هو فيه ناس ممكن تعور نفسها عشان تلبس قضايا لناس مثلاً أو يستغلها لمصلحته تعال بس معايا أعرفك ع حاجة اسمها الجروح المفتعلة Fabricated Wounds وديه جروح بيفتعلها الشخص في نفسه وديه بتكون جروح سطحية ونادراً ما بتكون رضية أو نارية في خطوط متوازية

خلي بالك للي بيعمل الجروح ديه في حاجتين مهمين اعرفهم أولهم أنه للي بيعمل الجروح ديه بيعملها في مكان غير خطير عشان مش يموت ، وثانيهم أنك لو لاحظت ع الناس ديه هتلاقي دايماً الجروح بتبقى في متناول اليد يعني ايه ؟
يعني مثلاً مش هتلاقيها في ظهره لأنه صعب يوصلها بإيده لكنك بتلاقيها في حتت سهل يوصلها زي ايده أو رجله

خواص الجروح ديه بيكون ياترى عامل ازاي ❓
1.بتكون دليل مثلاً لو واحدة جاية تشتكي وتقولك أنا انضربت بعصاية وهي خربشة أصلاً .
2.لما بتجي تشوف ملابس للي عمل في نفسه كده مش هتلاقي عليها قطع لأنه أصلاً شمّر هدومه عشان يشوف يعور نفسه فين بالضبط ع عكس لو هو فيه خناقة بتلاقي أصلاً فيه قطع في الهدوم ‼️
هتقولي ماممكن يعمل قطع في القميص ، اها ممكن مش هيكون في الSame level بتاع الجرح 😉

هدف اللي بيعملها بيكون ايه :
1. ممكن مثلاً عايز يتهم شخص عدو له وعايز يلبسه قضية أو ياخد تعويض منه .
2.يهرب مثلاً من الخدمة العسكرية
3.يهرب من السجن لما ضباط الشرطة يلاقوا مثلاً كده فيودوه مستشفى ويحاول يهرب .
4.لو مسجون مثلاً حاول يعملها ويقول للنيابة اعترافي ده كان تحت ضغط وضرب حتى شوف مثلاً لو حد مسجون حب يعملها عشان يلبس مسجون تاني .
5.لو مثلاً بيدعي أنه كان بيدافع عن نفسه ضد المجني عليه للي قتله

الحلو بقى أنك ممكن تشوف الجرح ده والشخص ده يقولك أنا الراجل ده (اللي ملبسه يعني ) ضربني من يومين وأصلاً عمر الجرح بيقول أنه انضرب من اسبوع !

صفحتنا ع فيسبوك :
https://www.facebook.com/muhammed.gamal.161214/

#علم_الجريمة
#forensic_csi

مسرح الجريمة يتحدث عن نفسه ❓
مسرح الجريمة هو السر الكبير مع أنه جماد لكن الآثار المادية والأدلة الجنائية اللي فيه بتخليه يتكلم ويكشف حقائق كتير
تعال وأنا أحكليك ع قصة حلوة كده وللي كانت مبدأ د. إدمون لوكارد وده طبيب شرعي وعالم جريمة فرنسي للي هو كل اتصال أو تلامس حسّي بيسيب آثارًا في مسرح الجريمة .

كل الحكاية أنه كان فيه جريمة قتل حصلت وأحد أطرافها كان واحد اسمه غوربان اُتهموه بقتل عشيقته خنقًا ، لكن هو قالهم أنا مش كنت موجود في المكان ده لحظة الحادثة ،،، حقك يسطا

فاكر د. لوكارد قال ايه فوق فحب يثبت كلامه للي قاله فعمل ايه !
رفع بقايا من أظافر المتهم بغرض فحصها بالميكروسكوب ولقى عوالق من جلد بشري فيها البقايا واللي ممكن يكون ليها علاقة بعنق الضحية.

الأهم من ده هو أنه لقى قشور كانت مُتغلفة بالنوع نفسه من مسحوق بتاع وجه الضحية للي كانت بتستعمله وللي لونه وردي ولما واجه الجاني غوربان بالأدلة أدلى بإعترافاته كاملة وتمت إدانته بإرتكاب جريمة القتل.

تابعنا ع فيسبوك :
https://www.facebook.com/muhammed.gamal.161214/
#علم_الجريمة
#forensic_csi

الخوخة للي في الصورة ديه سجنت الراجل ده 876 يوم 😁

الراجل للي في الصورة ده اسمه أران بيرتون 27 سنة ، راح يسرق بيت ، صحاب البيت لما بلغوا الشرطة وجت عشان تعاين المنزل فخبراء الأدلة الجنائية لقوا حتة من الخوخ متاكلة لما سألوا صحاب المنزل قالوا أنها مش تخصهم فتم تحرزيها واتبعت للمختبر الجنائي لفحصها DNA.

الشرطة قعدت سنة في الموضوع ده وبعد التحقيق الرقيب ديف بون لقى في إشتباه وعلاقة لأران بيرتون بالقضية، وبمتابعته للحصول على عينة DNA توصلوا لوجود علاقة وراثية وتطابق بين النمط الوراثي لقضمة الخوخ وعينته المرجعية.

تابعنا ع فيسبوك :
https://www.facebook.com/muhammed.gamal.161214/

#علم_الجريمة
#forensic_csi

بتلاقي مدمن الكوكايين عمال يهرش كده ويقولك حاسس بحاجة بتتحرك تحت جلدي وده بيحصل فعلاً اسمه Magnan's sign أو حشرات الكوكايين وده إحساس مشابه لإحساس الحشرات اللي تزحف تحت الجلد وده أصلاً بيبقي هلاوس حسيّة Tactile Hallucination وساعات بيقولوا عليها Formication 🐜 نسبة للنمل يعني 🤷‍♂️

في الحالات الشديدة ممكن أنه الإحساس شديد لدرجة أن المدمن يجرح نفسه أو يقطع جلده عشان يلاقي للي عمال يجري تحت جلده ده أما ردود الفعل الأقل بيكون بس خدش المدمن ع جلده.

نفس الأمر مع مدمنين الميث ، هتقول ماهو أنا بشوف ناس مدمنين هيروين بيعقدوا يهرشوا هل ده بردوة Magnan ،، لا
لأنه ممكن يكون بسبب خروج الهيستامين للي بيسبب خروجه المواد الأفيونية أصلاً وللي بيعمل هرش .

فيه بقى ضحايا ممكن تلاقيهم في مسرح الجريمة كانوا بيضربوا كوكايين بس لما تيجي تشوف سبب الوفاة هتلاقيه أنه كان كان خمورجي بردوة وأنه كان بيضرب الأتنين مع بعض وده الأخطر بسبب أنه الجسم بيكون مادة الكوكايثيلين Cocaethylene وديه أخطر وبتزود خطر حدوث مفاجئ الموت (المعهد الوطني لتعاطي المخدرات 2001 )
Magnan's sign is a clinical sign in which people with cocaine addiction experience paraesthesia which feels like a constantly moving foreign body, such as fine sand or powder, under the skin.

تابعنا ع فيسبوك :
https://www.facebook.com/muhammed.gamal.161214/

#علم_الجريمة
#forensic_csi

صورة تظهر مكان ج*رح لطلقة نارية أصابت الضحية للي مر ع مرحلة تعفنه فترة كبيرة .
Gunshot wound to the temporal region in an advanced decomposed body.

يظن بعض المجرمين أنه الأدلة لا تظهر وخصوصاً أنه الضحية دخل في مرحلة تعفن لكن فحص الجثة يبين عكس ما يظنون 🙃

تابعنا ع فيسبوك :
https://www.facebook.com/muhammed.gamal.161214/
#علم_الجريمة
#forensic_csi

متهم ظلماً 😢🥺
تلاقي موظف بيقدم ع وظيفة عشان ياكل منها عيش في إحدى الشركات ويطلبوا منه تحليل مخدرات وبعدها يرفضوه لأنه نتيجة التحليل إيجابية ‼️
النتيجة ايجابية ✔️ للميثامفيتامين في عينة البول وده أحد المنشطات المحظورة .
الموظف يعقد يحلف يجماعة أنا مبضربش مخدرات ولا بتعاطى حاجة وهم ولا هنا محدش مصدقه.

الموظف ده كان لو جيت تسأله عشان أنت فاهم ومش تحكم ع الناس كده وخلاص تقوله فيه أدوية أنت بتاخدها معينة .....لحظة من التفكير العميق .... اه كان عندي برد واحتقان وخدت “Vicks Inhaler”
طيب ممكن اشوفه ؟
اتفضل
تلاقي الفيكس فيه مادة للإحتقان اسمها Methamphetamine بس وهي بالشكل ال L بتاعها للي في الصورة
---------------------------------------------------------
هنا بقى الراجل ده طلع مظلوم لأنه L methamphetamine للي خدها مادة بتطلع بدون وصفة عادي OTC لأنها أصلاً Not Psychoactive
The L methamphetamine is not a controlled substance. It is found in an over the counter medicine called a “Vicks Inhaler”
ع عكس الشكل التاني للي هو D Methamphetamine وده الPsychoactive الممنوع

بس المشكلة عنده أنه المفروض كان يعمل تحاليل تأكيدية في المعمل ولما اتعملت
لقوا النتيجة إيجابية ❌ لمركبات الأمفيتامين من خلال قياسه للعامل النشط في جهاز استنشاق الفكس L-methamphetamine

ناس ممكن تطلع نتايج المخدرات عندها إيجابية وهم مش بيتعاطوا حاجة منهم لكن بياخدوا أدوية ممكن تدي اختبار إيجابي ، لذلك لازم تعرف من دكتور السموم أو الصيدلي ايه الأدوية لي ممكن تعمل كده !

تابعنا ع فيسبوك :
https://www.facebook.com/muhammed.gamal.161214/
#علم_الجريمة
#forensic_csi

لقوا ضحية متوفى على سرير وجنبه ازازة فاضية لما شافوها لقوا أنها فينول وشافوا حروق وجه الضحية وحولين الفم واليدين ، يعني بس كده عرفنا حل القضية
المفروض بقى يعني أن يكون سبب الوفاة -->انتحار لأنه الضحية حاول يبلع فينول عشان يموت صح ده أكيد للي جه في دماغك ❌

لو صبرت ع رزقك هتلاقي أنك المفروض تشوف تحاليل السموم الأول ، السموم الجنائية يعني<Forensic toxicology>وللي لقوا كمية كبيرة من الفينول في المعدة ونتائج سلبية في الدم والكبد فقالوا أنه الفينول ده تم اعطائه للضحية بس بعد ما مات يادي المصيبة يعني هو مات بسبب تاني بقى

في ظل استمرار التحقيقات للي كشفت أنه زوجة الضحية كان عندها عشيق وللي خنق الضحية بمخدة بعدها صب الفينول لمعدة الضحية باستخدام أنبوب ، وده بيوضح دور الطب الشرعي والسموم في الحالة ديه لأنه القسمين ساعدوا بعض في التوصل لحل القضية ‼️
الصورة طبعاً تعليمية ولجذب الأنتباه مش أكتر 😁

تابعنا ع فيسبوك :
https://www.facebook.com/muhammed.gamal.161214/
#علم_الجريمة
#forensic_csi

لك أن تتخيل معي كده أنه ممكن تفاصيل قضية أي كانت بقى حادثة ولا جريمة ممكن يشارك في حلها حتة حشرة صغيرة ‼️

للي بيدرسوا علم الحشرات عندهم فرع وهو اسمه علم الحشرات #الجنائي Forensic Entomology وده بيعروفوا منه وقت الوفاة وشوية حاجات كده ومنها تحليل السموم في الضحية عشان يعرفوا الأحداث اللي حصلت قبل الوفاة .

كان فيه امرأة عندها 40 سنة لقوها هي وعيالها محترقين في عربية قبل الحادثة المرأة كانت معدية ع محطة بنزين وساعدهم في ده سجلات المراقبة بالفيديو ولقوا علبة بنزين فارغة قريبة من السيارة يعني ممكن تكون استخدمت عشان تفتعل الحريق.

بعدين جمعوا بعض الانسجة وسوائل الجسم زي البول والدم واليرقات اللي كانت على الجثث وعملوا تحاليل السمية ليهم.
الغريب بقى أنه النتائج إيجابية بالنسبة للديازيبام Diazepam وده دواء منوم ولقوا مشتقاته واللي كانت متواجدة بس في عينات الأطفال والتراكيز في الدم بس متوافقة مع الجرعات العلاجية العادية.

واما التحليلات السمية اللي عملوها ع اليرقات الموجودة ع الأطفال إيجابية بالنسبة للديازيبام والmetabolites بتاعته بس بكميات أقل مقارنة بتركيزات الدم .

في حين كانت اليرقات والسوائل اللي جمعوها من جسم الأم سلبية للديازيبام ❌
لما شافوا كاميرات المراقبة بالفيديو في المنزل لقوا أن الأم قامت بوضع بعض القطرات من العِقار المهدئ في المشروب الغازي للأطفال قبل ساعتين فقط من إشعال النار في السيارة عشان يعني تخدرهم ومش يحسوا بالألم بتاع الحريق .

وبناءً على نتائج التشريح كانوا جميع الضحايا على قيد الحياة وقت الحريق Fire لأنهم شافوا soot للي اتكلمنا عنه قبل كده بيبقي جزئيات كربون سودة بتتشاف في الشعب الهوائية وبتدل ع الحيوية والاستنشاق وقت حدوث الحريق يعني كانوا عايشين .

وقالوا أنه سبب وفاة جميع الجثث على أنه تسمم بأول أكسيد الكربون وإصابات حرارية مميتة بسبب الحرائق.
وده بيوضح دور الحشرات في معرفة سبب الوفاة وهل كانت بسبب تسمم ولا بسبب تاني غير ده ودورهم حتى في الجثث المحترقة ☠️☠️
والحالة ديه الأم انتحرت وفي نفس الوقت قتلت أطفالها وده بنقول عليه Filicide-suicide

تابعنا ع فيسبوك :
https://www.facebook.com/muhammed.gamal.161214/

#علم_الجريمة
#forensic_csi

الضحية بتاعت انهاردة مات بسبب الهواء ومش بس كده ،لا،ديه كانت قضية ق*ت***ل ‼️
كان فيه واحد عنده 42 سنة و شغال في مركز بتاع صيانة وتصليح السيارات صحابه في الشغل حبوا يهزوا معاه بقى راحوا قربوا منه من الخلف وجابوا هواء مضغوط compressed air cleaner وده بيستخدموه في تنظيف الأوساخ من السيارات في مركز الخدمة للي بيشغلوا فيه.
ايوا عملوا ايه بالهوا ده يعني ❌
نفخوا صاحبهم ده بالهواء عن طريق الشرج
هزار بقى وكده الضحية بعدها اشتكى من آلام شديدة في البطن .
اتنقل بعدها للمستشفى هناك الجراحين عملوله exploratory laparotomy وللي كشف عن ثقب في منطقة في الأمعاء recto sigmoid perforation للي عمله ضغط الهواء، وده مشكلة بسبب أنه الفضلات والسموم بتخرج وتروح لمنطقة البطن بس أطباء الجراحة عالجوه وقفلوه بس بعدها المريض ده حصله عدويsecondary peritonitis and sepsis والمريض مات بعد 5 أيام.
The cause of death was hence opined as multi-organ failure due to septicemia following peritonitis consequent upon the rupture of the recto sigmoid junction of the intestine.
بعدها اتوجه لزمايله دول تهمة القتل العمد لصاحبهم 👽
#علم_الجريمة
#forensi

Autopsy findings:

1)On external examination of the deceased, an abraded wound was present at the anal margin / Laparotomy suture wound was present along the midline of the abdomen and colostomy wound with drainage tube in situ, was present in the left iliac region.

2)On internal examination, peritoneum showed features of peritonitis and ulceration.

3)Multiple surgical sutures were found along the recto sigmoid junction.

4)On perusal of hospital findings, revealed that chest radiograph showed features of acute respiratory distress syndrome, Arterial Blood Gas analysis was suggestive of metabolic acidosis, total leukocyte count was elevated to 22,500/cmm, platelet count was 94,000/cmm and both renal and liver function tests were altered.

الحالة ديه بنشوفها في الناس للي بيفضلوا فترة كبيرة في المياة زي الغرقانين كده واسمها washerwoman's skin وفيها بتلاقي تبييض وتجعد ع الجلد خاصة ع سطح راحتي اليدين وباطن القدمين و تنفصل طبقة ال Epidermis عن طبقة ال Dermis زي ما كون بتخلع الجوانتي من ايدك 💀
وده بدوره بيساعد في التقدير المدة التقريبية للغطس ؛
1- التجاعيد: إذا كان الماء باردًا ، يتجعد الجلد بعد فترة قصيرة من الغمر.
2- تبيض البشرة: يظهر بعد 12 ساعة من الغمر.
3- التبييض والتمويج للي بيظهر ع الجلد بيظهر بوضوح خلال 24 ساعة.
It helps in estimation of approximate duration of immersion as;
1.Wrinkling: if water is cold, skin gets wrinkled soon after immersion.
2.Bleaching of cuticle: become evident after 12 hours of immersion.
3.Bleaching,corrugation and soddening becomes pronounced within 24 hours.
4.Cuticle begins to separate from palm and sole by 48 hours.
#علم_الجريمة
#forensic_csi

تابعنا ع فيسبوك :
https://www.facebook.com/muhammed.gamal.161214/