السلام عليكم

القناة دي هتكون مخصصة للمبرمجين سواء كنت خبرة في المجال او الي حابب يبدأ لسة

ان شاء الله المحتوي الي هيكون علي القناه هنا

- roadmaps كابتها بنفسي من حكم خبرتي

- بوستات تيكنكال بشكل عام واكترهم هيكون عن الويب او Software Engineering بشكل عام

بوستات عن ال Front-End بشكل خاص

-بوستات عن ازاي تجيب اول شغل full-time

- نصايح للأنترفيو وال cv بالتخص لو انت طالب

- بوستات عن الفريلانس في مجال البرمجة

- واخيراً مواضيع للنقاش وطرح الأفكار

حتي الآن دي الخطه
وان شاء الله القناه هتكون مفيدة لينا ونتعلم من بعض ❤️

اعرفكم بنفسي الاول

انا احمد رضا
بشتغل ك Software Engineer في شركة برمجيات متخصصة في تطوير ال Mobile Games
With +3 years of experience

واغلب ال experience بتاعتي كانت Front-End

ده كان تعريف سريع عني

واتشرفت بمعرفتكم كلكم 🤍

بسم الله

في البوست ده هقولك ازاي تبدأ برمجة حتي لو من برة المجال ✨👇

لو سألت اي حد ازاي ابدأ اتعلم برمجة
هيقولك اتعلم "basics" كويس الاول

طب ايه هي ال "basics" دي اصلاً ؟
ببساطة كدا ال "basics" او الأساسيات هي هتكون مدخلك لعالم البرمجة وفي نفس الوقت هو الي هتبني عليه كل الي بعد كدا

هتبدأ ازاي بقي؟

1- Programming Fundamentals:
في الخطوة دي هتختار لغة برمجة وتتعلم بيها الحاجات الاساسية في لغات البرمجة زي
( How to define variables- data types - if else - switch case - functions - loops - arrays .. etc)

الخلاصة انك تتعلم ازاي تكتب كود وتقدر تعمل برامج بسيطة تتطبق فيها علي الافكار الي اخدتها
وفي في الفترة دي هتكتب كود بسيط وكل ما الكود يكبر هتلاقي فيه مشاكل كتير ومتداخل و بقي صعب التعديل عليه بالمناسبة في الحالة دي بيتقال عليه spaghetti code علشان متداخل يعني وكدا
حل المشكلة دي هيكون انك تتعلم OOP علشان تنظم الكود اكتر وكدا

2- OPP
في الخطوة دي هتكون حل المشكلة الي في الجزئ الاول وهتبدأ تكتب كود منظم اكتر و سهل التعديل عليه وهيساعدك تكتب ابلكيشن اكبر بكود اقل وسهل الاصلاح لو فيه مشاكل وس
وهتعرف شوية مصطلحات مهمه زي (Encapsulation - Inheritance - Polymorphism - SOLID ...etc)

3- Data Structure
دي عبارة عن طرق بقدر احفظ بيها الداتا بشكل معين علشان اقدر ابحث او اضيف او اعدل فيها بسهولة

ومنها نوعين
- linear data structure
زي Stack, queue
- non linear data structure
زي tree, graph

4- Algorithms
الخوارزميات هي عبارة عن خطوات معينة بتتنفز بالترتيب علشان تحل مشكلة معينه
مثال: لو انا جيت سألتك علي طريق المسجد مثلاُ واديتني ورقه مكتوب فيها امشي كام خطوه والاتجاه وغيرة وانا مشيت فعلاً علي الخطوات دي ووصلت ف دي كدا تعتبر Algorithm

وبشكل عام اي كود بيحل مشكلة بخطوات واضحة ف هو Algorithm

وبنقيس ال Algorithm ده حلو ولا لا عن طريق كام عامل كدا منهم سرعة التنفيز والمساحة الي بيستهلكها (Time & Space complexity)
وفي عوامل تانية بتتاخد في الاعتبار بردك زي قابلية التعديل والصيانة وهل هو مناسب لل business logic ولا لا

5- Database
ودة مكان بيتخزن في الداتا بتاعت الابلكيشن بتاعك بطريقة منظمة
علشان تقدر توصلها وتضيف ليها او تعدل عليها بسهولة

والجزء ده مهم جداً ومكمل معاك وبالاخص لو هتكمل backend

6- Design patterns
باختصار شديد المبرمجين جمعوا اشهر المشاكل الي بتواجهم واجتمعوا علي حل وان الحل ده افضل حل للمشكلة دي وسموه بأسم معين
ولما تقابلك المشكلة كذا هتستخدم الحل كذا

والفكرة دي كانت كويسة جداً لانها وفرت علي المبرمجين وقت كبير
لانك بدل ما تفكر في حل لمشكلة كتير قبلك حلوها وكمان ممكن حلك يكون فيه مشاكل كتير
ف استخدامك ل design pattern موجود هيكون افضل اكيد

في ناس مبتعتبرش الجزء ده من الاساسيات ف لو لقيت فيه مشكلة وابقي ارجعله بعدين مفيش مشكلة
بس انا شايف ان مش هيبقي في مشكلة والموضوع لذيذ يعني

7- Networking
ودي خطوة مهمه جداً هتفهم فيها ايه الي بيحصل في الخلفية لما مثلا تبعت رسالة لصاحبك او ترفع بوست وازاي السيرفر بيشتغل ويعني ايه routering و switching

متتعمقش في الجزء ده يكفيك بس انك تذاكر كويس النقاط دي ( IOS Model - TCP / IP model -
DNS - HTTP requests - TlS & HTTPS -
Sockets )
وممكن تحتاج تتعمق اكتر في المستقبل حسب التراك الي هتختاره

8- Operation systems
علشان تفهم نظام التشغيل ازاي بيدير المهم وموارد الجهاز وازاي بيتعامل مع المعالج والذاكرة والمساحة الي بتتخزن فيها الملفات وغيره...

⚫ لحد هنا المفروض انك خلصت اساسيات ال Computer Science الجزء التاني من البوست هيكون عن اقتراحات لمصادر تذاكر منها

بس الاول في كام حاجة بس ممكن تتعلمهم في اي وقت في خلال الكورس وهم:
_ Command line :
ودي هي الشاشة السودة الي بتيجي في الافلام وتلاقي الهاكر فاتحها ، ودي عباره عن انك بتدي لنظام التشغيل اوامر بشكل مباشر وده هيساعدك انك تتعامل مع الملفات والمجلدات والملفات والجهاز نفسة بشكل اسرع ومتقدم اكتر وهتحتاج ال command line كتير في شغلك فحاول تذاكرها كويس.

– GIT :
علشان تقدر تحفظ نسخ من الكود بتاعك سواء عندك علي الجهاز او علي حاجة زي github او gitlab وعشان تقدر تشتغل مع تيم ف الجزء ده هيفيدك كتير ممكن دلوقت تتعلم الأوامر الاساسية الي تقضي الغرض ولما تدخل التراك لازم هتذاكرها تاني بتعمق.
وحاول تكون متمكن شوية من ال command line قبل ما تتعلمها.

🔴 اخر حاجة واهمهم هو ال problem solving
ضروري جداً جداً انك طول ما انت ماشي في الكورسات انك تحل مسائل علي الي بتذاكرة ده اول بأول وكمان تفضل تحل مسائل بشكل عام بشكل يومي خلي الموضوع ده جزء من يومك انك تحل كل يوم عدد معين من المسائل
حتي لو انت بتذاكر كورس نظري مثلاً او دخلت تراك بردك تحل مسائل

--------------------------------------------------------------

تذاكر منين بقي الكلام ده؟

خلينا الاول بس نتكلم عن لغة البرمجة الي هتختارها
في الحقيقة مش هتفرق كتير اللغة الي هتذاكر بيها الاساسيات وكمان لو اتعلمت لغة برمجة فسهل جداً تتعلم اي لغة برمجة تانية ومش هتاخد وقت زي اول مرة لان معظم المفاهيم تنطبق علي اي لغة برمجة، ف لو حبيت تتعلم لغة برمجة جديدة كل الي هتعملة انك هتعرف بس طبيعة اللغة دي وازاي ال syntax بتاعها ف الموضوع فعلاُ مش هياخد وقت

ولكن انا عندي رأي شخصي وهو انك تتعلم الاساسيات ب C++ او اي لغة من نفس العيلة لاسباب كتيره جداً ولكن اهمهم انك هتتعرض لمفاهيم كتيرة مش موجود في لغات تانية dynamic زي python مثلاُ او javaScript زي ال Data typing و التعامل مع ال memory وتفاصيل تانية كتير جداً ممكن تبحث عنها او انت هتعرفها بنفسك لو حاولت تتعلم لغتين مختلفين عن بعض

نرجع لموضوعنا
🔵 منين تتعلم c++
برشح ليك كورس اسامة الزيرو عامل كورس كويس جداً لاي حد بيبدأ لسة وكمان بعد ما تخلص هتلاقي عندة كورس problem solving
https://www.youtube.com/playlist?list=PLDoPjvoNmBAwy-rS6WKudwVeb_x63EzgS

🔵 بالنسبة لل OOP
ف برشح ليك جداً كورس الدسوقي
https://www.youtube.com/playlist?list=PL1DUmTEdeA6KLEvIO0NyrkT91BVle8BOU

وده شيت لمسائل oop ممكن تطبق عليها منه لو حابب (هقولك تطبق علي كل حاجة منين في الاخر بس اتقل)
https://drive.google.com/drive/u/0/folders/1G523fKsRp6bNCzt_005c7vBHe7Ni5Mt1?fbclid=IwAR1nAcvzLvZO_iq50YhRsV7_Em_E7il-WzyTbNi5nIe42peglaErkxkPnTs

🔵 بالنسبة لل Data Starcture
الاول هقولك انك لما تبدأ تذاكر DS هتبدأ تفهم انا ليه قولتلك في البداية ذاكر الاساسيات ب c++ بالاخص لو كنت تعرف لغة برمجة تانية
لانك هتتعرض لحاجات زي pointers وحاجات كتير مختلفة في اللغة عن الي تعرفها

المهم تذاكر منين؟
برشح ليك كورس قناة MEGA code كويس جداً
https://www.youtube.com/playlist?list=PLsGJzJ8SQXTcsXRVviurGei0lf_t_I4D8

بس عيبة الوحيد انه شارح بس ال linear DS بس لكن مش موجود non-linear DS فممكن تذاكر الجزء ده من قناة الباشمهندس عادل نسيم
https://www.youtube.com/playlist?list=PLCInYL3l2AajqOUW_2SwjWeMwf4vL4RSp

وال Algorithms هتذاكرها من نفس البلاي ليست بتاعت الباشمهندس عادل نسيم لانها نصين نص لل Algorithms ونص DS

🔵 بالنسبة لل Databases
فشوف ال playlists دول للدسوقي
الكورس العملي https://www.youtube.com/playlist?list=PL1DUmTEdeA6J6oDLTveTt4Z7E5qEfFluE
الكورس النظري
https://www.youtube.com/playlist?list=PL37D52B7714788190

🔵 بالنسبة لل Design patterns
فممكن تشوف ال playlists دي بالترتيب من الباشمهندس محمد رضا:
https://www.youtube.com/watch?v=hT9Gv_wabbw&list=PLnqAlQ9hFYdewk9UKGBcHLulZNUBpNSKJ
https://www.youtube.com/playlist?list=PLnqAlQ9hFYdcW3viz_oXRal_FNkg2Dssm
https://www.youtube.com/playlist?list=PLnqAlQ9hFYdex66Z6ViaYFQqvFD1C_G7j

الفيديو الواحد مش اكتر من 10 دقايق ولزيز عيبة الوحيد ان الامثلة مشروحة ب c# بس مش هتفرق معاك كتير هتفهم الكود عادي

وفي بردك البلاي ليست دي من قناة DevGeeks كريتيف شوية حتي هتلاقي صورة الفيديو بتعبر عن الي بتعملة ال pattern ونفس الكلام الكود ب kotlin، مش عارف في كل البلاي ليست ولا لا بس زي ما قولت الكود هتفهمه عادي
https://www.youtube.com/playlist?list=PLd-dOEgzBpGnt3GuEszo_piQq52XSqAmj

🔵 بالنسبة لل Networking ,Operation systems و ال command line ف انا معنديش اقتراحات الحقيقية انا ذاكرتهم وقت ما كنت ماشي في تراك ال cyber security واغلبهم كان مصادر اجنبية، فلو حد عند اقتراحات ممكن يسيبهالنا تحت في التعليقات 👇

🔵 بالنسبة لل GIT
انا بس في الفترة دي كنت محتاجك تتعلم الاوامر الاساسية بس الي تخليك ترفع الكود علي github بدل ما كنت هتبعت الكود لصاحبك علي الفلاشة 😂
فذاكرها بقي كويس بدل ما ترجع ليها تاني
ممكن تشوف كورس الزيرو كويس فيها
https://www.youtube.com/playlist?list=PLDoPjvoNmBAw4eOj58MZPakHjaO3frVMF

وشوف الويبسايت ده جميل جداً علشان تتطبق عليه وتشوف نتيجة الاوامر ال بتكتبها بال git
https://learngitbranching.js.org/
اوقات كتير وقت لما كنت لسة متعلم ال git وعايز اجرب حاجة وخايف من النتيجة بروح اجرب نفس السيناريو علي الويبسايت ده ف ممكن تعمل كدا
بردك
---------------------------------------------------------------------------

لحد هنا انا خلصت 😄
يارب حد يستفاد من البوست ده
انا حاولت يكون البوست الكلام واضح ومصطلحات اقل علشان الي لسة بيبدأ وبردك الكورسات الي حطيتها كلها بالعربي ومجاناً علي اليوتيوب
والكورسات دي اقتراحات شخصية ف في الاول والاول والاخر تكمل مع الي انت حابه مش هتفرق

👈 كام نصيحة كدا هيفرقوا معاك:
اهم حاجة في الموضوع ده كله العزيمة وانك تضغط علي نفسك وتكمل للأخر، كتير جداً بيبدأ بس قليل جداً الي بيكمل.
لو بدأت في اي كورس اوعي اوعي تسيبه وتروح لغيرة علشان حسيت ان التاني احسن اوعي هتفض طول عمرك في نفس النقطة
عادي جداً ان في اجزاء متبقاش فاهمها عيدها مره واتنين ودور عليها واقرأ عنها واسأل chatGpt ولو بردك مفهمتهاش عديها وارجعلها بعدين هتفهمها
حاول في الفتره دي تتفرج علي فيديوز كتير في المجال وبتشرح حاجات مختلفة
مش هوصيك بال problem solving هاا؟
اوعي تزهق وتقول انا هروح اذاكر التراك علطول وبعدين ابقي ارجع اذاكر الاساسيات، اوعي انا جايلك من المستقبل ولو اشتغلت معتش هتفضي تذاكر الاساسيات ويادوبك ساعة بالعافية في weakend كل فين وفين وكمان هيبقي مطلوب منك تذاكر الجديد في التراك بتاعك علشان تواكب السوق، دا غير ان في حاجات كتير اوي مش هتفهمها لو مكنتش مذاكر اساسيات كويس، طب ليه !

واخيراً اختم بالجملة دي " تذاكر التراك الاول هتوصل اسرع ، تذاكر الاساسيات كويس الاول هتوصل ابعد"

وبس كدا
احفظ البوست ده عندك او ابعته لحد لسة بيبدأ اوبيفكر يبدأ ان شاء الله يفيده ❤️

الناس الي بتحب الشهادات المجانية
في البرمجة او علوم الحاسب بشكل عام

شوف ال repo دي فيها تجميعه بأشهر الأماكن الي بتعطي شهادات مجانية

https://github.com/cloudcommunity/Free-Certifications?fbclid=IwZXh0bgNhZW0CMTEAAR0UyPS2WNernNvuRzq19d7809MrV0MvhvSOxYSSTGJoZIQKyzi0qVeY5HM_aem_P-pB4dBl4xpdaoPB0Xb-nA

ركز في البوست ده
اللينك ده في تجميعه لأهم ال internships الفتوحة في مصر للطلبة والخريجين بس تكون بتدرس computer science او computer engineering او اي حاجة ليها علاقة بالمجال

وهتلاقي كل الي محتاجة للتقديم والتجهيز موجود في ال repo بردك

بالتوفيق ❤️

اللينك 👇
https://github.com/dinaashraf20003/Software-Internship-Guide?fbclid=IwZXh0bgNhZW0CMTEAAR1D24Z-WHCgWAz6bU2psq9TEnBlKcujw2NYuXSfvufPcqN4GjRa0DxWdYU_aem_TulQA80Gx8ypXfWMyG7wZQ

شوف الرود ماب دي من حد ثقة
لو حابب تتخصص في مجال ال AI

لو حد بيحب يمشي على Roadmap لتعلم ال AI بشكل تخصصي عميق ف ممكن يشوف ال roadmap دي:

■ Python ■

▪︎ محتوى عربي
في وجهة نظري بشمهندس أسامة الزيرو هو الأفضل و عامل playlist محترمة جدا بصراحة.
https://lnkd.in/dXH3_y6f

• محتوى انجليزي
ال specialization دي على كورسيرا كمبادئ
https://lnkd.in/dmycJenH

و بعدها كمل ال more advanced topics من ال mooc ده من أول part 8:
https://lnkd.in/dAUTcd2J



■ Mathematics ■

• محتوى عربي
مشفتش محتوى عربي ليه ترشيحات كتيرة في الجزء ده بس عموما هو المحتوى العربي في الجزء ده مش كتير أصلا.

• محتوى انجليزي
ممكن تشوف محتوى تخصصي في كل فرع من هنا:
¤ Linear Algebra: https://lnkd.in/dtVPWxTM
¤ Probability & Statistics: https://lnkd.in/dqHgmktW
¤ Calculus: https://lnkd.in/dAkwkYWu


أو تشوف كورس مجمع بشكل أسرع من واحد من الاتنين دول عليهم ترشيحات كتير:
https://lnkd.in/dwD_PUGd

Or

https://lnkd.in/dQbHYKEB

و لو بتحب القراية ف طبعا ده الترشيح الأول لكتاب mathematics مخصص لل Data و ال ML بالنسبالي:
https://lnkd.in/dSaUcn-c

و بالمناسبة الكتاب معمول منه course على coursera لنفس ال author بس بشكل أبسط شوية من الكتاب:
https://lnkd.in/dDrrSd-P


■ Data Analysis & Visualization ■
• محتوى عربي
مشفتش برضه محتوى عربي مجاني متخصص في النقطة دي برضه و عليه ترشيحات كتير ف لو فيه ترشيح من حد يكون أفضل

• محتوى انجليزي
لو عايز طريق طويل و تفصيلي و بيشمل الاجزاء اللي اتقالت فوق كمان فده طريق طويل شوية:
https://lnkd.in/dxfnRH5i

لكن لو حابب تكمل بشكل أسرع للجزء ده فده ناس كتير بترشحه:
https://lnkd.in/d5BCef-z


■ Machine Learning ■

• محتوى عربي
برشح هنا ال playlists بتاعة دكتور هشام عاصم من اول 01 لحد 16 و اللي بيدخل فيها كمان في ال Deep learning ك ANNS بتفاصيلها:
https://lnkd.in/deBu9ds2

• محتوى انجليزي
ممكن نشوف الكورس ده ك حاجة basic و overview شوية

https://lnkd.in/dHyFjRZm


أو حاجة تفصيلية و عميقة جدا:
https://lnkd.in/drK-suiZ


أو لو من محبين القراءة ف برشحلك الكتاب ده بشدة:
https://lnkd.in/dCt2TSQa

■ Computer Vision ■
• محتوى عربي

لل classical ف طبعا دكتورة ميادة هدهود (مشفتش الكورس المصور بس حضرته معاها لايف في الماجيستير و كان عظيم)

https://lnkd.in/d8e7e8hg


لل DL بيتهيألي أكتر كورس تفصيلي في الجزء ده هيكون كورس بشمهندس أحمد ابراهيم
https://lnkd.in/dyQAS_re

• محتوى انجليزي
ف ترشيحي هنا هيكون لقناة بس هي قديمة شوية من سنتين بس عظيمة و تقيلة جدا:
https://lnkd.in/d4XmFZUi

أو أي كورس على كورسيرا ببلاش لو عايز حاجات خفيفة كمدخل بس.



طبعا دي وجهة نظري النسبية و أنا عن نفسي بذاكر بطرق مختلفة عن فكرة ال roadmap بس لو حد بيحبها عشان يقدر يلتزم فممكن يمشي معاها مع العلم ان طريق ال AI طويل جدا ف محتاج نفس طويل و مذاكرة كتير لو عايز تفرق عن غيرك.

بالتوفيق دايما 🙏🏻

ده لينك البوست الأصلي
https://www.linkedin.com/posts/nezarelkadyy_ai-python-machinelearning-activity-7219277062958698500-togn?utm_source=share&utm_medium=member_android

للمحتوي العربي للرياضيات برشحلك جداً قناة anaHr انا حُر

لو عايز تبقي DotNet Developer كويس
او انت بالفعل دوت نت ديفلوبر وعايز تطور نفسك

براد شاي بقي مش كوبايه وتعالي اقولك علي افضل DotNet Developer Roadmap باتفاق كتير من الخبراء في المجال

هانقسهم مراحل

1- Understanding the .NET ecosystem.
وهنا هاتحتاج تقرا عن الدوت نت وتفهم بيشتغل ازاي وخد شوية مصطلحات هايساعدوك تفهم اكتر لما تعرف هما ايه
(.NET runtimes, .NET Framework, .NET Core, .Net Versions, .NET Standard)

2- C# language.
وهنا هاتتعلم اللغه كويس جدا الاساسيات وكمان ال OOP وتفهم مبادئه

3- General Development Skills.
هنا لازم تعرف حاجات مهمه جدا عشان تنظيم الكود بتاعك
- SOLID Principles .
- وتراجع اللي درسته او تقرا اكتر عن Data Structure & Algorithms.
- تبتدي تقرا وتتعلم بعض Design Patterns.
- تتعلم Version Controle -Git.

3- Databases.
- Database Design.
- SQL Server.

4-Web Development.
- Web Basics (How the Internet Works, How DNS works, HTTP(S) protocol)
- Asp.net Core.
- Web API.
-Security (Authentication, Authorization).

5- ORM.
وهنا يجي بقي ازاي نكلم الداتا ونتعامل معاها من خلال الابلكيشن بتاعننا وديه فيها حاجتين مهمين جدا
-Entity Framework Core.
- LINQ.

6- Communication.
- Real-time communication (SignalR Core, WebSockets).
-Synchronous communication (HTTP Client).
-Asynchronous communication (Azure Service Bus, RabbitMQ).

7- Caching.
-Memory Cache.
- Redis.

8-Logging.
-Serilog.
-NLog.
-Microsoft.Extensions.Logging.

9-Background tasks.
-Background Service.
-HangFire.
-Quartz.

10- Testing.
-Unit Testing (xUnit, NUnit, MSTest)

في رقم 9و8 و 10 مش لازم تتعلم الكل يكفي تقرا عنهم وتختار حاجه واحده تكمل فيها

فيه مواضيع تاني Advanced ممكن تقرا عنهم بعد ما تحس انك بقيت كويس
- System Design.
- Software Architecture.
- Microservices
- Containerization.
- Continuous Integration & Delivery (CI/CD).

لو انت لسه فريش ومتخرج ممكن اول 5 دول حاليا تقدر تدخل بيهم الانترفيو
وبعدين تكمل وتطور نفسك
نصيحه اوعي توقف تطوير نفسك لان المجال ده سريع جدا وكل يوم فيه جديد

https://www.linkedin.com/posts/minayousef_dotnet-developerroadmap-dotnetdevelopment-activity-7211364777065914371-TfMq

الشباب اللي لسه هتختار تخصص
اختار التخصص اللي انت حابه وشايف نفسك فيه
مليكش دعوة باللي يقولك ملهوش شغل
الشغل موجود بس للي مؤهل وفاهم ❤️❤️

لو انت بتذاكر Data Structures او Algorithms وحاسس انك مش فاهم او في صعوبة في التطبيق او ربط استخدامات الي بتتعلمه
ف المشكلة غالباَ بسب الترتيب الخاطئ في المذاكرة وعدم التطبيق اول بأول

وحل المشكلة دي في انك تذاكرهم بترتيب معين بمعني انك بدل ما كنت بتذاكر Data Structures وبعدين algorithms و كمان بأي ترتيب

ف انا وصل لحل أفضل وهو ان افضل طريقه هو انك تذاكر بالتوازي

بمعني انك تذاكر الداتا strcuture وبعدين تذاكر ال Algorithms الي بتعتمد عليها
فتقدر تربط المواضيع ببعضها اكتر وتبقي فاهم استخدام كل حاجة

انا عملت الرودماب الصغيرة دي بالمحتويات الي هتذاكرها بالترتيب الصح (من وجهة نظري) 👇

احفظها عندك اول اعملها ك Check list تعلم عليها علشان متنساش حاجة