295 ዜጎች ከሳዑዲ ዓረቢያ ተመለሱ‼️

295 ኢትዮጵያውያን ከሳዑዲ ዓረቢያ ወደ ሀገራቸው መመለሳቸውን የውጭ ጉዳይ ሚኒስቴር አስታወቀ፡፡ ዜጎች ወደሀገራቸው እንዲመለሱ የኢትዮጵያ መንግስትና የሳዑዲ ዓረቢያ መንግስት በትብብር መስራታቸውን ሚኒስቴሩ ገልጿል፡፡ ከስደት ተመላሽ ዜጎች ቦሌ ዓለም አቀፍ አውሮፕላን ማረፊያ ሲደርሱ የውጭ ጉዳይ ሚኒስቴር የስራ ሃላፊዎች አቀባበል አድርገውላቸዋል፡፡

@Esat_tv1
@Esat_tv1

አክሱም ተያዘና አውሮፕላን ተመታ መባሉን መንግሥት ሐሰት ነው አለ‼️

የህወሓት ኃይሎች ትላንት እሁድ ምሽት አክሱም ከተማ መልሰው እንደያዙና የፌዴራል መንግሥት ንብረት የሆነ ተዋጊ ጄት መትተው መጣላቸውን ገልጸው ነበር።ነገር ግን የኢትዮጵያ መንግሥት ከፍተኛ ባለስልጣን የሆኑት አቶ ዛዲግ አብርሃ ለቢቢሲ እንደተናገሩት በህወሓት በኩል ተባሉት ነገሮችን "ነጭ ውሸት" ሲሉ አጣጥለውታል።ሚኒስትር ዛዲግ ጨምረውም "የህወሓት የመጨረሻ ይዞታ የነበረችው መቀሌ ናት፤ ይህንን ሊያደርጉ አይችሉም" ሲሉ ተናግረዋል።ከሦስት ሳምንት በላይ የኢትዮጵያ ሠራዊት በትግራይ ክልል ውስጥ ያካሄደው ወታደራዊ ዘመቻ ዋና ከተማዋን መቀለን መቆጣጠሩን ተከትሎ ጠቅላይ ሚኒስትር ዐብይ አህመድ መከላከያ "ሕግ የማስከበሩ ዘመቻ" መጠናቀቁን ይፋ ማድረጋቸው ይታወሳል።

የህወሓት ሊቀመንበር ደብረጽዮን ገብረሚካኤል ከመቀለ መያዝ በኋላ ለሮይተርስ ዜና ወኪል በአጭር የጽሁፍ መልዕክት እንደገለጹት በውጊያው እንደሚቀጥሉ ገልጸዋል።በተጨማሪም የቡድኑ ኃይል መቀለ ከተማ አቅራቢያ ውጊያ እያካሄደ ነው ሲሉ ተናግረዋል።ይህንን በተመለከተ ህወሓት የሽምቅ ውጊያ እያካሄደ እንደሆነ በቢቢሲ የተጠየቁት ሚኒስትሩ ዛዲግ አብረሃ ሲመልሱ "የህወሓት አመራሮች በአሁኑ ጊዜ ሕይወታቸውን ለማዳንና በሕግ ከመጠየቅ ለማምለጥ እየሸሹ ነው እንጂ ውጊያ ላይ አይደሉም" ሲሉ መልሰዋል።ትናንት ምሽት ከየት ቦታ እንደሆነ ካልታወቀ ስፍራ ከህወሓት በኩል ወጣ በተባለ መግለጫ ላይ የቡድኑ ተዋጊዎች ከሳምንት በፊት በፌደራሉ ኃይሎች የተያዘችውን የአክሱም ከተማን መልሰው እንደተቆጣጠሩና አንድ ተዋጊ አውሮፕላን መትተው መጣላቸውን ገልጸዋል።

አቶ ዛዲግ አብርሃ ግን ተመትቶ የወደቀ የጦር አውሮፕላን እንደሌለና የአክሱም ከተማ "መያዝም በፍፁም ከእውነት የራቀ ነው" ብለው፤ "ህወሓት በአሁኑ ወቅት ምንም ዓይነት ወታደራዊ አቅም የለውም፤ ሚሊሻውም ሆነ ልዩ ኃይሉ እጅ እየሰጠ ነው" ሲሉ ከቢቢሲ ሬድዮ ጋር በነበራቸው ቆይታ ተናግረዋል።ሚኒስትሩ አክለው በክልሉ ያለውን ሁኔታ ለጋዜጠኞች ክፍት ለማድረግ በትግራይ የተለያዩ ቦታዎች በርካታ መሠረተ ልማቶች በህወሓት ኃይል በመውደማቸው እነሱ ከተጠገኑ በኋላ ጋዜጠኞች ወደ ሥፍራው ሄደው ሁኔታውን ማጣራት ይችላሉ ሲሉ የመገናኛ መስመሮች አለመኖራቸውን በተመለከተ ለቀረበላቸው ጥያቄ ምላሽ ሰጥተዋል።

@Esat_tv1
@Esat_tv1

በአሮጌው የብር ኖት መገበያየት ከነገ ጀምሮ ያበቃል‼️

በአሮጌው የብር ኖት መገበያየት ከነገ ኅዳር 22 ቀን 2013 ዓ.ም ጀምሮ ያበቃል።የኢትዮጵያ ብሔራዊ ባንክ ከዚህ ቀደም በህዳር 10 ቀን 2013 ዓ.ም ለኢዜአ በላከው መግለጫ እንዳስታወቀው፣ ከነገ ጀምሮ በአሮጌው የብር ኖት መገበያየት አይቻልም።
የአሮጌው ብር ኖት ቅያሬ ታኅሣሥ 6 ቀን 2013 ዓ.ም እንደሚጠናቀቅም የኢትዮጵያ ብሔራዊ ባንክ በወቅቱ መግለጹ ይታወሳል።ከመስከረም 6 ቀን 2013 ዓ.ም አሮጌ የብር ኖቶች በአዲስ የብር ኖቶች እየተቀየሩ መሆኑ ይታወቃል።

@Esat_tv1
@Esat_tv1

በአ/አ የ8ኛ ክፍል የፈተና መስጫ ጊዜ ሰሌዳ

¤ ሐሙስ ህዳር 24/2013
ጠዋት 3፡00-5፡00 (አማርኛ አና እንግሊዘኛ )

ከሰዓት 8፡00-11፡ዐዐ ( ሂሳብና ባዮሎጂ)

¤ አርብ ህዳር 25,2013

ጠዋት 3፡00-5፡00 (ፊዚክስ እና ኬሚስትሪ )

ከሰዓት 8፡00-11፡00
(የህብረተሰብ ሳይንስ እና ስነ ዜጋ ስነ ምግባር)

@Free_Education_Ethiopia
Stay Safe!

በፈተና ጊዜ የሚፈጠርን ጭንቀት ወይም ቴንሽንን ልንቆጣጠር የምንችልባቸው ዘዴዎች!

@Free_Education_Ethiopia
Stay Safe!

“እኛ ጁንታ አይደለንም፤ በኃላፊነት ነው የምንሰራው፤” ጠቅላይ ሚኒስትር ዐብይ አሕመድ(ዶ/ር)

ጠቅላይ ሚኒስትር ዐብይ አሕመድ ትግራይ ክልል በተካሄደ የህግ ማስከበር ሂደት ንጹሓን እንዳይጎዱ ያላሰለሠ ጥረት ሲደረግ እንደነበር ገልጸዋል፡፡ እናም የሃገር መከላከያ ሰራዊቱ በሰራው ህግ የማስከበር ሥራ ወቅት አንድም ሰው ላይ ችግር አልፈጠረም ነው ያሉት፡፡
ይህም መከላከያ ሠራዊቱ በቂ እና ጠንካራ ብቃት ያለው መሆኑን እንደሚያሳይ ነው የገለጹት ጠቅላይ ሚኒስትሩ፡፡

አየር ሀይሉ ዒላማዎችን ለይቶ በእያንዳንዱ ዒላማ እየፈረመ፣ ኃላፊነት እየወሰደ እንደሚወሰን ተናግረዋል፡፡ ጁንታው ከታጠቀው ሮኬት ቁጥር በላይ መከላከያ ሀይሉ ቢኖረውም ህግ ወደ ማስከበሩ ሂደት ሲገባ አንድም ሮኬት ወደ ትግራይ ክልል አለመተኮሱን አረጋግጠዋል፡፡ “እኛ ጁንታ አይደለንም፤ በኃላፊነት ነው የምንሰራው፤” ሲሉ መቀሌ ከተማን ጭምር ስንቆጣጠር ንጹሓን ሳይጎዱ ነው ብለዋል ጠቅላይ ሚንስትሩ፡፡

SHARE | ሼር
⊰━━━━━━━━━━━━⊰
T.me/ethio_mereja
T.me/ethio_merejabot
⊰━━━━━━━━━━━━

የቀድሞው የሠሜን ዕዝ አዛዥ ሳይመረዙ እንዳልቀሩ ጠቅላይ ሚኒስትሩ ተናገሩ!!

በሠሜን ዕዝ ላይ ጥቃቱ ከመፈጸሙ በፊት የዕዙ አዛዥ ሳይመረዙ እንዳልቀረ ጠቅላይ ሚኒስትር ዐብይ አህመድ ለሕዝብ ተወካዮች ምክር ቤት ተናገሩ።

ጠቅላይ ሚኒስተሩ እንዳሉት፤ የሠሜን ዕዝ አዛዥ የነበሩት ጄነራል ድሪባ ግጭቱ ከመፈጠሩ ከሁለት ሳምንት በፊት "ስብሰባ ከእነሱ ጋር ውሎ፣ ምሳ ከበላ በኋላ ታሞ እራሱን ስቶ ጦር ኃይሎች ሆስፒታል ገብቷል" ብለዋል።

ጨምረውም ከጄነራሉ ጋር የነበሩ ሰዎች "አቅምሰውት ነው" የሚል መረጃ እንዳመጡና እንዲህ ያለው ጉዳይ በህክምና እስኪጣራ ድረስ እንዲቆይ "ብለን አፈንነው" ካሉ በኋላ፤ ጄነራል ድሪባ ባጋጠማቸው ችግር ምክንያት አስካሁን አገግመው ወደሥራቸው እንዳልተመለሱ ገልጸዋል።

ይህንንም ተከትሎ ጄነራሉን በመተካት የሠሜን ዕዝን የሚመራ ጄነራል ለመመደብ መገደዳቸውንና የህወሓት አመራሮች አዲሱን ተሿሚ አንቀበልም ማለታቸውን በመግለጽ "ለካ እሱን በማኮላሸትና የሚመጣውን እምቢ የማለት ፍላጎት ነበረ" ሲሉ ተናግረዋል።
ከዚህም በኋላ "የሠሜን ዕዝ አዛዥ ጄነራል ድሪባ ታመሙ፣ አዲስ የተመደበውን ጀነራል አንቀበልም አሉ ከዚያም ጥቃት ፈጽመው የዕዙን ምክትል አዛዥ ጀነራል አደምን አፈኑ" ሲሉ ለምክር ቤቱ ተናግረዋል።

ጠቅላይ ሚኒስትሩ ይህንን ያሉት አምስተኛው የሕዝብ ተወካዮች ምክር ቤት 6ኛ ዓመት የሥራ ዘመን 2ኛ ልዩ ስብሰባውን ባካሄደበት ወቅት ከምክር ቤቱ አባላት ስለወቅታዊ ጉዳዮች ለቀረቡላቸው ጥያቄዎች በሰጡት ምላሽ ላይ ነው።

@ethio_mereja_news
@ethio_mereja_news

“ወደ ሱዳን ከተሰደዱ ወጣቶች መካከል ማይካድራ ላይ በተካሄደው ጭፍጨፋ ላይ የተሳተፉ ይገኙበታል የሚል ጥርጣሬ አለን!!

አምባሳደር ሬድዋን ይህን ያስታወቁት የኢትዮጵያ ወቅታዊ ሁኔታ በተመለከተ ከሬውተርስ ጋር ባደረጉት ቆይታ ነው።

በትግራይ ክልል ከተፈጠረው ወቅታዊ ሁኔታ ጋር ተያይዞ እስካሁን ከ40 እስከ 43 ሺህ የሚደርሱ ኢትዮጵያውያን ድንበር ተሻግረው ሱዳን መግባታቸውን አምባሳደሩ ተናግረዋል።

አብዛኛዎቹ ኢትዮጵያውያን ለስደት የበቁት በተለይ ወደ 700 ሰዎች ከተጨፈጨፉበት የማይካድራው ክስተት ጋር ተያይዞ መሆኑንም ገልጸዋል።

በግጭቶች ወቅት አብዛኛውን ጊዜ ለስደት የሚዳረጉት ሴቶች፣ ሕፃናት እና አረጋውያን ናቸው ያሉት አምባሳደር ሬድዋን፣ ከማይካድራው ክስተት ጋር በተያያዘ ግን የሴቶች እና የሕፃናት ቁጥር አነስተኛ መሆኑን፣ የወጣቶች ቁጥር በተቃራኒው እጅግ ከፍተኛ መሆኑን ተናግረዋል።

በማይካድራው ጭፍጨፋ ከሕወሓት ልዩ ኃይል እና ሚሊሺያ በተጨማሪ መደበኛ ያልሆነ አደረጃጀት ውስጥ የነበሩ ወጣቶች የተሳተፉበት መሆኑን በዓለም አቀፍ እና በሀገር ውስጥ የሰብአዊ መብቶች ተቋማት መረጋገጡን ገልጸዋል።

“ማይካድራ ለሱዳን ቅርብ በመሆኗ ወደ ሱዳን ከገቡት ስደተኞች መካከል በዚህ ድርጊት ላይ የተሳተፉ ወጣቶች ይገኙበታል የሚል ጥርጣሬ አለን ብለዋል” አምባሳደሩ።

ስለዚህ የእነዚህን ስደተኞች ማንነት እና ምንነት በመለየት ሥራ ላይ የኢትዮጵያ መንግሥት ከሱዳን ጋር በቅንጅት እየሠራ መሆኑን አስታውቀዋል።

@ethio_mereja_news
@ethio_mereja_news

#ለ2012 ዓ.ም ተመራቂ ተማሪዎች በሙሉ ተማሪዎች የዩኒቨርሲቲ መግቢያ ቀናት‼️

- የወላይታ ሶዶ ዩኒቨርስቲ ህዳር 24 እና 25

-የዋቻሞ ዩንቨርሲቲ ተመራቂ ተማሪዎች ከህዳር 21 እስከ ህዳር 23/13 ድረስ እንዲገቡ

-የመቱ ዩኒቨርሲቲ ተመራቂ ተማሪዎችን ከ
ህዳር 28 -29 እንዲገቡ

-የአምቦ ዩኒቨርሲቲ ተመራቂ ተማሪዎች ህደር 24 ና 25 ሪፖርት እንዲታደርጉ ተብሏችኋል።ህዳር 26 በሁሉም ካምፓሶች Orientation ይሰጣል።
ህዳር 28 ክላስ ይጀመራል።

- የዲላ ዩኒቨርስቲ እስከ አሁኗ ሰዓት ድረስ በግቢ ደረጃ የተማሪዎችን የመግቢያ ቀን በተመለከተ የተወሰነ ነገር የለም:: ዛሬ ወይም ነገ የሚወሰነውን ውሳኔ ቀድመን የምናሳውቅ ይሆናል።

-ለኦዳ ቡልቱም ዩኒቨርስቲ ተመራቂ ተማሪዎች
የምዝገባ ቀን ህዳር 25 እና 26፣2013 ሲሆን ትምህርት የሚጀመረው ህዳር 28፣2013

@NEAEA_nea

for your comments 👇👇

@ministry_of_educationbot

"ዶክተር ደብረጽዮን ወደ ደቡብ ሱዳን ተሰደዋል"መባሉን አስተባበሉ።

የሕወሓት ሊቀመንበር ደብረጽዮን ገብረሚካኤል «ወደ ደቡብ ሱዳን ተሰደዋል» ተብሎ የተነገረዉ ዘገባ «ሐሰት ነው» በማለት መናገራቸውን ሮይተርስ ዘግቧል።

ደብረጽዮን «አሁንም በመቀሌ ከተማ አቅራብያ ከመንግስት ኃይሎች ጋር እየተዋጋን ነው።» ብለዋል። የኢትዮጵያ የመከላከያ ሰራዊት ባለፈው ቅዳሜ የመቀሌ ከተማን መቆጣጠሩን አስታውቋል።

በወቅቱ ደብረጽዮን የመቀሌ ከተማን ለቀው መውጣታቸውን ለሮይተርስ በላኩት አጭር የጽሁፍ መልዕክት አረጋግጠዋል። የሕወሓቱ መሪ ዶክተር ደብረጽዮን ገብረሚካኤል ወደ ደቡብ ሱዳን ሸሽተዋል የሚሉ ዘገባዎች መውጣታቸውን ተከትሎ በሰጡት መልስ« ከትግራይ ክልል አልወጣሁም» ሲሉ ተናግረዋል።

የጠቅላይ ሚንስትሩ ቃል አቃባይ ቢለኔ ስዩም በበኩላቸው «የፌዴራል መንግሥት በጦርነቱ የተጎዱ አካባቢዎችን በማረጋጋት ስራ ላይ ተጠምዷል፤ ተበታትኖ ላለ ወንጀለኛ ንግግር መልስ መስጠት ጉዳያችን አይደለም » ሲሉ ዶክተር ደብረጽዮን «በመቀሌ አቅራብያ ከመንግስት ኃይሎች ጋር ውግያ ቀጥለናል» ብለው መናገራቸውን ያጣጣሉበትን ሃሳብ ለሮይተርስ ነግረዋል።
---------------------------------------------------
ክቡራን ቤተሰቦች ሀሳብ አስተያየታችሁን የዜና የመረጃ ጥቆማችሁን ከሰር ባለው ሊንክ አድርሱኝ:: አመሰግናለሁ
አቤል ብርሀኑ (የወይኗ ልጅ)
👉@abel21bot

በትግራይ ክልል የባንክ እና ቴሌኮም አገልግሎቶች ወደ ቀድሞ አገልግሎታቸው እንዲመለሱ የኢትዮጵያ ሰብአዊ መብት ኮሚሽን አሳሰበ።

ኮሚሽኑ የመልሶ ማቋቋም ተግባራት በሰብአዊ መብቶች የሚመሩ መሆን አለባቸውም ብሏል።

ቀደም ሲል በኢሰመኮ የቀረቡ፣ በተለይም በሲቪል ሰዎች ላይ ማንኛውም አይነት ጉዳት እንዳይደርስ ጥንቃቄ እንዲደረግ አጽንዖት የሚሰጡት ምክረ ሃሳቦችንና ጥሪዎችን በማስታወስ፣ በቀጣይ የሚደረጉ የመልሶ ማቋቋምና መልሶ ግንባታ ተግባራት በፌዴራል መንግሥቱ ሰብአዊ መብቶችን የማክበርና የመጠበቅ ግዴታ የሚመራ እንዲሆን አሳስቧል።

የተጠፋፉ ቤተሰቦች እንዲገናኙና ተገቢው ሰብአዊ እርዳታ ተደራሽ እንዲሆን የተቋረጡ የቴሌኮሙኒኬሽን፣ ውሃና ኤሌክትሪክ ኃይልን ጨምሮ መሰል መሰረታዊ አገልግሎቶች እንዲሁም የሰብአዊ እርዳታ ሰጪ አካላት አገልግሎት ወደ ነበሩበት እንዲመለሱ ማሳሰቡን ኮሚሽኑ ለኢትዮ ኤፍ ም በላከው መግለጫ ገልጿል።

እንዲሁም በግጭቱ የተፈናቀሉና የተሰደዱ ሰዎች ወደ መደበኛ መኖሪያቸው እንዲመለሱ እና የተጠፋፉ ቤተሰቦች እንዲገናኙ የሚያስችል አስፈላጊ የሆነው የሎጂስቲክስና የሰብአዊ እርዳታ መሰረተ ልማት እንዲደራጅም ጠይቋል።

ተጠያቂነትን ለማረጋገጥና ተጎጂዎችን መልሶ ለማቋቋም የሰብአዊ መብቶች ጥሰትና ያስከተለውን ሰብአዊ ቀውስ የሚመመረምር ገለልተኛና ግልጽ የሆነ አሰራር ከወዲሁ እንዲተገበር፣ ተዓማኒና አካታች የሆኑ የእርቅና የፍትሕ ሂደቶች በጊዜ ሊደራጁ ይገባልም ብሏል።

በተጨማሪም ኢሰመኮ በትግራይ ተወላጆች ላይ ብሔርን መሰረት ያደረገ መድሎዎና መገለል ስለመድረሱ የሚቀርቡለት ቅሬታዎች በከፍተኛ ደረጃ እያሳሰበውና እየተከታተለው መሆኑን ገልጿል።
(ኢትዮ ኤፍ ኤም)
---------------------------------------------------
ክቡራን ቤተሰቦች ሀሳብ አስተያየታችሁን የዜና የመረጃ ጥቆማችሁን ከሰር ባለው ሊንክ አድርሱኝ:: አመሰግናለሁ
አቤል ብርሀኑ (የወይኗ ልጅ)
👉@abel21bot

ከጠቅላይ ሚኒስተር ጽሕፈት ቤት የወጣ ማስተካከያ
____-___________________-_--
ጠቅላይ ሚኒስትር ዐቢይ አሕመድ በፓርላማ ባደረጉት ንግግር ወቅት ከዓመታት በፊት አባይ የተባለ ከህወሓት ጋር ግንኙነት ያለው የመገናኛ ብዙሀን ተቋም መኖሩን ጠቅሰዋል። የተጠቀሰው ተቋም በዩቲዩብ ሥራውን በመከወን ላይ ከሚገኘው እና በቅርቡ የቴሌቪዥን ስርጭት ከሚጀምረው አባይ ሚዲያ ጋር አንድነት የለውም። ሁለቱ ተቋማት የተለያዩ እና ግንኙነት የሌላቸው መሆናቸውን እናሳውቃለን።

During Prime Minister Abiy Ahmed’s parliamentary address, he had mentioned a media entity named Abay as created by and affiliated with TPLF several years back. Please note that this is not to be confused with Abbay Media which is a new digital media currently operating on YouTube and soon to begin TV broadcast. These are to separate and unrelated media entities.

(PMOEthiopia)
--------------------------------------------------
ክቡራን ቤተሰቦች ሀሳብ አስተያየታችሁን የዜና የመረጃ ጥቆማችሁን ከሰር ባለው ሊንክ አድርሱኝ:: አመሰግናለሁ
አቤል ብርሀኑ (የወይኗ ልጅ)
👉@abel21bot

ለታላቁ ህዳሴ ግድብ ግንባታ ባለፉት አራት ወራት ወስጥ ከ624 ሚሊየን ብር በላይ መሰብሰቡን የግድቡግንባታ ህዝባዊ ተሳትፎ አስተባባሪብሄራዊ ምክርቤት ፅፈት ቤት አስታወቀ።

የግድብ የመጀመርያ ውሃ ሙሊት በመጠናቀቁ የህዝቡን ተነሳሽነትም እደጨመረ ተገልጿል።


የፅፈት ቤቱ ህዝብ ግንኙነት እና የሚዲያ ኮሚኒኬሽን ዳይሬክተር አቶ ሀይሉ አብርሀም እደገለፁት ይህ ብር የተሰበሰበው ከሐምሌ 2012 እስከ ጥቅምት ወር መሰብሰቡን ገልፀዋል።
ዳይሬክተሩ በ2012 በጀት አመት 747 ሚሊወን ብር መሰብሰቡን አስታውሰው
በተጨማሪም 155 ሚሊወን ብር ደግሞ በስጦታና በቦንድ ግዥ እንደተሰበሰበ ገለፁ።



ፅፈት ቤቱም ሚዲያን በመጠቀም ህዝቡን እንዳነሳሳና ገልህ ሚና እንደተወጣ አንስተው መቀጠል እንዳለበትም ገለፁ።

የድሬዳዋ ዩኒቨርሲቲ በጭሮ ከተማ የድህረ-ምረቃ ፕሮግራም ማዕከል ከፈተ።
===============================
የድሬዳዋ ዩኒቨርሲቲ በምዕራብ ሐረርጌ ዞን በጭሮ ከተማ ፖሊ-ቴክኒክ ኮሌጅ ግቢ  በMBA እና Developmental Economics የድህረ-ምረቃ ፕሮግራሞች ተማሪዎችን ተቀብሎ የመማር ማስተማር ስራውን የጀመረ ሲሆን በመክፈቻው ፕሮገራም ላይ የዩኒቨርሲቲው ከፍተኛ አመራሮች፣ የም/ሐረርጌ ዞን አስተዳደር ተወካይ፣ የዞኑ የቴክኒክና ሙያ ኤጄንሲ ኃላፊ፣ የዩኒቨርሲቲው መካከለኛ ሃላፊዎች እና መምህራን መገኘት ችለዋል፡፡
የዩኒቨርሲቲው የአካ/ጉ/ም/ፕሬዝዳንት የሆኑት ዶ/ር መገርሳ ቃሲም ባደረጉት ንግግር የድህረ-ምረቃ ፕሮግራም ማዕከሉ መከፈት ታሳቢ ያደረገው በመደበኛ ትምህርት መማር ለማይችሉ ተማሪዎች እድሉን በመጠቀም እራሳቸውንና የማህበረሰባቸውን ችግር ፈቺ ፍላጎት ጥናት መሰረት ያደረገ መሆኑን ገልጸው ዩኒቨርሲቲው የማህበረሰቡን ፍላጎት ማዕከል ያደረገ ፕሮገራሞችን ለማሳደግ አበክሮ እንሚደራ ገልጸዋል ፡፡

@NEAEA_nea

ለወለጋ ዩኒቨርስቲ የተመራቂ ተማሪዎች ጥሪ
===============================

ሁሉም ተመራቂ ተማሪዎች ታህሳስ 3 እና 4, 2013 ዓ.ም የተማሪ መታወቂያችሁን በመያዝ በየካምፓሶቻችሁ በመገኘት እንድትመዘገቡና ሰኞ ታህሳስ5, 2013ዓ.ም ትምህርት እንድትጀምሩ የወለጋ ዩኒቨርሲቲ ጥሪ ያደርጋል፡፡

ማሳሰቢያ❗️
1. ሁሉም ተማሪ ሁለት የሚታጠብ የፊት መሸፈኛ ማስክ እና
2. ለዲጂታል መታወቂያ 3x4 የሆነ ጉርድ ፎቶ ግራፍ መያዝ ይጠበቅባቹሃል።


@NEAEA_nea

በአማራ ክልል ክልል አቀፍ የስምንተኛ ክፍል ፈተና ከታህሳስ 12 እስከ 14 ቀን 2013 ዓ.ም እንደሚሰጥ የክልሉ ትምህርት ቢሮ አስታወቀ፡፡

ፈተናውን በተሳካ ሁኔታ ለማጠናቀቅም አስፈላጊው ቅድመ ዝግጅት መደረጉን የአማራ ክልል ትምህርት ቢሮ አስታውቋል፡፡ በፈተናው ከ415 ሺህ በላይ ተማሪዎች ይሳተፋሉ፡፡
⊰━━━━━━━━━━━━⊰
T.me/ethio_mereja
T.me/ethio_merejabot
⊰━━━━━━━━━━━━

ሽሬ ጊዜያዊ ከንቲባና ምክትል ከንቲባ ተሾመላት‼️

በሽሬ ከተማ የጊዜያዊ አስተዳደሩ ከንቲባ በመሆን የተመረጡት መምህር ሐጎስ በርሄ ህዝባዊ ሃላፊነታቸውን በአግባቡ ለመወጣት መዘጋጀታቸውን ገልጸዋል።“ከአገር ሽማግሌዎች፣ ከወጣቶችና ሌሎች የማህበረሰብ ክፍሎች ጋር በመሆን በከተማዋ ሰላም እንዲሰፍን፣ ማህበራዊ አገልግሎቶች እንዲሳለጡና ልማት እንዲከናወን እሰራለሁ” ብለዋል።የጊዜያዊ አስተዳደሩ ምክትል ከንቲባ ሆነው የተመረጡት ኢንጂነር ጀሚል ሙሐመድ በበኩላቸው ሕዝብ የጣለባቸውን ሃላፊነት በብቃት ለመወጣት መዘጋጀታቸውን አረጋግጠዋል።

በከተማው ጊዜያዊ አስተዳደር መቋቋሙ ለሕዝቡ መረጋጋት እንደሚያመጣ ጠቁመው፤ ሰላም ለማረጋገጥ ሂደትም ወሳኝ መሆኑን ገልጸዋል።በከተማው የአቅም ግንባታ ጽህፈት ቤት ኃላፊ ሆነው የተመረጡት መምህርት ንግሥቲ ፋንታሁንም ህዝቡን በቅንነትና ታማኝነት ለማገልገል መዘጋጀታቸውን አረጋግጠዋል።የከተማው ነዋሪዎች ከጎናቸው በመቆም ድጋፍና እገዛ እንዲያደርጉላቸውም አመራሮቹ ጠይቀው፤ ቀደም ሲል በህወሃት ዘመን የነበረው በመተዋወቅ፣ በዝምድናና በኔትወርክ መስራት እንደማይደገም አረጋግጠዋል ተብሏል።የትግራይ ክልል ጊዜያዊ ዋና ሥራ አስፈጻሚ ሆነው የተሾሙት ዶክተር ሙሉ ነጋ በክልሉ የተለያዩ አካባቢዎች በመንቀሳቀስ ህዝቡን በማወያየት ላይ እንደሚገኙ ኢዜአ ዘግቧል።

@Esat_tv1
@Esat_tv1

ሰበር ዜና‼️

ወ/ሮ ኬሪያ ኢብራሂም ለመንግስት እጅ ሰጡ::

በህግ ከሚፈለጉት የህወሓት አባላት መካከል ወይዘሮ ኬሪያ ኢብራሂም ለመንግስት እጅ እንደሰጡ ፋና ብሮድካስት ዘግቧል።

@Esat_tv1
@Esat_tv1