في وقت مُعيّن كدا في حياتك هتحصل لك حالة اكتفاء غريبة؛ هتقفل على نفسك ومش هتسمح لأي حد جديد يدخُل حياتك وهتكتفي بالكام شخص اللي صمدوا وكملو معاك وهتستغنى بيهم عن الدنيا كُلها، وهتلاقي نفسك بطلت تستنّى أي حاجة من حد، وهتهدم سقف توقُعاتك في البشر عمومًا.
مش هقول لك إنها هتبقى أحلى مرحلة في حياتك لكن أنا واثق إنها هتكون أهدى مراحل حياتك.
مش هقول لك إنها هتبقى أحلى مرحلة في حياتك لكن أنا واثق إنها هتكون أهدى مراحل حياتك.
❤13👍8🌚1🆒1💘1
هييجي وقت وهتلاقيني بطلت أبين لك إنّي زعلان من تصرُفاتك ودا مش معناه إن تصرُفاتك ما بتضايقش لأ خالص، بس اللي هو كفاية بقى .. كفاية زعل، كفاية عِتاب، وبعدين ما أنا زعلت كتير وعاتبت كتير، استفدت إيه؟ ولا حاجة.
فخلاص قررت بقى إنّي لا هعاتب ولا هزعل وبما إن وصلت للمرحلة دي فإنت كدا خلاص ما بقيتش تهمني ولا تفرق معايا.
فخلاص قررت بقى إنّي لا هعاتب ولا هزعل وبما إن وصلت للمرحلة دي فإنت كدا خلاص ما بقيتش تهمني ولا تفرق معايا.
💔18🌚1🤗1💘1
لما حد يتهمك بحاجات مش حقيقية وتسمع عن نفسك كلام مش صح ما توضحش؛ عشان هتدخُل خِناقة مالهاش داعي وهتبقى مُجبر تبرر هنا، وتدافع هنا، وهتعمل قيمة لناس ما تسواش 3 قروش، أنا عارف إن هيفرق معاك شكلك وهتصعب عليك نفسك، بس في حاجات كدا لازم تنسحب منها بهدوء وتسيب الأيام هي اللي تدافع عنك وتوريهم حقيقتك، وإحتسب صبرك دا عند ربنا وحقك هتاخده كامل مُكَمَّل.
❤12💔4🌚1🆒1💘1
في ناس ما بتطلعش نفسها غلطانة؛ تكلمهم بالعقل، بالعاطفة، بالدلائل .. مَفيش فايدة، وبيحكوا للناس أد إيه هما اتظلموا وبيتمسكنوا لدرجة إنّك لو سمعتهم هتصدقهم وهتضرب نفسك قلمين على وشك عشان إنتَ إزاي وحش كدا .. الناس دي بتفكرني بقصة سيدنا يوسف لما أخواته ألقوه في البير وقالو لأبوهم إن الذئب أكله وقال إيه زعلانين عليه وبيعيطوا يا حرام.
❤13😐1🤗1🆒1💘1
في فرق بين الاِستغناء والاِستبياع عشان الناس بيختلط عليها الأمر؛ الاِستبياع دا لما أكون شخص ناكر للجميل والعِشرة وماليش عزيز ودي صفات وحشة فعلًا، لكن الاِسغناء دا ذكاء وعايز شخص قوي يقدر يستغنى عن أي حاجة بتأذيه، أي حاجة مَفيش منها رجا، لا مُعافرة نافعة ولا صبر نافع، بالعكس الاستمرار بيزوّد الطين بلّة والوضع بيسوء أكتر، عشان كدا قُدرة الاِستغناء نعمة كبيرة تستحق الحمد، ويا بخت اللي بيعرف يستغنى عن أي حاجة تتعبه وتضغط عليه.
❤15😍1🤗1🆒1
لو بطلت تستنى هترتاح؛ ما تستناش حد ولا تستنى حاجة من حد، خلي عندك اِكتفاء بنفسك وباللي تملكه، لو اِكتفيت بنفسك صدقني مش هتستنى حد ولا هتحس إن يومك ناقص لما يغيب، أكبر غلط مُمكن ترتكبه في حق نفسك إنك تربط سعادتك بوجود الناس أو تربطها بحاجات إنتَ عارف إن من سابع المُستحيلات إنها تحصل، التجارب كُلها أثبتت إن اللي بيخلي مصيره في إيد البشر بيزعل جامد على نفسه، إحنا عايشين وسط ناس مزاجية يوم معاك وعشرة لأ، فلو ربطت سعادتك بوجود حد مُعين عُمرك ما هتبقى سعيد إطلاقًا.
❤🔥13❤1😍1💘1
زَتُّونَةُ القَاضِي
"بعضُ الغيابِ حضورٌ في مشاعرِنا كم يسكنُ القلبَ أقوامٌ وإن غابوا"
❤25🔥15👍9👏8🎉7😁6🥰5😈4🌚1🤗1🆒1
مُجرّد ما أحس إن اللي قُدّامي مقدّرني بدّي له عيني، مش مُهم خالص إنّه يديني نفس القدر اللي بقدمه، لكن يكفيني منّه نظرة شُكر وأشوف في عينه إنّه مقدّر وفاهم أنا بعمل إيه عشانه ودا عندي بالدُنيا وما فيها، والعكس صحيح لما بحس إن مجهودي وطاقتي ما بيتقدّروش واللي قُدّامي دا بيستغل طيبتي وتضحياتي ببهره بقُدرتي على التجاوز والبُعد عنّه في لمح البصر.
❤25👍16👏16🥰12😁12🔥6🎉5🌚1💔1🆒1💘1
زَتُّونَةُ القَاضِي
مُجرّد ما أحس إن اللي قُدّامي مقدّرني بدّي له عيني، مش مُهم خالص إنّه يديني نفس القدر اللي بقدمه، لكن يكفيني منّه نظرة شُكر وأشوف في عينه إنّه مقدّر وفاهم أنا بعمل إيه عشانه ودا عندي بالدُنيا وما فيها، والعكس صحيح لما بحس إن مجهودي وطاقتي ما بيتقدّروش واللي…
في ناس التفكير هو سبب مُعاناتها في الحياة؛ وللأسف ما بيعرفوش يوقّفوا دماغهُم عن التفكير، دايمًا بيفكروا في اللي حصل واللي بيحصل واللي مُمكن يحصل وكُل حاجة كانت سبب في أذيّتهُم .. سواء بقى كانت موقف، شخص، تجربة.
حاجات كتير دماغهُم بتتسحل فيها وما بيقدروش يفصلوا، والموّضوع دا بيبقى غصب عنهُم، حاجة كدا يُطلق عليها (ابتلاء التفكير) فحقيقي ربنا يكون في عون الناس دي.
حاجات كتير دماغهُم بتتسحل فيها وما بيقدروش يفصلوا، والموّضوع دا بيبقى غصب عنهُم، حاجة كدا يُطلق عليها (ابتلاء التفكير) فحقيقي ربنا يكون في عون الناس دي.
❤38👍22👏20🎉20🔥16🥰16😁12🤬1
فجأة كدا وبدون أي مُقدمات هتلاقي نفسك بتختار راحتك وبتدوَّر عليها، وهتبدأ تلقائيًا تقلل معارفك وتضيَّق دايرة صُحابك وهتكتفي باِتنين تلاتة بالكتير وهيبقو ماليين عليك حياتك.
ومش هتسعى لتصحيح ظنون الناس فيك، ولا هتدخُل نقاشات مالهاش لازمة، سلامك النفسي وراحتك هيبقو رقم واحد عندك ومش هتسمح لأي حد مهما كان إنّه يسحلك معاه في حوارات وكلام مالوش لازمة، وهتقفل الباب في وش أي حد وأي حاجة هتوجع دماغك.
والحقيقة إن دي هتبقى أعظم مراحل حياتك.
ومش هتسعى لتصحيح ظنون الناس فيك، ولا هتدخُل نقاشات مالهاش لازمة، سلامك النفسي وراحتك هيبقو رقم واحد عندك ومش هتسمح لأي حد مهما كان إنّه يسحلك معاه في حوارات وكلام مالوش لازمة، وهتقفل الباب في وش أي حد وأي حاجة هتوجع دماغك.
والحقيقة إن دي هتبقى أعظم مراحل حياتك.
❤28👍15👏10🎉10🔥7🥰6😁6🍓1
زَتُّونَةُ القَاضِي
فجأة كدا وبدون أي مُقدمات هتلاقي نفسك بتختار راحتك وبتدوَّر عليها، وهتبدأ تلقائيًا تقلل معارفك وتضيَّق دايرة صُحابك وهتكتفي باِتنين تلاتة بالكتير وهيبقو ماليين عليك حياتك. ومش هتسعى لتصحيح ظنون الناس فيك، ولا هتدخُل نقاشات مالهاش لازمة، سلامك النفسي وراحتك…
مُشكلتي في العِلاقات عامةً إن نفسي عزيزة عليّا، ما بعرفش أحشُر نفسي في خروجة، ولا أطلُب من حد حاجة، أنا شخص بيحب يحس بقيمته، يعني عايز دايمًا ضمانات وبراهين تثبت إنّي مُهم عندك وإن مرغوب فيا بشكل كبير، بخاف جدًا من فِكرة إنّي أكون تقيل على اللي قُدّامي، عشان كدا مش هتلاقيني مرتاح بشكل كافي في التعامُل غير مع الأشخاص اللي دايمًا بتحسسني إنّهُم عايزين وجودي زي ما أنا عايز وجودهم وأكتر.
❤39👍19🥰17👏13🎉11🔥10😁9
Please open Telegram to view this post
VIEW IN TELEGRAM
🔥28❤13👏6👍5🥰3🎉3
ما تحسدش حد على نُضجه ولا على هدوئه وسلامه النفسي، صدقني إنتَ ما تعرفش اللي قُدامك دا وصل للمرحلة دي إزاي، إحنا ما بنصحاش ناضجين، دا بيبقى مشوار طويل لدرجة إنه مُمكن يتحكي في سنين، وعشان نوصل للنضج والثبات اللي إنتَ شايفه دا فإحنا دفعنا التمن من روحنا، اتصدمنا في أقرب الناس لينا، واتخذلنا على إيد أكتر ناس وثقنا فيهُم وحبيناهُم فالمشوار كان صعب والشيلة كانت تقيلة.
مَفيش شخص ناضح إلا ولازم يكون عاش ماضي أليم.
مَفيش شخص ناضح إلا ولازم يكون عاش ماضي أليم.
❤15🔥6👍3
زَتُّونَةُ القَاضِي
ما تحسدش حد على نُضجه ولا على هدوئه وسلامه النفسي، صدقني إنتَ ما تعرفش اللي قُدامك دا وصل للمرحلة دي إزاي، إحنا ما بنصحاش ناضجين، دا بيبقى مشوار طويل لدرجة إنه مُمكن يتحكي في سنين، وعشان نوصل للنضج والثبات اللي إنتَ شايفه دا فإحنا دفعنا التمن من روحنا، اتصدمنا…
يؤسفني أقول إننا في زمن مَحدش فيه بيقدر تضحياتك وكُل مرة هتيجي على نفسك عشان خاطر حد هيفهم إن دا الطبيعي وحقه أو هيفسرها ضعف منك، لكن نادرًا لو حد فهم تضحياتك على إنها حُب وجدعنة وإنّك شخص ابن أُصول، عشان كدا أنا ضد العطاء بدون حساب لإنّه بييجي على دماغ صاحبه في الأخر، ودا كان سبب أساسي في قراري بإنّي مش هقرب من حد خطوة قبل ما هو يقرب لي خطوات، ومش هسعى لإرضاء حد غير لما أحس إنه هو كمان عايز يرضيني.
ويا أتعامل بالشكل اللي يليق بيا يا بلاها التعامل معاكم خالص، حتى لو هعيش باقي عُمري كُله لوحدي ما عنديش أي مشكلة.
ويا أتعامل بالشكل اللي يليق بيا يا بلاها التعامل معاكم خالص، حتى لو هعيش باقي عُمري كُله لوحدي ما عنديش أي مشكلة.
❤25🔥6👍4
مكانتك عند اللي قُدّامك بتبان وقت الزعل وفي لحظات الخِلاف، دي اللحظة اللي بتكتشف فيها معادن الناس وبتفرزها، الحنيّن بيبان، قليل الأصل بيبان، الحاقد بيبان، وكُل الأقنعة بتُقع وتظهر الحقيقة المدفونة في نفوس الناس وقلوبها، وعلى الرغم من إن مَفيش حد بيحب لحظات الخِلاف لكن أنا بحبها ومُمتن لكل خِلاف وراني حقيقة اللي قُدّامي ولكُل موقف عرّى المُنافقين اللي في حياتي.
شُكرًا للخِلافات والأزمات عشان دايمًا بتصحح مساري ورؤيتي وبتوريني الصورة الكاملة والحقيقية للناس.
شُكرًا للخِلافات والأزمات عشان دايمًا بتصحح مساري ورؤيتي وبتوريني الصورة الكاملة والحقيقية للناس.
👍9❤2
المواقف اللي الواحد بتصعب عليه نفسه فيها ما بتتنسيش؛ ومهما حاول الموّضوع بيبقى صعب شوية ومش بإيده، مُمكن يفتكر إنّه خلاص تجاوز الموقف ونسي وفجأة يبقى قاعد في أمان الله وتعدي عليه ذكرى ترجعه تاني لنُقطة الصفر، والتفسير المنطقي للموضوع دا، إن القلوب ما بتقدرش تنسى الوجع، الواحد مننا لما بيحب ما بيديش خوانة فعشان كدا أي ذرة خذلان بتعلّم فينا، بتوجعنا، بتفضل ملازمانا سنين وسنين، وعامةً الإنسان بطبعه عاطفي ومش من السهل إنّه ينسى أي لحظة انكسار أو لحظة صعبت عليه نفسه فيها.
❤15👍8🔥1🥰1
زَتُّونَةُ القَاضِي
المواقف اللي الواحد بتصعب عليه نفسه فيها ما بتتنسيش؛ ومهما حاول الموّضوع بيبقى صعب شوية ومش بإيده، مُمكن يفتكر إنّه خلاص تجاوز الموقف ونسي وفجأة يبقى قاعد في أمان الله وتعدي عليه ذكرى ترجعه تاني لنُقطة الصفر، والتفسير المنطقي للموضوع دا، إن القلوب ما بتقدرش…
لما بنفارق شخص عزيز علينا ونخسر حاجة مُهمة في حياتنا أو لما نفشل في تحقيق حلمنا بنلاقي أغلب الناس بتقولنا: (ما تشغلش بالك الدُنيا مش هَتُقف وكدا كدا الحياة هتمشي).
أنا مُتفهم جدًا إن الحياة هتمشي بس هل هتمشي بشكل طبيعي؟ ما أعتقدش.
وقتها الحياة بتبقى تقيلة علينا وبتمشي بالزق، بتمشي عشان هي لازم تمشي مش عشان إحنا عايزينها تمشي، أغلب الصدمات بنطلع منها عندنا لا مُبالاة وخيبة أمل مخليانا مش حاسْين بلذة أي حاجة، فمش معنى إن الحياة ماشية وإننا بنتنفْس نبقى عايشين.
في جُملة صريحة بتقول: (ما فائدة الجسد لو عاش بلا روح).
أنا مُتفهم جدًا إن الحياة هتمشي بس هل هتمشي بشكل طبيعي؟ ما أعتقدش.
وقتها الحياة بتبقى تقيلة علينا وبتمشي بالزق، بتمشي عشان هي لازم تمشي مش عشان إحنا عايزينها تمشي، أغلب الصدمات بنطلع منها عندنا لا مُبالاة وخيبة أمل مخليانا مش حاسْين بلذة أي حاجة، فمش معنى إن الحياة ماشية وإننا بنتنفْس نبقى عايشين.
في جُملة صريحة بتقول: (ما فائدة الجسد لو عاش بلا روح).
❤19👍8🔥2
الحنيَّة لو ما حصلتش في وقتها المُناسب بتفقد قيمتها، أصلًا الإنسان ما بيحتاجش للحنية غير في وقت الضعف ووقت الانكسار فإنت لو ما كُنتش حنيّن على الشخص اللي معاك في الوقت دا يبقى خلاص كدا فات الأوان، وبعدين هو ينفع شخص يُصاب برُصاصة فتقول هسيبه يهدى وبعدين أعالجه؟ ما أكيد هيموت.
مشاعر الإنسان كدا برضو لو ما عالجتهاش في وقتها وكُنت حنيّن على الشخص اللي معاك وقت ضعفه.. مشاعره هتموت ناحيتك ومُستحيل تقدر تحيي مشاعر شخص أدرك إن مالوش قيمة عندك وحس إنّك تجاهلت لحظات ضعفه وسبته لوحده .. وقتها كدا شُكرًا عُمره ما هيحتاجك تاني.
مشاعر الإنسان كدا برضو لو ما عالجتهاش في وقتها وكُنت حنيّن على الشخص اللي معاك وقت ضعفه.. مشاعره هتموت ناحيتك ومُستحيل تقدر تحيي مشاعر شخص أدرك إن مالوش قيمة عندك وحس إنّك تجاهلت لحظات ضعفه وسبته لوحده .. وقتها كدا شُكرًا عُمره ما هيحتاجك تاني.
👍15❤8🔥1
خلّي عندك يقين إن ربنا لو اِبتلاك بأمرٍ ما فسُبحانه بيدّي لك مع الاِبتلاء القُدرة اللي تخليك تصبر وتتحمل وتتجاوز ابتلائك بسلام، كُل شيلة من الرب للعبد بتبقى على مقاسه بالظبط، بتبقى على أد إيمانه وصبره، ربنا مُستحيل يحملك أكتر من طاقتك، الموّضوع بيبقى اِختبار لإيمانك واللي إيمانه قوي هو اللي هيعدّي ويقوم يُقف على رجليه من تاني.
الدُنيا دي دار اِبتلاء واللي ربنا بيحبّه هيحُطه في محطات صعبة عشان يوريه حقيقة كُل حاجة حواليه، ربنا بينورنا بطريقته، بيقوينا بإختباراته.. عشان كدا اِصبُر وقول يا رب وهتعدّي من أزمتك زي ما عديت من ألف أزمة قبلها بفضل الرحيم بعباده.
الدُنيا دي دار اِبتلاء واللي ربنا بيحبّه هيحُطه في محطات صعبة عشان يوريه حقيقة كُل حاجة حواليه، ربنا بينورنا بطريقته، بيقوينا بإختباراته.. عشان كدا اِصبُر وقول يا رب وهتعدّي من أزمتك زي ما عديت من ألف أزمة قبلها بفضل الرحيم بعباده.
❤16👍4🔥1