ကိုယ့်အကြောင်းကိုယ်သိဖို့လို

ကိုယ့်အကြောင်းကိုယ်ပဲ
ဥာဏ်နဲ့ကြည့်တတ်လာပြီဆိုရင်

အများအရေး အကြောင်းတွေဟာ
မသိရလို့လည်း ကိုယ့်အတွက်
ဘာမှမဖြစ်တော့ပါဘူး ။

သူများအကြောင်းကိုအချိန်ပေးပြီး
အတင်းပြောနေတာတွေရယ်
ဒေါသဖြစ်နေတာတွေရယ်ဟာ

ကိုယ့်အတွက်အကျိုးမရှိသည့်အပြင်
အကုသိုလ်တောင် ဖြစ်ရပါတယ် ။

ကိုယ့်ရဲ့တစ်ချို့အမုန်းတရားတွေကို
တစ်စိမ့်စိမ့်တွေးပြီးတော့
အမျက်ဒေါသတွေ ပျိုးနေမယ့်အစား

ခွင့်လွှတ်ပေးလိုက်တာက
ကိုယ့်အတွက်လွတ်လပ်စေပါတယ် ။

မပြီးနိုင်ပဲ တုန့်ပြန်နေမယ့်အစား
သံသရာအကြွေးတွေမပါဖို့
တရားနှင့်ပဲအကျေဆပ်ပေးလိုက်ပါ ။

ကိုယ့်ကောင်းကွက်ကိုသာကြည့်ရင်း
အေးချမ်းတဲ့ဘဝကို တရားနဲ့ပဲ
တည်ဆောက် ရှင်သန်ဖို့လိုပါတယ် ။

🙏🙏🙏 သာရ ဂ ဝေ သီ🙏🙏🙏

#မေတ္တာများစွာဖြင့်ပြန်လည်မျှဝေအပ်ပါသည်

NLDအာဏာရငါးနှစ်မှာ ဘာဒီမိုကရေစီအခွင့်အရေးတွေ ရခဲ့သလဲဆိုတာပြန်လေ့လာကြည့်ရင် NLDရဲ့ဒီမိုကရေစီဆိုတာ အမည်ခံသက်သက်ဖြစ်ကြောင်းသိနိုင်ပါတယ်။အမေရိကန်က ဒီမိုကရေစီလူ့အခွင့်အရေး အော်ပြီး သူ့ အကျိုးစီးပွားအတွက်ဝင်ရောက် ချယ်လှယ်နေသလို NLDကလည်း ဒီမိုကရေစီဖက်ဒရယ်အော်ပြီး NLDနဲ့ဝန်းရံသူတွေသာ ဒီမိုကရေစီရသွားကြတာ မြင်ခဲ့ကြရပြီးဖြစ်ပါတယ်။

သမ္မတအရေးပေါ်ရန်ပုံငွေကနေ ပြည်သူ့ဘဏ္ဍာကျပ်သန်းပေါင်း ၄၆၂၆သန်းထုတ်သုံးပြီးဆိုရှယ်မီဒီယာမှာ ပြည်သူလူလူထု လွတ်လပ်စွာပြော
ဆိုရေးသားခွင့်ကို ထိန်းချုပ်ခဲ့ပါတယ်။ NLDအစိုးရ ကိုဝေဖန်ထောက်ပြသူတွေကိုထောင်ဒဏ်တစ်သက်ချနိုင်တဲ့ အစိုးရကိုအကြည်ညိုပျက်စေမှု ပုဒ်မ၁၂၄-က တွေနဲ့ဖမ်းဆီးအရေးယူမှုအများဆုံးအစိုးရအဖြစ်မှတ်တမ်းဝင်သွားခဲ့ပါတယ်။

ပြည်ခိုင်ဖြိုးအစိုးရလက်ထက်လျှပ်စစ်မီတာတိုးကောက်ဖို့စီစဥ်တာကို အပြင်းအထန်ဆန့်ကျင်ခဲ့တဲ့NLDက သူ့လက်ထက်မှာအဆပေါင်းများစွာတိုးမြှင့်ကောက်ခံပါတယ်။

အာဏာမရခင်က ထောက်ပြခဲ့တဲ့ ဒီမိုကရေစီနဲ့မညီတဲ့ဥပဒေတွေကိုNLDအာဏာရချိန်မှာမပြုပြင်ဘဲ ဥပဒေအရ ဆိုပြီး ဆက်လက်ကျင့်သုံးပါတယ်။

လွှတ်တော်ကိုယ်စားလှယ်ဘဝက နိုင်ငံတော်သမ္မကြီးဦးသိန်းစိန်ပါတီဥက္ကဌတာဝန်ဆက်ယူထားတာ အခြေခံဥပဒေနဲ့မညီဘူးလို့ တင်ပြခဲ့တဲ့ ဦးဝင်းမြင့်က သူလွှတ်တော်ဥက္ကဌဖြစ်တော့ပြည်ထောင်စုဝန်ကြီးဖြစ်တဲ့ဒေါ်အောင်ဆန်းစုကြည်ပါတီဥက္ကဌတာဝန်ဆက်ယူထားတာဥပဒေနဲ့ညီတယ်လို့ဖြစ်သွားပါတယ်။

ပြည်ခိုင်ဖြိုးအစိုးရလက်ထက်ကအစိုးရအဖွဲ့ဝင်ဝန်ကြီးတွေပိုင်ဆိုင်မှု ကြေညာသင့်ကြောင်း တင်ပြခဲ့တဲ့လွှတ်တော်ကိုယ်စားလှယ်ဦးဝင်းမြင့်က NLDအစိုးရဖြစ်ချိန် သူလွှတ်တော်ဥက္ကဌဖြစ်တော့ လုံခြုံရေးအခြေအနေအရ မကြေညာသင့်ဘူးလို့ ပြောပြန်ပါတယ်။

၂၀၁၅ ရွေးကောက်ပွဲအကြိုကာလမှာသမ္မတကြီးဦးသိန်းစိန် မဲဆွယ် နေတာတွေ ဥပဒေနဲ့မညီဘူးလို့ စာ၇စောင်၈စောင်လောက်ရေးပို့ပြီးရွေးကောက်ပွဲကော်မရှင်ဆီတိုင်ကြားတဲ့ NLDက ၂၀၂၀ ရွေးကောက်ပွဲအကြိုကာလမှာ သမ္မတကြီးဦးဝင်းမြင့်နဲ့ ပြည်ထောင်စုဝန်ကြီးဒေါ်အောင်ဆန်းစုကြည် မဲဆွယ်စည်းရုံးတာ တရားဝင်လုပ်ခွင့်ရှိတယ်၊ဥပဒေနဲ့ညီတယ်လို့ လုပ်လာပြန်ပါတယ်။

ဖက်ဒရယ်ဒီမိုကရေစီနဲ့မညီတဲ့အခြေခံဥပဒေကိုပြင်ရမယ်လို့ လက်သီး လက်မောင်းတန်းကြွေးကြော်ခဲ့ပြီး ဖက်ဒရယ်အခြေခံဖြစ်တဲ့ ပြည်နယ်တိုင်းဒေသကြီးဝန်ကြီးချုပ်များခန့်အပ်ရေးဥပဒေပြင်မယ်လို့ လွှတ်တော်မှာအားလုံးက ထောက်ခံပြင်ဆင်ဖို့ လုပ်ချိန်မှာ ကန့်ကွက်ခဲ့တာ NLD လွှတ်တော်ကိုယ်စားလှယ်တွေ ဖြစ်ပါတယ်။

ငါးနှစ်အတွင်း ပြည်ပကြွေးမီ အများဆုံးတင်ခဲ့တဲ့အစိုးရအဖြစ်မှတ်တမ်းဝင်ခဲ့ပြီး တံတားကြီးတစ်စင်း ဆည်ကြီးတစ်ခု ဆောက်သွားတာ မမြင်ခဲ့ရတာ NLDအစိုးရဖြစ်ပါတယ်။

အဂတိလိုက်စားမှုကတော့ နေစရာအိမ် စီးစရာကား မရှိခဲ့တဲ့ NLD လွတ်တော်ကိုယ်စားလှယ်တွေ ရယကဥက္ကဌတွေ အများအပြား ကြီးပွားသွားကြတာမျက်စေ့အောက်မှာ မြင်တွေ့ခဲ့ကြရသလို ပြည်ထောင်စုဝန်ကြီးတွေဝန်ကြီးချုပ်တွေ ဘီလီယံနဲ့ချီလာဘ်စားမှုတွေပေါ်ပေါက်ခဲ့တဲ့အတွက် NLDဒီမိုကရေစီဆိုတာတိုင်းပြည်နဲ့လူထူအတွက်မဟုတ်ဘဲ NLDနဲ့ ဝန်းရံသူတွေအတွက် သာဖြစ်ခဲ့ပါတယ်။

အခု NLD က ပေါက်ဖွားလာတဲ့ NUG ကလည်း အမေရိကန်အနောက်အုပ်စုအထောက်အပံ့မျှော်ပြီးပေးတာယူ၊ခိုင်းတာလုပ် ဘဝနဲ့ လက်ကိုင်တုတ် အဖြစ် ဒီမိုကရေစီအော်ပြီးအမေရိကန်အနောက်အုပ်စုအလိုကျ တိုင်းပြည်အလုံးစုံပျက်သုဥ်းရေး လိုက်လုပ်ပေးနေရတာဖြစ်လို့ တိုင်းပြည်တည်ငြိမ်အေးချမ်းပျက်ပြား၊များများသေ၊များများဒုက္ခရောက် ဆီးရီးယားလစ်ဗျားလို ပြည်တွင်းစစ်မီးကြီးအကြီးအကျယ်ဖြစ်၊ပြည်သူလူထုအားလုံးစစ်ဘေးဒုက္ခသည်များအဖြစ် ဘဝပျက်ကြ ဆိုတာ NUGရဲ့ ဒီမိုကရေစီ ဖြစ်နေပါတယ်။

#ThaungLwinHein