شبابنا الطيبة بلشتم سادس بعدكم ؟

شنو خططكم و نظامكم و جدولكم ؟

طبعاً لاحظت فد خطأ عند أغلب الطلاب

أنه لما يجي يسوي جدول يسوي جدول ع أيام الأسبوع و ميسوي جدول شهري ، و هذا واحد من الأخطاء التي حتأثر عليك لاحقاً بشكل كبير ..
الجدول الأسبوعي نعم قد يعتبر مفيد لكن غير ضروري
و الأفضل متسويه أصلاً ، إنما الأساس هو الجدول الشهري ،
حسين شلون يعني جدول شهري ؟
يعني تحدد بكذا شهر أدرس كذا مادة و كذا شهر أدرس كذا مادة و هكذا ... حتى تعرف متى تبدأ و متى تنتهي و كم حتخلص من المواد

و مثل مگلنا مو بالضروري تسوي جدول أسبوعي
يعني الأحد كذا مادة الإثنين كذا مادة و هكذا ..
و إذا تحب تسوي فسوي لكن لا على التحديد ، مو شرط يكون الأحد المادة الفلانية و الإثنين المادة الفلانية ، و إنما الفكرة الرئيسية هي أنهُ كم محاضرة من كل مادة خلال الأسبوع ؟ هذا الأساس

أما تحديد المحاضرات وفق الأيام فهو حيسبب لك تقييد أكثر من كونه جدول تعتمد عليه ، و أنت نفسك متعرف كم محاضرة حتخلص بالأسبوع و بالتالي محيكون هناك أي فائدة تُذكَر من هيچ جدول

أي شخص بعده ممبلش يدرس و ديتسائل خل يشوف الملف المثبت ، دائماً أنوه عليه لأنه كلش مهم ، و إذا مفهمت شيء بعد قرائته فأكتب بالتعليقات أو بالبوت @ALBRTH3_bot3 و إن شاء الله أحاول أساعدك

و خلي ببالك دائماً أنهُ التنظيم و الجدول هو الأب الروحي و الأساس لدراسة منهج السادس

و التوفيق من رب العالمين ..

مَ تتخيلون شگد تعبت هلشهر ونص بَس حتى اطلعلكُم بهذا كلة واخليلكُم كلشي يخُص السادس بالقناة قبل شهر 6 حتى متتعبون نفسكُم وتأخرون نفسكُم اذا حبيتوا تبلشون شهر 6

شاهدوا كُلشي وحملوا الي تردونة واصحاب القنوات اذا حابين تاخذون هم حلالكُم
فقط شرط واحد
اذا انت صاحب قناة
من تنشر المنشورات بس بالنهاية انشر رابط هاي قناتنا وتدعولي وتدعون للأشراف الي تعبوا هواي
اني (و فواطم وحسين وبابلو)
تدعوولنا بالأسم وخاصة اني

اما بالنسبة للطلاب كذلك محللين تأخذون اي شي فقط شرط واحد
تدعولي وبس
حتلو ساعدتكُم بنسبة 5% هم ادعولي يتحقق إلي ببالي
لأن كُل الي سويتة هذا اعتبرتة صدقة للطُلاب الي معندهُم امكانية لكل هذن

بالمُختصر كلشي بالقناة حلالكُم واعتبروها قناتكُم الشرط الوحيد تدعولي وبس لأن جد تعبت 🤍.