وحك روحي التحبك...وانته تدري
جمر بعدك حركني...وانته تدري
هايم بيڪ عقلي...وانته تدري
جذب مثلك حبيب ايصير اليه
جمر بعدك حركني...وانته تدري
هايم بيڪ عقلي...وانته تدري
جذب مثلك حبيب ايصير اليه
اسب كلمن يلوم العشگ...واشتم
وعلى صدري أظمك حيل...وشتم
أنام وياڪ طول بطول...واشتم
عطر جسمك يزيد شوك بية
وعلى صدري أظمك حيل...وشتم
أنام وياڪ طول بطول...واشتم
عطر جسمك يزيد شوك بية
ذبـت وبـنـار حـبـڪ...مايع اني
وترڪت ڪلبي يعاني...مايعاني
لون تعطش رويتك...ماي عيني
واحط الروح لعيونك هدية
وترڪت ڪلبي يعاني...مايعاني
لون تعطش رويتك...ماي عيني
واحط الروح لعيونك هدية
حبيبي الروح تعبت وانت...خلها
دهاڪ البوسة وين تريد...خلها
لو مو يمك حياتي وين...اخلها
غير تموت بس تبعد عليه
دهاڪ البوسة وين تريد...خلها
لو مو يمك حياتي وين...اخلها
غير تموت بس تبعد عليه
انهدم حيلي حبيبي عليك...ونهار
ومن عيني تسيل سيول...ونهار
اون عليڪ صبح وليل...ونهار
وصيح بصوت بس ارجع اليه
ومن عيني تسيل سيول...ونهار
اون عليڪ صبح وليل...ونهار
وصيح بصوت بس ارجع اليه
خلص عمري واحس الشيب...بس لاح
عداوة وهد عليه الوڪت...بسلاح
الموت اسباب ماهو شرط...بسلاح
وانه موتي بسبب فركاك اليه
عداوة وهد عليه الوڪت...بسلاح
الموت اسباب ماهو شرط...بسلاح
وانه موتي بسبب فركاك اليه
سكاني الدهر من فركالك...بس مر
وشهد ماضكت من دنياي...بس مر
رمش عيني افرشه بساط...بس مر
وترد الروح من تسال عليه
وشهد ماضكت من دنياي...بس مر
رمش عيني افرشه بساط...بس مر
وترد الروح من تسال عليه
اذوبن شمعه واتمنى...تمر مر
حبيبي الكَلب بفرڪاك...تمرمر
اسألڪ هم ضكت مره...تمر مر
وانا البرحي انكلب حنظل عليه
حبيبي الكَلب بفرڪاك...تمرمر
اسألڪ هم ضكت مره...تمر مر
وانا البرحي انكلب حنظل عليه
شمالك وعلي كَلبك صار...مرمر
كضيت العمر كله وياك...مرمر
لون قاسي وتريد تصير...مرمر
اودعك بالعتاب وهاي هيه
كضيت العمر كله وياك...مرمر
لون قاسي وتريد تصير...مرمر
اودعك بالعتاب وهاي هيه
لفاج الضيم ياروحي...علج مر
وشوفن مو عسل فوكج...علج مر
وعلي دنياي سوتني...علج مر
عجوز مسودنه وتلوج بيه
وشوفن مو عسل فوكج...علج مر
وعلي دنياي سوتني...علج مر
عجوز مسودنه وتلوج بيه
أشلون الروح اكضها...من تهم بيك
أو مثل تهمه حبيبي...من تهم بيك
الضيم اليمر بيا...منته تهم بيك
ولاجنك وأنا مبين عليه
أو مثل تهمه حبيبي...من تهم بيك
الضيم اليمر بيا...منته تهم بيك
ولاجنك وأنا مبين عليه
الليالي شهود اذا ناسي...وعيدك
بلڪي تعود للماضي...وعيدك
شعلت شموع ميلادك...وعيدك
وفرحت وياك رغم الجرح بي
بلڪي تعود للماضي...وعيدك
شعلت شموع ميلادك...وعيدك
وفرحت وياك رغم الجرح بي
قرص نعناع خدك...وانت هيله
الحسن بس لجنابك...وانت هيله
تراب اللحد بيدك...وانت هيله
ويظل اسمك حلو وغالي عليه
الحسن بس لجنابك...وانت هيله
تراب اللحد بيدك...وانت هيله
ويظل اسمك حلو وغالي عليه
لف وسفة الوكت عنك...بعدني
اموت وارتجي وصلك...بعدني
تراني على العهد باقي...بعدني
ويضل هذا العهد للموت بيه
اموت وارتجي وصلك...بعدني
تراني على العهد باقي...بعدني
ويضل هذا العهد للموت بيه
ينار افراڪهم بحشاي...وجري
وفيضي لشوگهم يعيون...وجري
جزائي من الاحبهم صار...وجري
شگاي وشحة الينشد عليه
وفيضي لشوگهم يعيون...وجري
جزائي من الاحبهم صار...وجري
شگاي وشحة الينشد عليه
يضل طافح دليلي عليك...ماعن
يلن ذنـي بسبب فرڪاك...ماعن
مـوڪتلي نـضـل للموت...ماعن
اشفت مني وگطعت الوصل بيه
يلن ذنـي بسبب فرڪاك...ماعن
مـوڪتلي نـضـل للموت...ماعن
اشفت مني وگطعت الوصل بيه
شبده مني وكلامي اليوم...ماطاب
الك وجرحي منهد فرگاك...ماطاب
صار اسنين ادور اعليك...ماطاب
لعد بيتي وتذب الصوچ بيه
الك وجرحي منهد فرگاك...ماطاب
صار اسنين ادور اعليك...ماطاب
لعد بيتي وتذب الصوچ بيه