Urgaan kee na waama
Akka daraaraa birraa

Garuu si arguun na dhiba
Akka Simbirroo birraa

Diddee na jalaa dhokatte
Akka ji'a duumessaan dhokatee

Guyyaa hundaa si yaada
Halkan hawwii morkatee

Eenyutu addaan nu baasa?
Bubbeen maqaa kee naa himti

Hawwiitu garaa na raasa
Akkas jiraachuun kun in cimti

Onneen koo siif dha'ata
"Yoom wal argina laata?"

Akkas🙏

"Amma utuu..."
Utuun suma bira jiraadhee
Ija kee keessatti gammachuu koo arga ture.

Utuun sitti dhihaadhee
Dhiphina koo hundumaa dagadha ture.

Utuu wal arginee takkaa
Jaalalli keenya seenaa ta'a ture.

Ammas🙏

Garuu ammas Miti
Urgaa kee qofa yaada
Keessa kootti miixadha
Foolii kee qofa hawwee
Onnee kootti si baadha

Halkan hundan of gaafadha
Utuu si arguu danda'ee
Gaaffiikoo Si gaafadha
Utuu akka garaa naa ta'ee...

Kun Turuu danda'a

https://www.facebook.com/BIYYAA.YOO
https://t.me/ForAllthingsEye

Yoo ta'es, yoo hin taanes
haa ta'u
Bakakkaan Waaqaa dhufu
callisee lafa hin dha'u
X-Y koordineetiinsaa
Dugda dacheetti caafame
Kanaaf dhukniif dirri lafaa
Sigigaatee ittuu raafame

Tasa,
Bakakkaan tasa hin bu'u!
Tasa,
Dhalataan tasa hin du'u!

Foormulaa nuti hin akeekne
Kaalkulasii nuti hin beekne
Jira jiruu keenya tiksaan
Qoreef horfaa nu miliqsaan

Uumaan bakakkaa qiimqimee
Gad darbatu
Anaaf si'iin, nama uumee
Haa jedhee hafuura hin sassatu

Dhibba* jala nu looseetu
Tokkoon obsa keenya qora
Akka Akkoo intala qimmiidduu
Kofa gidduu nu moccora

Tasa kan dhufe homtuu hin jiru,
Ona lafa keessaa ba'ee
Silaa, itti yaadanii ciisanii
Eentu iddoo yaades ga'ee
Tasa ka'uun namatti hafa
Tasa du'uun namatti hafa

Yabala abjuu keenyaa korree
Ammas geejibuuf geenyeerra.
Yaa uuma ati nuu yabali
Teessoo argannee teenyeerraa

Akka walii keenyaa
Nutti taatee karaatti gad nun harcaasin
Kan hidhiirra nun dhunganneef
Hirriba ho'aarraa nun kaasin
Waa bilaasha nun dhamaasin

Hirriba abjuu qabu taanaan Jira

Jetta Bartokko jetta

An dhabuu sodaadhe.

Jaalatanii hin jaalatan,
Jaalatanii hin yaadani,
Onnee isaanii kennanii,
Ofii isaanii hin beekani

Ergan si jaaladhee
Akka si yaadun beeku
Halkan koo maqaa kee
Guyyaan koo Suura kee eegu

Si arguuf hawwa onneen
Si dhabuun na guba keessaa
Ati yoo na bira hin jiraanne
Nyaatalle natti hadheessa

Jaalalli koo callisee,
Qoma koo keessa iyya;
Sin jaaladha jechuu dhiisee
SI yaadeera Warqee kiyya

Ijaa
Ati na yaaddu moo,
Anis qofaan si yaadaa?
Yoo jaalallikoo cubbuu ta’e
Araara isaa naaf barbaadaa

Yoo guyyaan nu fageesse
Yoo daandiin adda nu baase
Yoo biyyi jibbee nu odeesse
Yaadni koo si biratti hafe

Onneenkoo maqaakee qabate
Sagal maqaa siif moggaasa
Lapheenkoo jiruukee dimatee
Natti lallaba nagaasaa

Jaalatanii hin jaalatan
Garuu ani si jaaladhe;
Jaalatanii hin yaadani
An dhabuu sodaadhe.


🖤,🌍,💎koo
╔════════════╗
#Qaroo_Waamaraa  💌
╚════════════╝
https://t.me/ForAllthingsEye

Barana carraankee kumaatama keessaa 1ffaa irratti siif haa fuudhamu.

Waggicha keessaa;
Ji'a isa dhumaa
Torbee isa dhumaa
Qidaamee isa dhumaa
Guyyaa isa dhumaa ti.

Guyyaan kun Rakkina keef ISA Dhumaa haa ta'u.

Kuula dubbii gaarii
Mararoo naaf himii
Marartuu hubii laali
Waami Waa na simi
Hoo kennaa guutuu
Dhangaa baqee ililu
Kunoo karaa imaltuu
Kan akkakee hin jiru
Si birattis si yaadaa
Qofaas Siifan joora.
Dubbiin kee tokkittii
Yaada kootiif soora.


💎Koo

Bara lolli baay'ate
Reeffa sagal argu
Isa akaayii akaa'u
Sanyiin tasa margu
Sa'aa muchi gu'e
Maalsaa wal'aanuu
Nama dhaabbiin du'e
Eessatti awwaaluu?

Sababa kolfinee taphannuuf safartuu shunkurtiin safaramne.

SIIF

Barri darbaa jiru kun👉2018     

⬅️dhibeekee fudhatee

⬅️yaaddookee fe'atee                             

⬅️qormaatakee fudhatee                

⬅️gaddakee sassaabbatee                          

⬅️galma rakkinakee raasee jigsee 

⬅️kan siif hin malle yaasee                         

⬅️hiyyummaa sirraa kaasee

⬅️Ilkee gaddaa sirraa buqqisee

SIRRAA HAA DARBU!

   Barri dhufaa jiru kun👉2019

☑️nagaa addaa baatee                                  

↗️jaalala haammatee                          

☑️furmaata qabatee                                     

➡️beekumsa hamma tulluu fidee       

↗️bara diinnikee mugdu ta'ee                       

☑️bara ati koortee bultu ta'ee       

➡️kan dhiphinnikee dhibdu                               

↗️yeroo aduunkee iftu                         

☑️gamnachuun kee akka biiftuu kan baatu             

↗️bara hojjettee milkooftu                      

Bara dorgomtee dabartu
Bara barbaadamtu

☑️bara ormatti urgooftu                                   

➡️bara akka gammaddetti ooltu

➡️Bara eebbaa
➡️Bara milkaa
➡️Bara jijjiiramaa
➡️Bara guddinaa ta'ee dhufaa jira

➡️Balballi hojii siif haa banamu.

BARA KEE
   SIIF HAA TA'U barri 2019

Nama jaallattuuf erguu ni dandeessa.

🆕Telegram baay'ee jaalatamaa Qaroo Waamaraa #join godhii dubbisi isas si affeereera.

       Qaroo Waamaraa
Anaanis hin irraanfatiin

🖤,🌍,💎koo
╔════════════╗
#Qaroo_Waamaraa  💌
╚════════════╝
https://t.me/ForAllthingsEye

Biqiltuu jaalalaa

Si yaada garaan koo
Boqonnaa hin arganne
An si qofaaf malee
Eenyuuf harkan laanne

🖤ko situ na mo'ate
Dhuunfatee keassa koo
Jaalalaan na qabdee
Rarraastem qalbii koo

Anis sittin dhiise
Yaada koo hundumaa
Kophaakoo yoon deemus
Waa'ee keen guungumaa

Biqiltuu jaalala koo
Margituu ganamaa
Hargansuuf tiruukoo
Durbee sanyii namaa

Takkaa cal hin jenne
Waa'ee keen hasaasa
Gubaa jaalala keetu
Guggube na kaasa

Ani siif mo'ameen
Siif laadhe harkaa koo
Koottu wal'aannadhu
Siif miidhamte onneenkoo

Kunooti caba yaadaa
Hawwii keessa onnee
Koottu na fayyifadhu
An waallee sin sobnee


Warqittiif💎🖤🌍
👇👇👇👇👇👇
♻️Join & 🔗SHARE
         Telegram
https://t.me/ForAllthingsEye
╔════════════╗
#Qaroo_Waamaraa 💌
╚════════════╝

Gola dilbii seenaa


Onneekoo qabattee
Keessakoo dhuunfatta
Akka tasaatti seentee
Qaama koo to'atta

Anis siif bitameen
Jaalala keen qabame
Lubbuu ko jedheen
Jaalalaan si waame

Nama jabduu kooti ati
Gorsituu waan hundaa
Simbookoo bareedduu
Takkaan qabdu mudaa

Gaafa gadda kootii
Na waliin gadditee
Nama tokko miti
Nama hunda naaf taatee

Jaalatamtuu kiyya
Ibsituu karaa koo
Si waliin jiraadhaa
Siif kennee barakoo

Ani jedheef miti
Garuu Situ Beeka
♻️Join & 🔗SHARE
╔════════════╗
#Qaroo_Waamaraa
╚════════════╝
https://t.me/ForAllthingsEye