ក្រសួងឧស្សាកម្មវិទ្យាសាស្ត្រ បច្ចេកវិទ្យា និងនវានុវត្តន៍ (ឧ.វ.ប.ន.) ក្នុងក្របខណ្ឌគណៈកម្មាធិការសម្រាប់កិច្ចសហប្រតិបត្តិការអាស៊ាន (COSTI) មានកិត្តិយសបានដឹកនាំគម្រោងក្នុងក្របខណ្ឌអាស៊ានជាមួយ COSTI ឥណ្ឌូនេស៊ីក្រោមប្រធានបទ «ASEAN Technology Management Hub»។ គម្រោងនេះជាអាទិភាពមួយរបស់អាស៊ានសម្រាប់ជំរុញការផ្ទេរបច្ចេកវិទ្យាក្នុងវិស័យវិទ្យាសាស្ត្រ បច្ចេកវិទ្យា និងនវានុវត្តន៍។ សិក្ខាសាលាលើកទី៣សម្រាប់គម្រោងនេះ ជាវឌ្ឍនភាពមួយ ដែលក្រុមការងារ COSTI កម្ពុជាសម្រេចបានជាលទ្ធផលដើម្បីរាយការណ៍ និងទទួលធាតុចូលបន្ថែមទៀតពីអ្នកជំនាញដែលមកពីប្រទេសអាស៊ានទាំងដប់ និងសហគមអឺរ៉ុប។ កិច្ចប្រជុំនេះប្រព្រឹត្តទៅចាប់ពីថ្ងៃទី២២ ដល់២៣ ខែវិច្ឆិកា ឆ្នាំ២០២៣ នៅរាជធានីភ្នំពេញក្រោមវត្តមានដ៏ខ្ពង់ខ្ពស់របស់ឯកឧត្តម ហែម វណ្ណឌី រដ្ឋមន្ត្រីក្រសួង ឧ.វ.ប.ន. , ឯកអគ្គរដ្ឋទូតអឺរ៉ុបប្រចាំកម្ពុជា, ប្រធានCOSTIកម្ពុជា, ប្រធានCOSTI ឥណ្ឌូនេស៊ី(អនុរដ្ឋមន្ត្រីរបស់ឥណ្ឌូនេស៊ីទទួលបន្ទុក វ.ប.ន.), លេខាធិការដ្ឋានអាស៊ាន, តំណាងភ្នាក់ងារ E-READI របស់សហគមអឺរ៉ុប និង គណៈប្រតិភូរបស់ប្រទេសសមាជិកអាស៊ាន។ គួររំលឹកផងដែរថា៖ គម្រោងក្រោមការគាំទ្ររបស់ E-READI នេះមានគោលគោលដៅរៀបចំថ្នាលតាមប្រព័ន្ធអនឡាញដែលមានលក្ខណៈគ្រប់ជ្រុងជ្រោយមួយដើម្បីភ្ជាប់ការស្រាវជ្រាវក្នុងគោលដៅធុរកិច្ចរបស់សាកវិទ្យាល័យស្រាវជ្រាវ ជាមួយនឹងវិស័យឯកជនដែលនាំមុខដោយនវានុវត្តន៍។ #រួមគ្នាដើម្បីអាស៊ាន ជាស្មារតីដែលប្រទេសទាំងដប់របស់អាស៊ានប្រកាន់យក។
STI News: 👉 JOIN

សមាគមបច្ចេកវិទ្យាឧស្សាហកម្មកូរ៉េ (KOITA) បានដឹកនាំគណៈប្រតិភូធុរិកិច្ចកូរ៉េមួយក្រុម ដើម្បីស្វែងរកឱកាសវិនិយោគនៅកម្ពុជា។ ក្នុងជំនួបជាមួយគណៈប្រតិភូ នៅថ្ងៃទី២៣ ខែវិច្ឆិកា ឆ្នាំ២០២៣ ឯកឧត្តម ហែម វណ្ណឌី បានអញ្ជើញសមាជិករបស់សមាគមនេះ ឱ្យវិនិយោគលើវិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា។

Korea Industrial Technology Association (KOITA) is leading a delegation to seek investment opportunities in Cambodia. During a meeting with the delegation on November 23, 2023, Minister HEM Vanndy invited KOITA members to invest in Cambodia's Science, Technology, and Innovation (STI) sector.

Read full story at: https://shorturl.at/fiowU

=============
គេហទំព័រ: https://misti.gov.kh/
តេលេក្រាមៈ https://t.me/infomisti