لا أحدَ يُنكِر أنها كانت سنةً صعبه ..
و أن بقاءنا شاهدين على آخرِ أيامِها إنجازٌ يستحقُ الرضا و يستوجبُ الحمد 💚 ..

علّمتنا أن السلامةَ في البُعد و أن من أغلقَ فمهُ حَفِظَ نفسه ..
و أن البيتَ هو المأوى و أن العائلة هي الإرثُ الأغلى ..
و أن أغلبَ الظواهر الإجتماعيه مجاملاتٌ يمكنُ الاستغناءُ عنها .. !!
و أن طباعَنا تتبدَّل و أُمنياتنا تتغير ..
و يظلُ الدعاء عوضاً مُتاحاً و باباً مفتوحاً 💚
اللهم ارزقنا الأمل و حُسنَ العمل و الخيرَ و البركة في الأهل و الصحه 💚💚

ربَّنا كريم ياخوانَّا .. انتو بَس أملُو القَلِب ده يقين ! 💕

( زُحَل و المشترى اتلاقو و انتي لسه سنغل ) !

أنا عارفه إنو في بنات كتير ،،
نفسهم يحبو و يتحَبُّو و يجو يحكو قِصة حُبهم للعالم ،
و يتوّجو حُبَّهم بي " حققنا مرادنا و كل عاشق عقبالو " ❤️
لكن صدقيني ..
الحُب بجيك بعد تحبي روحك أول ، بعد تجتهدي في مسَارِك الماشَّه فيهو أيًا كان ، بعد تتملي بيهو انتي و تفيضي ❤️
وقتها .. ح تعرفي تختاري صح
و ما ح تدي نفسك فرصه إنها تختار أي زول - ساي - عشان تملا بيهو الحته الفاضيه من قلبها ..

أنا بدعي لنفسي ولكل واحده هنا
إنو ربنا يرزقنا الإختيار الصح ..تاج رأسنا و سندنا .. عمود البيت .. و كتفنا الحنون البِنتّكل فيهو لمن يميل بينا الزمن ❤️

بَس لغاية ما ربنا يكتب الخير و يجينا ..
قالو الصَّابرات روابِح .. أدعي ربنا بالخير و قولي آمين و أنتِ واثقه ❤️

وشُكرًا
وعفوًا

#صفِيّة_مُصطفى

شايفة الخوف الجُوَّاكِ ده .. ؟
أمشي بيهو لربنا .. قولي ليهو بكل بساطه
يا رب .. أنا خايفة طَمِّنِّي = ( وَلَيُبَدِّلَنَّهُم مِن بَعدِ خَوفِهِم أَمنًا )
رَبِّك قريب .. بَس مِدّي ليو إيدك و صدقيني ح تطمئني ❤️

وشُكرًا
وعفوًا

#صفِيّة_مُصطفى

وجه قلبَك إلى الله ، و رسائلك و طُول انتظارك ، وجه إلتفاتاتك و قلقُك و شتاتك ، و اقتنع أنه برحمّة الله سيزهر عمرك ولو بعد حين .

كان واجبا علينا أن نصير قويات ،، لم تترك لنا التجارب ولا الحياة خياراً آخر ..

قست بداية الحياة اللهم فارزقنا لين نهايتها 🌹 ..

#Jasmeen_Ali 🌸

كانت كل مرة تسلم الأمر لله ،، فتسلم ، و يسلم قلبها 💕 ..

سلمناك يا الله حالنا و مآلنا و ما يشغل خواطرنا و نخشى منه على تقوانا و آخرتنا ..

#Jasmeen_Ali 🌸

" اللهم أبعّد عني من يأتيني بوجهٍ حسن و بداخله نيّه للأذى ، و اكفني شر قلوب الحاسدين و الحاقدين يارب 💕

يقول أحدهم :
مررتُ بفترة انشغلت فيها بعدة إلتزامات كانت كلها طارئه و تستهلك جهداً و وقتاً و فكراً ، فلم أستطع معها أن أفتح مصحفي ..
ومرّ اليوم بعد اليوم حتى طال انقطاعي ، ثم تذكرت هذه الآية من سورة المزمل :
" وَاللَّهُ يُقَدِّرُ اللَّيلَ وَالنَّهارَ عَلِمَ أَن لَن تُحصوهُ فَتابَ عَلَيكُم فَاقرَءوا ما تَيَسَّرَ مِنَ القُرآنِ عَلِمَ أَن سَيَكونُ مِنكُم مَرضى وَآخَرونَ يَضرِبونَ فِي الأَرضِ يَبتَغونَ مِن فَضلِ اللَّهِ وَآخَرونَ يُقاتِلونَ في سَبيلِ اللَّهِ فَاقرَءوا ما تَيَسَّرَ مِنهُ "

ما ألطف هذا النداء من الله :
عبدي ﻻ يمنعك المرض وﻻ طلب الرزق وﻻ حتى الجهاد عن قراءة ما تيسر من كلامي ، فإني أقبل منك القليل و أغفر لك التقصير ..
اقرأ ما تيسر فإنه عون لك على ما أهمّك من أمر دينك و دنياك 💕
إذا ثقلت عليكم مشاغل الحياة :
« فاقرؤوا ما تيسر من القرآن »

#أسماء

كان الرسول ﷺ لما بتعجبه حاجه في الدنيا بيقول " لبيك إن العيش عيش الآخرة " 💛
الجمله دي و أنت بتقولها بتحس إنها بتحرك قلبك و تهز روحك ، و بتصرف تفكيرك عن الدنيا و جمالا و أي شيء جميل فيها ، نحو الآخرة ..
فإذا كان كل الجمال الشايفو ده في الدنيا اللي هي فانيه ، فكيف ح تكون الآخرة و الجنه و نعيمها .. !
الجمله دي حقيقي بتخليك تزهد في الدنيا و تتعشم في الآخرة ، و تستصغر كل الجمال ده و أنت بتتأمل في نعيم الجنه اللي فيهو ما لا عين رأت ولا أذن سمعت ولا خطر على قلب بشر .. !!
فاللهمَّ لبيك إن العيش عيش الآخرة ... 💛💛💛💛💛💛💛💛💛💛💛💛💛💛💛 !

#صفاء

اللهم ..

ثَبِّت نَظَري على الآخرة ، و اشدُد أزرَ قَلبي لها ، و أبعِد عنّي توافِهِ الأمور و سفاسف الغايات ، ولا تجعلني فارغًا يتتَبَّع بل غارسًا يتشَبَّع ، ولا تكِلني إلَيّ ولا تفتِنّي بي ، ولا تجعل بقلبي غِلًا على أحد ، ولا لِعَيني نظرة حَسَد
و اجعلني شديدًا بك قويًا فيك ، رحيمًا على من تُحبّ ، مدركًا فقه الواقع ، عارفًا مهمّتي ، مُلازِمًا ثغري ، مخفِّفًا كلامي ، مُكثِرًا عملي ، مُحبًا لَكَ بكل ما أوتيتُ مِن قَلب 💕

- بما إنو نتِيجة إمتحانات الشِّهادة الثانَوِية على الأبواب فالقناة دِي ممتازة جداً اسمها ( #أعرف_مجالك🔎)
فِيها شَرح مفصِّل للكثِير من المجَالات
ما بالضرُورة تكون مُمتحِن ، حتى لو كنتَ بتدرُس في الجامعَة وحابِي تتعرَّف على مجالَك بصورة أشمَل فيها أشخَاص متخصِّصين في مجالاتهُم بيوصلُوا ليك الفهَم بكل حِياد عن سُوء التخصُّصات ومحاسِنها.
وصِّلوها للناس المُحتاجِنها🌸
@ilavm7




●

قالت :
جيت داخله البيت و أول ما فتحت الدولاب عشان أخت ملابسي فقدت خاتمي حق الفضه و الأنا أصلًا كنت زعلانه عشان ما لبستو و اسي جيت لقيتو ماف ، قلّبت عليو الدنيا كلها و في النهايه قنعت منو و اقتنعت إنو ضاع ، و في أثناء ما قاعده و زعلانه جات بت الجيران داخله و لابسه واحد زيو تمامًا ياخ أنا لمن ملامحي اتغيرت و لون عيوني قَلب أحمر من الزعل ، قلت ليها جبتي من وين الخاتم دا ؟
قالت لي جابو لي أخوي أمس ، المهم بعد اتونست و فاتت جريت لي أمي و أنا ببكي قلت ليها بت جيرانا سرقت الخاتم حقي و أنا كنت بحبو و أنا كنت واثقه فيها لكن كسرت ثقتي و تاني ما بتخش بيتنا وووو ، أمي هنا وقفتني و قالت يا بت خاتمك قاعد في أول كُبايه في الرف بتاع العده ختيتو أنا هناك لإنو لقيتو واقع في الأرض و أظن لمن طلعتي مستعجله وقعتيو ، و بت الجيران ما حراميه و ما كسرت ثقتها فيك ، و ما تظني في الناس ساي تاني وقشقي دموعك دي و أمشي على العده دي راجياك ..

قال :
كنت في الخُماسيات و بعد دفعنا الشير حق التمرين لبست ملابسي و فجأة فقدت الجذلان حقي لقيت القروش ناقصه ٥٠٠ جنيه و أنا متأكد إنو جيت بيو من البيت تامي و الـ ٥٠٠ دي راحت مني هنا ، و بديت أفتش فيها في الميدان لإنو ياها الفضلت لي و فجأة في أثناء ما بفتش إتذكرت إنو كان في ولد صغير ولد ست الشاي الجنب الخماسيات كان قاعد جنب ملابسي و بحضر في الكوره حقتنا ، قلت بس بكون ياهو الشالها و طوالي طالع ماش عليو برا و عايز أشاكلو لاقاني بتاع الخماسيات جنب الباب قال لي إنتَ الجمعت الشير حق التيم اللعب قبل نص ساعه هسي صح ؟ ، قلت ليو أي ، قال لي كويس لقيتك لإنو القروش دي جاتني زائده ٥٠٠ جنيه و شكلو حسبتوها غلط ، و أداني ليها ، ياخ أنا هنا زعلت من نفسي شديد و كيف كنت ح أشاكل الشافع ساي ، و أول حاجه عملتها لمن طلعت مشيت اشتريت حلويات و شبس و أديتها ليو و قلت ليو أعفي لي ، هو شالها و بقى يقول لي عافي ليك يا عمو و قبيل القون الجبتو كان سمح و أنا عايز أبقى لعاب زيك يا عمو .

قال :
كنت فاتح محل فته و بشتغل بالليل كده ، قال اليوم داك جاني شاب و طلب مني كم طلب كده عملتهم ليهم و زبطهم و أديتهم ليو في كيس عشان قال دايرهم سفري ، بعد شويه مع زحمة الناس لقيتو اختفى قبل ما يديني القروش ، زعلت شديد من حركتو ، و قلت لو جاء مرة تانيه ح أكسر ليو رأسو و بعرفو لإني حفظت شكلو ، و بعد كم يوم كده و في أثناء ما أنا شغال أشوف ليك الشاب ذاتو جاي عليَّ بس براحه جبت العصايه و ختيتها جنبي قلت الليلة إلا كان أكسر رأسو الحرامي دا ، و بدون مقدمات جاني قال لي يا حبيبنا أنا عايزك في كلمتين براك كده ، المهم مشيت معاو قال لي أنا جيت المرة الفاتت و نسيت ما أديتك قروشك و كل الموضوع كنت شايل الأكل لي أمي و هي عيانه و بدون ما أخت بالي نسيت و ما حاسبتك و هسي دي قروشك كامله و داير منك كم طلب تاني الليله و أعفي لي عليك الله ، قال أنا هنا بكيت من سوء ظني و قلت ليو أنا كمان و الله ما بشيل منك دي ، و أنا أصلًا عفيتها ليك و إن شاء الله أمك بقت كويسه ؟ ، قال لي الحمد لله اتحسنت كتير ، بعدها أديتو طلباتهُ و شلت نص القروش لإنو حلف و أنا حلفت .

قالت :
مشيت السوق اشتري لي ملابس و أغراض لي البيت و في أثناء ما لافه في الدكاكين أشوف ليك بت بتخش الدكان و بتختار ليها بلوزه و من يدوها ليها تعاين ليها كده و ترجعها طوالي ليها بدون ما تتشاور في السعر أو تتكلم حتى ، و بتطلع طوالي تمشي البعدو و الغريب إنو في كل دكان بتطلب نفس البلوزه ، و عملت الحركه دي في كم دكان ، حتى في ولد جنبي شغال قال البت دي ما عايزه تشتري لافه ساي تبخس لي الناس في أسعار الملابس حقتها ، و دا نفس الشعور الجاني لانو البت من لبسها و شكلها واضح عليها وضعها المادي كويس يعني ، و أول ما جات الدكان الأنا فيو قعدت في الكرسي جنبي لإنو راجيه بتاع الدكان يمشِّي الزبائن حتى يجي الدور عليها ، و قالت أنا الموضوع كان مضايقني شديد قمت قلت ليها عايزه تشتري شنو، ردت لي عايزه اشتري بلوزه ، قلت ليها و في الدكاكين ديلك ما لقيتي قالت لي لقيت بس ما العايزاها ، سكت منها لإنو من نبرتها حسيت بيها اضايقت ، المهم بعد شويه عاينت لي قال لي أنا عندي مرض في جلدي و ما كل الأقمشه بتنفع معاي و المرض الجلدي دا بصييب مناطق حساسه فعشان كدا خجلانه منو شديد و ما بقول لي بتاع الحاجه دي ما بتنفع معاي و لمن يقولو لي لي ما بنفع ما بقدر أشرح ليهم لإنو بخجل شديد من الحاجه دي و اسي حكيت ليك لإنو حسيت بيك اضايقتي من كلامي و ردة فعلي ، لمن قالت لي كده أنا زعلت شديد من سوء ظني و قلت ليها لا لا ياخ و عادي و بتاع و قلت ليها إلا أفتش معاك و بقيت أفتش معاها في الدكاكين لحدي ما لقينا نوع القماش البنفع معاها .

الفائده شنو من القصص دي كلها ...
الفائده إنو لازم نبطِّل نحكم على الناس من أول نظره ، و ما نستعجل لمن نشوف موقف و نحسن الظن في الناس دائمًا ، و نتعامل مع أي فكره و أي شعور بيجينا اتجاه موقف معين بحذر عشان نتجنب نكسر زول بكلمه ناتجه من سوء ظن ، واتذكروا قول رسلونا - ﷺ- في مضمون واحد من أحاديثوا قال في حسن الظن ..
لو المؤمن شاف شخص رائحتهُ خمر و لحيتهُ مبلله بالخمر لظن أنها سُكبت عليهِ ، فحسن الظن من كماليات الإيمان المفروض أي زول يكتسبها ❤️

« إياكم و سراب المواقف »

#أمين_عبدالماجد 🥀

" لا يؤخر الله أمرا إلا لخير ، ولا يحرمك أمرًا إلا لخير ، ولا ينزل عليك بلاءً إلا لخير ، فلا تحزن فربُّ الخير لا يأتي إلا بخير ." 💕

" قد لا ترى الخير في مصيبتك التي تكابدها ، و مرضك الذي تصارعه ، و الكَبَد الذي تعانيه ، قد لا تراه الآن لكن امتلئ يقينًا أنك ستلقاه فيما سيأتي ، سيعظم الشكور لك صبرك الطويل ، لن ينسى لك شيء ." 💕

‏أسأل الله ألا يمتحن صبرنا في أحب الأشياء لنا .

‏" أنّى تكُن ، و بأيِّ أرضٍ كونُها .. يأتي بها " 🤎✨

الله يُربيك بالألم ، بالفقد ، بالوجع ، ببكاء الساعات الطويلة دون جدوى ، ولا حيلة لك ليصرف من قلبك كل ما ركن فيها إلى الدنيا ، لتخرج إلى سِعة أن لا إله إلا الله ولا باق لك بحقٍ سواه 💕

ثم إياك أن تستجدي من أحدهم ودًّا باردًا ، و عطفًا زائدًا ، و شعورًا زائلًا ، و سؤالًا عنك باهت !
فالله أكرم من أن يردك خالي الوفاض و أنت تدعوه صادقًا أن يهبك الصحبة الطيبة التي لا أنانية ولا طمع ولا تخلي فيها ..

اللهم صحبة تُسعد ولا تُتعس 💕

‏كريمٌ رحيمٌ ، لطيفٌ سلام ، لن يترُكَ الجرح دونَ التِئام 💕