وحق رصعة خدودك...بل وعيناك
ولك طرگاعة شفتك...بل وعيناك
ذبت اني بجمالك...بلوه عينك
عميت اني وطلبتك عون اليه
ولك طرگاعة شفتك...بل وعيناك
ذبت اني بجمالك...بلوه عينك
عميت اني وطلبتك عون اليه
سهامك بالگلب صابن...ولاحن
وگلبي مابجه لغيرك...ولاحن
بسبب حبك صرت شاعر...ولاحن
وگمت احن للمايحن گلبه عليه
وگلبي مابجه لغيرك...ولاحن
بسبب حبك صرت شاعر...ولاحن
وگمت احن للمايحن گلبه عليه
وحك من طش خبر حبنه...وشاعه
احبك صدگ مو كلمة...و اشاعه
اخذ سونار لگليبي...و اشاعه
اذا غيرك لگيت اعتب عليه
احبك صدگ مو كلمة...و اشاعه
اخذ سونار لگليبي...و اشاعه
اذا غيرك لگيت اعتب عليه
عيوني بشوك يالغالي...ترفلك
وكلبي من الزغر مايل...ترفلك
مو بس كلبي وعيوني...ترفلك
ترف الروح من تسال عليه
وكلبي من الزغر مايل...ترفلك
مو بس كلبي وعيوني...ترفلك
ترف الروح من تسال عليه
ليالي الفرح وكتي...مومحله
بحزن وديار روحي...مومحله
يكلي أضحك وكله...مومحله
كبل جانت الضحكه تلوك اليه
بحزن وديار روحي...مومحله
يكلي أضحك وكله...مومحله
كبل جانت الضحكه تلوك اليه
على كبرج بجيت شكثر...يمااه
انترس حسرات كلبي واه...يمااه
لون بيه دريتي شصار...يمااه
حزن يعقوب عكبج صار بيه
انترس حسرات كلبي واه...يمااه
لون بيه دريتي شصار...يمااه
حزن يعقوب عكبج صار بيه
همت يومي لعيونك...كملني
وعشكت الصبر لاكن...كمله مني
انا ما اتعب ع الحب...كله مني
الحب ورد واذاته رد اليه
وعشكت الصبر لاكن...كمله مني
انا ما اتعب ع الحب...كله مني
الحب ورد واذاته رد اليه
شعجب بطلت يا غالي...تراسئل
ودليلي بسبب فركاكم...تراسئل
عليك الصبح والمغرب...ترا اسئل
واكول تغير الغالي عليه
ودليلي بسبب فركاكم...تراسئل
عليك الصبح والمغرب...ترا اسئل
واكول تغير الغالي عليه
لفاج الضيم يا روحي...علج مر
وشوفن مو عسل فوكاج...علج مر
وعلي دنياي سوتني...علج مر
وعجوز مسودنه تلوج بيه
وشوفن مو عسل فوكاج...علج مر
وعلي دنياي سوتني...علج مر
وعجوز مسودنه تلوج بيه
عجيبه أشكد الك قصه...والك روح
احبك حتى لو تكلي...والك روح
تدري انت شنو بجسمي...والك روح
اروح شلون وانت الروح بيه
احبك حتى لو تكلي...والك روح
تدري انت شنو بجسمي...والك روح
اروح شلون وانت الروح بيه
صحيح بعيد بس قلبي...شعر بيك
شارد وباقي بس يكتب...شعر بيك
عجيبه شلون ظل اسود...شعر بيك
وانا هم سواد لعين صار ابيض بيه
شارد وباقي بس يكتب...شعر بيك
عجيبه شلون ظل اسود...شعر بيك
وانا هم سواد لعين صار ابيض بيه
ربك من خلق حسنك...نصف بيك
وكلي بيا وصف مكدر...نصف بيك
طلع حتى لگمر ماخذ...نصف بيك
واسمعه يگول خل يصعد عليه
وكلي بيا وصف مكدر...نصف بيك
طلع حتى لگمر ماخذ...نصف بيك
واسمعه يگول خل يصعد عليه
وحق الناي من يعزف...وخنته
أبد ما عاشرت صاحب...وخنته
حبيبي وصاحبي وروحي...واخي انته
وانته الرمز للخوه القويه
أبد ما عاشرت صاحب...وخنته
حبيبي وصاحبي وروحي...واخي انته
وانته الرمز للخوه القويه
ومحمد من زعل وياي...وكفه
على الرجلين مامش بعد...وكفه
بغيابه الثوب گام يطول...وكفه
وسحل گام هلي يسحلون بيه
على الرجلين مامش بعد...وكفه
بغيابه الثوب گام يطول...وكفه
وسحل گام هلي يسحلون بيه
ثـلاثـه واربـعـه واثـنـيـن...تسعه
ونــار الــشـوڪ بـالـدلال...تسعه
خلص عمري وبقن الايام...تسعه
گضن سبعه وبقن يومين اليه
ونــار الــشـوڪ بـالـدلال...تسعه
خلص عمري وبقن الايام...تسعه
گضن سبعه وبقن يومين اليه
عـڪـلـي مـاحـمـل بـلـواي...فنيان
هـمـت وسنين عمري نفنت...فنيان
أبمضيف أكزام راسي صار...فنيان
بطلابه وثوبو للحسن بيه
هـمـت وسنين عمري نفنت...فنيان
أبمضيف أكزام راسي صار...فنيان
بطلابه وثوبو للحسن بيه
عـلـي منجل زمـانـي...وشريته
بـعـد ما فاد بيعي...وال شريته
يوم امضيت حكمك...واشريته
بدم كلبك عجب ما رف عليه
بـعـد ما فاد بيعي...وال شريته
يوم امضيت حكمك...واشريته
بدم كلبك عجب ما رف عليه
احبابي الي جنت عايش...معاهم
ونهاري شماضوى مظلم...بلاهم
عليه مدري الوكت شنهو...بلاهم
ولاهم اعوفوا بالصار بيه
ونهاري شماضوى مظلم...بلاهم
عليه مدري الوكت شنهو...بلاهم
ولاهم اعوفوا بالصار بيه
صحيح بعيد بس گلبي...شعر بيك
وشارد باقي بس يكتب...شعر بيك
عجيبه شلون ظل اسود...شعر بيك
وأنا سواد لعين ابيض صار بيه
وشارد باقي بس يكتب...شعر بيك
عجيبه شلون ظل اسود...شعر بيك
وأنا سواد لعين ابيض صار بيه
ما تشعر بحبي...وانه شاعر
وعر بدرب شوگك...و انه شاعر
انت أشعر بشعرك...و انه شاعر
واخلي اهل الشعر تحتار بيه
وعر بدرب شوگك...و انه شاعر
انت أشعر بشعرك...و انه شاعر
واخلي اهل الشعر تحتار بيه
كلبي ما رغب واحد...ولا حب
ولا فكر يحب غيرك...ولا حب
مريض وما اريد ابره...ولا حب
بس شوفتك ترد الروح بيه
ولا فكر يحب غيرك...ولا حب
مريض وما اريد ابره...ولا حب
بس شوفتك ترد الروح بيه
1