Finfinnee irraa gara Dambidooloo, Naqamtee, Giimbii, Nejo, Caanqaa akkasumas Finfinnee irraa gara Macahaaraa tti imala haaraa eegalu keenya gammachuu guddaa dhaan isin berksifnaa! Tikeeta konkolaataa hunda bakka tokkotti argachuuf ammo app keenya fayyadamaa, sekondii keessatti akkasumas haala salphatti tikeeta keessan iddoo jirtanitti argachuu dandeessu. Link armaan gadii tuquun, app keenya buufadhaa akkasumas gara giddu gala odeefannoo keenyaa 9439 yookaan 0929859439 nuuf bilbilaa.

Haalaa fi yeroon utu isin hin daangessin bakka jirtanitti bilbila kessan fayyadamun karaa app kenyaan tiikeeta kessan bitadhaa
➡️ Play Store (https://play.google.com/store/apps/details?id=com.liybus.customer)


‎📢  JIRRA Miidiyaa –  Oduu haaraa ,Odeeffannoo qulqulluu, fi bashannana  nuti si biraan geenya

Poolisiin Federaalaa Adoonay Birhaanee to'annaa jala oolche

Poolisiin Federaalaa Tiiktookara Adoonaay Birhaanee H/mikaa'el to'annoo jala oolchuun qorannoo irratti eegaluu beeksise.

Adoonaay yakka uffannaa duudha hawaasa Itoophiyaan faallaa ta'een shakkamuun namoota 5 duraan to'annoo jala oolan waliin dhimmoota walqabatuun to'atamuu Poolisiin Federaalaa odeeffannoo AMN Dijitaaliif ergeen beeksiseera.

Beekamtiifi mallaqa argachuuf qofaa miidiyaalee garagaraa fayyadamuun dargaggoonni naamusaan bocamanii biyya isaaniif bu'aa akka hin buusne ergaawwan hin malle tamsaasuusaallee Poolisiin eereera jechuun amn gabaase

Six TikTok creators are accused by police of undermining public morality.

‎📢  JIRRA Miidiyaa –  Oduu haaraa ,Odeeffannoo qulqulluu, fi bashannana  nuti si biraan geenya

Tiraamp viizaa ‘Golden Card’ doolaara miiliyoona 1 ifatti eegalaniiru

Pireezidaantiin Ameerikaa Doonaald Tiraamp dureeyyii biyya alaa yoo xiqqaate doolaara miiliyoona 1 gumaachuu danda’aniif viizaa ‘Golden Card’ jedhu ifatti eegalaniiru.

Viizaan iyyattoonni yoo ulaagaa guutan “kallattiin lammii Ameerikaa akka ta’an” kan taasisu yoo ta’u, “waan baay’ee nama gammachiisu” akka ta’e himama.

Tiraamp erga viizaa labsanii booda tiwiitara isaanii irratti barreessaniiru.

Viizaan kanaan dura ifooma jedhamee eegamaa ture kun namoota Ameerikaaf “faayidaa guddaa” qaba jedhaman fayyadamoo ta’a jechuun BBCn gabaaseera.

Viizaan haaraan Tiraamp kun kan dhufe yeroo Waashingitan godaantota irratti duula eegaltee, baasii viizaa hojii dabaluu fi godaantota waraqaa ragaa hin qabne biyyaa ari’uu ishee gabaasni kun ni mul’isa.


‎📢  JIRRA Miidiyaa –  Oduu haaraa ,Odeeffannoo qulqulluu, fi bashannana  nuti si biraan geenya

Herrega Baankii Faayidaa Dijiitaalaa ID waliin walqabsiisuun Sirna Eegalfame

Baankiin Biyyoolessaa Itiyoophiyaa Sagantaa Eenyummaa Biyyaalessaa waliin ta’uun damee faayinaansii dijiitaala gochuuf adeemsa herrega baankii Faida ID waliin walqabsiisuu ifatti eegaluu beeksise.

Haa ta'u malee maamiltoonni baankii hundi herrega baankii isaanii Faayidaa Dijiitaalaa ID isaanii waliin walqabsiisuu akka qaban himama.

Maamiltoonni adeemsa kana hanga Amajjii 30, 2018tti xumuruu qabu.


‎📢  JIRRA Miidiyaa –  Oduu haaraa ,Odeeffannoo qulqulluu, fi bashannana  nuti si biraan geenya

Bu’aan Premier Switch Solutions’ waggaa kanaa dhibbeentaa 11n gadi bu’eera

#Itoophiyaa: Miseensa baankota Ityoophiyaa kan ta’ee fi kaardii kaffaltii idil-addunyaa kan hojjetu Dhaabbanni Aksiyoonaa Piriimiyer Switch Solutions (PSS) bara baajataa Amajjii 31 xumurametti bu’aa gibira duraa Birrii miiliyoona 110 argachuun kan bara darberraa dhibbeentaa 11n gadi bu’uu gabaaseera.
Akka gabaasa waggaa 2024/25 ibsutti, bu’aan gadi bu’uun isaa jijjiirama haala diinagdee maakroo Itiyoophiyaa, bara baajataa keessatti humni bittaa birrii Itiyoophiyaa dhibbeentaa 170 hir’achuu, baasii hojii dabaluu, fi dhaabbata daldalaa ijoo addaan ba’uu irraa kan ka’e ta’uu ibsameera.



‎📢  JIRRA Miidiyaa –  Oduu haaraa ,Odeeffannoo qulqulluu, fi bashannana  nuti si biraan geenya

IMF Itiyoophiyaaf Doolaara miiliyoona 261 gadhiisuuf waliigaltee sadarkaa hojjettootaa beeksise

Gareen hojjettootaa Alvaaroo Piireesiin durfamu gamaaggama 4ffaa sagantaa Faayisilitii Fandii Babal’ate Doolaara biiliyoona 3.4 (EFF) irratti gamaaggama 4ffaa irratti gareen hojjettootaa Alvaaroo Piireesiin durfamu waliigaltee sadarkaa hojjettootaa irra ga’uu isaa Fandii Maallaqaa Idil-addunyaa beeksise.

Boordiin IMF yoo raggaasifame, kutaan itti aanu Doolaara miiliyoona 261 Ityoophiyaaf kan gadhiifamu yoo ta’u, maallaqni waliigalaa Doolaara biiliyoona 2.13 ga’a.


‎📢  JIRRA Miidiyaa –  Oduu haaraa ,Odeeffannoo qulqulluu, fi bashannana  nuti si biraan geenya

Namoonni Miidiyaa hawaasummaarratti gochaa duudhaa, ummata Itiyoophiyaan ala ta'e raawwatan to'ataman.

Qajeelchi Waliigalaa Poolisii Finfinnee namoota miidiyaa hawaasummaa Tiiktookiidhaan gochaa duudhaa ummata Biyyattiin ala ta'e raawwatan to'achuun qorannoo irratti eegaluu beeksise.

Maqaa Tiiktookii Lil_jay jedhamuun kan ofwaamu Gooyigaar Koot Wuyiwaaliifi isa waliin gocha saalfachiisaa kana raawwataa kan turte, Haliilee Giboo Ayyaanaa Kutaa Magaalaa Lammii Kuraatti to'atamuu Poolisiin Finfinnee ibsa isaatiin beeksiseera.

Gama biraan maqaa tiiktookii isaa Pireezidaanti Maammee jedhuun kan of waamu Baahiruddiin Musammaa ergaa aadaa fi duudhaa biyyaa waliin hin deemne dabarsuu isaatiin Kutaa Magaalaa Booleetti to'atameera.




‎📢  JIRRA Miidiyaa –  Oduu haaraa ,Odeeffannoo qulqulluu, fi bashannana  nuti si biraan geenya

Degree sadii barate. Sadeen isaayyuu Exit-Exam darbee jira. Baay'ee carraaqe; baay'ee dadhabe. Erga hojii barbaadaa turee booda amma hojjetaa Baankii Siinqee tahuun qacaramee jira. Baayisaa irraa waan baay'ee baranna. Qaama miidhamaa tahuun yoo kayyoo qabaatte waan kamuu galmaan gahuu irraa kan sin dhorkine tahuu isaa nutti agarsiisa.



‎📢  JIRRA Miidiyaa –  Oduu haaraa ,Odeeffannoo qulqulluu, fi bashannana  nuti si biraan geenya

Golee addunyaa kamirrayyuu  bakka fi yeroon osoo isin hin daangessin  Marsariitii Unite.et ykn Appilikeeshinii isaa buufattanii  fayyadamuun Herreega Baankii Siinqee haala salphaan banadhaa!
1.Appilikeeshinii  ሀnite.et  Play store ykn App store irra buufadhaa!
2.Itti aansuun  Baankii Siinqee kan jedhu filadhaa
3.Adeemsa galmee eeguun  galmaa’aa
4.Taajaajila Bankii Diyaaspooraa fi kanneen biro  fayyadamaa


‎📢  JIRRA Miidiyaa –  Oduu haaraa ,Odeeffannoo qulqulluu, fi bashannana  nuti si biraan geenya

Lammiileen Itoophiyaa hedduun US keessatti Hidhaman

Tarkaanfii prezidaant Doonaald Tiraamp godaantota irratti tarkaanfii fudhachaa jiraniin, Ministeerri Nageenya Biyya keessaa Ameerikaa tarree lammiilee biyya alaa balaa guddaa qaban baase.

Godaantonni biyya dhaloota isaanii keessatti yakkamtoota balaa guddaa geessisan ta’uun adda baafamanii kan turan yoo ta’u, yakka adda addaa keessatti hirmaatan jedhamanii qaama Immigration and Customs Enforcement (ICE) jedhamutti hidhamanii jiru.

Tarreen kun suuraa, maqaa, yakka raawwatame, akkasumas kutaa Ameerikaa irraa dhufan of keessatti qabata.


‎📢  JIRRA Miidiyaa –  Oduu haaraa ,Odeeffannoo qulqulluu, fi bashannana  nuti si biraan geenya

"Raashiyaan waraanaaf qophiidha," NATO

Raashiyaan itti aansee nurratti xiyyeeffachuuf qophii ta’uu barreessaan olaanaa NATO Maark Ruuteetii himaniiru.

Itti dabaluunis biyyoonni miseensa gamtichaa tarkaanfii ariifachiisaa yoo hin fudhanne daandiin keenya gara fuula duraa balaa qaba jedhan.

NATOn erga waraanni kun jalqabee Raashiyaan waldhabdee Yukireen deeggaruun isheef aarii isaa ibsaa ture. Pravda Awurooppaa akka gabaasetti.


‎📢  JIRRA Miidiyaa –  Oduu haaraa ,Odeeffannoo qulqulluu, fi bashannana  nuti si biraan geenya

Sararri Daandii Xiyyaaraa Itoophiyaa gara Magaalaa Saa’uudii Jiizaanitti balalii haarawa jalqabe

Sararrii Daandii Xiyyaaraa Itoophiyaa ji’a Gurraandhalaa dhufuu jalqabuun Finfinneerraa gara Magaalaa buufata doonii Saa’uudii Arabiyaa taate Jiizaanitti balalii kallattii akka jalqabu beeksisee jira.

Balaliin Sarara Daandii Xiyyaaraa Itoophiyaa Magaalaa Jiizaanitti jalqabuuf jedhu kun hojii daawwannaa fi daldalaaf carraa gaarii kan uumu ta’uunis himamee jira.

Sararrio Daandii Xiyyaaraa Itoophiyaa amma magaalota Saa’udii kanneen akka Jiddaa, Riyaad, Damaam fi Madiinaatti torbaniin balalii gara afurtamaa taasisaa akka jirus ibsameera.

Sarara buufata balalii Afriikaa 60, kan addunyaa ammoo 145 ol kan qabu dhaabbatichi Ardii Afriikaa addunyaa kaan walii wal qunnamsiisuuf hojii cimaa hojjetaa jira jechuun miidiyaan EBC gabaaseera.



‎📢  JIRRA Miidiyaa –  Oduu haaraa ,Odeeffannoo qulqulluu, fi bashannana  nuti si biraan geenya

Sa’atii 72 guutuu muka haammatte!

Shamarreen kun Truphena Muthoni jedhamti. Umurii 22. Lammii biyya Kenyati. Kana dura haala jijjiirama qilleensaarratti hubannaa uumuuf, akkasumas jaalala uumamaaf qabdu agarsiisuuf sa’atii 48 muka haammattee turte.

Gidduu kana immoo sa’atii 72 guutuu utuu hin nyaatiin - hin dhugiin muka haammatte. Kunis Guinness World Records galmaa’uuf jira.

Kutannoo guddaadha!



‎📢  JIRRA Miidiyaa –  Oduu haaraa ,Odeeffannoo qulqulluu, fi bashannana  nuti si biraan geenya

Arne Slott Mohamed Salah waliin haasa'uuf!

Leenjisaan Liivarpuul Arne Slott har'a Mahaammad Saalaa waliin mari'achuuf akka taa'u mirkaneessaniiru.

“Har’a Saalaa waliin taa’a, bu’aan isaas taphi boruu maal akka ta’u murteessa,” jedhan leenjisaan Arne Slott.

Itti dabaluunis, “Murtee kilabii waan ta’eef qaama murtee sanaa ture” jedheera.

Saalaan akka turu barbaaddaa jedhamee gaafatamee hogganaan kun “sababni ani hin turre hin jiru” jedheera.

Gama biraatiin Aleeksaandar Isaak miidhamaa waan jiruuf tapha boruutiif shakkii qaba jedhan leenjisaan kun.

Federico Chiesa gara shaakalaatti deebi'uu isaa leenjisaan Arne Slott ibseera.



‎📢  JIRRA Miidiyaa –  Oduu haaraa ,Odeeffannoo qulqulluu, fi bashannana  nuti si biraan geenya