ក្នុងឱកាសចូលឆ្នាំសាកល ២០២៣ ថ្នាក់ដឹកនាំ និងក្រុមការងាររបស់អគ្គនាយកដ្ឋាន វិទ្យាសាស្រ្ត បច្ចេកវិទ្យា និងនវានុវត្តន៍ សូមគោរពជូនពរ ឯកឧត្ដម លោកជំទាវ លោកលោកស្រី និងក្រុមគ្រួសារប្រកបដោយសុខភាពល្អបរិបូរណ៍ កាយពលមាំមួនខ្លាំងក្លា បញ្ញាញាណវាងវៃ អាយុយឺនយូរ និងភាពសម្បូរសប្បាយ ជានិច្ច និរន្តរ៍។
STI News: JOIN

អាហារូបករណ៍១០០% របស់វិទ្យាស្ថានតេជោសែន សាធារណការ និងដឹកជញ្ជូន រង់ចាំប្អូនៗទាំងអស់គ្នា។ ចាំអីទៀត តោះដាក់ពាក្យប្រឡងទាំងអស់គ្នា!!!
---------------------
ដើម្បីទទួលបានអាហារូបករណ៍១០០% នៃវិទ្យាស្ថានតេជោសែន សាធារណការ និងដឹកជញ្ជូន ប្អូនៗត្រូវដាក់ពាក្យប្រឡងចូលរៀនជានិស្សិតជំនាន់ទី៣ តាមប្រព័ន្ធអនឡាញ ដោយចូលទៅកាន់តំណរភ្ជាប់ដូចខាងក្រោម៖ https://exam.tsipwt.edu.kh

ឯកសារភ្ជាប់ដូចខាងក្រោម៖
- រូបថត 4 x 6
- សញ្ញាបត្រមធ្យមសិក្សាទុតិយភូមិ , សញ្ញាបត្របណ្តោះអាសន្ន
- ឬ លទ្ធផលជាប់ជាស្ថារពរដែលប្រកាសដោយក្រសួងអប់រំ យុវជន និងកីឡា។
————————
សម្រាប់ព័ត៌មានលម្អិតសូមទាក់ទង៖
- Group Telegram ប្រឡងជំនាន់ទី៣ : https://t.me/tsipwt2023
- Channel Telegram វិទ្យាស្ថាន : https://t.me/tsipwtofficial
📱 098 21 02 21 / 078 21 01 21
📩 info@tsipwt.edu.kh
🌐 http://tsipwt.edu.kh

ដាក់ពាក្យចូលរៀនថ្នាក់បរិញ្ញាបត្រនៅCADTដើម្បីមានឱកាសទទួលបាន ”អាហារូបករណ៍ទេពកោសល្យឌីជីថលតេជោ (Techo Digital Talent Scholarship)” សម្រាប់ឆ្នាំសិក្សា២០២៣។

អត្ថប្រយោជន៍នៃអាហារូបករណ៍៖
- កុំព្យូទ័រយួរដៃ ១គ្រឿង
- ទទួលបានការរ៉ាបរងថ្លៃសិក្សា ១០០% ដល់ចប់ថ្នាក់បរិញ្ញាបត្រ ដែលមានកញ្ចប់តម្លៃ ១០.០០០$
- ទទួលបានឱកាសការងារល្អ និងប្រាក់បៀវត្សខ្ពស់ក្នុងក្រសួង ស្ថាប័ន ក្រុមហ៊ុន ឬធនាគារជាដើម។

ចុះឈ្មោះឥឡូវនេះ រហូតដល់ថ្ងៃទី២៧ ខែមករា ឆ្នាំ២០២៣
https://www.cadt.edu.kh/scholarship
ព័ត៌មានបន្ថែមអំពីកម្មវិធីសិក្សា
https://www.idt.edu.kh
ព័ត៌មានលម្អិត
http://bit.ly/TechoScholarship2023
ទំនាក់ទំនងព័ត៌មានតាមរយៈ
- លេខទូរស័ព្ទ ៖ 015 335 877 ឬ 077 335 877
- អ៊ីម៉ែល ៖ apply@cadt.edu.kh
- គេហទំព័រ ៖ www.cadt.edu.kh
- ហ្វេសប៊ុក ៖ fb.com/CADT.Academy
- តេឡេក្រាម ៖ t.me/CADT_Official
- អាសយដ្ឋាន ៖ ស្ពានលេខ២ ផ្លូវជាតិលេខ ៦អា សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។

សិក្ខាសាលាបណ្ដុះបណ្ដាលតាមអនឡាញស្តីពី “ការអនុលោមតាមសុវត្ថិភាពចំណីអាហារ និងការវេចខ្ចប់” ដែលនឹងធ្វើឡើងនៅថ្ងៃសុក្រ ទី ១៣ ខែមករា ឆ្នាំ២០២៣ វេលាម៉ោង ០៣:០០នាទី ដល់ម៉ោង ០៤:៤០នាទី រសៀល។ សិក្ខាសាលាបណ្ដុះបណ្ដាលនេះនឹងមានការចូលរួមចែករំលែកដោយវាគ្មិនជំនាញស្ដីអំពីសុវត្ថិភាពចំណីអាហារ និងការវេចខ្ចប់ ។ លោកលោកស្រីអាចចូលរួមជាមួយសិក្ខាសាលានេះតាមរយៈតំណភ្ជាប់ខាងក្រោម៖ Webinar
STI News: JOIN

តើគួរសិក្សាមុខជំនាញអ្វី នៅឧត្តមសិក្សា?
កម្មវិធីទេពកោសល្យស្ទ៊ែម (STEM Genius Programs) ដែលជាមុខជំនាញទីផ្សារការងារកំពុងត្រូវការក្នុងពេលបច្ចុប្បន្ន និងអនាគតរួមមាន៖
• សន្តិសុខតាមប្រព័ន្ធ អ៊ីនធឺណែត (Cyber Security)
• វិទ្យាសាស្ត្រទិន្នន័យនិងបញ្ញាសប្បនិមិ្មត (Data Science and Artificial Intelligence)
• វិស្វកម្មសូហ្វវែរ (Software Engineering)
• វិស្វកម្មរ៉ូបូតនិងស្វ័យប្រវត្តិកម្ម (Robotic and automation)
• ស្ថាបត្យកម្ម (Architecture)
• ការរចនាផ្នែកខាងក្នុង (Interior Design)
• បច្ចេកវិទ្យាអប់រំ (Educational Technology)
• ប្រព័ន្ធផ្សព្វផ្សាយនិងបច្ចេកវិទ្យាទំនាក់ទំនង (Media and Communication Technology)
• គ្រប់គ្រងហានិភ័យ និងបញ្ញាធុរកិច្ច (Risk Management and Business Intelligent)
• នវានុវត្តន៍ និងសហគ្រិនភាព (Innovation and Entrepreneurship)
ប្អូនៗប្រលងជាប់ថ្នាក់ទី១២ អាចដាក់ចូលរៀនជំនាញខាងលើបានតាមរយៈ QR code នៅក្នុងរូបភាបខាងលើ។
ផុតកំណត់ទទួលពាក្យថ្ងៃទី២០ ខែមករា ឆ្នាំ២០២៣។ វគ្គសិក្សាថ្មីចាប់ផ្តើមនៅថ្ងៃទី៣០ខែមករាឆ្នាំ២០២៣។
STI News: JOIN

ផែនទីបង្ហាញផ្លូវការអភិវឌ្ឍវិស័យយានយន្ត និងអេឡិចត្រូនិកកម្ពុជាត្រូវបានផ្ដួចផ្ដើមឡើងដើម្បីតម្រង់ទិសការការអភិវឌ្ឍវិស័យយានយន្ត និងអេឡិចត្រូនិកនៅកម្ពុជា ដោយបានកំណត់ចក្ខុវិស័យរយៈពេលវែង គន្លងអភិវឌ្ឍន៍តាមដំណាក់កាលនីមួយៗ និងវិធានការគន្លឹះដែលនឹងដោះស្រាយបញ្ហាប្រឈមនានារបស់វិនិយោគិនដោយប្រកាន់យកនូវអភិក្រមរហ័សរហួននិងបត់បែនក្នុងការអនុវត្ត។ ផែនទីបង្ហាញផ្លូវនេះគឺជាឯកសារគោលនយោបាយដែលនឹងត្រូវប្រើប្រាស់ជាទិសដៅ យុទ្ធសាស្ត្រក្នុងការអនុវត្តគោលនយោបាយវិទ្យាសាស្រ្ត បច្ចេកវិទ្យា និងនវានុវត្តន៍ក្នុងប្រទេស ហើយនឹងជួយដល់កម្ពុជាអាចទាញយកអត្ថប្រោយជន៍ជាអតិបរមាពីកាលានុវត្តភាពបង្កើនដោយនិន្នាការចម្បងៗនៃការវិនិយោគលើវិស័យ វិទ្យាសាស្ត្រ បច្ចេកវិទ្យា និងនវានុវត្តន៍។ លោកអ្នកមានចំណាប់អារម្មណ៍ សូមទាញយកឯកសារនេះ តាមរយៈតំណភ្ជាប់នេះ https://bit.ly/3w9ACxi
STI News: JOIN

សិក្ខាសាលាបណ្ដុះបណ្ដាលតាមអនឡាញស្តីពី “គោលនយោបាយ និងអនុសាសន៍ដើម្បីកែលម្អការចូលរួមប្រកបដោយអត្ថន័យនៃក្រុមដែលងាយរងគ្រោះនៅក្នុងសេដ្ឋកិច្ចឌីជីថល” ដែលនឹងធ្វើឡើងនៅថ្ងៃអង្គារ ទី ២៤ ខែមករា ឆ្នាំ២០២៣ វេលាម៉ោង ១០:០០នាទី ព្រឹក។ សិក្ខាសាលាបណ្ដុះបណ្ដាលនេះនឹងមានការចូលរួមចែករំលែកដោយវាគ្មិនជំនាញអំពីឧបករណ៍គោលនយោបាយ ករណីសិក្សា និងអនុសាសន៍ដែលមានចែងនៅក្នុងសេចក្តីយោងដើម្បីបង្ហាញពីសកម្មភាពជាក់លាក់ដែលរដ្ឋាភិបាលអាចធ្វើបានក្នុងការជួយសម្រួលដល់ការចូលរួមប្រកបដោយអត្ថន័យនៃក្រុមងាយរងគ្រោះនៅក្នុងសេដ្ឋកិច្ចឌីជីថល។
លោកលោកស្រីអាចចូលរួមជាមួយសិក្ខាសាលានេះតាមរយៈតំណភ្ជាប់ចុះឈ្មោះខាងក្រោម៖ https://zoom.us/webinar/register/WN_c1PgkA-zQbSpzR0gCCPtUA
STI News: JOIN

វេទិការផ្សាយផ្ទាល់តាមប្រព័ន្ឋអនឡាញស្ដីពី « ឯកជនភាពទិន្នន័យប្រចាំឆ្នាំ២០២៣-Data Privacy Day 2023 » នឹងធ្វើឡើងនៅថ្ងៃពុធ ទី២៥ ខែមករា ឆ្នាំ២០២៣ ចាប់ពីម៉ោង ៩:០០ យប់ ម៉ោងនៅប្រទេសកម្ពុជា តាមរយៈការផ្សាយផ្ទាល់តាមប្រព័ន្ឋអនឡាញ។
ថ្នាក់ដឹកនាំ និងអ្នកជំនាញសំខាន់ៗផ្នែកការការពារទិន្នន័យ និងឯកជនភាពនឹងចែករំលែកអំពីនិន្នាការចុងក្រោយបំផុត និងផ្តល់ជាចំណេះដឹងដល់ ស្ថាប័នអភិវឌ្ឍន៍ រដ្ឋាភិបាល និងវិស័យឯកជន អំពីរបៀបដែលពួកគេអាចដោះស្រាយហានិភ័យឯកជនភាព។ លោកលោកស្រីដែលមានចំណាប់អារម្មណ៍ សូមចូលទៅកាន់តំណរភ្ជាប់ខាងក្រោមនេះសម្រាប់ការចូលរួមក្នុងវេទិការនេះ៖ Event | World Bank Data Privacy Day 2023 | World Bank Live។
STI News: 👉 JOIN

ប្រមុខរាជរដ្ឋាភិបាលកម្ពុជាតាមរយៈទីស្ដីការគណៈរដ្ឋមន្ត្រីបានឯកភាពសម្រេចគាំទ្រលើគំនិតផ្ដួចផ្ដើម និងសំណើរបស់ក្រុមប្រឹក្សាជាតិ វិទ្យាសាស្ត្រ បច្ចេកវិទ្យា និងនវានុវត្តន៍ (ក.ជ.វ.ប.ន.) ក្នុងកិច្ចប្រជុំលើទី៣ ក្រុមប្រឹក្សាជាតិ ក.ជ.វ.ប.ន.ដែលបានរៀបចំឡើងដោយអគ្គនាយកដ្ឋានវិទ្យាសាស្ត្រ បច្ចេកវិទ្យា និងនវានុវត្តន៍ នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដែលជាលេខាធិការដ្ឋាននៃ ក.ជ.វ.ប.ន. កាលពីថ្ងៃទី១២ ខែធ្នូ ឆ្នាំ២០២២ នូវចំណុចដូចខាងក្រោម៖
១. រៀបចំបង្កើតមជ្ឈមណ្ឌលជាតិផ្ទេរបច្ចេកវិទ្យា
២. រៀបចំបង្កើតសួនវិទ្យាសាស្ត្រ បច្ចេកវិទ្យានិងនវានុវត្តន៍
៣. គាំទ្រទាំងស្មារតីនិងហិរញ្ញវត្ថុដើម្បីរៀបចំ ទិវាវិទ្យាសាស្ត្រ បច្ចេកវិទ្យានិងនវានុវត្តន៍ ជារៀងរាល់ឆ្នាំនៅថ្ងៃទី២៦ ខែមីនា
៤. ប្រគល់សិទ្ឋិជូនប្រធាន ក.ជ.វ.ប.ន. សម្រេចលើបទបញ្ជាផ្ទៃក្នុងរបស់ក.ជ.វ.ប.ន.។ សូមអានលិខិតយោងរបស់ប្រមុខរាជរដ្ឋាភិបាលទាំងស្រុងតាមរយៈរូបភាពខាងលើនេះ។
STI News: 👉 JOIN

សិក្ខាសាលាតាមប្រព័ន្ឋអនឡាញស្ដីពី "ការសម្លឹងឆ្ពោះទៅរកអនាគតទៅលើវិស័យ វិទ្យាសាស្ត្រ បច្ចេកវិទ្យា និងនវានុវត្តន៍ក្នុងតំបន់អាស៊ាននិង សេចក្ដីណែនាំអំពីការបញ្ជ្រាបយេនឌ័រផងដែរ" នឹងត្រូវធ្វើឡើង នៅថ្ងៃទី ១៤ ខែមីនា ឆ្នាំ ២០២៣ ចាប់ពីម៉ោង ៩:០០ ដល់ ១៥:៣០ (GMT+7)។ គោលបំណងនៃសិក្ខាសាលានេះគឺដើម្បីសម្រួលដល់ភាគីពាក់ព័ន្ធនៃកិច្ចសហប្រតិបត្តិការអាស៊ានផ្នែក វិទ្យាសាស្រ្ត បច្ចេកវិទ្យា និងនវានុវត្តន៍ (COSTI) ដើម្បីពិភាក្សា និងផ្លាស់ប្តូរ ចំណេះដឹង និងទស្សនៈស្តីពីការបញ្ជ្រាបយេនឌ័រក្នុងវិស័យ វិទ្យាសាស្ត្រ បច្ចេកវិទ្យា និងនវានុវត្តន៍។ លោកលោកស្រីអាចចូលរួមជាមួយសិក្ខាសាលានេះតាមរយៈតំណភ្ជាប់ចុះឈ្មោះខាងក្រោមរហូតដល់ថ្ងៃទី ៣ ខែកុម្ភៈ ឆ្នាំ ២០២៣៖ http://bit.ly/3i6Ahlp
STI News: JOIN

សេចក្ដីថ្លែងការណ៍រួមមួយ ស្ដីពីការកសាងសហគមន៍វាសនារួមកម្ពុជា-ចិន ក្នុងយុគសម័យថ្មី រវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិនត្រូវបានបង្កើតឡើងក្នុងពេលប្រមុខរាជរដ្ឋាភិបាលកម្ពុជាបានទៅបំពេញទស្សនកិច្ចជាផ្លូវការនៅសាធារណរដ្ឋប្រជាមានិតចិនតមតាមការអញ្ចើញរបស់រដ្ឋាភិបាលចិន កាលពីថ្ងៃទី០៩ ដល់ថ្ងៃទី១១ ខែកុម្ភៈ ឆ្នាំ២០២៣។ នៅក្នុងសេចក្ដីថ្លែងការណ៍រួមនេះ ភាគីទាំងពីបានឯកភាពអនុវត្តកិច្ចព្រមព្រៀងជាច្រើនចំណុចក្នុងនោះក៏មានការឯកភាពអនុវត្តកិច្ចព្រមព្រៀង ស្ដីពីកិច្ចសហប្រតិបត្តិការលើវិស័យវិទ្យាសាស្ត្រ បច្ចេកវិទ្យា និងនវានុវត្តន៍ រវាងរដ្ឋាភិបាលទាំងពីរ និងការលើកកម្ពស់កិច្ចសហប្រតិបត្តិការក្នុងការផ្ទេរបច្ចេកវិទ្យា និងការផ្លាស់ប្ដូរប្រជាជន និងប្រជាជនក្នុងវិស័យវិទ្យាសាស្ត្រ និងបច្ចេកវិទ្យា។ បើលោកអ្នកមានចំណាប់អារម្មរណ៍ សូមទាញយកសេចក្ដីថ្លែងការណ៍រួមនេះតាមរយៈតំណភ្ជាប់ខាងក្រោមនេះ https://www.mfaic.gov.kh/files/uploads/VQQYVPGVCLG6/Final_Joint%20Statement%20(ENG)%20(1).pdf ។
STI News: 👉 JOIN