#የእግዜር #በግ

አቤል በግ አወጣ
ቃየን ስንዴ አመጣ
ፈጣሪም መረጠ ~ ፈጣሪም ወደደ
የቃየንን ትቶ ~ የአቤልን ወሰደ
ቀናቶች ~ ከነፉ
ዘመናት ~ አለፉ
ሌላ ትውልድ መጣ ~ አብርሃም ተገኘ
ልጁን ለመሰዋት ~ ከልቡ ተመኘ
• • •
ጨለማን ከብርሀን ~ ሁን ብሎ የለየ
በአብርሀም እምነት ውስጥ ~ ይስሀቅን ስላየ
ታዛዡን ሊታደግ ~ አዳኝ እጁን ሰድዶ
ለወደደው ሰጠ ~ ከወደደው ወስዶ
===||===

@getem
@getem
@getem

ከሙሉቀን ሰ•

ህልሜን አደራ!
(በውቀቱ ስዩም)
.
ባይመረመሬ ፥ ጥበብ ተሽከርክሮ
ከወርቃማ ብርሃን ፥ ከብርማ ፀዳል
የተሰራ ሸማ ፥ ማግኘት ብችል ኖሮ
ከውብ እግሮችሽ ስር ፥ እዘረጋው ነበር
ግና ምንም የለኝ ፥ ከህልሞቼ በቀር፤
:
የኔ ውድ እንግዲህ
ህልሜን እግሮችሽ ስር ፥ ከዘረጋሁ ወዲህ
ዝግ ብለሽ እርገጪ ፥ ዝግ ብለሽ ሂጂ
ህልሜ ላይ ነውና ፥ የምትራመጂ።
。。。 የማለዳ ድባብ©

@getem
@getem
@getem

ሌላ እንዴት ያፍቅርሽ

ፈጣሪ ውብ አርጎ ከነ ደም ግባትሽ፤
ከዝምታሽ እኩል እንዲናፈቅ ድምጽሽ፤
በፍቅር ህገ ደምብ ስንቱን ሀገር ገዛሽ።

ባንቺ ህግና ደምብ ባንቺ ንግስና ስር፣
ከጥንት ዠምሬ እተዳደር ነበር።

ያፈቀረ ይሙት ፣
ፍቅሩን ሀብል ሰርቶ አንጠልጥሎ ይገትት፣
የሚል ህግ እንዳለሽ ለምን ሳይካተት፣

ከደምቦችሽ መህል ደምብ ቁጥር ሰጥተሽ፣
አንቀፅ አብጅተሽ፣
አስገቢው በናትሽ፣
እኔ ላንቺ ሞቼ ሌላ እንዴት የፍቅርሽ።

ተጻፈ በአንዋር የሱፍ

@getem
@getem
@paappii

#ቆዳ እና #ሸራ ላይ የወደዱትን ፎቶ ለማሳል
በ +251984740577
ወይም @gebriel_19 ላይ ፎቶ በመላክ ማዘዝ ይችላሉ ።

🎨ለ ልደት
🎨ለፍቅረኛ
🎨ለ ሰርግ እና
🎨የቤተሰብ ፎቶግራፍ ማሳል ለምትፈልጉ ሁሉ

Join @seiloch

የሀና ሀይሉ ግጥም
- #ደረስንልሽ_ሀገሬ
አንቺን ማቃጠሉ ስለሚቀል እንጂ
ጭስ በጭስ የሆነው
እሳቱን ለማጥፋት ስላንቺ ሚማገድ
ከአመዱ መሀል ብዙ ሰው ነው ያለው
@getem
@getem
@hanahailu

አተላው ይደፋ !
ዶ/ር በድሉ ዋቅጅራ

የዘረኝነት ጉሽ ፣
. . . . . . ያሰከረው ትውልድ ፤
አንጎሉ እንደዞረ ፤
አንጀቱ እንዳረረ ፤
. . . . . . ቀኑን ከሚገፋ ፤
ጋኑን አለቅልቆ ፣ አተላውን ይድፋ ፡፡


@getem
@getem

የሐውልት ላይ ፁሁፍ

"ፀሀፊው በምን አረፈ?"
ተብላችሁ ብትጠየቁ
ኑሮውን ስትዘክሩ፣
እንዲህ ብላችሁ መስክሩ
ፀሀፊው ነብይ ነበረ
ብዕሩ ቀለም ተሞልታ
ልቦናው በሀሳብ ታጭቆ
እንዲፅፍ የተፈጠረ
አንጋሹ ቀቢው በርክቶ
ከፍ ከፍ አድራጊው በዝቶ
በእብሪት እንደታበተ
ጥቂት መስመር እንደጫረ
በሆነ መድረክ እግርጌ
ጭብጨባ ጨፍልቆት ሞተ።

ገጣሚ:- ቴድሮስ ፀጋየ

@getem
@getem

This is huletegna events and promotion. we are a team of people who love to sing. Also you can showoff your talents by performing on our upcoming acoustic night. 2thegna is the place to be.

Venue: velvet lounge, bole Tk building rooftop

Telegram: @huletgna
Instagram: @hulegna
Join and share.

Call 0900651327 if you want to perform or save a seat.
for more
@MsChanandlerBond

ቋንጣ
(መተሰቢያነቱ: ለክቡር ዶ/ር አርቲስት ለማ ጉያ)

የዝልዝሉ ጠረን
የሞላው ገመዱን
ጉምዥት ጉምዥት-ዥት
ምራቅ ዋጥ-ዋጥ
አወይ አፍ ሲያቋምጥ
* * *
አሳድዶ ተሩጦ
ላብን ሁላ አሟጦ
ለእመት ታዳኝ አይጥ
ሆድ ላትይዝ ከማደፍጥ
ከአልጋው ሆኜ ላንጋጥ
ምኞቴ ላይ ላፍጥጥ
* * *
ዝላዩ ይቀለኛል
ጮጮው ማማ ሆኖ
ያንጠላጥለኛል
ውስጡ ወተት ቢፈልቅ
ምንስ ይገደኛል
ከቋንጣ አምሮቴ
መች ይበልጥብኛል
* * *
ይሄ ባይሆንልኝ
የያዝኩት ባይበቃኝ
ድሩ አስቀድሞ
አስሮ የማረካትን
ትንኝ እበላለሁ
ነፍሳት እልሳለሁ
እንጂ ...
አድኜ አላድርም
በየ ጉራንጉሩ
ሳጥን ጥግ አልጋ ስር
ፈልጌ አላገኝም
አልርመጠመጥም

#መአዛ ጥበቡ🌓

@getem
@getem
@getem

ለመላው የእስልምና እምነት ተከታዮች እንኳን ለ1495ኛው የነብዩ መሐመድ የልደት በዓል አደረሳችሁ!

Mawlid Al Nabil Al Sharif
@seiloch
@getem
@wegoch

.......... መሪና ተመሪ

በጉደኞች ....ቀዬ
በጉደኞች...ሀገር

ምራኝ ...ምራኝ ብሎ
በወጉ ...በልኩ ፥ እጁን ያልሰጠ ሰው
ገደል የገባ እንደው...
አውቆ ጣለኝ ብሎ ...መሪን ነው ሚወቅሰው

እንዲሁ ባለ ዘንግ ...መንገድ አመላካች
እርምጃ ባይለካ
ከፍታ ባይመጥን ... ላመነው ተመልካች
እያደናበረ
ገጣቢ አስገጣቢ ፥ ይሆናል አስፈንካች ።

✍ አብርሀም_ተክሉ

@Abrham_teklu
@getem
@getem

#ለመንጋት - ተሞኘ
፧
ያደፈውን ፡ገላ ፡ውሀ ሆኖ ፡ ፍቅሬ ልብሽን
ሲያጠራ
የጨለመው ገፅሽ -በተአምሮች በራ
ዳሩ ምን ያደርጋል....
መምጣትን ፡ ሲያዜሙ፡ መቅረትን ፡ተቀኘ
ያጠራውን ፡ ትቶ ፡ አድፊውን ፡ ተመኘ
ለመጥፋት ፡ ብልጥ ሆኖ ፡ለመንጋት
ተሞኘ።

----//----
ገጣሚ፦ ካ ሊ ድ ፡ አ ቅ ሉ

@getem
@getem
@paappii

ለምሽታችን ምርጥ አዲስ ፕራንክ....ከ ቴዶ 🙊😉
https://m.youtube.com/watch?v=T29d6KO45A4&t=1s

ስቀሽ … አበረድሽኝ
…
ከጥም ቆራጭ ምንጭሽ ፥ ልጠጣ ጎምጅቼ
ላታልልሽ ዝቼ
ጢሜን ተላጭቼ
ጫማዬን አጥድቼ
በሚያሽበለብል ቃል ፥ ምላሴን ገርቼ
ለበአሌ ላርድሽ ፥ ቢላዋየን ስዬ
ሁዳዴን የጦመ ፥ መልካም ሰው መስዬ
እንደ አታላይ ተኩላ
ሊነጥቅ ሊበላ
ለምድ እንደለበሰ ፥ በበጎች መካከል
ሳር መጋጥ ጀምሮ ፥ መንጋውን ለመምሰል
በዚያው እንደቀረ ፥ ከሰርዶ ተዋዶ
ጨዋታ ወግሽን ፥ ዠሮየ ተላምዶ
ፍቅር አልብሰሽኝ
ውሀ ልሰርቅሽ ስል ፥ እርጎ አበድረሽኝ
ነድጄ መጥቼ ፥ ስቀሽ አበረድሽኝ
…
( ናትናኤል ጌቱ )
@getem
@getem

አንቺን ለመርሳት
"""""""""""""""""""
ጥለሽኝ ከጠፋሽ
ከጠላሽኝ ኃላ ምን ያልሆንኩት አለ፤
ብዙ የለመደ
መከረኛ ልቤ ሰርክ አንቺን እያለ፤
ከንፍስያዬ ጥግ
ስቃይና ህመም እየጎነቆለ፤
ከእሸት እምነቴ
ረመጥ እሳትን እየፈለፈለ፤
እንቺ ከሄድሽ ኃላ ምን ያልሆነው አለ?

አንቺ ከሄድሽ ኃላ
ጥለሽኝ ከጠፋሽ ጊዜው ከነጎደ፤
መከረኛ ልቤ
እረሳሽ እያለ ብዙ ተላመደ፤
ሴቶችን ለመደ፥
ሲጋራን ወደደ፥
መጠጥን እያለ
ባሰኘሽው ሰዓት
ለትኩስ ስሜቱ ከጊዜ አረፈደ!

ግና አንቺ የለሽም
ሴቶቹን ብቀርብም እንዳንቺም አላገኝ፤
አልባብ እንሸት ብለው
ከደረት የነፉት ሽቶ ሰነፈጠኝ!
ኩላቸው አይደምቅም
ሊፒስቲክ ቢቀቡ ካንቺ በልጦ የነሱ፤
ጭራሽ ያስጠላሉ
አውሬ ያስንቃሉ መስለው ደም የላሱ፤
ያላንቺ ማን ሊገኝ ምድርን ቢያስሱ..

(ይገርምሻል ውዴ)
አሁን በቀደም ለት
ያስረሳኝ ይመስል እያጨስኩ ሲጋራ፤
አፌ በለሆሳስ
ስላንቺ ውዳሴ ከራሱ እያወራ!
ቁልቁል እየሄድኩኝ
ጭሱን ስተነፍስ የማጉ'ት ትምባሆ፤
ከሰተሽ ከፊቴ በጭስ አንቺን ስሎ!
ስትፍለቀለቂ፥
ስትፈነድቂ፥
ከኔ ስትቦርቂ!
ጣልኳት ሲጋራዬን በእግሬም እረገጥኳት፤
መች በሱስ አጥምዳኝ ያጨስኩት ለመርሳት!

(ይገርምሻል ውዴ)
አሁን በቀደም ለት
ዘው ብዬ ገባሁ ከገዳም ነሽ ጠላ፤
አንቅሬ ልተፋሽ
መለኪያ ጨብጬ ልጋት ካቲካላ!
መቼም እሳት አይደል
አረቄ አወጣጧ ሙያ የገዳምነሽ፤
ከራሴ እርቄ
በሁለት መለኪያ ከወኔዬ ስሸሽ!
ልቤን እየሞቃት
ነፍሴን እየሳትኩኝ አይኔ እየሰከረ
የአንድ ያንቺ ሲገርመኝ
ሁለት አንቺን አርጎ ያሳየኝ ጀመረ!
ወጣሁ ስደናበር
ብዙ ብትሆኚብኝ ከግድግዳው ሳፈጥ፤
የፍቅር አኩኩሉ
ካንቺ ተደብቆ ወዴትስ ሊመለጥ?

መች ሊያስጥለኝ ውዴ
ድካም እንጂ ትርፉ ለሌላ መ.ጋ.በ.ዝ፤
ፍቅር ከገነነ
መች ይስጥላል ሌላ? መች ያስጥላል ግዑዝ?

አብርሃም ፍቅሬ
(የቅዳስ ልጅ)

@getem
@getem
@paappii

#የጎዳናው ስዕል!
።።።
ምን ናፈቀህ አትበይ ...ያልናፈቀኝ የታል ?
ቀን በገፋ ቁጥር ፍቅር ከሰው ሸሽቷል
አሁን እንደ ድሮው እኔን መንገድ አይቶ
ናፈከኝ አይለኝም ከጉያው ውስጥ ከቶ።
ትናንት የነበረው የገጠሬው ልማድ
በከተሜው ልምሻ በፅኑው ታሞብን
ለእንግድነት ብንሄድ ፍቅር ጎደለብን
ጎደለ !
ጎደለ !
እንዲያ እንደ ቀድሞ እግር የሚያጥብ የለ ...
እሸቱን ፈልፍሎ የሚያጎርሰን የለ ...
ክፋት ተዚህ አልፎ ምስኪኖች ደጅ ዋለ ።
እቴ ምን አለፋሽ !
ሁሉ ወዝ አልባ ነው ያልሞላ ጎዶሎ
መንፈሱ ሲታመም ደጁ ተጠልሎ
ሰው ለፈጣሪው እንዳይወድቅ
ከእግሩ አሸብርኮ.. .
ግቢው በግፈኞች ተገዝቷል በምርኮ።
እዚህም እዛም ያለው የሚሰማው ጩኸት
እዚም እዛም ያለው የሚታየው ስዕል የጎዳናው እውነት
በማር ተለውሶ እንደሚቀርብ ሬት
በገንፎ ውስጥ ያለ የእሾህ ተምሳሌት
እዚም እዛም ያለው የተንኮል መራቀቅ
ለጆሮ እንኳ ከብዶ አቤት እንደሰሚሰቅ..
እቴ ምን አለፋሽ?!
የቤተ መቅደስን ደጃፍ የሚከቡ
ለአይን ተሽሞንሙነው እጅግ የተዋቡ
ከነዛ አፀዶች በላይ ዳስ ከልለው
ተመስገን የሚሉት መዝሙራት አፍልቀው
ወፎች ወዴት ጠፉ ?
አባቶች ፀጋ አተው ...
ለምን በኛ ከፉ ?
ምን ያለው ዘመን ነው ?
የዘመን ቅራሪ ፈጣሪን ማበያ
አሁን ያለንበት ...
የፈጣሪ ቤት ነው ወይስ ነው ገበያ?
እዚም እዛም ያለው የሚሰማው ጩኸት
ንዋይ ማግበስበስ ነው እግዜር የሌለበት
እሺ ወዴት እንጩህ?
ወዴት እንሸሸግ?
ሁሉ አልባ ነው ክብር ሁሉ አልባ ነው ማረግ።
ታመምን ታመምን
ለፍቅር ጎደልን ...
ለህብረት ሰነፍን...
ከአዳምነት ወርደን ለዘር ተፋለምን
ለክህደት ተድረን ትዳርን ወሸምን
ሁሉ ወዝ አልባ ነው ያልሞላ ጎዶሎ
ፍቅር ሀገር ለቋል ጓዙን አንጠልጥሎ
አሁን እዚህ ያለው የሚሰማው ጩኸት
ከአንገት በላይ ያለው ያስመሳዮች ስብከት
ለጉድ ተዥጎድጉዶ በቃላት ቢወርድም
ለጆሮ ነው እንጂ ከልብ ውስጥ አይያድርም
እቴ ምን አለፋሽ ?
ጓደኝነት ሞቷል.. . ትዳር ተቀዛቅዟል
ስጋ ያቀዳጀው ... ዝምድናም ተሽሯል
ዓለሙ ብልጥ ነው የነዋይ ናፋቂ
ጎዳናው ሸንጋይ ነው ሳይደሰት ሳቂ
ሁሉም አስመሳይ ነው
የጥርስ ፈገግተኛ ከአንጀት አታላይ
የቃላት አርበኛ ... ያነጋገር ሸንጋይ
ምን ናፈቀህ አትበይ ያልናፈቀኝ የታል ?
በሰው ተከብቤ ዓይኔ ሰው ተርቧል።
...
(ሚካኤል አስጨናቂ)

@getem
@getem
@paappii

🧶🧵High quality Hand made #baby_pinafore and #baby_headband with multiple color options at fair price. DM @lidu_u (0910504844).
.
Join @yamcrochet