السلام عليكم ورحمة الله وبركاته
خطة دراسة مادة التربية الإسلامية:

البداية نبيك تركز المادة سهلة وبسيطة وجميلة جدا وهدا لا شك فيه 🌷

ف طريقة دراستك فيه كالتالي:
-تقسم المادة، وتبدأ بالأهم والأطول
-تقرأ دروس من داخل يعني ما تكتفيش من دراسة أسئلة الدرس فقط وهدا خطأ، وليست كل الدروس مهمة أسئلتها، ف أعرف شن تقرأ


التقسمية حتكون كالتالي:
البداية بالعبادات؛ لانها الأدسم من درس الزكاة للحج للعمرة ومن ثم الأضحية والذكاة الشرعية ( حتركز فيهم على حكمهم، والأركان والواجبات)

من ثم حتقرأ القرآن الكريم والأحاديث، ف القرآن حتعرف عنوان الدرس متع كل سورة وحتعرف الآيات هادي من أي سورة ومن ثم انتقل للمعاني الكلمات

وبخصوص الأحاديث حتركز على الرواي ومعاني الكلمات وعنوان كل حديث، وتحفظ الأحاديث المقررة حفظها 🌷✔️

ومن ثم تنطلق لباقي الأقسام مثل العقيدة والسيرة والتهذيب


وحاجة مهمة، العقيدة أنتم ثاني دفعة تتمتحن في المنهج الجديد، ف الآيات والأحاديث في المنهج غير مطالبيين بحفظها، تقدروا تتطلعوا على أسئلة سنة فاتت وتعرفوا كيف جي بزبط🌷🌷🌷🌷


وأهم شيء في مادة هادي أسئلة سنوات، كثر منها
كل ما تكسد افتح pdf سنوات واطلع عليها حتى بعيونك-بعون الله - حتتمكن منها

ونسأل الله التوفيق والسداد للجميع 🌷

-دُنيا حكيم

⁣💌 وصلتك رسالة جديدة
⏱ وقت الرسالة: 2026/05/20 - 11:19:47 PM
----
السلام عليكم كيف بديتو تقرو للفاينل مع ضغط امتحانات الشهري🥲؟ اني قبل كنت ناوية بنبدا مواد دسمه قصدي زي رياضيات وفيزياء توا الايام هذينا امتحانات وجت العيد يعني خليتهن خليتهن لبعد العيد ها زعما نكملهم؟! والشغف منعدم حرفيا ماسد ماليناش واجد طالعين من الفترة وطول اختبارات والوقت ان شاءالله نقول يسدني غير كان نصفي النية بس واللي يصيم كيف مداير روتينه بالله؟ وبارك الله فيكم في ميزان حسناتكم🌻🌻
----

- تبرع لإستمرار عمل بوت صارحني 🎁

وَ عَليڪم السّلام وَ رَحمه اللّه وَ برڪاته .
لاءء مزال قاعدة نكمل فِ حجات مش قريتها من قبل، تكمليهم بإذن الله أول و ثاني يوم راحة و بعدين شدي عندك 26 يوم بعدين 3 أيام قبل أول مادة .
الشغف ميت بس لازم ينوض، فيك بارك الله 🌷.

فِ 26 يوم تقدري تقري :

يقعدلك 5 أيام قبل إمتحان الأحد .

تقدري تزيدي ل الكهرو و الرياضيات يوم يوم و يقعدلك 3 أيام لإمتحان الأحد .