Qumaarawwan toora intarneetii kan dargaggoota daandirraa maqsaa jiran

Finfinnee, Sadaasa 22, 2025: Qormaata ba’uumsa Yuunivarsiitii yeroo sadiin kufe. Yeroo sadi! Jedha Caalaa Maaremaa, barataan Yuunivarsiitii Finfinnee ture, sagalee gaddaafi gaabbiin guutameen. “Hiriyoonni koo digirii isaanii qabu. Ani sagalee qumaarichaa gurraa koorraa xiixu malee homaa hinqabu.”

Sagalee kun, lakkoofsa saffisa addaan lakkaa’u waliin ta’ee dha’annaa onnee taphatootaa dabalu, mallattoo dhaloota har’aa isaanii qumaara dijitaalaan daldalan ta’eera. Caalaan Sagalee kana bakki osoo ittin hin dhaga’in hafe hin qubaan lakkaa’amu.

“Yuunivarsiitii Finfinneetti kuufama intarneetaa bitadhee daree barnootaa keessa taa’een taphadha,” jedha. “Gaafa barsiisonni koo barsiisan ani lakkoofsa mobaayilii koorraa lakkooftun ilaala.” Barnoota dhiiseen qumaara kana reeba.” “Miira keessa galee waanan taphadhuuf waan barsiisan jechaa jiru quba hin qabu.”

Jireenya tasgabbii irraa gara araada qumaaratti kan kufe osoo akkanan ta’a jedhee hin yaadini. “Jalqaba kanan dhaga’e namoota biroo irraayi. Beetingii ispoortii irratti tilmaama kubbaa miilanan eeegale. Kubbaa miilaa baay’ee waanan jaaladhuuf miidhaa qaba jedhees hin yaanne ture,” jedha Caalan. Garuu takka turee taphoota dabalataa achirra jiran keessaa kan digirii waggoota 16 itti dhama’e dhabsiise Avaataar baruu hima.

Traampi tajaajillli golgaa seeraa godaantota Somaaliyaaf Minisootaatti taasifamu akka dhaabatu beeksisan

Finfinnee,Sadaasa 22, 2025: Preezidaantiin Ameerikaa Doonaaldi Traamp tajaajilli golgaa seeraa godaantota lammii Somaaliyaa Minisootaa keessa jiraataniif taasifamaa ture akka dhaabbatu beeksise. Innis Jimaata darbe sagantaa baqattotaaf gara biyya isaanii dhufan xiqqeessun gocha badiisaa ittisuuf murteessadha jedhe.

Traamp Karaa miidiyaa hawaasummaa isaan Truth Social irratti akka ibsanitti” tajaajila golgaa seeraa godaantota Soomaliyaa Minisootaa dhaabuu koo ni beeksisa” akkasumas “gareewwan Somaaleen” uummata yeroo miidhaa irraa gahan arginerra jedhan

Tajaajili kuni akka namni biyya hin ari’amneef balaa waraanaa, balaa uumamaafi rakkoowwan ulfaatoo, rakkoowwaan nageenya dhabuu nama mudachu malan irraa bararuuf kan kennamudha.

Kutaan walakkeessa dhiha Minnesota ummata Somaalee baay’ee kan keessummeessitu yoo ta’u, naannoo baha Afrikaa, kan waggoota kurnootaaf waldhabdee cimaa keessa turte keessa Soomaliyaan isaa tokkodha.

Akka galmee Kongireesii jedhutti namoonni dhuunfaa lammillee Somaaliyaa 705 ta’an tajaajilli kuni akka argatan raggaasisaniiru ta’us iyyannoowwan hanga Amajjii 31tti tilmaamaan namoonni dhuunfaa 4,300 ta’an akka tajaajila haaraa kanaafi ulaagaa waan hin guutiniif yeroon dheereffamuu” ibsamera.

Liiverpuul 0-3 Nootingaam Foorest: Guyyaatti qofaa deeman....

Aanfiild irraa har'a surraan isaa ka'eera. Dhaadannoon isaanii ''You'll Never Walk Alone'' jedhu har'a hin jiru.

Taphattoonni dirree isaanii irratti salphatan qofaa adeemu.

Deeggartoonni baay'een dirree dhiisanii bahaa turan. Arne Isloot barana waan furmaata argatan hin fakkaatan.

Falaasmni taphaa harkaa badeera. Tasgabbiin dirree keessatti hin mul'atu.

Siyaasni Oromoo dhiiga waldhangaalaasuu keessaa bahee gara marii siyaasatti cee’uu akka qabu himame.

“Rakkoo siyaasaa Oromoo qawween osoo hin taanne mariin furamuu qaba” jedhu.

Waamichi obbolaa jidduutti dhukaasni haa dhaabbatu jedhus akkuma Itti fufetti Jira.

Waraana waliinii Oromiyaa keessatti mootummaa fi Waraana Bilisummaa Oromoo jiddutti adeemsifamaa jiru karaa mariitiin akka xumuramuuf waamichi sagaleen dhukaasaa obbolaa jiddutti haa cal'isu jedhu adeemsifamaa jira.

Ummanni Oromoo yeroo ammaa waan hundaa ol nageenya barbaada kan jedhan namoonni duula kana adeemsisaa jiran, kanaaf qaamonni Oromiyaa keessatti wal waraanaa jiran sagalee dhukaasaa cal'isiisuu qabu jedhu.

“Rakkoo siyaasaa Oromoo qawween osoo hin taanne mariin furamuu qaba” jedhu.

Qaamoleen Oromiyaa keessatti wal waraanaa jiran dursa sagalee dhukaasaa Oromiyaa keessatti cal’isiisuu irratti walii galuu qabu, achii booda dhimmoonni siyaasaa kanneen akka Bilisummaa, Walabummaa, hiree murteefannaa, hidhannoo hiikachuu, diimookraasii fi kanneen biroo dhufuu danda’uu jedha.

Siyaasni Oromoo dhiiga waldhangaalaasuu keessaa bahee gara marii siyaasatti cee’uu akka qabu himu.

Mootummaan Itoophiyaa marii nagaatiif haala mijjeessuu akka qabu dhaamani jiru.

Volkaanoon Affaar imala qilleensaa Hindii fi Chaayinaa jeeqe

Volkaanoon torbee darbe magaalaa Affaaritti dhohe samiitti salfar daayi’oksaayidii baay’inaan dhangalaasuun Yaman, Sa’uudii Arabiyaa keessa darbee gara Hindii fi Chaayinaatti qajeeluun imala qilleensaa Hindii jeeqeera.

Sagantaa kana saatalaayitii Ejensii Hawaa Awurooppaa kan ta’e Sentinel kan saatalaayitii addunyaa irratti saatalaayitii hundarra gaarii ta’ee fudhatamtu Copernicus Data Hub kan keessummeessitu yoo ta’u, fageenya kiiloo meetira kumaatamaan lakkaa’amu irraa hordofameera.

Namni dhuunfaan Hiriyaa  isaa Waliin hojjetan ajjeesee baankii hojjetuu  birrii miliyoona 2 ol saame hidhaan umurii guutuu itti murtaa'e.

Yakkamaan Hiriyaa isaa kan waliin hojii hojjetan ajjeesuudhaan baankii hojjetaniimmoo maallaqa miiliyoona 2 saame adabbiin  hidhaa umurii guutuu itti murtaa'ee jira.

Gochi Yakkaa kun Bara 2015 keessa Magaalaa Finfinnee Kutaa Magaalaa Lidataa aanaa 9 bakka addaa Lidataa jedhamutti kan argamu Baankii Abisiiniyaa damee  Baalchaatti raawwatame.

Yakka kana kan raawwate Namni Maqaansaa Geetahun Mulat jedhamu, nama waliin hojjetu Zegyee Cheeruu  sibiilaan mataa isaa fi qaama isaa gara garaa rukutee ajjeesee, achiis saanduqa baankichaa keessaa birrii miiliyoona 2 fi kuma 460 saame.

Poolisiin Magaalaa Finfinnee Guyyaa yakki kun itti raawwatamerraa eegaluudhaan yakkicha qorachaa turuu beeksise.

Akkaataa kanaan Namni dhuunfaa kun yakka walfakkaataa lama raawwachuu isaa kan mirkaneesse yoo ta’u, maqaa sobaa Amaaree Dassaaleny jedhuun fi ragaa barnootaa sobaatiin dhaabbata tajaajila nageenyaa tokko keessatti waardiyyaa ta’ee qacaramee hojjechaa ture.

Yakka ajjeechaa nama waliin hojjetu irratti raawwachuun miliquuf yaalus, yakki kamiyyuu itti gaafatamummaa seeraa ol waan hin taaneef, namni kun to'annoo jala oolfamuun  akkaataa yakkicha itti raawwate agarsiiseera. Haaluma kanaan Poolisiin galmee qorannoo qindeessee abbaan alangaa himannaa irratti bane.

Manni Murtii Olaanaa Federaalaa dhimmicha ilaalaa ture himatamaa Geetaahuun  yakkamaa ta’uu isaa murteessee hidhaa umurii guutuu itti murteessee jira.

Namichi kun Live seenee maraachaa jira😅

Haati manaan isaa Lakkuu deesseef inuma gammadeeti jettu yoona. Haatiif abbaan warra adii ta'anus garuu daa'imman dhalatan lachuu faranjii miti. Maaltu deemaa jiraa jechaa jira.

Doktorri duuba isaanii jiru immoo Apartment tokko irra galu. Maaltu beeka jettaniiti. Ollaa garraamii argate ta'innaa laata😅.

Kabajamtoota Maamiloota Baankii Keenyaa Har’a halkan keessaa sa’aatii 9:00 hanga 11:30 tti

Sababa fooyya’iinsa siistemaatiin, tajaajilli kaffaltii dijitaalaa baankii keenyaa hundi, mobaayil baankii, CBE Birr, interneet baankii, ATM, POS fi Tajaajila Baankii Ijoo(Core Banking Services) dabalatee, Sadaasa 17, 2018 halkan keessaa sa’aatii 9:00 irraa eegalee hanga sa’aatii 11:30tti yeroof, tajaajilli addaan ni cita. Kanaafuu, maamiloonni keenya kana beekuun dursitanii qophii barbaachisu akka gootan isin beeksifna.
Sababa fooyya’iinsa siistemaa taasifnuun, tajaajila addaan cituufis kabajaan dhiifama isin gaafanna.
**
Via Baankii Daldalaa Itoophiyaa

''Yeroon waa'ee Arsenaal itti yaadnu amma,'' Maareeskaan

Leenjisaan Bluus Enzo Maresca tapha galgala kana Baarseloonaa waliin taasisan injifannoo malee homaa akka hin taane dubbataniiru.

“Injifannoo gaarii ture,” jedhan leenjisaan Enzoo Maareeskaan, “garuu kana caalaa hin turre.”

Waa'ee Isteevaa'oo yeroo dubbatu leenjisaan kun, “Isaaf halkan guddaa, kilabichaafi deeggartootaaf halkan guddaa ture” jedheera.

Itti dabaluudhaanis, “Yeroon amma waa’ee Arsenaal haasofnee Isteeva’oon guyyaa sanatti taphataa idilee ta’uu isaa ilaalludha” jedheera.

Achi duuba carraan karaa hundaan naa baname kan jedhu Dargaggoon ganna diqqaan Dhaabbata Mootummoota Gamtoomaniitti bakka bu'aa Afrikaa kun,gara Ameerikaattille qajeeluun Yuuniversitii Ameerikaa kan Pirezdaantiin Ameerikaa Donaald Tiraamp'fi Dureessi addunyaa Elon Maskiin itti baratanitti Peensilvaaniyaatti baratuu turtii BBC Afaan Oromoo woliin taasiseen ni dubbata.