الطلبة الأحبّة من غير جامعات
هذه تكملة chapter 15 (تسحيح تكوين الأيون المعقّد)

تم رفع المقطعين علىٰ اليوت✅

مبدئيّاً ذنّي الـ٣ مقاطع شرح مفصّل إن شاء الله للقانون و٣ مسائل

https://youtu.be/4TvzrwP8U_s

https://youtu.be/PI1d7xrXL8I

https://youtu.be/2XwczrGjSWY

وألتمس منكم العذر إذا صار تقصير بشي لأن المادّة هاي ما ماخذها.

الطَّريقة الصَّحيحة لدراسة الكيمياء:
مبدئيّاً مادَّتنا لا معقّدة ولا صعبة، وهالشي لا عود أنطيكم إيجابيّة ولا حافز بس هاي الحقيقة
زين شنو نسوّي حتىٰ نضبطها؟
كالآتي:
فهم الموضوع
بعدين تجي ؏ أسئلة هالموضوع تحلهن بإيدك مو بس تباوعلهن بالملزمة وهاهيّه فهمت!

سر الكيمياء بحل الأسئلة بحيث راح تتعوّد ؏ نمط الأسئلة وشلون قانون كذا يتطبّق هنا وشلون القانون اللاخ يتطبّق بغير سؤال

من تشوف سؤال ممكن تتغيّر فكرته أو معطياته فغيّره أنتَ من يمّك وحلّه بعد التَّغيير
يعني شنو؟
أنتَ راح تسوّي أسئلة لروحك من نفس الأسئلة الموجودة واضح؟

آني بالشَّرح حرفيّاً مفصّل كلشي إلَّا اللَّهُمَّ بعض البديهيّات
فركّزوا بالشَّرح ومثل ما گلتلكم كل موضوع حلّوا أسئلته ومتأكّد راح تضبطون المادّة علىٰ أتم وجه

وأي سؤال فآني موجود لحد ليلة الامتحان
وهَم بيوم الامتحان راح تلگوني بالجامعة قبل الوقت بساعة ونص أو ساعتين لأي شخص عنده سؤال

بالتوفيق للجميع♥️.

+من يجي السؤال
اكتب معلوماته بعدين شوف شنو يريد منك؟
اكتب المطاليب هَم
بعدين شوف يا قوانين تجمع بين المعلومات والمطلوبات
اكتبهن وهيچ مستحيل توگف بسؤال.

بعيدًا عن الدراسة ولقرب حلول شهر شعبان المعظّم
أحب أشارك وياكم شي أحبّه كلّش ويساعدني ؏ الهدوء والتفكّر والروحيّة والإحساس بالقرب الإلهي

المُناجاة الشعبانیة
(لمن يريد الطمأنينة والهدوء)
الشيخ عبدالحي آل قنبر

رزقكم الله حلاوة مناجاته واستجاب لكم الدعاء

لعلَّ الذكرىٰ تنفع.

*السلايدات من ١-٥ وسلايد ٩ موجودات هنا بالقناة ؏ شكل ڤويسات

تذكير:
١-إذا عدنا تسحيح حامض ضعيف مع قاعدة قويّة أو قاعدة ضعيفة مع حامض قوي فعدنا ٤ حالات:

أ-قبل الإضافة ونستخدم قانون إيجاد H or OH حسب إذا عدنا حامض ضعيف أو قاعدة ضعيفة بكل بساطة
ب-بعد الإضافة ولكن قبل نقطة التكافؤ فهاي حالة بفر
ج-عند نقطة التكافؤ يبقىٰ عدنا بس ملح فنستخدم قوانين الملح وحسب إذا مشتق من حامض ضعيف أو قاعدة ضعيفة
د-بعد نقطة التكافؤ راح تصير السيادة بالمحلول للحامض القوي أو القاعدة القوية فنستخدم قانون إيجاد H or OH المتضمّن (حجم المضافxتركيزه ناقص حجم الأصليxتركيزه الكل مقسوم علىٰ الحجم الكلّي)

٢-إذا عدنا كلمة mixture ويه D.W or Water فراح نستخدم قانون التخفيف وV2 يكون مجموع الحجمين

أمّا إذا عدنا كلمة mixture بس ويه مركّب بيه حجم وتركيز فهنا نفس سالفة التسحيح نضرب التركيزxالحجم لكلا المركّبين (الأصلي إلّي بالسؤال والمضاف) كلّ علىٰ حدة ونقارن نشوفه قبل التكافؤ لو عنده لو بعده والقوانين الطبيعيّة مال التسحيح

٣-إذا عدنا Diluted to فالحجم المذكور بعد كلمة to هذا V2 نعتبره وما نجمعه ويه الحجم الأول

التقييم العام للأسئلة:

متوسّطة الصعوبة شاملة لكل المادّة تقريبًا
كل الأسئلة من الملازم مع تغيير الأرقام
إلَّا اللَّهُمَّ سؤال titration curve فالفكرة خارجيّة تمامًا ممكن النقاط (قبل الإضافة وعند التكافؤ وبعدها) تنحل ببساطة ولكن نقاط بعد الإضافة قبل التكافؤ فهيَ المشكلة

ممكن الشخص يجيب ٤٠-٥٠ بنسبة عالية إذا چان قاري المادّة بشكل صحيح
فرصة الحصول علىٰ الدرجة الكاملة قليلة جدّاً بسبب السؤال المذكور أعلاه

أسأل الله تعالىٰ التوفيق للجميع
وألتمس العذر إذا بدر مني تقصير أو قصور
والعذرُ عندَ كِرامِ النَّاسِ مَقبولُ.