Please open Telegram to view this post
VIEW IN TELEGRAM
🔥28❤13👏6👍5🥰3🎉3
ما تحسدش حد على نُضجه ولا على هدوئه وسلامه النفسي، صدقني إنتَ ما تعرفش اللي قُدامك دا وصل للمرحلة دي إزاي، إحنا ما بنصحاش ناضجين، دا بيبقى مشوار طويل لدرجة إنه مُمكن يتحكي في سنين، وعشان نوصل للنضج والثبات اللي إنتَ شايفه دا فإحنا دفعنا التمن من روحنا، اتصدمنا في أقرب الناس لينا، واتخذلنا على إيد أكتر ناس وثقنا فيهُم وحبيناهُم فالمشوار كان صعب والشيلة كانت تقيلة.
مَفيش شخص ناضح إلا ولازم يكون عاش ماضي أليم.
مَفيش شخص ناضح إلا ولازم يكون عاش ماضي أليم.
❤15🔥6👍3
زَتُّونَةُ القَاضِي
ما تحسدش حد على نُضجه ولا على هدوئه وسلامه النفسي، صدقني إنتَ ما تعرفش اللي قُدامك دا وصل للمرحلة دي إزاي، إحنا ما بنصحاش ناضجين، دا بيبقى مشوار طويل لدرجة إنه مُمكن يتحكي في سنين، وعشان نوصل للنضج والثبات اللي إنتَ شايفه دا فإحنا دفعنا التمن من روحنا، اتصدمنا…
يؤسفني أقول إننا في زمن مَحدش فيه بيقدر تضحياتك وكُل مرة هتيجي على نفسك عشان خاطر حد هيفهم إن دا الطبيعي وحقه أو هيفسرها ضعف منك، لكن نادرًا لو حد فهم تضحياتك على إنها حُب وجدعنة وإنّك شخص ابن أُصول، عشان كدا أنا ضد العطاء بدون حساب لإنّه بييجي على دماغ صاحبه في الأخر، ودا كان سبب أساسي في قراري بإنّي مش هقرب من حد خطوة قبل ما هو يقرب لي خطوات، ومش هسعى لإرضاء حد غير لما أحس إنه هو كمان عايز يرضيني.
ويا أتعامل بالشكل اللي يليق بيا يا بلاها التعامل معاكم خالص، حتى لو هعيش باقي عُمري كُله لوحدي ما عنديش أي مشكلة.
ويا أتعامل بالشكل اللي يليق بيا يا بلاها التعامل معاكم خالص، حتى لو هعيش باقي عُمري كُله لوحدي ما عنديش أي مشكلة.
❤25🔥6👍4
مكانتك عند اللي قُدّامك بتبان وقت الزعل وفي لحظات الخِلاف، دي اللحظة اللي بتكتشف فيها معادن الناس وبتفرزها، الحنيّن بيبان، قليل الأصل بيبان، الحاقد بيبان، وكُل الأقنعة بتُقع وتظهر الحقيقة المدفونة في نفوس الناس وقلوبها، وعلى الرغم من إن مَفيش حد بيحب لحظات الخِلاف لكن أنا بحبها ومُمتن لكل خِلاف وراني حقيقة اللي قُدّامي ولكُل موقف عرّى المُنافقين اللي في حياتي.
شُكرًا للخِلافات والأزمات عشان دايمًا بتصحح مساري ورؤيتي وبتوريني الصورة الكاملة والحقيقية للناس.
شُكرًا للخِلافات والأزمات عشان دايمًا بتصحح مساري ورؤيتي وبتوريني الصورة الكاملة والحقيقية للناس.
👍9❤2
المواقف اللي الواحد بتصعب عليه نفسه فيها ما بتتنسيش؛ ومهما حاول الموّضوع بيبقى صعب شوية ومش بإيده، مُمكن يفتكر إنّه خلاص تجاوز الموقف ونسي وفجأة يبقى قاعد في أمان الله وتعدي عليه ذكرى ترجعه تاني لنُقطة الصفر، والتفسير المنطقي للموضوع دا، إن القلوب ما بتقدرش تنسى الوجع، الواحد مننا لما بيحب ما بيديش خوانة فعشان كدا أي ذرة خذلان بتعلّم فينا، بتوجعنا، بتفضل ملازمانا سنين وسنين، وعامةً الإنسان بطبعه عاطفي ومش من السهل إنّه ينسى أي لحظة انكسار أو لحظة صعبت عليه نفسه فيها.
❤15👍8🔥1🥰1
زَتُّونَةُ القَاضِي
المواقف اللي الواحد بتصعب عليه نفسه فيها ما بتتنسيش؛ ومهما حاول الموّضوع بيبقى صعب شوية ومش بإيده، مُمكن يفتكر إنّه خلاص تجاوز الموقف ونسي وفجأة يبقى قاعد في أمان الله وتعدي عليه ذكرى ترجعه تاني لنُقطة الصفر، والتفسير المنطقي للموضوع دا، إن القلوب ما بتقدرش…
لما بنفارق شخص عزيز علينا ونخسر حاجة مُهمة في حياتنا أو لما نفشل في تحقيق حلمنا بنلاقي أغلب الناس بتقولنا: (ما تشغلش بالك الدُنيا مش هَتُقف وكدا كدا الحياة هتمشي).
أنا مُتفهم جدًا إن الحياة هتمشي بس هل هتمشي بشكل طبيعي؟ ما أعتقدش.
وقتها الحياة بتبقى تقيلة علينا وبتمشي بالزق، بتمشي عشان هي لازم تمشي مش عشان إحنا عايزينها تمشي، أغلب الصدمات بنطلع منها عندنا لا مُبالاة وخيبة أمل مخليانا مش حاسْين بلذة أي حاجة، فمش معنى إن الحياة ماشية وإننا بنتنفْس نبقى عايشين.
في جُملة صريحة بتقول: (ما فائدة الجسد لو عاش بلا روح).
أنا مُتفهم جدًا إن الحياة هتمشي بس هل هتمشي بشكل طبيعي؟ ما أعتقدش.
وقتها الحياة بتبقى تقيلة علينا وبتمشي بالزق، بتمشي عشان هي لازم تمشي مش عشان إحنا عايزينها تمشي، أغلب الصدمات بنطلع منها عندنا لا مُبالاة وخيبة أمل مخليانا مش حاسْين بلذة أي حاجة، فمش معنى إن الحياة ماشية وإننا بنتنفْس نبقى عايشين.
في جُملة صريحة بتقول: (ما فائدة الجسد لو عاش بلا روح).
❤19👍8🔥2
الحنيَّة لو ما حصلتش في وقتها المُناسب بتفقد قيمتها، أصلًا الإنسان ما بيحتاجش للحنية غير في وقت الضعف ووقت الانكسار فإنت لو ما كُنتش حنيّن على الشخص اللي معاك في الوقت دا يبقى خلاص كدا فات الأوان، وبعدين هو ينفع شخص يُصاب برُصاصة فتقول هسيبه يهدى وبعدين أعالجه؟ ما أكيد هيموت.
مشاعر الإنسان كدا برضو لو ما عالجتهاش في وقتها وكُنت حنيّن على الشخص اللي معاك وقت ضعفه.. مشاعره هتموت ناحيتك ومُستحيل تقدر تحيي مشاعر شخص أدرك إن مالوش قيمة عندك وحس إنّك تجاهلت لحظات ضعفه وسبته لوحده .. وقتها كدا شُكرًا عُمره ما هيحتاجك تاني.
مشاعر الإنسان كدا برضو لو ما عالجتهاش في وقتها وكُنت حنيّن على الشخص اللي معاك وقت ضعفه.. مشاعره هتموت ناحيتك ومُستحيل تقدر تحيي مشاعر شخص أدرك إن مالوش قيمة عندك وحس إنّك تجاهلت لحظات ضعفه وسبته لوحده .. وقتها كدا شُكرًا عُمره ما هيحتاجك تاني.
👍15❤8🔥1
خلّي عندك يقين إن ربنا لو اِبتلاك بأمرٍ ما فسُبحانه بيدّي لك مع الاِبتلاء القُدرة اللي تخليك تصبر وتتحمل وتتجاوز ابتلائك بسلام، كُل شيلة من الرب للعبد بتبقى على مقاسه بالظبط، بتبقى على أد إيمانه وصبره، ربنا مُستحيل يحملك أكتر من طاقتك، الموّضوع بيبقى اِختبار لإيمانك واللي إيمانه قوي هو اللي هيعدّي ويقوم يُقف على رجليه من تاني.
الدُنيا دي دار اِبتلاء واللي ربنا بيحبّه هيحُطه في محطات صعبة عشان يوريه حقيقة كُل حاجة حواليه، ربنا بينورنا بطريقته، بيقوينا بإختباراته.. عشان كدا اِصبُر وقول يا رب وهتعدّي من أزمتك زي ما عديت من ألف أزمة قبلها بفضل الرحيم بعباده.
الدُنيا دي دار اِبتلاء واللي ربنا بيحبّه هيحُطه في محطات صعبة عشان يوريه حقيقة كُل حاجة حواليه، ربنا بينورنا بطريقته، بيقوينا بإختباراته.. عشان كدا اِصبُر وقول يا رب وهتعدّي من أزمتك زي ما عديت من ألف أزمة قبلها بفضل الرحيم بعباده.
❤16👍4🔥1
أولوياتك دلوقتي غير أولوياتك من سنة غير أولوياتك بعد سنة، شخصك المُفضل مش موجود دلوقتي، بعض المواقف اللي وجعتك اتنست وما فضلش منها غير ذكريات، حاجات كتير في لحظة بتتغيَّر وفي يوم وليلة الدُنيا بتتشقلب.
مش هقول لك ما تزعلش على اللي فات وخليك بارد بس هقول لك إن اللي بيركز جامد بيزعل، واللي بيربُط سعادته بشخص هيعيش طول عُمره تعيس، حاول تستمتع بالمُتاح وما ترهقش نفسك في التفكير.
خُد أمورك ببساطة أو على الأقل حاول.
مش هقول لك ما تزعلش على اللي فات وخليك بارد بس هقول لك إن اللي بيركز جامد بيزعل، واللي بيربُط سعادته بشخص هيعيش طول عُمره تعيس، حاول تستمتع بالمُتاح وما ترهقش نفسك في التفكير.
خُد أمورك ببساطة أو على الأقل حاول.
❤21🔥6👍5
ما تستغربش لما تلاقي الشخص اللي أذاك ووجعك بيوحشك، إنتَ كُنت صادق في كُل حاجة بتقدمها فطبيعي من وقت للتاني قلبك يشتاق للتفاصيل والأيام اللي كانت ما بينكو، هيوحشك أه بس مش هترجع، هتحس بحنين بس هتمنع نفسك تقرب تاني، وبمرور الوقت هتفهم إن مش كُل حاجة واحشاك ينفع تجتمع بيها.
ودي أعظم مراحل التصالُح النفسي ولما توصلها هترتاح كتير.
ودي أعظم مراحل التصالُح النفسي ولما توصلها هترتاح كتير.
❤19👍4🔥2👏2🥰1
اِبعد عن النفوس الغير سَويّة؛ بلاش تضيَّع عُمرك وإنتَ بتفسر نيّتك، وبتشرح تصرُّفاتك، وبتوضَّح وجهة نظرك وفي الأخر برضو هتتشاف غلطان ووحش.
الشخص المعمي بسوء الظن مُستحيل يشوف أي حاجة كويّسة بتعملها عشانه وهيفسَّر كُل تصرُّفاتك بسوء ظنه وعُقده النفسية، وإحنا مش جايين الدُنيا عشان نتحمل هم غيرنا، فكفاية علينا أوي همنا مش ناقصين هم تاني فوقه.
الشخص المعمي بسوء الظن مُستحيل يشوف أي حاجة كويّسة بتعملها عشانه وهيفسَّر كُل تصرُّفاتك بسوء ظنه وعُقده النفسية، وإحنا مش جايين الدُنيا عشان نتحمل هم غيرنا، فكفاية علينا أوي همنا مش ناقصين هم تاني فوقه.
❤9👏9🔥2👍1🥰1
عُمري ما ندمت على خُسارة شخص أيًا كان هو مين؛ ودا لإنّي دايمًا بعمل اللي عليا وزيادة، بعدّي وبسامح وبحتوي المواقف وباجي على نفسي ومُتصالح مع فكرة إن كل العِلاقات فيها مشاكل ووارد نقصَّر في حق بعض، لكن لما أقرر أبعد فدا معناه إن الشخص اللي بعدت عنّه هو اللي وصل علاقتنا لكدا، وفي الحالة دي مُستحيل أندم على خُسارته بالعكس دا أنا الكسبان لما أبعد عن شخص ما عندوش أي استعداد إنه يتمسك بيا أو يعمل لي خاطر.
👏13❤10👍4
#في_يوم_الجمعة .!
صلو كثيرًا على خير البشر على
من ينادي يوم الزحام " أُمتي أُمتي "
اللهم صل وسلم على نبينا محمد 🤍🌱
ـــــــــــــــــــ 🍃🌹🍃 ــــــــــــــــــ
صلو كثيرًا على خير البشر على
من ينادي يوم الزحام " أُمتي أُمتي "
اللهم صل وسلم على نبينا محمد 🤍🌱
ـــــــــــــــــــ 🍃🌹🍃 ــــــــــــــــــ
❤16🥰8
قمة البجاحة لما يكون حد مزعلك وهو عارف إنّه مزعلك ومع ذلك ييجي يتعامل معاك عادي جدًا ولا كإنه عامل حاجة ومش بس كدا دا ليڤل البجاحة عنده عالي لدرجة إنّه مُمكن يتهمك إنّك متغير معاه ويقول لك مال أسلوبك وحش وطريقتك غريبة ليه وفجأه تحس إن إنتَ اللي مقصّر وبقيت فجأة في موضع الإتهام!
إيه البجاحة دي بجد؟ إنتو إزاي بجحين كدا يا جماعة!
إيه البجاحة دي بجد؟ إنتو إزاي بجحين كدا يا جماعة!
⚡12🤡7👌6🐳6🍾6👻6🍓5💋5🌭4❤3🕊2
جُملة (إنتَ الراجل) معناها إنه يحميكي وتحسي إن عندك ضهر وليك سند، ما يسمحش لحد يقلل منّك حتى لو الحد دا من أهله، يصونك، يراعي ربنا فيكي، يمارس قوامته كما أمره الشرع، يركن مشاكله جانبًا ويخلّي مُشكلتك قضيته الأولى ويحلها .. دا كدا مفهوم الجُملة.
لكن ضحك عليكو يا بنات اللي فهمكو إن عشان هو الراجل يبقى مالوش حقوق عليكي، ما يشتكيش لما تقصري معاه، ما يزعلش لما تيجي عليه، ما يتقمصش لو لزم الأمر، الراجل في الأول وفي الأخر بني آدم بيحس ومن حقه يتراضى ويتطبطب عليه ويتسمع، لكن مش عشان هو الراجل يتحوّل لجماد وآلة بتقدم واجبات لكن مالوش حقوق.
وجب التوضيح يا بنات عشان اللي مش فاهم يفهم.
لكن ضحك عليكو يا بنات اللي فهمكو إن عشان هو الراجل يبقى مالوش حقوق عليكي، ما يشتكيش لما تقصري معاه، ما يزعلش لما تيجي عليه، ما يتقمصش لو لزم الأمر، الراجل في الأول وفي الأخر بني آدم بيحس ومن حقه يتراضى ويتطبطب عليه ويتسمع، لكن مش عشان هو الراجل يتحوّل لجماد وآلة بتقدم واجبات لكن مالوش حقوق.
وجب التوضيح يا بنات عشان اللي مش فاهم يفهم.
🔥22❤5
أنا بعرف أقدّر ظروف اللي قُدامي جدًا وبلتمس له الأعذار، هتلاقيني مرة بقول حصل خير، ومرة تانية بقول مَفيش مُشكلة، ومرّات كتير هكبّر دماغي ومش هقف على الواحدة وحرفيًا هغرّقك فُرص، فلو لقيتني مرة واحدة إتقفلت منك وخدت جنب إعرف إن المُشكلة عندك إنتَ وإعرف كمان إن عُمري ما هرجع معاك زي الأول.
❤134🏆4🍾4😢3⚡2👌2🌭2💯2💋2🤩1🍓1
أحيانًا لازم تهون عليك العِشرة بدل ما تهون عليك نفسك، العِشرة تتعوّض وزي ما عملت ذكريات معاهم هتعمل مع غيرهم، لكن لو نفسك هانت عليك هتعيش ونِفسك مكسورة لما تلاقي إنّهم بيأذوك وبتهون عليهم، اللي هو إنتَ جيت على نفسك وما هانش عليك عِشرتهم لكن إنتَ هُنت عليهم عادي.
عشان كدا دوس على العِشرة وكمّل لإن العِشرة اللي ما يصونهاش الطرفين عِشرة فاسدة.
عشان كدا دوس على العِشرة وكمّل لإن العِشرة اللي ما يصونهاش الطرفين عِشرة فاسدة.
👍16❤12🔥4
مين قال إن عشان أَخُد حقي لازم أعمل فيك نفس اللي إنتَ عملته فيّا! ما أنا مُمكن أَخُُد حقي منّك من غير ما أقلل من قيمتي ولا حتى أعمل تصرُّفات ثُعبانية تصغّرني في نظر نفسي.
مثلًا مُمكن أقول: (حسبي الله ونعم الوكيل) وأستعوض ربنا وأستناه يجيب لي حقي منّّك، إيه رأيك بقى؟ شوفت الموضوع سهل إزاي، بس ياريت إنتَ وقتها تقدر تتحمل عواقب دُعاء المظلوم.
(وَمَا كَانَ رَبُّكَ نَسِيًّا).
مثلًا مُمكن أقول: (حسبي الله ونعم الوكيل) وأستعوض ربنا وأستناه يجيب لي حقي منّّك، إيه رأيك بقى؟ شوفت الموضوع سهل إزاي، بس ياريت إنتَ وقتها تقدر تتحمل عواقب دُعاء المظلوم.
(وَمَا كَانَ رَبُّكَ نَسِيًّا).
❤14👍5🔥4😱3😨1
زَتُّونَةُ القَاضِي
مين قال إن عشان أَخُد حقي لازم أعمل فيك نفس اللي إنتَ عملته فيّا! ما أنا مُمكن أَخُُد حقي منّك من غير ما أقلل من قيمتي ولا حتى أعمل تصرُّفات ثُعبانية تصغّرني في نظر نفسي. مثلًا مُمكن أقول: (حسبي الله ونعم الوكيل) وأستعوض ربنا وأستناه يجيب لي حقي منّّك، إيه…
في حد أعرفه وراني حقيقة شخصٍ ما وقال لي إلحق فُلان بيكذب عليك وبيخدعك وبالبلدي كدا بيشتغلك .. وقتها إبتسمت إبتسامة فيها إحباط وقولت: (كُله عند ربنا) لإن أنا أَمِنت وهو خان، صدقت وهو كذب، وثقت وهو ما كانش أد الثِقة، أخلصت وهو غشني، حبيت وهو إستغل حُبي .. واللي يعمل كُل دا نفسه كفيلة بيه وهي اللي هتغرقه في يوم، ولو على حقي فأنا إستودعته عند الله الذي لا تضيع ودائعه.
❤13🔥5👍1😨1
من 3 سنين بالتحديد كُنت بتناقش مع حد في موضوع وفي أخر الكلام قال لي: "أنا نفسي أبقى فاهم الناس زيك كدا" وقتها خدت حوالي نُص دقيقة ساكت وقولت بيني وبين نفسي: "دا يا بختك إنّك لسه ما فهمتش الناس ولا شوفت حقيقتهُم".
تفوت السنين وأتكلم مع نفس الشخص دا من كام يوم ويقول لي: "إنّه ندمان بعد ما فهم الناس وشاف حقيقتهُم، وإنّه من وقتها مش مرتاح ولا عارف يتعامل مع حد بسبب فهمه وإدراكه لكُل حاجة بتحصل حواليه".
أحيانًا فِهمك الزايد عن اللزوم بيضُرك إنتَ.
تفوت السنين وأتكلم مع نفس الشخص دا من كام يوم ويقول لي: "إنّه ندمان بعد ما فهم الناس وشاف حقيقتهُم، وإنّه من وقتها مش مرتاح ولا عارف يتعامل مع حد بسبب فهمه وإدراكه لكُل حاجة بتحصل حواليه".
أحيانًا فِهمك الزايد عن اللزوم بيضُرك إنتَ.
❤12🔥5👍4💔1