الحقيقة إنّك في إختبار؛ المشاكل إختبار، قِلة الرزق إختبار، الحُزن إختبار، الخنقة اللي بتيجي فجأة إختبار، الفُراق إختبار، الصدمة إختبار، الظُلم إختبار، وعشان تعدّي من الإختبارات دي لازم تصبُر وتحمد ربنا على ما أصابك وبعد الصبر دائمًا يأتي الجبر .. ربنا بيختبر صبرك أولًا ثم يحدث بعد ذلك أمرًا.
❤6🔥6👍3
أنا مش مُعترف بفِكرة البديل؛ لو شخص فأنا عايز الشخص نفسه مش عايز بديل ينسيني الشخص اللي أنا عايزه، لو شُغل فأنا عايز المجال اللي بحبه مش مجال تاني مش مريّحني، أنا بحب الأصل مش الصورة .. بحب الحاجة اللي روحي وقلبي متفقين عليها مش الحاجة اللي المفروض مُناسبة بالعقل، يفيد بإيه العقل وأنا روحي مطفية وقلبي موجوع! القبول بالبدائل واللإقتناع بيها عايز حد مثالي وأنا مش مثالي .. أنا شخص بيحب، وبحب أخد الحاجة اللي بحبها وبس.
🔥11👍6❤3🥰2
زَتُّونَةُ القَاضِي
أنا مش مُعترف بفِكرة البديل؛ لو شخص فأنا عايز الشخص نفسه مش عايز بديل ينسيني الشخص اللي أنا عايزه، لو شُغل فأنا عايز المجال اللي بحبه مش مجال تاني مش مريّحني، أنا بحب الأصل مش الصورة .. بحب الحاجة اللي روحي وقلبي متفقين عليها مش الحاجة اللي المفروض مُناسبة…
ربنا سُبحانه وتعالى ما بيعملش غير الخير؛ التأخير خير، الإستجابة خير، العطاء خير، منع العطاء خير، الكرب خير، الفرج خير، كُل حاجة بتحصل معاك سواء كانت على هواك أو ضد رغبتك فهي خير .. والخير دا لا يفهمه ولا يُدركه إلا الشخص اللي عنده بصيرة.
فاللهم أنر بصيرتنا وإجعلنا راضيين بحُكمك مُتقبلين قضائك وقدرك.
فاللهم أنر بصيرتنا وإجعلنا راضيين بحُكمك مُتقبلين قضائك وقدرك.
🔥12❤11👍1👏1
أنا إتعاملت مع اللي بيرمي كلمة تزعّل ويعمل مش قاصد، وإتعاملت مع اللي بيلقّح بالكلام، وإتعاملت مع اللي بيتجاهل زعلي، والحمد لله عرفت أتعامل مع بجاحة كُل واحد فيهم .. لكن حاليًا في ليڤل جديد من البجاحة تلاقي الشخص ظالمك وجاي عليك وغلطان في حقك وعايزك إنتَ اللي تراضيه! فحرفيًا (أنا حقًا اعترض)
وكُل اللي أقدر أقوله للناس دي خُدوا أول حرف من كُل كلمة بين القوسين.
وكُل اللي أقدر أقوله للناس دي خُدوا أول حرف من كُل كلمة بين القوسين.
❤23🔥11👍9😱2
قعدت مع نفسي أشوف هل أنا شاطر فعلًا ولا ربنا ساترها معايا وموفقني، ولما حسبتها لقيت إن خطوات كتير في حياتي كانت المفروض تعطل وما تكملش لكن توفيق ربنا كملها على خير، مواقف كتير كان صعب أعديها وعديتها بستر ربنا، لحظات إنكسار عيشتها وقومت منها أقوى بسبب رحمة ربنا .. فالقصة مش شطارة مننا والله .. إحنا حقيقي ماشيين بستر ربنا وتوفيقه ورضاه علينا.
فالحمد لله حمدًا كثيرًا طيبًا مُباركًا فيه.
فالحمد لله حمدًا كثيرًا طيبًا مُباركًا فيه.
❤13🔥6👍3🥰1
الخيانة مش مُقتصرة على إنّك تتقفش في وضع مُخل!
الموضوع أكبر من كدا بكتير .. كلامك مع حد بدون عِلم شريك/ة حياتك خيانة، النظرة خيانة، التفكير في حد خيانة، الفُرجة على صور حد خيانة، إهتمامك بحد خيانة، ضحكك وإستظرافك خيانة.
فبالله عليكوا بلاش مُبررات خايبة ولو مش قادرين تستوّعبوا حدود العِلاقة وقُدسيتها بلاش تدخلوا عِلاقات من الأساس وقضوها مرقعة بعيد عننا.
الموضوع أكبر من كدا بكتير .. كلامك مع حد بدون عِلم شريك/ة حياتك خيانة، النظرة خيانة، التفكير في حد خيانة، الفُرجة على صور حد خيانة، إهتمامك بحد خيانة، ضحكك وإستظرافك خيانة.
فبالله عليكوا بلاش مُبررات خايبة ولو مش قادرين تستوّعبوا حدود العِلاقة وقُدسيتها بلاش تدخلوا عِلاقات من الأساس وقضوها مرقعة بعيد عننا.
❤19🔥8👍7🥰1
أنا ضد العشم في البشر، لإن العشم في غير الله مذلة، ما تحُطش نفسك تحت رحمة أي إنسان مهما كان، الناس حوالينا بتحكمهم حالتهم المزاجية، يوم حلوين معاك و10 مش طايقينك، شوية يهتموا بيك وشوية ولا كأنهُم يعرفوك أصلًا؛ عشان كدا اِوعى تستنى حاجة من حد، لإن كُل ما كان عشمك في الناس كبير كُل ما وجعك هيبقى أكبر.
في مقولة عظيمة بتقول: (العشم أشبه بشخصٍ عاد من سفرِِ طويل ملهوفًا على عودته وحينما عاد لم يجد أحد في اِنتظاره).
في مقولة عظيمة بتقول: (العشم أشبه بشخصٍ عاد من سفرِِ طويل ملهوفًا على عودته وحينما عاد لم يجد أحد في اِنتظاره).
❤13🔥5👍3🤔1
أي اتنين في الكون لازم يحصل بينهُم خِلافات، خِلافات بين الأهل، بين الأصدقاء، بين العُشاق، وارد جدًا نختلف ونشد مع بعض، بس الفرق بين الخلاف والتاني هي أخلاق الشخص اللي بتختلف معاه، في ناس لما بتختلف معاهُم بيوجعوك بلسانهُم وكلامهُم اللي زي السم، وفي ناس ولاد أصول مهما اِختلفت معاهُم بيفضل لسانهُم نضيف لا بيعايروك بعيب ولا بيفكروك بمعروف أو جميل عملوه معاك، حتى الخِناق معاهُم مُجرّد فضفضة بس بصيغة عتاب شوية .. عشان كدا كُل الحب لولاد الأُصول اللي لسانهُم عفيف وقت الخصام ومُستحيل تطلع منهُم العيبة.
❤21🔥5👍4
النهايات من الحاجات اللي عُمري ما حبيتها، ما بحبّش أعيش نهاية أي شيء بحبّه أو اِتعوّدت عليه أيًا كان الشيء دا إيه حتى لو كان مُسلسل، أنا شخص وفي للحاجات اللي بيحبّها ودايمًا بحب أشوف استمرارها في حياتي.
ورغم إنّي مؤمن بُجملة: "إن لكُل شيء نهاية" لكن ولا مرة قدرت أتقبّل نهاية الأشياء وخُسارتها، دايمًا بتبقى في نار جوّايا، زي ما يكون قلبي بيُقف لثواني من صدمته ثم يرجع يدُق من تاني .. وما أدراك بالثواني اللي القلب بيُقف فيها دي ألمها بيعيش جوّاك لسنين.
ورغم إنّي مؤمن بُجملة: "إن لكُل شيء نهاية" لكن ولا مرة قدرت أتقبّل نهاية الأشياء وخُسارتها، دايمًا بتبقى في نار جوّايا، زي ما يكون قلبي بيُقف لثواني من صدمته ثم يرجع يدُق من تاني .. وما أدراك بالثواني اللي القلب بيُقف فيها دي ألمها بيعيش جوّاك لسنين.
❤13👍7🔥6
ما بطيقش الناس اللي مالهاش عزيز، اللي في لحظة مُمكن يقلبوا عليك وينكروا خيرك وكُل حاجة حلوة شافوها منّك.
زمان ما كُنتش مصدق إن في ناس كدا، لكن للأسف شوفت بعيني ناس ما تعرفش يعني إيه عشرة وعادي جدًا ينسوا معروفك وقعدتك والضحك اللي ضحكتوه في يوم مع بعض، وفجأة يتحولوا لأسوأ أعداء، يجيبوا سيرتك بالكدب وييكرّهوا الناس فيك، لا عملوا حساب للعشرة ولا حتى للعيش والملح.
النوع دا من الناس رسولنا الكريم قال عنّه: (إذا خاصم فجر).
زمان ما كُنتش مصدق إن في ناس كدا، لكن للأسف شوفت بعيني ناس ما تعرفش يعني إيه عشرة وعادي جدًا ينسوا معروفك وقعدتك والضحك اللي ضحكتوه في يوم مع بعض، وفجأة يتحولوا لأسوأ أعداء، يجيبوا سيرتك بالكدب وييكرّهوا الناس فيك، لا عملوا حساب للعشرة ولا حتى للعيش والملح.
النوع دا من الناس رسولنا الكريم قال عنّه: (إذا خاصم فجر).
❤19👍6🔥2😢2
زَتُّونَةُ القَاضِي
ما بطيقش الناس اللي مالهاش عزيز، اللي في لحظة مُمكن يقلبوا عليك وينكروا خيرك وكُل حاجة حلوة شافوها منّك. زمان ما كُنتش مصدق إن في ناس كدا، لكن للأسف شوفت بعيني ناس ما تعرفش يعني إيه عشرة وعادي جدًا ينسوا معروفك وقعدتك والضحك اللي ضحكتوه في يوم مع بعض، وفجأة…
الحُزن دا حاجة وحشة جدًا يا جماعة وخاصةً الحُزن الداخلي اللي الواحد بيعيشه بينه وبين نفسه من غير ما يحسس اللي حواليه بهمّه أو باللي واجع قلبه.
بشوف إن الحُزن الداخلي هو الأصعب لإنّه بياكُل في روح البني آدم، مخليه لا عارف ينام ولا ياكُل ولا يشرب، وكُل حاجة في نظره شبه بعض، مَفيش شيء مُبهر، دايمًا عينيه حزينة، صوته حزين، وعنده خيبة أمل كأن الدُنيا كُلها مزعلاه .. وكُله كوم وإن الإنسان تصعب عليه نفسه دا كوم تاني خالص.
بشوف إن الحُزن الداخلي هو الأصعب لإنّه بياكُل في روح البني آدم، مخليه لا عارف ينام ولا ياكُل ولا يشرب، وكُل حاجة في نظره شبه بعض، مَفيش شيء مُبهر، دايمًا عينيه حزينة، صوته حزين، وعنده خيبة أمل كأن الدُنيا كُلها مزعلاه .. وكُله كوم وإن الإنسان تصعب عليه نفسه دا كوم تاني خالص.
❤22🔥6❤🔥2
التفكير الزايد بيهد حيل صاحبه وبيحرمه من السعادة، فِكرة إن عقلك دايمًا مش فيك ومسحول بمواقف وحاجات كتير دي حاجة هتقضي عليك تدريجيًا وهتسلب منك راحتك، تخيل ترهق عقلك يوميًا بالتفكير في اللي فات واللي جاي واللي نفسك ييجي وما بيجيش، الموضوع صعب وبيعمل حِمل كبير جدًا على روحك، وأكتر حاجة ممكن تأذي البني آدم وتدمره هو التفكير الكتير عشان كدا دايمًا ردد وقول: "اللهم أسألك بالًا مطمئنًا شاكرًا لما قسمته لي".
❤18💯6👌5💋5❤🔥3👍3🕊3🍾3🐳2🍓2⚡1
لما بقلق على حد بدعيله، ولما يوحشني حد بدعيله، بحس إن الدُعاء أهم وأعظم حاجة أقدر أقدمها، جايز يبقى الشخص دا في أمس الحاجة لدُعائي وجايز تبقى أبواب السما مفتوحة وربنا يستجيب وأبقى مُجرّد سبب بسيط في راحته أو إن حاله يتحسّن.
في جُملة بحبها بتقول: "Turn your worries into prayers"
يعني حوّل القلق بتاعك لدُعاء، الدُعاء بيغيّر القدر.
في جُملة بحبها بتقول: "Turn your worries into prayers"
يعني حوّل القلق بتاعك لدُعاء، الدُعاء بيغيّر القدر.
❤12🔥6👍4👏3
فِكرة إن ربنا يتولّى أمورك دي حاجة مُريحة جدًا، إنّك تعتمد على ربنا في كُل قراراتك وترجع له في كل خطواتك وقتها هتحس بقوة مش طبيعية وفي سَكِينة ربانية بتنزل على قلبك بتحسسك بالأمان.
الشيخ الشعراوي مرة قال: (حينما يتولّى الله أمرك فهو يُسهل لك كُل صعب، ويُسير أمورك كما تحب، ويُحقق لك ما كنت تظنه مُستحيلًا).
لذلك ردد دائمًا: (اللَّهُم اِحتويني برحمتك وتولَّني بقُدرتك فأنت يا رب خير المُنصفين).
الشيخ الشعراوي مرة قال: (حينما يتولّى الله أمرك فهو يُسهل لك كُل صعب، ويُسير أمورك كما تحب، ويُحقق لك ما كنت تظنه مُستحيلًا).
لذلك ردد دائمًا: (اللَّهُم اِحتويني برحمتك وتولَّني بقُدرتك فأنت يا رب خير المُنصفين).
👍10🔥9❤8
زَتُّونَةُ القَاضِي
فِكرة إن ربنا يتولّى أمورك دي حاجة مُريحة جدًا، إنّك تعتمد على ربنا في كُل قراراتك وترجع له في كل خطواتك وقتها هتحس بقوة مش طبيعية وفي سَكِينة ربانية بتنزل على قلبك بتحسسك بالأمان. الشيخ الشعراوي مرة قال: (حينما يتولّى الله أمرك فهو يُسهل لك كُل صعب، ويُسير…
بَقيت حاسس إن نفسي مَسدودة، لكن مش سدة النفس بتاعة الأكل والشُرب لأ .. أنا نفسي مسدودة من الناس ومن حواراتهُم، ومن المُعافرة على الفاضي، ومن الروتين اللي بعيشه يوميًا.
حاجات كتير حصلت استنفزت طاقتي وخلتني فعلًا ماليش نِفس لحاجة ولا مستني أي حاجة .. فبقيت ساكت أغلب الوقت لإن اللي جوّايا أكبر بكتير من إني احكيه.
حاجات كتير حصلت استنفزت طاقتي وخلتني فعلًا ماليش نِفس لحاجة ولا مستني أي حاجة .. فبقيت ساكت أغلب الوقت لإن اللي جوّايا أكبر بكتير من إني احكيه.
❤26🔥9👍3
العِلاقة اللي ما قصرتش فيها اِوعى تزعل على فشلها؛ سواءٍ كانت عِلاقة عاطفية أو صداقة أو أيًا كان مُسماها، وطالما شايف إنّك عملت اللي عليك يبقى خلاص مش من نصيبك ومش خير ليك.
الحاجة الوحيدة اللي مُمكن تزعل عليها هي مجهودك اللي بذلته، مشاعرك اللي استهلكتها، أيامك اللي ضاعت، ودا هيكون زعل مُبرر ومعاك حق فيه، لكن ما تزعلش على الأشخاص، وخليك فاكر إنّك اتحملت وبذلت كُل جُهدك والتقصير كان من الطرف التاني مش منّك إنتَ خالص.
وفي الحالة دي تزعل كام يوم وبعدها ترجع صالب طولك ورامي العِلاقة بذكرياتها ورا ضهرك .. هو عُمر واحد اللي هتعيشه فبلاش تضيعه في الزعل على اللي فات.
الحاجة الوحيدة اللي مُمكن تزعل عليها هي مجهودك اللي بذلته، مشاعرك اللي استهلكتها، أيامك اللي ضاعت، ودا هيكون زعل مُبرر ومعاك حق فيه، لكن ما تزعلش على الأشخاص، وخليك فاكر إنّك اتحملت وبذلت كُل جُهدك والتقصير كان من الطرف التاني مش منّك إنتَ خالص.
وفي الحالة دي تزعل كام يوم وبعدها ترجع صالب طولك ورامي العِلاقة بذكرياتها ورا ضهرك .. هو عُمر واحد اللي هتعيشه فبلاش تضيعه في الزعل على اللي فات.
❤12👍7🔥4
القسوة ليها ناسها، ومهما حاولنا مش هنعرف نبقى قاسيين أو مُحترفين في القسوة زي غيرنا، يعني الواحد مننا بيبقى مش طايق حد مُعين وشاف منّه المُر ومُجرد ما الحد دا يلجأ لنا بننسى أصلًا إنّه أذانا وبنُقف جنبه، مع إن قبلها كُنا بنقول لما نشوف الشخص دا هنعمل وهنسوّي وهندوَّقه قسوتنا عشان يعرف إن الله حق، لكن ولا مرة عرفنا نبقى قاسيين على حد، ولا مرة عرفنا نكسر بخاطر حد.
فحقيقي القسوة ليها ناسها؛ ودي حاجة تبسطنا إننا مش زيهم ولا عُمرنا هنكون زيهم، ربنا يثبت في قلبنا الخير ويجعله عمران بالجدعنة والحُب والحنية.
فحقيقي القسوة ليها ناسها؛ ودي حاجة تبسطنا إننا مش زيهم ولا عُمرنا هنكون زيهم، ربنا يثبت في قلبنا الخير ويجعله عمران بالجدعنة والحُب والحنية.
❤15🔥6👍4
لما بنسكُت ونيجي على نفسنا اللي قُدامنا بيسوء فيها، ولما ناخُد موقف بيتقال إننا بياعين، ولما نزعل بيشوفونا مكبرين الموضوع!
الواحد ما بقاش عارف يتعامل مع الناس إزاي ولا فاهم الكتالوج بتاعهم، والموضوع بقى مُرهِق وكمية حوارات ولت وعجن في ضهر الواحد بشكل مش طبيعي.
وحرفيًا التعامُلات البشرية أصبحت مؤذية لأبعد الحدود وغالبًا كُل العكننة اللي عايشين فيها دي بسبب الناس اللي في حياتنا وضغطهم علينا باِستمرار.
الواحد ما بقاش عارف يتعامل مع الناس إزاي ولا فاهم الكتالوج بتاعهم، والموضوع بقى مُرهِق وكمية حوارات ولت وعجن في ضهر الواحد بشكل مش طبيعي.
وحرفيًا التعامُلات البشرية أصبحت مؤذية لأبعد الحدود وغالبًا كُل العكننة اللي عايشين فيها دي بسبب الناس اللي في حياتنا وضغطهم علينا باِستمرار.
🔥17❤7👍6❤🔥3😱1
زَتُّونَةُ القَاضِي
لما بنسكُت ونيجي على نفسنا اللي قُدامنا بيسوء فيها، ولما ناخُد موقف بيتقال إننا بياعين، ولما نزعل بيشوفونا مكبرين الموضوع! الواحد ما بقاش عارف يتعامل مع الناس إزاي ولا فاهم الكتالوج بتاعهم، والموضوع بقى مُرهِق وكمية حوارات ولت وعجن في ضهر الواحد بشكل مش…
الاِستغناء من أشجع القرارات اللي الواحد مُمكن ياخُدها، مُنتهى القوّة إن يبقى عندك القُدرة تستغنى عن أي حاجة بتأذيك، تعتزل ناس بتضغط عليك، تبطل تروح أماكن مش مُريحة بالنسبة لك، تمنع نفسك تدخُل نِقاشات ما بيجيش من وراها غير وجع القلب وبس، حقيقي مَفيش أحسن من إن الواحد يقدر يستغنى ويبعد كُليًا عن وجع الدِماغ ويختار سلامه النفسي وراحته قبل أي حاجة.
🔥18❤7❤🔥5👍1