https://t.me/FOA2024
القناة الخاصة بالاخبار الهامة فقط لكل الكليات وحميع المحافظات ❤️

https://t.me/+CNQL4RvQvkgyZWFk
مجمع الشرح للجميع كله بيساعد الوجه الله ♥

https://t.me/Foaone
قناة كليات الازهر فيها تعريفات بكل الكليات العلمية والادبية

https://t.me/Schedule_Foa
قناة الجداول الدراسة والامتحانات اخر السنة فيها

https://t.me/foa_mem
مجتمع ازهري بحت يقدم كوميكس تعليمية

@suppor00tzeroFoabot
بوت التواصل الخاص بنا ❤️

برنامج أكاديمي جديد لإعداد معلمات رياض الأطفال باللغة الإنجليزية بكلية الدراسات الإنسانية بالقاهرة

في إطار اهتمام جامعة الأزهر بتطوير برامجها الأكاديمية، وطرح مسارات تعليمية تواكب احتياجات سوق العمل، يعلن قسم رياض الأطفال بكلية الدراسات الإنسانية بالقاهرة – جامعة الأزهر عن تقديم برنامج إعداد وتأهيل معلمات رياض الأطفال باللغة الإنجليزية، والمخصص لطالبات الثانوية الأزهرية بقسميها العلمي والأدبي.

ويأتي البرنامج في إطار توجه الكلية نحو الجمع بين التأهيل الأكاديمي المتخصص والتدريب المهني وتنمية المهارات الحديثة، بما يسهم في إعداد كوادر تربوية مؤهلة للعمل في مجال الطفولة المبكرة، وقادرة على التدريس والتعامل مع الأطفال باللغة الإنجليزية وفق أساليب تربوية وتعليمية حديثة.

ويُقدَّم البرنامج بنظام الساعات المعتمدة، وتبلغ مدة الدراسة به أربع سنوات دراسية، بإجمالي 153 ساعة معتمدة، ويمنح الخريجات درجة البكالوريوس، مع تأهيلهن للعمل في مجال رياض الأطفال والتدريس باللغة الإنجليزية.

ويستهدف البرنامج إعداد معلمات يمتلكن تأهيلًا علميًا ومهنيًا متكاملًا في مجال الطفولة المبكرة، بما يعزز فرصهن في الالتحاق بعدد من مجالات العمل، من بينها مدارس اللغات، والمدارس الدولية، ورياض الأطفال ومؤسسات الطفولة، إلى جانب المؤسسات والمراكز المتخصصة في تعليم الأطفال ورعايتهم.

ويعكس البرنامج حرص كلية الدراسات الإنسانية بالقاهرة على تطوير منظومتها التعليمية، وتقديم برامج نوعية تجمع بين الدراسة الأكاديمية والتطبيق العملي، بما يتوافق مع التطورات المتسارعة في مجال التعليم واحتياجات سوق العمل.
للالتحاق والتقديم بالبرنامج يرجى الدخول على الرابط التالي:

https://forms.gle/w8pBXrvnDLW5eQdr8
https://t.me/Foaone
#المركز_الإعلامي_فرع_البنات
#جامعة_الأزهر
#إعلام_جامعي

كلية الدراسات الإنسانية بجامعة الأزهر تعلن عن برنامج الدراسات الإسلامية باللغة الإنجليزية

أعلن قسم اللغة الإنجليزية وآدابها والترجمة الفورية بكلية الدراسات الإنسانية – جامعة الأزهر، عن تقديم برنامج الدراسات الإسلامية باللغة الإنجليزية (Islamic Studies in English)، وذلك في إطار حرص جامعة الأزهر على تطوير برامجها الأكاديمية وتعزيز رسالتها العلمية والدعوية عالميًّا.

ويقدم البرنامج دراسة أكاديمية متخصصة في العلوم والدراسات الإسلامية باللغة الإنجليزية، تجمع بين الأصالة والمعاصرة، وتهدف إلى إعداد خريجات مؤهلات أكاديميًّا وقادرات على تقديم المعرفة الإسلامية بصورة علمية رصينة باللغة الإنجليزية.

كما يسعى البرنامج إلى إعداد كوادر متميزة تجمع بين التمكن من العلوم الإسلامية والمهارات اللغوية، بما يؤهل الخريجات للمشاركة الفاعلة في الحوار الحضاري وخدمة المجتمع، والإسهام في نشر صحيح الفكر الإسلامي وتعزيز التواصل مع مختلف الثقافات.

ودعا القسم الطالبات الراغبات في الالتحاق بالبرنامج إلى التسجيل من خلال الرابط التالي :
https://forms.cloud.microsoft/r/iMwB2ZtDQu
https://t.me/Foaone
فرع_البنات

لطلاب الثانوية الأزهريّة ، تفتح كلية الإعلام "للبنين" جامعة الأزهر أبوابها لاستقبال جيل جديد، حيث تبدأ رحلة الشغف وصناعة المستقبل كلية اعلامhttps://t.me/FOA2024
نبذا عن كلية اعلام

🔴 اولا كلية الدراسات الإسلامية والعربية للبنات تضم 4 اقسام ( اصول دين - شريعه إسلامية - شريعه وقانون - لغه عربيه )

🔺️التعريف بكلة الدراسات الإسلامية والعربية للبنات ( قسم أصول دين )

من الأقسام الشيقة جدا دراستها جميله جدا فيها إعمال للعقل شويه،
⬅️ فى مفهوم غلط عن الكليات النظرية انها حفظ بقا ولو انتى مبتعرفيش تحفظى حلو هتضيعى والهبل ده لأن ده مش خقيقي واعرفى ان اى كليه واى علم عموما بتفهميه وبتحفظى بعض المعلومات واللي كان علمى هيعترف انه كان حفظ قوانين الفزيا ومعادلات الكبمياء اصعب من حفظ كتب الشرعى كلها 🌚 فهى اشاعة مش حقيقية لأن الحفظ ده هيبقى في جميع الكليات علشان تنجح فيها
بس حقيقى اللي يعرفها ويعرف قيمتها هيحبها جدا وهيحمد ربنا انه دخلها وهيتفوق فيها
⬅️ أصول دين القسم الوحيد في (كلية دراسات إسلامية) الي الطالبات بيتقسموا فيه في سنه ٣ لاقسام ( تفسير او حديث او عقيده) خلال السنتين الأولين بندرس كم من المواد الشرعيه بين الأقسام الثلاثه وكمان من قسم أصول الدعوة

⬅️ الكلية مدة الدراسه فيها ٤ سنوات

⬅️ سنة اولي مواد الترم الاول :

👈 منطق : بالنسبة للطلبة العلمي متخافش خالص المنطق لذيذ جدا هيحتاج بس تتابع الدكتور كل محاضره وتعملي مخططات ذهنيه اول بأول واقراي المحاضره بس من تلخيصك قبل المحاضره الي بعدها (بفضل الله جبت ١٠٠ في المنطق وكنت علمي)
👈 علوم قرآن :ماده شيقه جدا جدا ومش هتاخد مجهود كبير وحقيقى القسم ده لذيذ جدا هتحبوه ❤️😂 غير مفهومنا عنه ابدا فى ثانوي يعنى وسهل جدا 💖
👈 تاريخ سنة :بتتكلم عن تاريخ تدوين السنه ونشئة العلم ده
👈 نحو وصرف : مادتين مع بعض هتمتحنيهم في ورقه واحدة وان شاء الله اسهل من الثانوي
👈 فقه : أصول دين مفيهاش مذاهب هتاخدي فقه فيه معظم الاراء والرأي الراجح والكتاب بيبقي بسيط وصغير ( مواد الغير تخصصيه بتبقي صغيره جدا زي الفقه والنحو والصرف)
👈 نظم اسلاميه : ماده بسيطة والكلام فيها سهل بس طويلة شويه وتحتاج تلخيص في أفكار ونقاط رئيسية
👈 المواد الممتده ( ممتده يعني بناخد نصها في الترم الاول من غير ما نمتحن فيها ونصها في الترم الثاني زي مواد الثانوية كده) توحيد وتفسير وحديث واصول دعوه ( شبه النظم وهتحتاج تلخيص في أفكار رئيسية)
نصيحه بلاش تسيبو المواد الممتده للآخر حاولو تخلصيها الترم الاول قدر المستطاع عشان هتبقي تقبله جدا لو استنت للآخر

⬅️ مواد الترم الثاني :
1_ ملل ونحل ( تحتاج تلخيص في افكار رئيسية) وهي ماده حلوه محتاجه بس تركيز شويه
2_ تصوف ماده رائعة ( بس بلاش نستخدمها في حياتنا يعني ناخدها علي انها ماده ندرسها ونحطها في الامتحان وبس)
3_ لغة اجنبيه (انجليزي او فرنساوي) بيكون باختيارك بس لو انتي علمي وتدخلي فرنساوي تعتمدي على نفسك شويه في معرفه الحروف والأرقام ةالاساسيات
4- علوم حديث : ماده رائعة اهم حاجه تركزي في محاضرتها كويس وتذاكريها اول بأول وتربط المحاضرات ببعضها لو فهمتبها هتحبيها جدا جدا جدا بسبب ان حاليا بيحصل طعن فى السنة كتيير فلما تعرفى كل حاجة متعلقة بالسنة بجد هتسخري من اى حد طعن فى السنة وهتقولى عليهم جهلة حقيقي هتحسي وانتى فى القسم ده بجملة العلم نور ❤️
5_ قصص القرآن : ماده صغنونه وبسيطة وشيقة ونش هتاخد وقت في مذاكرتها
⬅️ بالنسبه للقرآن في سنه اولى عليكي ربع القرآن من البقره الانعام بتمتحني فيه غي اخر السنه وياريت تكوني حريصه على ورد يومي او حتي متابعه نع معلمه عشان البركه في حياتك مش شرط ترتبطي بالمنهج
اما قسم العقيدة والفسلفة بيفضلو دايما يخوفوكم من القسم ده ويقولو صعب وناس تقولك هتلحدى وحجات غريبة كده والله 💔😂 بالعكس هو اللي يعرف عقيدته أكتر هيتمسك بيها ولا هيسيبها! الصعوبة فى القسم ده من وجهة نظرهم هى المنطق والفلسفة بس انتى لو حبيتى وفهمتى انتى بتدرسي اى هتفهمى المواد الفلسفية دى وهتحبيها جدا.
⬅️ طيب لما تتخرج هيكون ايه مستقبلها؟!!
اولاً بعيداً عن الشغل هتطلع منها مثقف بمعنى الكلمة، وعارف عن دينك كويس جداً، وتقدر ترد على أي حد بيشكك في الإسلام، وتقدر ترد على أي مسألة فقهية، لأن من خلال اللي المواد اللي اخدتوها خلال الأربع سنين هيكون عندك حصيلة معلومات كويسة جداااااا وتقدر تكون داعية إسلامي 🤷‍♀️
ثانياً في مجال الشغل تقدر تطلع منها مدرس مواد شرعية، تقدر تطلع منها مدرس فلسفة أو علم نفس أو منطق ودا معناه انك تقدر تشتغل في مدارس العام مش الأزهر بس..
منقول

⬅️ مجموعها العام الماضي :
بالنسبة لكلية الدراسات الإسلامية والعربية (بنات) جامعة الأزهر بالقاهرة، كان الحد الأدنى للقبول في شعبة أصول الدين لطلاب القسم العلمي 483 درجة (انتظام) و408 (انتساب)، بينما لطلاب القسم الأدبي 461 درجة (انتظام) و418 درجة (انتساب).

🔺️ تعريف كلية الشريعه الاسلامية :

فروعها كتير فى التنسيق ..
مبدأياً الكليه كويسه جدا للناس اللى عندها استعداد تحضر محاضرات بإستمرار لان من الاخر هما دول اللى بينجحوا فيها، المواد فى الكليه بتتقسم لنوعين
1 مواد منتهيه : ودى بتكون المواد اللى مش تبع التخصص ( المواد العربيه، الانجليزى، مواد اصول اللى هى حديث وتفسير وتوحيد ) والمواد دى بندرسها فى ترم واحد بس يعنى ممكن 3 مواد الترم الاول مثلا والباقى الترم التانى
2.مواد ممتده : ودى بندرسها طول السنه وبنمتحنها اخر السنه بس وهيا اللى بنمتحن فيها شفوى وهيا دي مواد التخصص

طيب اى هيا مواد التخصص اصلا؟
كليه شريعه اسلاميه قائمه على ثلاثه اعمده اساسيه..
الاول: الفقه المذهبى( بتختار مذهبك حسب مدرسه فى ثانوى) ودا بيندرج تحته قاعة بحث مذهبي ، احوال شخصيه ، وطبعا ماده الفقه ودى بتكون موضوعى ونصى
الثانى: فقه مقارن .. ودى بندرس فيها المسائل اللى اختلف فيها الفقهاء واراء كل مذهب مع المناقشات طبعا .. وبيندرج تحت الماده دى ، قاعة بحث مقارن، قضايا فقهيه معاصره.
الثالث : اصول الفقه .. برضو فيها نصي وموضوعي .. ودي بندرس فيها ازاى نستخرج حكم شرعى بالاستعانه من القران والسنه على مسأله معينه .. وبرضو بيندرج تحتها قاعة بحث اصول

طيب هى اى قاعات البحث الكتير دي اصلا؟
- قاعة البحث دي ماده بتعلمنا ازاى نعمل بحث فى الماده العلميه اللى معانا ( بس للاسف ال3 قاعات ملهمش كتب وبتعتمد على شرح الدكاتره)

لحد كده وتقريبا كل حاجه تمام وانا شرحت الكليه عامةً اى نظامها
طيب اى هيا مجالات الشغل بعد التخرج؟
- مدرس فقه، او بتتعين فى دار الافتاء، او ممكن تسافر بعثه برا مصر بصفتك فقيه، وطبعا ممكن تتعين معيد.
انه اولى بندرس فيها .. نحو وصرف وانجليزى وتفسير وتوحيد وعلوم حديث " وطبعا مش محتاجه اشرح هما عباره عن اى " ، وبندرس فقه مذهبى موضوعى ونصي وهيبقى بيتكلم عن العبادات يعنى الصلاه والصوم والزكاه..الخ، الموضوعى تقريبا زي الفقه المتعودين عليه بس بتوسع شويه .. لكن النصى دا بيبقى عباره عن نصوص من كتب التراث يعنى مثلا كتاب الام للشافعى وبتبقى محور الدراسه فى الماده دى اننا بنفهم كل كلمه فى النص دا ونخرج الاكام اللى فيها

بعد كده اصول الفقه وبرضو نصى وموضوعى

فقه مقارن وماده بتندرج تحته اسمها تاريخ تشريعى وبتبقى عباره عن تاريخ الشريعه الاسلاميه وازاى نرتب الادله واى هى المذاهب الفقهيه ونرتبها ازاى،
وماده كمان اسمها قضايا فقهيه معاصره.. ودا عباره عن قضيه لسه جديده ماكانتش موجوده ايام النبى صل الله عليه وسلم وملهاش حكم وبنتكلم فى الماده دى ازاى نلاقى حكم للقضيه وغالبا هتكون عن قضايا التجميل والتخدير
وبندرس قاعة بحث مذهبى وقاعة بحث اصول وتقريبا الاتنين بيكونوا واحد والاختلاف بينهم بسيط جدا

فيما عدا ذلك كل المواد هتبقا مفهومه ان شاء الله لانها مش جديدة
فى سنه تانيه بنكون خلاص فهمنا اى هيا الكليه والمواد الثابته بتفضل زي ماهيا مابتتغيرش بس بعد ماكنا بندرس فى اولى العبادات هندرس فى تانيه معاملات ... وماده التاريخ التشريعى مابتبقاش موجوده
بس بتنضاف ماده تبع الفقه المذهبى اسمها احوال شخصيه عباره عن احوال الاسره من خطبه وزواج وطلاق وخلع.

سنه ثالثه هندرس بدل النحو والصرف ادب وبلاغه وكمان هينضاف ماده جديده من اقسام اصول الدين اسمها منهج دعوه عباره عن ازاى تدعو الناس للاسلام واتباع طريق الحق بطرق مختلفه على حسب الشخص اللى بتدعوه .
والاحوال الشخصيه اللى كانت مهتمه بقضايا الاسره فى سنه تانيه هتكون فى سنه تالته عباره عن مواريث
بالتوفيق للجميع.🤍

⬅️ الحد الأدنى للقبول في شعبة الشريعة الإسلامية العام الماضي 394 درجة للانتظام و325 درجة للانتساب

🔺️ كلية الشريعة والقانون

الكلية فيها شعبة الشريعة الاسلامية وشعبة الشريعة والقانون
نتكلم عن " شعبة الشريعة والقانون "
الكلية ٤ سنوات فيها ٦ أقسام رئيسية
" قسم القانون الجنائى- قسم القانون المدنى- قسم القانون الدولى-قسم الفقه المذهبي- قسم الفقه المقارن- قسم أصول الفقه "
كل قسم من الأقسام دي طبعا يندرج تحته مواد مختلفة مقسمة على كل سنة
حضرتك فى الفرقة الأولى بتدرس ١٢ مادة
اولا : المواد المنتهية " ودى هتمتحنها الترم الاول "
١/ الإجرام والعقاب : ودى مادة الجنائى الخاص بالفرقة الأولى وبتتكلم عن ايه هى الجريمة ومين هو المجرم وصفاته وايه هي العقوبة ونظامها وكيفية تنفيذها وهكذا، مادة ممتعة جدا
٢/ مادة مصطلح الحديث: مادة صغيرة وخفيفة بتدرس فيها تعريفات بسيطة عن أقسام الحديث الحسن والضعيف والصحيح والمرفوع الموقوف وهكذا، مادة تقدير
٣/ مادة تاريخ القانون : ودى تعتبر مجموعة قصص بتتكلم عن كيفية نشأة الأسرة والجماعة وازاى القانون اتعمل أصلا واتعلم امتى وهكذا، برضو مادة امتياز
٤/ تاريخ التشريع : دى مادة شرعية بتتكلم عن تعريف الشريعة والفرق بينها وبين القانون الوضعي وعن علم الفقه وتاريخ نشأته وهكذا.
٥/ القضايا الفقهية المعاصرة : ودى من مواد الفقه الخاصة بالاحداث المستجدة والمواضيع الحديثة إللى مكانش ليها وجود قبل كدا ورأى العلماء المعاصرين فيها زى موضوع إثبات النسب وزرع الأعضاء وتحديد نوع الجنين وغيرها من الأمور البسيطة ودى برضو مادة جميلة جدا.
نيجي بقى لمواد الترم التانى ودا في مواد منتهية خاصة بالترم التانى فقط ومواد ممتدة بتدرسها من اول السنة وبتمتحنها فى الترم التانى برضو :
١/ مادة اللغة الانجليزية : ودي عموما بالنسبة لكل الفرق مادة بسيطة جدا عبارة عن مجموعة مواضيع قصيرة سهلة وترجمتها بسيطة جدا وبرضو دي مادة امتياز
٢/ مدخل العلوم القانونية " مدنى الفرقة الأولى" ودي تعتبر أهم مادة بالنسبالك لأن دى حرفياً مفتاح المدنى في باقى سنوات الكلية ولو فهمته كويس هترتاح فى المدنى بعد كدا.
٣/ مادة النظم السياسية والقانون الدستورى : دي مادة فيها رغى شوية بش مادة جميلة وبتتكلم عن نظم الحكم فى دول العالم سواء ملكى أو جمهورى، فيدرالى أو كونفدرالى وبتتكلم عن الدستور المصرى وعن مواده ومصادره وأبرز المواد فيه وهكذا.
٤/ مادة الفقه المذهبي : ودى مادة بتدرس فيها فقه حسب مذهبك الفقهي وزيها زي فقه الثانوى بالظبط بس بتوسع شوية.
٥/ مادة أصول الفقه : ودى بالنسبة للمواد الشرعية تعتبر أهم مادة لأنها بتعرفك الفقه دا جه منين وازاى بنزل الحكم الشرعى وليه الشئ دا حلال ودا حرام وهكذا.
٦/ القرآن الكريم : ٧ أجزاء ونصف من سورة البقرة لمنتصف الأنعام وطبعا لازم الحفظ علشان ماتتسوحش
٧/ القانون الدولى العام: ودى بقى مادة جناب السفير
بتتكلم عن بعض قواعد القانون الدولى اللى بتحكم علاقات الدول ببعضها وحقوق وامتيازات البعثات الدبلوماسية والوزراء والسفارات وغيرها من القواعد.
دا ملخص عن الفرقة الأولى وموادها
بالنسبة للتنسيق فهي فروعها (القاهرة - طنطا - تفهنا الإشراف - دمنهور - أسيوط)
تنسيقها فى زرار اعوام سابقة ..
والانتظام والانتساب مفيش بينهم فرق إلا أن الانتساب بيدفع مصاريف زيادة بحوالى ١٥٠ جنيه اكتر من الانتظام.
بالنسبة التقدير والحضور، طبعا الكلية لا يشترط فيها حضور وأهم حاجة فيها المذاكرة وملكش دعوة باللى بيقولك مش هتجيب تقدير او الكلام دا اهم حاجة تذاكر وربنا مابيضيعش تعب حد.
بالنسبة لمجالات الكلية: مجالات عديدة : محاماة - نيابة بأنواعها- القضاء- السلك الدبلوماسى- شئون قانونية فى أى شركة أو مؤسسة - مأذون- وطبعا مدرس مواد شرعية
وطبعا لو جبت تقدير كويس هتتعين معيد فى الجامعة.

⬅️ مجموعها العام الماضي: 450 درجة بنسبة 71.43%

🔺️ كلية اللغة العربية بنات:

كلية اللغة العربية مبدأياً كده هي غير  كلية التربية قسم لغة عربية

موادها بشكل عام عبارة عن : النحو والصرف والبلاغة ومواد الأدب ومواد أصول اللغة وبسيط جدا من المواد الشرعية لأنها مش تخصصك + اللغة الأجنبية مهم تكون لغتك كويسة
ما تخافش من كتر المواد هما سهلين وحلوين بس تابع وركززززز .

⬅️ بتبدأ في السنة الأولى بدراسة الأدب الجاهلي +فن المقال+علم اللغة
(هتعرف من خلالها إن العبري أخو العربي جايين من نفس الأم) + العروض (مش هتاخدها غير في سنة أولى بس هتعوزها بعد كده فركز ) + مادة البحث ودي هتفضل معاك الأربع سنين في السنة الأولى البحث هيكون في الأدب ( هتعلمك الحركة والمرونة من كتر اللف في المكتبات وكمان هتعلمك ازاي تاخد قرار بعد ما تترددي في اختيار موضوع البحث سبع تمن مرات)
+النحو والبلاغة ودول مواد ممتدة يعني هتمتحنهم آخر السنة واوعى تهملهم لما تيجي تذاكر للترم الأول عشان هتتعبي أوي ف آخر السنة انا بحذرك من أولها أهو ياريت نسمع الكلام
وهيفضلوا ممتدين كده لحد ما تخلص الكلية

وبتدرس الترم التاني ٨ مواد هما النصوص الجاهلية + علم الأصوات (مادة زي التجويد كده)+الإنجليزي(إسلاميك)+الصرف +تفسير (بيكون في سورة واحدة مقررة وع حسب الدكتور بتاخد  قد ايه منها) + وهناخد فقه العبادات في السنة دي المقرر بيبقى بسيط جدا ومن البديهيات فـ مش هتتعب بإذن الله
وطبعا القرآن اللي هيكون مقرر منه كل سنة سبع أجزاء ونص بتبدأ في السنة الأولى من سورة البقرة لسورة الأنعام  مهم جدا تقسم المنهج بحيث تلحق تحفظ وتراجع قبل نهاية الترم كرم ربنا ليك في الكلية وفي اي مكان أساسه انك تكون حافظ كتابه وبتعمل بيه
خلصنا سنة أولى الحمد لله 
نيجي لسنة تانية داخلين فيها بكل حب وحماس وعرفنا الدنيا ماشية ازاي وبقينا أصحاب مكان كمان .
بتدرس في الترم الأول
قرآن ونحو وبلاغة واحنا متفقين دول مواد ممتدة معانا الاربع سنين + أدب إسلامي + معاجم (حافظ على الكتاب عشان هتعوزيه الترم التاني وانتي بتعملي البحث المعجمي) +أوزان شعر وموسيقاه (بنت عم العروض )+إنجليزي
المفاجأة انك هتمتحن الترم الأول في الأربع مواد دول بس
والترم التاني هتمتحن في تسع  مواد فطوّل بالك وما تاخدش على أعصابك
أما الترم التاني العظيم فهتاخد فيه : نصوص من العصر الإسلامي + الصرف + تاريخ العالم الإسلامي ( أو بمعنى أصح سيرة نبوية ) + بحث معجمي + فقه المعاملات + تفسير وعرفنا النظام
خلصنا سنة تانية ونجحنا الحمد لله

طبعا انت داخل ومعاك القرآن والنحو والبلاغة والقرآن تراكمي بيكون في سؤال من السنة اللي فاتت أو اللي قبلها على حسب اللي بيحط الإمتحان
بنكمل بقااا في الأدب بس المرة دي هتقّل شوية
بتاخد أدب أندلسي + أدب عباسي ( ودا لأنهم كانوا ف نفس الفترة لما المسلمين فتحوا الأندلس وكانوا بيحكموا فى الغرب لما كان  العباسيين بيحكموا في الشرق)  + بحث بلاغي (أظن عرفت هتبحث ازاي دلوقت)
الترم التاني.. نقد أدبي قديم +نصوص عباسية و أندلسية + أدب مقارن (حاجة كده  شكسبير وفولتير فى نفسه أوي ) +بحث بلاغي +فقه الأسرة +مادة الحديث+الصرف +اللهجات (من اسمها هتعلمك اللهجات نشأت ازاي وليه ناس فى الصعيد بتقول على القاف جيم وناس بحري بتقولها همزة) +
خلصنا
داخل بالقرآن والنحو والبلاغة
بعد كده بتاخد الترم الأول: أدب حديث +نقد أدبي حديث+بحث نحوي (وانت طبعا بقيت باحث عتيق دلوقتي ما يستعصاش عليك بحث ) + أصول فقه + حديث نبوي+علم الدلالة
الترم التاني
نصوص حديثة +صرف + أدب إسلامي +فقه اللغة+ إنجليزي.

⬅️ مجموعها العام الماضي : 348 درجة بنسبة 55.24% للشعبة الأدبية، و435 درجة بنسبة 53.08% للشعبة العلمية.

مجموع الكلية في كل بوستات يختلف الله اعلم السنادي ممكن يقل ممكن يزيد
دفعة ونصيبكم وانتوا ادره بيه 😂

فيديو تعريفي بالكلية .. وأقسامها العلمية
وإسهاماتها داخل الحرم الجامعي وخارجه
https://t.me/Schedule_Foa
اصول دين بالمنصورة

(دليل الطالب للتعريف بكلية الدعوة الإسلاميةبالقاهرة)
يسعد وحدة ضمان الجودة بكلية الدعوة الإسلامية بالقاهرة -تحت إشراف معالي أد علي عثمان منصور شحاته عميد الكلية - أن تنشر (دليل الطالب للعام الجامعي 2026/ 2027م) الذي يشتمل على التعريف بالكلية، ورؤيتها، ورسالتها، وأقسامها العلمية والإدارية، وكيفية الالتحاق بها، ونظام الدراسة فيها، والخدمات الطلابية التي تقدمها، وغير ذلك من المعلومات المهمة لطالب الكلية.
للاطلاع على الدليل يرجى الدخول على الرابط التالي:
https://drive.google.com/file/d/1yNLjgwBGlDsDJPuNJFwE5PZma0IT0sqe/view?usp=sharing
https://t.me/FOA2024

🚨 ملحقتش تدريب في بنك الصيف ده؟! متستناش الصيف الجاي! 🏦
الدراسة بدأت… ودي فرصتك تبدأ دلوقتي وتاخد خطوة حقيقية ناحية شغل البنوك
🔥 دبلومة البنوك الاحترافية – القاهرة 📍
📍 التدريب داخل معهد نظم ومعلومات القوات المسلحة
مش مجرد شرح نظري… هتتدرب بشكل عملي وتحاكي بيئة العمل البنكية 👇
✔ جهاز كمبيوتر لكل متدرب أثناء التدريب 💻
✔ تدريب عملي ومحاكاة لبيئة العمل البنكية
✔ تطبيق على سيستم مشابه لأنظمة البنوك
✔ تأهيل لاختبارات التوظيف والـ Interviews
✔ تدريب على أهم الوظائف والمهارات المصرفية
🎓 4 شهادات + خطاب توصية
💰 2200 جنيه بدل 3800 جنيه 🔥
💳 الدفع على 3 دفعات: 500 + 850 + 850 جنيه
📅 البداية: الجمعه 9 أكتوبر
⏰ الساعة 5.30 عصرا– يوم واحد أسبوعيًا
💻 حضور فعلي أو Online من أي مكان
للحجز والاستفسار: سجل بياناتك
https://tamk.net/c/mjx8cq

https://t.me/FOA2024
القناة الخاصة بالاخبار الهامة فقط لكل الكليات وحميع المحافظات ❤️

https://t.me/+CNQL4RvQvkgyZWFk
مجمع الشرح للجميع كله بيساعد الوجه الله ♥