэліз The Legend of Zelda: Tears of the Kingdom адбудзецца 12 траўня выключна на Nintendo Switch.

📢 Адбыўся рэліз The Last of Us Part I на PC.

Акунуцца ў драматычную гісторыю пра незабыўных пэрсанажаў у гульні The Last of Us! У сьвеце, дзе цывілізацыя зьнішчана, а заражаныя й ўзмужнелыя выжыўшыя бясчынствуюць, Джоэл, павінен вызваліць 14-гадовую Элі з вайсковай каранціннай зоны.
Хто б толькі ведаў, што гэтае маленькае заданьне абернецца найнебясьпечнай прыгодай па ўсёй краіне... .

Кошт гульні ў Steam — 49,99$ (водгукі карыстальнікаў PC пераважна адмоўныя (гульню лаюць за вельмі дрэнную аптымізацыю)).
У бліжэйшы час пачнуцца стрымы-праходжаньні гэтай гульні на канале Рудзі (раім далучыцца)!

📢 Адбыўся рэліз "галівудскага" шутэра Crime Boss: Rockay City.

Гэта экшэн-шутэр пра арґанізаваную злачыннасьць з войнамі за тэрыторыю ад першай асобы, у які можна гуляць у вадзіночку ці зь сябрамі. Прымерце ролю Трэвіса Бэйкера, які зьбіраецца стаць новым каралём Рокая!

Ацэнка гульні на Metacritic 55 балаў. Гульню параўноўваюць з другагатунковым фільмам, які мае свой пэўны шарм. Галоўны мінус гульні на думку крытыкаў — мноства цікавых мэханік, якія гульня не выкарыстоўвае.

Гульня даступная для пакупкі ў EGS.

📰 Valve спыніць падтрымку Steam на састарэлых Windows.

З 1 студзеня 2024 году Steam перастане працаваць на Windows 7, 8 і 8.1.
Такую інфармацыю абвясьціла Valve у допісе аб абнаўленьні бэта-кліента Steam.

Чыньнікамі такога рашэньня называюць новую вэрсію ўбудаванага ў кліент Google Chrome (які ўжо не працуе на вышэй паказаных АС), а гэтак жа банальныя меркаваньні бяспекі (новыя вэрсіі кліента Steam маюць патрэбу ў абнаўленьнях і сыстэмах бясьпекі, даступных толькі ў Windows 10 і вышэй).

📢 Стваральнікі Total War: Warhammer 3 паказалі ґеймплэй новага DLC Forge Of The Chaos Dwarfs.

«Прыйшоў час паглядзець, як спраўляюцца са справамі баявыя воінствы Жатана Чорнага! Чакайце шмат агню, шмат заводаў і шмат вельмі няшчасных шкілетаў... 💀»

Рэліз Forge of the Chaos Dwarfs адбудзецца 13 красавіка (даступны папярэдні заказ са зьніжкай у 10%).

📢 Paradox назвалі дату рэлізу DLC Domination для Europa Universalis IV.

Вазьміце пад свой кантроль адну з найвялікшых імпэрыяў у гісторыі й прывядзіце яе да ўсеагульнага панаваньня ў гэтым новым дапаўненьні да Europa Universalis IV. З новымі місіямі, новымі варыянтамі выбару й вялікай колькасьцю дададзенага гістарычнага кантэнту EU4: Domination дае вам усё неабходнае, каб размаляваць сьвет у свае колеры!

Рэліз адбудзецца 18 красавіка.

📢 Анансавана дапаўненьне Dungeons & Dragons для Minecraft.

На прэзентацыі D&D Direct было анансавана DLC Dungeons & Dragons для Minecraft.
Гульцам прапануюць адправіцца ў легендарныя Забытыя Каралеўства й іх знакавыя лякацыі (Даліна Ледзянога Ветру, Кэндлкіп і інш.) узноўленыя ў ня менш знакамітай гульні Minecraft.

Акрамя адноўленых лякацый, з DLC дададуць мноства істот з сусьвету Dungeons & Dragons, а гэтак жа абновяць сыстэму навыкаў пэрсанажа, дададуць выбар кляса й элемэнты, якія адсылаюць да арыґінальнай настольнай гульні.

Рэліз заплянаваны на вясну гэтага году, толькі для Bedrock-вэрсіі гульні.