لحد هنا انت ممكن تلاقي شغل عادي
انا نفسي اول شغل ليا كان بعد ال فات ده بس

بس متضيعش وقت كتير هنا لان متطلبات السوق اتغيرت وبقت المنافسة شديدة فركز علي انك تتعلم
ومتعملش غلطتي وتفضل تضيع وقت في التقديم وخلاص

7️⃣TypeScript
وممكن تأخرها علي حسب هتختار ايه في الخطوة الجاية غير كدا مش هتفرق
————————————————-
نيجي بقي للجزء ال الكل بيستعجل عليه وهو ال Framework
8️⃣Pick a Framework
React - Angular - Vue
دول اشهر 3 في السوق اختار واحدة فيهم وهتكمل علي اساسها
في تفاصيل كتير في الجزء ده ف هبقي اعمل رود ماب ليها لواحدها

لحد هنا انت بقلب جامد تقول علي نفسك FrontEnd Developer وتحضر ال CV المتين بتاعك بال بالمشاريع الي عملتها
وتقدم علي شغل ك Junior FrontEnd Develpoer

في شوية حاجات بس هتحتاج تذاكرهم في الطريق او تقرأ عنهم وهتديك افضليه
زي انك تعرف ازاي تستخدم Figma
وتقرأ من فترة للتانية عن ال UX UI كنوع من التثقيف مش اكتر
ونفس الكلام مع الباك اند
ابقي خد كراش كورس node.js تفهم الدنيا ماشية ازاي وازاي ال Api بيتعمل والحاجات دي
طبعاً كل ده مش في الرودماب
بس لما يبقي عندك وقت ابقي اعمل كدا الحاجات دي هي الي هتخليك تبقي سينيور مش عدد السنين

طبعاَ الرود ماب فيها نواقص
النواقص دي هتعرفها بنفسك لما تدخل السوق وتعرف انت ناقصك ايه والسوق محتاج ايه
وكل شركة ليها احتياج مختلفه عن التانية
وعلي حسب انت ناوي تروح فين

🔹ومش هوصيك تاني بالمشاريع
المشاريع هي الي هتجيبلك شغل مش كتر الكورسات ف اهتم بالجزء ده الله يخليك
وحاول لما تبقي في الفتره الي بتجهز فيها مشاريع علشان تحطهم في ال CV تختار مشاريع بتحل مشكلة بجد او مش متكررة من الكورسات علشان الحركة دي بتخليك متتقبلش

المشاريع دي هتجيبها منين
احسن حاجة في البداية هي انك تقلد مواقع موجودة فعلاَ وتجرب تقلدها
وانت بتذاكر لسة وعايز تعمل افكار كويسة ممكن تقلب في codepen في افكار كتير وحاول تقلدها
و عندك تكليفات الزيرو في البداية هتكون حلوة
وعندك الموقع الجميل ده بيديك التصميم بالملفات وانت تعمله كتدريب
https://www.frontendmentor.io/
واخر حاجة هي figma community وده تصاميم مصممين UX UI عاملينها وناشرينها فتقدر تنفزها حتي علشان تدرب علي استخدام فيجما

بس كدا اختار انسب حل يناسب مستواك واشتغل بيه

تمام لحد هنا اكون الحمد لله خلصت

في ناس كتير طلبت الرودماب دي مني وكان غصب عني مكنش في وقت اجهزها
ف انشاء الله يعني تكون مفيدة لحد ❤️

واقدر اقولك بثقة انك مش هتحتاج تدور علي رود ماب تانيه ان شاء الله

والجروب مفتوح للأسئلة والي عندة اي اي اسئلة يتفضل

سبحانك اللهم وبحمدك، أشهد أن لا إله إلا أنت، أستغفرك وأتوب إليك

شباب انا ملاحظ البوستات بدأ تطول اوي وبعت بتاخد وقت كبير في الكتابة
وفي حاجات بقي عايز اتكلم عنها بالتفصيل اكتر وبختصر علشان البوستات متطولش اكتر من كدا

ف ايه رأيكم المواضيع الطويلة والمهمة نعمل فيها فيديو او space علي تويتر علشان لو حد عندة اسئلة؟

شوفوا يا شباب الثريد ده جميل جداً
مجمع فيه اهم الثريدز المشهوره الي تخص البرمجة علي توتير
وموجود فيه roadmaps ناس ثقه الي عاملينها
وspaces مسجلة وحاجات كتير مفيدة

في حاجة صغيرة حابب افكركم بيها يا شباب

وهي ال fast typing
ضروري جداً تتعلم الكتابه بسرعه علي الكيبورد وب صوابعك ال ١٠

متعرفش الموضوع هيوفر عليك وقت قد ايه في كتابة الكود
والموضوع مش هياخد منك كتير يعني كل يوم ١٠ دقايق تدريب علي الكتابة بالشكل ده
ومع الوقت بيبقي عادي


هو انا كنت مفكر الموضوع من البديهيات
وان اي حد بيستخدم الكمبيوتر بيعرفها

بس الموضوع مطلعش كدا واكتشفت ان ناس كتير قاطعين شوط كويس ولسة بيكتبوا حرف حرف

ف مينفعش يعني تكون مبرمج او علي الاقل CS student ومبتعرفش تكتب علي الكيبورد
دا حتي عيب في حقك 😄

فهم الداتا ستركتشرز والالجوريزم حاجة مهمة واساسية لاي ديفيلوبر
دي مجموعه من المصادر اللي هتساعدك تفهم الداتا ستركتشرز والالجوريزم بطريقة كويسه
١. موقع https://visualgo.net/en
مجموعه من الدكاتره عاملين الموقع ده للطلبه
٢. موقع https://lnkd.in/eQpdyJgV
طبعا غني عن التعريف
٣. قناة https://lnkd.in/ekxknfiy
٤. قناة https://lnkd.in/etRh7CuB
٥. موقع https://lnkd.in/eZXbefQ4
٦. الكتاب الشهير https://amzn.eu/d/fvs5ljA

جرب تذاكر بالطريقه دي
١. ارسم الداتا ستركتشرز واكتب الخطوات بتاع الالجوريزم علي الورق
٢.جرب الكود بنفسك
٣. حل مسائل كتير علي leetcode
وابدأ بالسهل

اهلا يا شباب ايه الاخبار ، هشارك معاكم حاجة كويسه يمكن تفيدكم. المعهد القومي للاتصالات NTI فتح تراكات جديدة باسم "I-Lance"، والتراكات دي بتشمل مجالات كتير زي تطوير الويب، تحليل البيانات، الجرافيك، وحاجات تانية حلوة.

بالنسبة للناس اللي مهتمة بالجرافيك ديزاين، زمان كان فيه تراك واحد بيشمل كل حاجة، بس دلوقتي النظام اتغير تماماً. بقى فيه تراك منفصل للجرافيك، وتراك تاني مخصوص للفيديو إيديتينج و ال 2d Motion. كل تراك بيكون فيه 90 ساعة مادة علمية، وكمان 30 ساعة تدريب على الفريلانس على مدار شهرين.

يعني إيه الكلام ده؟ يعني هيكون معاكTechnical mentorو career coach في المجال هيساعدوك تاخد أول فرصة ليك في الفريلانس، و إزاي تشتغل وتجيب شغل بنفسك. هيرد كمان على كل اسئلتك بعد ما يجي لك شغل، ويعلمك إزاي تسعر شغلك وتتعامل مع العملاء بشكل كويس.

النظام الحالي معمول علشان يحاكي الواقع، ومعظم التدريبات عملية والمناهج متحدثه والهدف من المبادره انك تتعلم وتتحط ف شغل حقيقى وقتها التدريب هيكون انتهى ،هبعتلكم صورة من التراكات اللي موجودة حالياً.

لو حد منكم مهتم يقدم أو قدم بالفعل وعايز عملية القبول تكون أسلس ، أنا موجودة أساعدكم أن شاء الله.

دا لينك الموقع تقدموا من عليه التدريب اوفلاين
https://www.nti.sci.eg/dey/coursescr.php?catID=403

دا لينك البوست
https://www.facebook.com/share/p/912PZvvbdoq9RBZK/?mibextid=qi2Omg

شوفو البوت ده يا شباب فيه رود مابس لأشهر التراكات وفيه ماتيريال كمان وكل الي هتحتاجة لأي تراك

ريبوست لماسدج رودماب التراكات ولو حد حابب يدخل من البوت هيلاقي كل الرودمابز موجوده
https://t.me/Z2hsbot

ازاى تكتب سيرة ذاتية تتوافق مع برنامج ال ATS؟
إفتح صفحة word على اللابتوب واكتب بالترتيب
أولا: ماهى مكونات السيرة الذاتية
1- Full name.
2- Objective
3- Contact information
4- Education.
5- Experience
6- Skills
7- Internship or Student activities
8 - Courses.
9 - personal info.
ـــــــــــــــــــــــــــــــــــــــــــــــــ
كيف اكتب كل نقطة ؟
1- Full name
2- Contact information
( العنوان – رقم الموبايل – الميل - لينك حساب لينكدان )
3- Objective
هحقق الاهداف من خلال كذا
جي ليه وايه اللي اقدر أقدمه
4- Education
( التخصص الرئيسي – الجهة المانحة- التخصص الفرعي – التقدير – سنة التخرج) ترتب من الاحدث

5 - Experience.
) أسم الشركة – المسمي الوظيفي – الفترة – المسئوليات )
ترتب من الاحدث

6- Skills.
• Hard skills
• Soft Skills

7- Internship or student activities.

8- Courses
( أسم الكورس – أسم الجهة المانحة – التاريخ) ترتب من الاحدث
9 - Personal info
(الحالة الاجتماعية - الموقف من التجنيد - المنطقة السكنية وليس العنوان - الجنسية في حالة العمل بالخارج أو شركات multinational)

• لو انت Fresh grad إكتب ال student activities وال internships في ال experience

رقم 1 الخط من 18 ل 20
والباقى من 12 -14
بلاش تستخدم اي الوان أو design أو table أو تحط logo لشركة مثلا .
وبالتوفيق للجميع

لو انت لسة طالب حاول متخليش الجزء الخاص ب التعليم في البداية
نزلة تحت بحيث ان التركيز يكون علي خبرتك والمشاريع
واكتب سنه التخرج السنه الي انت هتتخرج فيها عادي

واهم حاجة انك تبقي صادق ومتكدبش في ال cv بأي شكل