FinTech Frontier

ገንዘብ መሣሪያ እንጂ ግብ አይደለም ኤሎን መስክ ይህን ሲል "ገንዘብ ለሰው ልጅ ውስጣዊ ሰላምንና ትርጉም ያለው ሕይወትን አይሰጥም" ማለቱ ነው። መስክ የሚኖረው ለገንዘብ ሳይሆን ለትልልቅ ዓላማዎች (ማርስ ላይ ለመድረስ፣ ዓለምን በኤሌክትሪክ መኪና ለመቀየር) ነው። አንድ ሰው በቢሊዮን የሚቆጠር ዶላር ኖሮት ነገር ግን የሚኖርለት ትልቅ ዓላማ ከሌለው፣ ሕይወቱ ባዶ ሊሆን ይችላል ደስታ የሚመጣው ከቤተሰብ፣ ከፍቅር፣ ከጤና እና ለዓለም ከምታበረክተው አስተዋጽኦ ነው። እነዚህን ደግሞ በካርድ መክፈል አትችልም። በዓለም ላይ ያሉ እጅግ ባለሀብት ሰዎች በብቸኝነትና በጭንቀት (Depression) ሲሰቃዩ ማየት ለዚህ ትልቅ ማረጋገጫ ነው ።በሌላ በኩል ደግሞ፣ ይህ አባባል ለብዙኃኑ ሕዝብ "የፌዝ" ያህል ሊሰማ ይችላል። ኪሱ ባዶ ለሆነ፣ ለልጆቹ ትምህርት ቤት መክፈል ላቃተው ወይም ለታመመ ቤተሰቡ መድኃኒት መግዛት ላልቻለ ሰው "ገንዘብ ደስታን አይገዛም" ማለት ትርጉም የለውም። ለእነዚህ ሰዎች ገንዘብ ደስታን ብቻ ሳይሆን "ሕይወትንም" ጭምር ነው የሚገዛው።ገንዘብ ደስታን ባይገዛ እንኳ፣ ደስተኛ ያልሆንክበትን ቦታ የመቀየር "ነፃነት" ይገዛልሃል። መጥፎ ሥራን ለመልቀቅ፣ የተሻለ ቦታ ለመኖርና ጭንቀትን ለመቀነስ ገንዘብ ወሳኝ ነው። ኤሎን መስክ ይህን ሊል የቻለው የገንዘብ ችግር ስለሌለበትና "የችግርን መራርነት" ስለረሳው ሊሆን ይችላል።እውነታው ያለው መሃል ላይ ነው። "ገንዘብ ደስታን አይገዛም፤ ነገር ግን ደስተኛ ለመሆን የሚያስፈልጉ መሠረታዊ ነገሮችን ያመቻቻል።" እኛ ቀንና ሌሊት የምንለፋው ለገንዘብ ብቻ ሳይሆን፣ ያ ገንዘብ ለሚሰጠን ነፃነት ነው። ገንዘብ ካለህ የምትወደውን ሰው ለመርዳት፣ ለራስህ ጊዜ ለመስጠትና የምትፈልገውን ለማድረግ አቅም ይኖርሃል። ኤሎን መስክ ሊነግረን የፈለገው "ገንዘብ ኖሯችሁ ዓላማ ከሌላችሁ ባዶ ናችሁ" የሚለውን ነው። እኛ ግን የምንለው መጀመሪያ መሠረታዊ ነፃነታችንን በገንዘብ እናረጋግጥ፣ ደስታውን በሂደት እንፈልገዋለን!" ገንዘብ ደስታን አይገዛም የሚባለው አባባል የሚሠራው፣ ኪስህ ሞልቶ ልብህ ሲጎድል ብቻ ነው። ኪስህም ልብህም ባዶ ከሆነ ግን፣ መጀመሪያ ኪስህን ለመሙላት መታገል ብልህነት ነው

❤2

1.08K views11:00