يمسّيكم بالخير
هالرسالة لأصدقائي بالأولى بجامعتنا أوروك

دكتور نجيب ذيچ السنة جاب سؤال الـtitration curve بطريقة معيَّنة لذلك أنا شارح الطريقة والسؤال بمقطع من السنة السابقة
فاطّلعوا عليه وشوفوا الطريقة علمود إذا إجت نفسها بامتحانكم أنتم متعوّدين عليها

ودونكم المقطع:
https://youtu.be/SeRO9hAxf9g?si=dCDQMg-4vxKlDD4P

شاركوه إذا تگدرون ويه أصدقائكم فـ-الدالّ علىٰ الخير كفاعله-

سنة علىٰ G.C.P…♥️

سنة علىٰ G.C.P، هذي القناة أحبّها جدّاً بديت بيها بشي بسيط مساعدة طلّاب جامعتي بالكيمياء التحليليَّة وكبرت شوي شوي، تشرّفت بطلّاب من مختلف الجامعات من شتّى المحافظات، نتائج مبهرة درجات غير متوقّعة من شرح طالب وياهم بالمرحلة

فللهِ الحمد دائماً أبداً ونسأله أن يجعل عملنا خالصاً لوجهه وأن يتمّم نعمته علينا ويتقبّل منّا

أنتَ نام وأنا انام
وإلنا الله الما ينام

إن شاء الله سهلة شبابنا👀

ما صدّگتوا گبل بچيتوا

باختصار
المجاميع الموجّهة لموقع الميتا Meta director groups
عدها negative inductive effect (i-)

والمجاميع الموجّهة لمواقع الأورثو والپارا ortho,para director groups
عدها positive inductive effects (i+)

وسلامتكم.

‼️ تذكير ‼️

ملاحظة

عندك صور تريد تسوّيهن ستيكرات بأعلىٰ جودة وأرخص سعر؟
صور ويه أصدقائك، ميمز، أي شي تحبَّه وتريد تزيّن بيه آيبادك أو فونك أو أي شي

ستيكر خانة
مشروع ناشئ لاثنين من أخواني يوفّرلكم خدمة تصميم الستيكرات إلِّي تريدها وبجودة🤩 وسعر🫦

ما عليكم بس ترحون للبيج مالتهم👇🏻
ستيكر خانة

أرجو أن تدعموه وتتابعون البيج لطفاً يعني🙇🏻♥️

تخيّلوا الكولكشن 16 ستيكر
بألفين دينار بس!
الله يديمك يا رخص😂

وها إذا من طرفي فإلكم اثنين هدية👀

شرح مادَّة الفسلجة الوزاريَّة -الكورس الثاني- مجاناً حسب المصدر المقرَّر
شرح أخي وعضدي هاني ليث -أدام الله توفيقه ونفعنا به وأفاض عليه من علمه-

https://t.me/killmyse1ff

بلّا منو جايب امتياز لو جيِّد جدَّاً بالكيمياء؟👀

حتَّى لو مقبول عادي گلّولي

من البوت😂😂😂😂

اللهُمَّ صَلِّ عَلى أمِيرِ المُؤمِنِينَ عَلِيِّ بنِ أبي طالِبٍ أخي نَبِيِّكَ وَوَلِيِّهِ وَصَفِيِّهِ وَوَزِيرِهِ وَمُستَودَعِ عِلمِهِ وَمَوضِعِ سِرِّهِ وَبابِ حِكمَتِهِ وَالنَّاطِقِ بِحُجَّتِهِ وَالداعي إلى شَرِيعَتِهِ وَخَلِيفَتِهِ في أُمَّتِهِ وَمُفَرِّجَ الكَربِ عَن وَجهِهِ

أسعد الله أيَّامكم يا كرام بذكرى الولادة الطَّاهرة لمولانا أمير المؤمنين -صلوات الله عليه-
ثبَّتنا الله وإيَّاكم علىٰ ولايته
ووفّقنا وإيَّاكم لمرضاته♥️.

يمسّيكم بالخير

شبابنا أكيد مستمر وياكم بشرح العضويَّة إن شاء الله
وكالعادة أنتظر الدكتور يشرح المحاضرة بعدين ينزل شرحها وتوضيحها هنا

وبالتوفيق.

المحاضرة الأولىٰ: الجزء الأوَّل:

https://youtu.be/NOUN1XyTqQw?si=hzMtV07I9_SKRQIz

أصدقائي بأوروك لا عبالكم راح أعوف ملزمة الدكتور، راح أرجع ؏ كل سلايد بيها بس چان لازم نشرح التسمية بهالتفصيل