សិក្ខាសាលាវគ្គបញ្ញាសិប្បនិម្មិត (AI) ស្ដីពី កម្មវិធី ChatGPT នៅកំរិតអប់រំឧត្តមសិក្សា «ហាម ឬក៏មិនហាមឃាត់ នោះគឺនៅជាសំណួរនូវឡើយ» នឹងប្រព្រឹត្តទៅនៅថ្ងៃទី ២៧ ខែមេសា ឆ្នាំ២០២៣ ចាប់ពីម៉ោង ០១:០០ នាទី រហូតដល់ម៉ោង០៥:៣០ នាទី រសៀល នៅសាកលវិទ្យាល័យខេមតិចជាន់ទី៦។
សិស្សានុសិស្ស និសិត្ស អ្នកស្រាវជ្រាវគោលនយោបាយ និងអ្នកបង្កើតគោលនយោបាយត្រូវបានស្វាគមន៍ក្នុងការចូលរួមសិក្ខាសាលាវគ្គបញ្ញាសិប្បនិម្មិត (AI)នេះដោយឥតគិតថ្លៃ ប៉ុន្តែតម្រូវឲ្យមានការចុះឈ្មោះតាមរយៈតំណរដែលមានភ្ជាប់ជូនដូចខាងក្រោម៖
Registration: https://shorturl.at/aik68
STI News: 👉 JOIN

សេចក្ដីប្រកាសព័ត៌មានស្ដីពីពិធីប្រកាសដាក់ឱ្យប្រើប្រាស់ជាផ្លូវការនូវឯកសារ «ការរៀបចំផែនទីបង្ហាញពីការស្រាវជ្រាវ និងនវានុវត្តន៍ ក្នុងព្រះរាជាណាចក្រកម្ពុជា» របស់គម្រោងហ្គោស្ពីន ក្រោមអធិបតីភាព ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧ.វ.ប.ន. ដោយមានការចូលរូមពីសមាសភាពគណៈកម្មធិការជាតិដឹកនាំគម្រោង គណៈកម្មាធិការជាតិទទួលបន្ទុកអនុវត្តគម្រោង និងលេខាធិការដ្ឋានរបស់គម្រោង «ហ្គោស្ពីន» និងបណ្ដាក្រសួង-ស្ថាប័នពាក់ព័ន្ធនានានៅក្នុងវិស័យវិទ្យាសាស្ត្រ បច្ចេកវិទ្យា និងនវានុវត្តន៍ (វ.ប.ន.) នៅរាជធានីភ្នំពេញ កាលពីថ្ងៃទី ២៤ មេសា ២០២៣ ។
STI News: JOIN

យុវតី កៅ ម៉េងហ័ង ជាម្ចាស់ជ័យលាភីក្នុងការប្រកួតប្រជែងផ្នែកបច្ចេកវិទ្យាជាច្រើន ជំរុញឱ្យយុវជនជាពិសេសស្រ្តីចាប់ផ្ដើមបង្កើនចំណេះដឹងផ្នែកបច្ចេកវិទ្យា និងប្រើប្រាស់ប្រព័ន្ធបចេ្ចកវិទ្យាដើម្បីជួយដោះស្រាយបញ្ហាដែលសហគមន៍របស់ពួកគេកំពុងប្រឈម។
ម៉េងហ័ង បានរៀបរាប់ថា «ខ្ញុំពិតជាស្រលាញ់បច្ចេកវិទ្យាខ្លាំងណាស់ ដោយសារវាតែងតែធ្វើបច្ចុប្បន្នភាព ការវិវត្តថ្មី និងច្នៃប្រឌិតរហូត ហើយវាភាគច្រើនត្រូវការជំនាញគណិតវិទ្យា និង បច្ចេកវិទ្យាព័ត៌មាននិង គមនាគមន៍ (ICT) ដែលខ្ញុំអាចយកមកអនុវត្តជាក់ស្ដែងបាន។»
ការពង្រឹង និងជំរុញឱ្យយុវជនចាប់ផ្ដើមបង្កើនចំណេះដឹងផ្នែកបច្ចេកវិទ្យា ឬSTEM គឺជាផ្នែកមួយនៃ ផែនទីបង្ហាញផ្លូវបច្ចេកវិទ្យាលើវិស័យ អប់រំ។ ឯកសារនេះ ត្រូវប្រើប្រាស់ជាទិសដៅ យុទ្ធសាស្ត្រក្នុងការអនុវត្តគោលនយោបាយវិទ្យាសាស្រ្ត បច្ចេកវិទ្យា និងនវានុវត្តន៍ក្នុងប្រទេស ហើយត្រូវបានរៀបចំចងក្រងឡើងដោយអគ្គនាយកដ្ឋាន វិទ្យាសាស្ត្រ បច្ចេកវិទ្យា និងនវានុវត្តន៍ (វ.ប.ន.) នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។
សូមអានអត្ថបទរបស់យុវតី កៅ ម៉េងហ័ង តាមរយៈតំណភ្ជាប់នេះ https://bit.ly/3LQyAuR
STI News: 👉 JOIN

អបអរសាទរសិស្សវិទ្យាល័យពីរូប (គី រ៉ាស៊ី និងណៃ ឆាយហ្វុង) និងលោកគ្រូមួយរូប (លោក គឹម វាសនា) ដែលត្រូវបានជ្រើសរើសដើម្បីបានចូលរួមក្នុងកម្មវិធី «សាលាវិទ្យាសាស្ត្រអវកាស-Space Science School» ដែលនឹងរៀបចំដោយមជ្ឈមណ្ឌលស្រាវជ្រាវ និងបណ្តុះបណ្តាលអាស៊ានសម្រាប់បច្ចេកវិទ្យា និងកម្មវិធីអវកាស (ARTSA) និងទីភ្នាក់ងារអភិវឌ្ឍន៍បច្ចេកវិទ្យាអវកាស និងព័ត៌មានវិទ្យា (GISTDA) ហើយនឹងប្រព្រឹត្តទៅនៅថ្ងៃទី ២៤-២៨ ខែមេសា ឆ្នាំ ២០២៣ នៅឧទ្យាន Space Krenovation Park (SKP), GISTDA, Sri Ra Cha, ខេត្ត Chonburi ប្រទេសថៃ។ កម្មវិធីសិក្ខាសាលានេះ បានផ្តល់ជូន សិស្ស និងគ្រូបង្រៀនវិទ្យាល័យមកពីប្រទេសសមាជិកអាស៊ាននូវឱកាសដើម្បីបង្កើនការយល់ដឹង អំពីបច្ចេកវិទ្យាអវកាស និងព័ត៌មានភូមិសាស្ត្រ សម្រាប់អភិវឌ្ឍសេដ្ឋកិច្ចអវកាស និងអាជីពរបស់ខ្លួនក្នុងការរួមចំណែកជួយដល់តំបន់អាស៊ាននាពេលអនាគត។
កម្មវីធីនេះរៀបចំឡើងក្រោមក្របខណ្ឌនៃអនុគណៈកម្មការបច្ចេកវិទ្យាអវកាស (SCOSA) នៃគណៈកម្មការជាតិ COSTI កម្ពុជា៕

សេចក្តីជូនដំណឹងស្តីពីការប្រឡងប្រជែងជ្រេីសរេីសសិស្ស​ និស្សិត​ ឱ្យចូលបម្រេីការងារក្នុងក្របខណ្ឌក្រសួងឧស្សាហកម្ម​ វិទ្យាសាស្ត្រ​ បច្ចេកវិទ្យា​ និងនវានុវត្តន៍សម្រាប់ឆ្នាំ២០២៣