🇺🇿🤝🇩🇪 Berlin Elchixonasida muhim uchrashuv

JD East vakili sifatida Berlin shahridagi O‘zbekiston Respublikasining Elchixonasida Migratsiya agentligi rahbarlari bilan uchrashuvda ishtirok etdik. Uchrashuv davomida hamkorlik masalalari, so‘nggi yillardagi muammolar, mavjud shartnomalarni yangilash hamda kelgusi rejalar muhokama qilindi.

Muhokama qilingan asosiy masalalar
• Work & Travel vizasi bo‘yicha elchixonada termin olish hozirda eng dolzarb muammolardan biri ekani.
• So‘nggi yillarda Germaniyaga kelgan ayrim Work & Travel talabalari amalda kutilgan ish sharoitlariga duch kelmaganliklari.
• Ba’zi holatlarda noto‘g‘ri yoki ishonchsiz hujjatlar topshirilgani sababli ishonch pasaygani.
• Ayrim blogerlar va tajribasiz vositachilar Germaniyani haddan tashqari oson, “faqat katta maosh” deb ko‘rsatib, yoshlarni chalg‘itayotgani, bunday noto‘g‘ri ma’lumotlar esa kelajakda qonuniy tartibga solish va mas’uliyatni kuchaytirish zarurligini ko‘rsatib berayotgani ta’kidlandi.

Asosiy xulosa
Til bilmasdan, shartnomani tushunmasdan yoki yetarli tayyorgarliksiz yo‘lga chiqqanlar eng ko‘p qiyinchilikka duch kelmoqda. Bu holatlar O‘zbekistonning Germaniyadagi obro‘siga ham salbiy ta’sir qilmoqda.

Natija
JD East orqali Germaniyada turli sohalarda amaliyot, malaka oshirish, Ausbildung va Work & Travel dasturlarida ishtirok etgan ko‘plab nomzodlar muvaffaqiyatli faoliyat yuritmoqda.
Bizning maqsad — O‘zbekiston va Germaniya o‘rtasidagi hamkorlikni mustahkamlash, jarayonlarni shaffof qilish va har bir nomzodning hujjatlari to‘g‘ri, ish joyi aniq bo‘lishini ta’minlash.

🇺🇿🇩🇪Germaniya prezidenti Frank-Valter Shtaynmayer rasmiy tashrif bilan O’zbekistonga keldi

Ko’ksaroy qarorgohida oliy martabali mehmonni kutib olish marosimi bo’lib o’tdi.

Marosimdan so’ng, oliy darajadagi muzokaralar boshlandi.


👉 @xushnudbek 👈