اللهم ..

ثَبِّت نَظَري على الآخرة ، و اشدُد أزرَ قَلبي لها ، و أبعِد عنّي توافِهِ الأمور و سفاسف الغايات ، ولا تجعلني فارغًا يتتَبَّع بل غارسًا يتشَبَّع ، ولا تكِلني إلَيّ ولا تفتِنّي بي ، ولا تجعل بقلبي غِلًا على أحد ، ولا لِعَيني نظرة حَسَد
و اجعلني شديدًا بك قويًا فيك ، رحيمًا على من تُحبّ ، مدركًا فقه الواقع ، عارفًا مهمّتي ، مُلازِمًا ثغري ، مخفِّفًا كلامي ، مُكثِرًا عملي ، مُحبًا لَكَ بكل ما أوتيتُ مِن قَلب 💕

- بما إنو نتِيجة إمتحانات الشِّهادة الثانَوِية على الأبواب فالقناة دِي ممتازة جداً اسمها ( #أعرف_مجالك🔎)
فِيها شَرح مفصِّل للكثِير من المجَالات
ما بالضرُورة تكون مُمتحِن ، حتى لو كنتَ بتدرُس في الجامعَة وحابِي تتعرَّف على مجالَك بصورة أشمَل فيها أشخَاص متخصِّصين في مجالاتهُم بيوصلُوا ليك الفهَم بكل حِياد عن سُوء التخصُّصات ومحاسِنها.
وصِّلوها للناس المُحتاجِنها🌸
@ilavm7




●

قالت :
جيت داخله البيت و أول ما فتحت الدولاب عشان أخت ملابسي فقدت خاتمي حق الفضه و الأنا أصلًا كنت زعلانه عشان ما لبستو و اسي جيت لقيتو ماف ، قلّبت عليو الدنيا كلها و في النهايه قنعت منو و اقتنعت إنو ضاع ، و في أثناء ما قاعده و زعلانه جات بت الجيران داخله و لابسه واحد زيو تمامًا ياخ أنا لمن ملامحي اتغيرت و لون عيوني قَلب أحمر من الزعل ، قلت ليها جبتي من وين الخاتم دا ؟
قالت لي جابو لي أخوي أمس ، المهم بعد اتونست و فاتت جريت لي أمي و أنا ببكي قلت ليها بت جيرانا سرقت الخاتم حقي و أنا كنت بحبو و أنا كنت واثقه فيها لكن كسرت ثقتي و تاني ما بتخش بيتنا وووو ، أمي هنا وقفتني و قالت يا بت خاتمك قاعد في أول كُبايه في الرف بتاع العده ختيتو أنا هناك لإنو لقيتو واقع في الأرض و أظن لمن طلعتي مستعجله وقعتيو ، و بت الجيران ما حراميه و ما كسرت ثقتها فيك ، و ما تظني في الناس ساي تاني وقشقي دموعك دي و أمشي على العده دي راجياك ..

قال :
كنت في الخُماسيات و بعد دفعنا الشير حق التمرين لبست ملابسي و فجأة فقدت الجذلان حقي لقيت القروش ناقصه ٥٠٠ جنيه و أنا متأكد إنو جيت بيو من البيت تامي و الـ ٥٠٠ دي راحت مني هنا ، و بديت أفتش فيها في الميدان لإنو ياها الفضلت لي و فجأة في أثناء ما بفتش إتذكرت إنو كان في ولد صغير ولد ست الشاي الجنب الخماسيات كان قاعد جنب ملابسي و بحضر في الكوره حقتنا ، قلت بس بكون ياهو الشالها و طوالي طالع ماش عليو برا و عايز أشاكلو لاقاني بتاع الخماسيات جنب الباب قال لي إنتَ الجمعت الشير حق التيم اللعب قبل نص ساعه هسي صح ؟ ، قلت ليو أي ، قال لي كويس لقيتك لإنو القروش دي جاتني زائده ٥٠٠ جنيه و شكلو حسبتوها غلط ، و أداني ليها ، ياخ أنا هنا زعلت من نفسي شديد و كيف كنت ح أشاكل الشافع ساي ، و أول حاجه عملتها لمن طلعت مشيت اشتريت حلويات و شبس و أديتها ليو و قلت ليو أعفي لي ، هو شالها و بقى يقول لي عافي ليك يا عمو و قبيل القون الجبتو كان سمح و أنا عايز أبقى لعاب زيك يا عمو .

قال :
كنت فاتح محل فته و بشتغل بالليل كده ، قال اليوم داك جاني شاب و طلب مني كم طلب كده عملتهم ليهم و زبطهم و أديتهم ليو في كيس عشان قال دايرهم سفري ، بعد شويه مع زحمة الناس لقيتو اختفى قبل ما يديني القروش ، زعلت شديد من حركتو ، و قلت لو جاء مرة تانيه ح أكسر ليو رأسو و بعرفو لإني حفظت شكلو ، و بعد كم يوم كده و في أثناء ما أنا شغال أشوف ليك الشاب ذاتو جاي عليَّ بس براحه جبت العصايه و ختيتها جنبي قلت الليلة إلا كان أكسر رأسو الحرامي دا ، و بدون مقدمات جاني قال لي يا حبيبنا أنا عايزك في كلمتين براك كده ، المهم مشيت معاو قال لي أنا جيت المرة الفاتت و نسيت ما أديتك قروشك و كل الموضوع كنت شايل الأكل لي أمي و هي عيانه و بدون ما أخت بالي نسيت و ما حاسبتك و هسي دي قروشك كامله و داير منك كم طلب تاني الليله و أعفي لي عليك الله ، قال أنا هنا بكيت من سوء ظني و قلت ليو أنا كمان و الله ما بشيل منك دي ، و أنا أصلًا عفيتها ليك و إن شاء الله أمك بقت كويسه ؟ ، قال لي الحمد لله اتحسنت كتير ، بعدها أديتو طلباتهُ و شلت نص القروش لإنو حلف و أنا حلفت .

قالت :
مشيت السوق اشتري لي ملابس و أغراض لي البيت و في أثناء ما لافه في الدكاكين أشوف ليك بت بتخش الدكان و بتختار ليها بلوزه و من يدوها ليها تعاين ليها كده و ترجعها طوالي ليها بدون ما تتشاور في السعر أو تتكلم حتى ، و بتطلع طوالي تمشي البعدو و الغريب إنو في كل دكان بتطلب نفس البلوزه ، و عملت الحركه دي في كم دكان ، حتى في ولد جنبي شغال قال البت دي ما عايزه تشتري لافه ساي تبخس لي الناس في أسعار الملابس حقتها ، و دا نفس الشعور الجاني لانو البت من لبسها و شكلها واضح عليها وضعها المادي كويس يعني ، و أول ما جات الدكان الأنا فيو قعدت في الكرسي جنبي لإنو راجيه بتاع الدكان يمشِّي الزبائن حتى يجي الدور عليها ، و قالت أنا الموضوع كان مضايقني شديد قمت قلت ليها عايزه تشتري شنو، ردت لي عايزه اشتري بلوزه ، قلت ليها و في الدكاكين ديلك ما لقيتي قالت لي لقيت بس ما العايزاها ، سكت منها لإنو من نبرتها حسيت بيها اضايقت ، المهم بعد شويه عاينت لي قال لي أنا عندي مرض في جلدي و ما كل الأقمشه بتنفع معاي و المرض الجلدي دا بصييب مناطق حساسه فعشان كدا خجلانه منو شديد و ما بقول لي بتاع الحاجه دي ما بتنفع معاي و لمن يقولو لي لي ما بنفع ما بقدر أشرح ليهم لإنو بخجل شديد من الحاجه دي و اسي حكيت ليك لإنو حسيت بيك اضايقتي من كلامي و ردة فعلي ، لمن قالت لي كده أنا زعلت شديد من سوء ظني و قلت ليها لا لا ياخ و عادي و بتاع و قلت ليها إلا أفتش معاك و بقيت أفتش معاها في الدكاكين لحدي ما لقينا نوع القماش البنفع معاها .

الفائده شنو من القصص دي كلها ...
الفائده إنو لازم نبطِّل نحكم على الناس من أول نظره ، و ما نستعجل لمن نشوف موقف و نحسن الظن في الناس دائمًا ، و نتعامل مع أي فكره و أي شعور بيجينا اتجاه موقف معين بحذر عشان نتجنب نكسر زول بكلمه ناتجه من سوء ظن ، واتذكروا قول رسلونا - ﷺ- في مضمون واحد من أحاديثوا قال في حسن الظن ..
لو المؤمن شاف شخص رائحتهُ خمر و لحيتهُ مبلله بالخمر لظن أنها سُكبت عليهِ ، فحسن الظن من كماليات الإيمان المفروض أي زول يكتسبها ❤️

« إياكم و سراب المواقف »

#أمين_عبدالماجد 🥀

" لا يؤخر الله أمرا إلا لخير ، ولا يحرمك أمرًا إلا لخير ، ولا ينزل عليك بلاءً إلا لخير ، فلا تحزن فربُّ الخير لا يأتي إلا بخير ." 💕

" قد لا ترى الخير في مصيبتك التي تكابدها ، و مرضك الذي تصارعه ، و الكَبَد الذي تعانيه ، قد لا تراه الآن لكن امتلئ يقينًا أنك ستلقاه فيما سيأتي ، سيعظم الشكور لك صبرك الطويل ، لن ينسى لك شيء ." 💕

‏أسأل الله ألا يمتحن صبرنا في أحب الأشياء لنا .

‏" أنّى تكُن ، و بأيِّ أرضٍ كونُها .. يأتي بها " 🤎✨

الله يُربيك بالألم ، بالفقد ، بالوجع ، ببكاء الساعات الطويلة دون جدوى ، ولا حيلة لك ليصرف من قلبك كل ما ركن فيها إلى الدنيا ، لتخرج إلى سِعة أن لا إله إلا الله ولا باق لك بحقٍ سواه 💕

ثم إياك أن تستجدي من أحدهم ودًّا باردًا ، و عطفًا زائدًا ، و شعورًا زائلًا ، و سؤالًا عنك باهت !
فالله أكرم من أن يردك خالي الوفاض و أنت تدعوه صادقًا أن يهبك الصحبة الطيبة التي لا أنانية ولا طمع ولا تخلي فيها ..

اللهم صحبة تُسعد ولا تُتعس 💕

‏كريمٌ رحيمٌ ، لطيفٌ سلام ، لن يترُكَ الجرح دونَ التِئام 💕

" أحدهم نصيبه أب حنون ، و أحدهم نصيبه إبن بار ، و أحدهم نصيبه أهل أسوياء ، أحدهم رُزِق بشيء و الآخر حُرِمَ منه .. كل واحدٍ منا رُزِقَ بشيءٍ و حُرِمَ من غيره لأننا في الدنيا و ليس في الجنه ، فمن المحال أن تحصل على كل شيء تمنيته ..
إرضى بما تملك ولا تنظر لغيرك فيما يملك ..
أنت لا تعلم ماذا فقد و بماذا مرَّ ليعوِّضه الله بما تستكثره عليه ..
فأحسِن ظنك بالله و تمنى الخير للجميع و تأكد أن ما ليس لك لن تناله بقوتك و أن ما هو لك سوف يجدك ، حتى و إن كنت تراه مستحيلاً 💕 .. برحمو الله سوف يجدك و تأكد بأن أقدار الله لك أصلح و أفضل من جميع أمانيك .. فاطمئن ." 🌸

" الكمَالات كلُّها لا تُنال إلا بحظٍ من المشقه ، ولا يُعبَر إليها إلا على جسرٍ من التعب "

- ابن القيِّم .

يوم رأس السنه ..
حتلقى خلق الله كلهم .. الماشي يحتفل و الماشي يساهر مع أصحابو و الماشي يحضر حفله و بتاع ..
بس أنت خليك غير عن الباقين 🤍
قبل الساعه 12 بِرُبع ساعه ..
أمشي إتوضى و خليك جاهز ..
جهز مُصلايتك و مُصحفك ..
أول ما تجي الساعه 12 أبدأ صلي ركعتين و خلص سورة البقرة عشان تبدأ عامك الجديد على طاعة ربنا و خلي 2021 تكون بدايه جديده ليك سواءً في علاقتك بِربنا أو في حياتك و إنجازاتك و أبدأ رتب نفسك من أول و جديد و اتجاوز السنوات الفاتت كلها و أفتح صفحه جديده بِخطط جديده و أبدأ أرسم طريق لحياتك تسلكو 🤍 ،،
اجتهد إنك تنفذ كل مخططاتك و تعمل من نفسك شخصيه تُحترم و ليها هيبه و مكان 🤍 ..
طبعًا دا كلو بجانب إنك تجتهد في إنك تكون أحسن من غيرك في علاقتك بربنا 🤍 ..
اجتهد في إنك تتعلم عن الدين و تصلح كل الأخطاء العملتها خلال السنين الفاتت و إنك تكون أحسن من الإنسان الكان ف الماضي بتقاعس عن طاعة ربنا و بعصيه 🤍 ..
بإختصار .. خلي 2021 تكون هي بدايه جديده ليك كإنسان جديد عايز يثبت نفسه و عايز ينال الجنه 🤍 ! ..
عشان الجنه بتستاهل 😴🤍🤍

‏نصيحة العُمر :
" لا تدعَ الناس يعرِفونَ عنكَ الكثير "

‏لا تعامل الناس بالمثل
عاملهم بطيب أصلك و إن لم يستحقو ..

‌الشخص القوي لا يؤذي ..
لا يرد السوء بسوء
ولا الشر بالشر ،
القوة الحقيقيه أن تترفع بأخلاقك عمن تدنس بأخلاقه ،
أن تدير ظهرك لمن حاول أن يتعس بشاشة وجهك ،
ولا تسمح لأي ساقطٍ أن يسقِطك معه 💕

2020 سنه عاديه زيها و زي أي سنه ..
كل الحصل فيها كان ممكن يحصل في أي سنه سواءً كان فاتت أو جايه ..
يعني السوء ، الألم ، الخذلان و الخوف العشناهو ما مربوط بـ سنة 2020 بس ..
عشان كده الناس تنظُر للأحداث الحصلت في السنه دي كـ أقدار مكتوبه و ما تربطها مع السنه و تصنِّف إنو سنة 2020 سنه كئيبه و كلها وجع و خوف ..
-
سنه و خلصت ، بكل حاجه فيها ..
عشنا أيام جميله و سمحه و كذلك في المقابل عشنا أيام مليانه خوف و وجع 💔 ،،
و دي سُنّة الحياة ولولا وجود الألم و الخوف ما كان للراحه و السعاده معنىٰ ..
خلُّونا نتعشم في ربنا أكتر ❤️ ..
و في السنه دي تحديدًا كانَ لُطف الله مُحيط بينا من كل الجهات و نَجونا بهِ ..
الحمدُ لله علىٰ كل الحصل لينا في السنه دي ❤️ ، و راضين كل الرضا بما أعطانا الله له ❤️ ..
و ما ح نفقد الأمل إطلاقًا و مع كل بداية سنه جديده ح نتفاءل بالخير و السعاده 😍 ..
نحن ما طالبين من بشر ، نحن طالبين و مُتعشمين في الرَّحمـٰن ، اللَّطيف و حاشاهُ أن يخذلنا ! ❤️❤️

#علي_سعيد

-
و أعنّي يارب على معاملة الناس بالحسنى لأجلك ..
‏حتّى إذا وجدتُ منهم ما تكرهه نفسي ، و غيّرت الأيام فيهم ، تذكّرت أنك الباقي ولم أتبدّل عن الإحسان 🌸 .

-
نسأله ألَّا تتُوه الأفئده بعد هُداها ، وألا نضلَّ الطريقَ بعدَ عَناء المشَقَّه 💚.

#تأمل ..

﴿ وَ كفى بالله وَكيلًا ﴾

كافلُ أمرك ، يعلمُ حالك
يَطوي عنك بُعد مسافات الفَرج
يطوّق قلبك بالطُمأنينه حين يُظلم
و يَهبُك صلاح القلب ..
و توكل على الحي الذي لا يموت .