𝐅𝐨𝐱 𝐓𝐞𝐜𝐡💻

💥የደሞዝ ቀን ቆጣሪ ከምትሆን ስራ ፈጣሪ ሁን ! 🤔
➖➖➖➖➖➖➖➖
ስራ ፈጣሪ ከሆንክ፣ ይህን ጥበብ አንብብ። ስራ ፈጣሪ ለመሆን እያሰብክ #ከሆነ፣ ይህን ጥበብ አንብብ። ስለ ስራ ፈጠራ (Entrepreneurship) ለማወቅ ጉጉት ብቻ እንኳ #ካለህ፣ ይህን ጥበብ አንብብ።ምክንያቱም ይህ ጥበብ ስራ_ፈጣሪ_ያደርግሀልና 👇

#የደሞዝ_ቀን_ቆጣሪ_ከምትሆን
#ስራ_ፈጣሪ_ሁን!

እርጉዝ ሴት ሕመሙ ስለሚጸናባትና ልጇን የመሳም ናፍቆት ስለሚያጓጓት ቀን መቁጠር ታበዛለች። የእሷ ግን ልጁ ሲወለድ ያበቃል። የተቀጣሪ ሕይወት ግን በየወሩ ቀን መቁጠር ነው። ደሞዝህ ለወር አይበቃህም፣ የደሞዝ የምከፍለው እያልክ እዚህም እዛም ትበደራለህ። ሲመጣ እጅህ ላይ የሚቀረው ግማሹ ነው። አዙሪቱ ይቀጥላል። ይህ ሕይወት አይገባህም! ደሞዝ እድሜ ማራዘሚያ እንጂ መኖሪያ አይደለም። ስለዚህ ስራ ፍጠር። አካብደህ አትየው። ሲጀመር ችግርህ የማካበድ ነው።

#ችግር_ቆጣሪ_ከምትሆን
#ስራ_ፈጣሪ_ሁን!

የችግር ኢንኩቤተር ሆነሃል። በየቀኑ ችግር እንደ ጫጩት ትፈለፍላለህ። ሰዎች ሚሊየን ሲቆጥሩ አንተ ሚሊዮን ችግር ትቆጥራለህ። ይህ ግን የ40 ቀን እጣህ አይደለም። በአጋጣሚዎች እዚህ ላይ ተገኝተሃል። አሁን ግን በቃህ። የምትችለውን፣ እጅህ ላይ ያለውን፣ የሚያዋጣህን፣ ያሉህን ሰዎች ይዘህ ከችግር ቆጣሪነት ወደ ሚሊዮን ቆጣሪነት የሚያሸጋግርህን ስራ ፍጠር። ቢላ መሳልም ይሁን ማሽን ማምረት፣ ቀለም መቀባትም ይሁን ማስታወቂያ መስራት የምትችለውን፣ የሆንከውን ያዝና ጀምር። የመራመድ ሚስጥሩ ዳዴ ማለት ነው።

#ፈጣሪህን_አማራሪ_ከምትሆን
#ስራ_ፈጣሪ_ሁን!

አዎ፣ ለሁሉም ሰው ሕይወት እኩል ቀላል ላትሆን ትችላለች። ፈጣሪ ግን ሁሉንም እኩል ፈጥሯል። እኩል የሚሰራ አካልና አእምሮ ሰጥቷል። የተሰጠህን መጠቀምና አለመጠቀም ያንተ ምርጫ ነው። ተቀምጠህ አትውቀሰው፣ ሳትሞክር አታማረው። ይልቅ ፊት ለፊት እንዲመራህ በጸሎት እየጠየቅክ፣ ከዚህ አማራሪነት የሚያወጣህን ስራ ፍጠር። ግራ የገባህን እንዲያጠራልህ፣ በሰዎች ፊት ሞገስ እንዲሆንህ፣ የጎደለውን እንዲሞላልህ እየጸለይክ ታገል፣ ፍጠር። ቢያንስ ለመውቀሱም፣ ሞክረህ ውቀሰው!

#ሕይወት_ላይ_ቂም_ቋጣሪ_ከምትሆን
#ስራ_ፈጣሪ_ሁን!

"ሕይወት ፍትሐዊ አይደለችም።" "ላለው ይጨመርለታል።" "ሴቶች ሁሉ ሐብታም ፈላጊ ናቸው" እያልክ አታለቃቅስ። ሕይወት ለአንተ ግዴታ የለባትም። በባሌም፣ በቦሌም ብለህና ተባጥሰህ የሚገባህን ትወስዳለህ እንጂ ማንም አስቦ አይሰጥህም። የድርሻህን የምትወስድበት አንዱ መንገድ ደግሞ ስራ መፍጠር ነው። የግድ የምትወደው ሳይሆን የሚያተርፍልህ፣ ከሕይወት ረጋሚነት የሚያወጣህ ስራ ፍጠር። ሽጥ፣ ነግድ፣ በርግድ— ማለቃቀስ የለወጠው ነገር የለም።

#የልጅ_ጡረተኛ_ከምትሆን
#ስራ_ፈጣሪ_ሁን

እንኳን ተማርክ። እንኳን ዲግሪ ያዝክ። መታሰሪያህ ግን አታድርገው። ብትቀጠርም የሚጠብቅህ ከዕለት ኑሮ የማያሻግር፣ ለወላጆችህ የማያተርፍ ደሞዝ ነው። የሚቀጥረኝ አጣሁ በሚል ሰበብ ተቀምጠህ ማለቃቀሱን ተው። አንተ በዘገየህ ቁጥር ወላጆችህ ወደ ሞት እየቀረቡ ነው። እነሱን በመጦሪያ ዘመን ተጧሪ አትሁን። ስራ ፍለጋ የምትደክምበትን ጉልበት፣ ስራ ለመፍጠር ተጠቀምበት። ለሰበቦችህ እድል አትስጣቸው። የሞከረ ነው መንገድ የሚያገኘው።

❤3🔥3

236 views04:42